|
حلقات برنامج ( بدون برنامج ) حلقة بدون برنامج دا الإسم الأنسب إلي حبيت أسمي بيه أول لقاء مع مورشو بعد رجوعه من الحظر و حبيت كمان أكون أنا إلي بستضيفة مش عارف اذا كانت حصلت قبل كدا ان أطراف الخلاف استضافوا بعض قبل كدا أو لأ بس عامة عارف ان أحمد بيحب الإستضافات ,,دا مدمن كمان:biggrin: فقولت بالمناسبة دي نعرض وجهات النظر و أحمد شخص غني عن التعريف و مش محتاج مقدمات و اثراء في ذاته (لحسن بيركبه غرور ههههه) لكن انت في أوقات معينة بتكون مضطر و مش بيكون أدامك غير انك تاخد اجراء معين مش بتلاقي غيره أنسب حسب منظورك حبيت من الموضوع دا نستعرض وجهات النظر عشان نبين اننا في النهاية مش بنمسك سيف و بندبح في بعض أو في الناس زي ما البعض بيعتقد من اجراء الحظر خلونا نبدأ الإستضافة حمد الله على السلامة يا أحمد نورت بيتك و مطرحك الله يسلمك والمنتدى منور باعضائة اكيد بداية كدا , انت عارف أنا شخصيا بقدرك أد ايه سواء في وقت غيابك باتصالي بيك أو بالردود هنا في المواضيع أو في وقت أي خلاف قبل كدا حصل ,و بحاول أتفاهم معاك و مع أطراف الخلاف ,, انت حاسس بكدا و لا حاسس اني دراكولا مصاص دماء ؟ :biggrin: دراكولا مصاص دماء :762: انتا كمان عارف انا بقدرك ازاى ودائما بقولك الكلام دا خارج المنتدى عموما والخلاف الى حصل بينا أكيد مش هيأثر على رائى فيك . طيب قولي أنا هسألك و ممكن ارد و انت ترد عليه تمام تمام قولي وجهة نظرك في الايقاف الي تم ليك؟ فى البدايه الايقاف حصل عن طريقك ودا حقك اكيد انك توقف اى عضو بيخالف قوانيين المنتدى ومن وجهة نظرك انى خالفتها فتم الايقاف وانا طلبت ان الايقاف يبقى نهائى فأكيد رائى هيكون عكس رائيك لانى طرف فى الخلاف لكن فى النهاية اهو ادينى رجعت تانى للمنتدى :biggrin: طيب انت نزلت اقتراحات , يعني من ضمنها ان فكرة الاداري المنتخب ما نجحتش برغم ان كتير بيشيد بيها و ان لازم نعمل مجلس اداري و حاجات كدا , دا طبعا رايك مافيش مشاكل في كدا, و تم الرد على اقتراحك و غلق الموضوع , و نزلت انت موضوع تاني عشان ترد على ردي و تم دمجه مع الموضوع الأول , بقى عندك ردك و بعدين ردي و بعدين ردك و كان ردي الاخير بالنص : ((قولت الي عندك يا برنس ؟ خلاص ندمجه مع القديم )), لأن كل واحد طرح وجهة نظره و ماكنش عندي كلام تاني , انت شايف هنا ان الخطأ ان المفروض تنناقش و دا خلاك تنزل موضوع تالت بدون مضمون بتضحك فيه و بتقول ادمج دا كمان و بعدين رابع بتقول الموضوع الي هنا اتحذف ليه بالرغم من انه كان بدون مضمون و تريقة و كافي ان عنوانه كان ضحك , قولي وجهة نظرك في فكرة اننا نتناقش لما لا نهاية بالرغم من ان كل طرف عرض رأيه ؟ انا استغرابى فى البداية كان بسبب انك قفلت الموضوع بعد ما قولت رائيك حتى مخلتش فرصة انى ارد على كلامك الى قولتة وكان ليا تعليق وكنت شايف ان لازم اوضحة واكيد دا حقى لانى صاحب الموضوع وكنت حابب المشرفين يدخولو يقولو رائيهم فى الموضوع عموما وحكاية ان يتم أضافة حد جديد لادارة المنتدى ويمكن بالصدفة دا تم تقريبا تانى يوم بتعيين ( ضياء ) داخل الادارة يعنى اعتقد ان كانت وجهة نظرى صح وطبعا انا عارف انك كنت هتعمل كدا عشان محدش يفتكر انى بقول انك اخد الفكرة فعينت أدارى جديد . لما نزلت الموضوع التانى كان عشان ارد على كلامك الى قولته فلقيتك زى ما قولت رديت بالشكل دا . اقتباس:
اقتباس:
وعلى فكرة انا رديت بنفس اسلوب ردك ضحكت زى ما ضحكت وقولتلك اة قولت الى عندى وقولتلك تقريبا ابقى ادمج دا كمان . طيب مش شايف يا أحمد انك استغليت مكانتك و شهرتك في التمسخر على الإدارة , أو بمعنى حسيت ان على راسك ريشة؟ كنت اتمنى حد غيرك يقول انى اتمسخرت بالادارة لانك عارف رائى كويس فى الادارة وحكاية استغلال مكانتى وشهرتى فى المنتدى انا مؤمن بحاجا ان لو اى عضو ساب المنتدى اكيد المنتدى مش هيخسرة والا هيقف على حد . في أعضاء كتير سألت ازاي ياخد حظر على طول بدون تنبيه أو مخالفة مع العلم ان الموضوع التالت (الساخر الي بدون مضمون ) حذفته ليك بدون ما أديك اي مخالفات أو أي تنبيهات عشان ما تنزلش واحد رابع و تقدر الموقف , أو تقدر احترامي ليك , و مع ذلك رحت منزل واحد رابع تسأل فيه عن الموضوع التالت!! , مش شايف ان دا كان استهتار منك ؟ طيب لية مقولتليش الكلام دا فى رساله خاصة مثلا :biggrin: عموما زى ما قولتلك الموضوع انتهى وادينى رجعت تانى عشان اقرفكم شوية توقعت انك تاخد حظر ؟ اكيد لما لقيت الموضوع بالشكل دا قولت هيبقى فيها حظر وبصراحة انا لما رجعت المرة الاخيرة مكنتش ناوى اكمل فى المنتدى وكنت قايل الكلام دا لبعض الاعضاء انى هدخل كام يوم ومش هكمل تانى فى المنتدى ولما حصل الحظر قولت كويس انها جت من المنتدى :biggrin: انت طلبت حظر دائم بعدها , و وافقت على طلبك لأني عارف انك شخص عنيد , ايه ردك؟ انا بعتلك انى عايز حظر دائم لانى زى ما وضحت مكنتش ناوى اكمل فى المنتدى وحكاية العند اكيد موجودة عندى بس مش على الفاضى اكيد . قولي عملت ايه في فترة الحظر سواء في حياتك الخاصة أو في حياتك النتية ؟ يمكن محستش أوى بغيابى عن المنتدى لانى الفترة دى مكنتش بدخل نت الا قليل ويمكن الفترة الجاية كمان دخولى هيبقى قليل ودا لظروف خاصة . لكن أن شاء الله الفترة الجاية اكيد هيبقى فى وجود ليا فى اليوميات وهكمل توبيك ( قادر وهعملها ) وفكرة التوبيك ان مش هيكون ليا دور لانى بستضيف عضو وبطلب منو حاجات بينفذها وانا دورى المتابعه فقط لكن لما اتاكد من دخولى بصفة منتظمة اكيد هيبقى فى توبيك جديد . طيب كنت متوقع اني أتصل بيك بعدها ؟ بصراحة اة بس انتا كنت متوقع انى ارد عليك لما تتصل :biggrin: ؟ بنسبة كبيرة آه قولي ايه انطباعك عني بصفة خاصة ؟ انتا عارف انطباعى عنك اية واعتقد دا كفاية انك تكون عارف ومش لازم كلة يعرف انطباعى اية عشان لو حصل خلاف تانى بينا محدش يقول شوف كان قايل اية علية :079: طبعا انتا من الاعضاء الى بحترمهم فى المنتدى بصفة عامه . طيب انت عارف رأي عنك أكيد , و في فترة غيابك قبل الحظر اتصلت بيك مرتين اشجعك انك ترجع لأنك شخص مشهود له نجاحه في المنتدى بافكارك و بطريقة طرحك للأسئلة و للحوارات , و بصراحة كلنا حبينا قسم اليوميات بسببك , بس احنا في منظومة لازم يكون فيها احترام متبادل , فهل شايف ان أنا قبل كدا ما احترمتكش في موقف معين ؟ الاحترام الحمد لله موجود مع الجميع وانا متاكد انى حصل موقف بينا وانا محترمتكش فية او أى عضو تانى مش انتا بس وقسم يوميات الاعضاء الحمد لله انة قسم حيوى فى المنتدى واعتقد انة من اهم أقسام المنتدى ولو انا ليا فضل على القسم زى ما بيتقال فأكيد الفضل بيرجع لاعضاء المنتدى انهم بيهتمو بالدخول فى القسم بصفة مستمرة . كنت هترشح نفسك في الانتخابات الإدارية الي تمت ؟ لا لانى مكنتش هوصل لمرحلة التصويت لانى عارف ان دخولى هيبقى قليل . وكمان لان مفيش حاجا اتحققت من برنامجى الى اعلنت عنة اول مرة . و قولنا ناوي تنشط القسم ازاي ؟ عندك خطط مستقبلية ؟ طول ما الواحد متواجد بالمنتدى اكيد هيبقى فى حاجات هيفكر فيها عشان ينشط قسمة فربنا يسهل الفترة الجاية وهنشوف هيحصل اية . حاسس بأي كره بيني و بينك ؟ :biggrin: أكيد لا حتى لو محصلش اتصال منك عشان ارجع المنتدى أكيد مكنش هيبقى كرة والا حاجا لان مهما كان دا منتدى فأى خلاف فية مش معناة ان الخلاف يبقى شخصى وانا دائما بفصل بين المنتدى والعلاقة الشخصية مع الاعضاء يعنى ممكن نبقى متخانقين لكن لما نكلم والا أكن حصل حاجا . لو قولتلك هات راسك أبوسها ؟:biggrin: وامشى انا من غير رأس :079: انتا عارف انها مش هتوصلك عشان انا من القاهرة :762: الموضوع اكيد مش مستاهل كل دا وكفاية انك اتصلت بيا . عندك كلمة أخيرة حابب تقولها ؟ أن شاء الله الفترة الجاية تبقى فترة كويسة بالمنتدى رغم الامتحانات واكيد هيبقى فى شوية خمول فى المنتدى لكن المنتدى موجود دائما واكيد مفيش اى عضو غيابة هيأثر على المنتدى لان المنتدى مليان بأعضائة . وكلمة للجدع الى عامل معايا الحوار دا طبعا انا مش هشكر فيك عشان محدش يقول انى بقول كدا عشان رجعت لكن بشكرك على الحوار الرائع . واكيد بعتزرلك بسبب الى حصل واعتقد ان مكنتش لازم يحصل مننا :079: لا يا برنس و لا يهمك , أنا مش بحب أعادي أي شخص و بزعل لو أخدت اجراء ضد أي عضو صاحب نشاط , لأن مالناش اي مصلحة في كدا غير اننا نحافظ على النظام فأحيانا مش بيكون أدامك خيار غير كدا بغض النظر عن صحته من عدمها لأن الخطأ فعل بيرتكب من كل البشر , المهم هو نية الشخص , سواء مني أو منك و أعتقد ان الخطا هنا ان وجد فيه أو فيك من الموقف فهو غير متعمد عشان كدا انت كنت متوقع اتصالي و أنا كنت متوقع ردك و منور يا مورشو من تاني و شكرا لقبولك الاستضافة و في انتظار نشاطك في قسم اليوميات بشغل زي زمان و أحسن و بالتوفيق دايما ,, |
سيبـك آنت آلعنـوآن جـآمد :biggrin: حمدآلله ع سلآمتك ي آحمد // وموفق ي طآرق ف آختيآر آلطرح دآ توقيت منآسب وكآن محتآج ينزل عشآن آلصورة تكون وآضحه يلآ ربنآ م يجيب خلآفــآت ودي ,, |
ما شاء الله لقاء جميل وكويس والله طارق فوق الوصف فى احترامه للاعضاء واحلا حاجه يا طارق انك بينت سبب الحظر للاعضاء هههههههههههه علشان كنت فاهم غلط انا و اهلا بيك يا مرشو وبطل مشاكل بقا نورت من جديد |
يوووووووووووووووووووووه تانى احمد تانى مش معقوله كدااااااااااااا :d لا بس بجد خبر جمييييييييييييل نورت من تانى يااحمد بيتك اكيد الى مايستغناش عنك مهما كان الى حصل بس اكيد المنتدى افتقدك كتير جدا وكالعاده طارق شخصيه قويه وبيعرف ازى ماهما حصل بينه وبين الاخرين انو مش ياثر على علاقته بيهم وهو دا الادارى الناجح ^^ حلقه جميله بجد نورت يااحمد وشكرا ليك ياطارق |
إضافة جيدة يا طارق واتمني لكـ التوفيق دائماً بحسن إدارة المواقف والبدء بالنوايا الحسنة ,, والف حمد الله علي السلامة يا مورشو نورت بيتك ومكانك واتمني لكـ التوفيق والنجاح دائماً ,, خالص الإحترام علي المبادرة الطيبة .. |
ادي يا جدي حوار جامد يا طارق مع اني مش فاهم مجريات الحذث نفسه بس تقريبا وصلتلي من الأسئلة حمدلله على سلامتك يا مورشو ومنور المنتدى يا غالي من جديد تحياتى |
نوورت المنتدي يا ابوحميد واخر الغيبات ياريس وتفضل منورانا عالطوال كده نورت بيتك ياريس |
حلقه رائعه دكتور طارق ومش جديد عليك الاخلاق العاليه والحكمه فى ادرة المواقف واهتمامك الدائم بكل اعضاء المنتدى ربنا يحفظك ويوفقك وحمد الله على السلامه موروشونورت المنتدى اكيد الكل كان مفتقدك لانك من اهم اعمدة المنتدى وغيابك اكيد أثر بشكل سلبى وان شاء الله مايحصل سوء تفاهم تانى وفى انتظار كل برامجك الجميله بالتوفيق ليك دايما كل عام والجميع بخير |
تسلم يا طارق علي الحلقه وعلي اخلاقك العاليه بجد حلقه جميله جدااا منك ومن العائد بعد غياب مروشو ان شاء كل الامور تكون خير نورت يا مروشو المنتدي الحبيب |
اكتر حاجه بتعجبني فيكـ يا طارق انكـ مش بتحب حد يكون زعلان منكـ من معرفتي بيكـ بحس انكـ بتبقا مضايق اكتر ما الشخص التاني مضايق ^^ روح جميله بينكـ وبين أحمد :/ ربنا يزول اى حاجة وحشه :) واديكـ يا عم أحمد جربت البدلة الرصاصي مفيش حاجة فـ نفسكـ تاني ؟! ههههههههه ارجع بأهـ لأم القسم دا وان شاءالله ميكونش في مشاكل تاني تحياتي :/ |
| الساعة الآن 10:16 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب