زمن السكوت انتهى .. جاء وقت الغضب .. بيان الاولتراسات الاهلاوية
 

اذا كان سكوتنا خلى الناس تفتكر انه ضعف يبقى شيطان خايب ولعب بعقولكم وكلامنا موجه لكل واحد افتكر انه هيقدر يموت القضية او يغير مسارها من حكومة لا تعرف الا عقلية النظام البائد فى حل المشاكل بأسلوب المتخلفين عقلياً , او اعلام قذر لا يعرف الا اسلوب الدعارة الاعلامية , او قاتل فاجر قتل ودبح وطلع النهاردة يطالب بكل بجاحة بحقوق !!!!!!!!!!!!!!!!!!!!!!!!!!!

فات 52 يوم واحنا بنطالب بالحق العادل ولا كسرنا ولا خربنا وقولنا فى ناس محترمة لسا عندها ضمير ممكن تريح قلوب امهات الشهداء وقلوبنا بأبسط الحقوق التى لم ولن تعوض عن خسارة ابنائهم واخواتنا ولكن واضح ان الصوت العالى هو اللى ليه الغلبة فى البلد واني لما انزل واكسر واقطع طريق يتعملى حساب ودة مكنش هدفنا ولا فكرنا عشان احنا لينا حق وبنخاف عالبلد وعلى مصلحتها ولكن بعد القرارات الهزيلة الظالمة التى صدرت من اتحاد الفساد ومن مجلس الوزراء اللى وعد نواب القتلة بالحفاظ على النادى المصري على حساب دم 74 شهيد

بس من النهاردة مفيش عقل قولوا علينا بلطجية مدمنين عملاء مجانين احنا اى حاجة ممكن تقولها بس احنا هنبقى مجانين عشان الحق يرجع بالقانون أو بدراعنا ولكم حرية الاختيار

احنا اصحاب حق واصحاب القضية وشوفنا الموت بجانب الشهداء وعندنا استعداد نموت عشان الحق يرجع واذا كان اللى ماتوا 74 ممكن فى اى وقت العدد يتضاعف ..

وبناءاً عليه.......

1- نطالب بمحاكمة خاصة وعاجلة لكل من شارك فى الجريمة سواء دبر لها او شارك فيها او نفذها مهما كان منصبه او سلطته والا نختذل المتهمين فى المقبوض عليهم فنحن لا نستطيع تكذيب اعيننا التى رأت الالاف فى الملعب تشارك فى المذبحة اما بالقتل او الشروع فيه او حتى المشاهدة والتصوير والذى يندرج تحت بند التستر على الجريمة

2- هبوط النادى المصـرى وتجميد جميع الانشطة الرياضية لمدة ثلاث سنوات وفى حالة خروج اى فريق للنادى المصرى فى اى درجة او مرحلة سنية خارج المدينة لا يلوم احد الا نفسه

3- عدم عودة النشاط الرياضى بالنسبة للدرجة الاولى الممتاز لحين استرجاع حق الشهداء بالكامل , وليس لنا اى علاقة بباقى مسابقات الدورى فى الدرجات الادنى

لذلك قررنا التواجد امام اتحاد الكرة الفاسد الجبان الذى تملى عليه القرارات من جهات اعلى شاركت فى المجزرة بحجة اللوائح والقوانين الذى اصدر القرارات الهزيلة فقررنا ايقاف اى نشاط لاتحاد الكرة حتى صدور احكام القصاص والقرارات العادلة

لذلك سيبدأ الاعتصام امام اتحاد الكرة يوم الاحد الموافق 26/3/2012 الساعة 11 صباحاً

وعلى جميع اهالى الشهداء و افراد المجموعة واولتراس ديفلز وجمهور الاهلى واحرار مصر وكل من له حق الاستعداد للتواجد والاعتصام حتى يتم تنفيذ المطالب

البيان هدية مننا للاعلام كمادة خصبة للحديث عنه وحشو البرامج فى الايام القادمة وزى ما اتعودنا منكم هتقولوا مين دول عشان يهددوا او يتكلموا بالطريقة ديه زى اسلوبكم المعتاد لارضاء الحاكم وهتقولوا بلطجية ومخربين بس احنا القشة الى هتقطم ضهر الفساد

ومن يريد التصدى لغضب الاولتراس واصحاب الحق واهالى الشهداء من جهات عليا نعتبرها شركاء فى الجريمة نتمنى وجودكم امامنا والعاقبة على من ابتدى

الحق راجع لاصحابه لا محالـــــــة

لنجيب حقهم لنموت زيهم

*

بصراحه انا مش هقدر اعترض
لغااايه دلوقتى مفيش اى اجراء حصل
وحاسه ان القضيه ماتت

على الاقل يطلعو لينا بيان بال حصل
او يقولو لينا اخر المستجدات فى الموضوع

مش عايزين الشهداء يفضلو طول عمرهم ارقام فى السجلات وبس

ربنا يستر على ال جى
وان شاء الله حقهم هيرجع تانى

فعلا مافيش اي حاجة حصلت

الناس اتسكتت و خلاص

ربنا ينتقم منهم يا رب

ان شاء الله كل صاحب حق ياخده

طيب يآمحمد ال موش عآجبهـ الوضع دلوقتي النآدي المصري

إتحآد الكورة مفيش بإيدو حآجهـ يعملهآ تآني

كول مآ يصدر قرآآآر ميعجبش حد

أنآ عآآرفهـ إن القرآت او بالأصح العقوبآت ال إتخذهآ للنآدي الأهلي

كتيرة وممكن فيهآ ظلم

بس بالمقآبل إتخذ القراات الصح

يعني هو بيمشي على القانون

جوزية تعدى على الحكم يبقى يتوقف صح ولأ لآ

وجمد النآدي المصري صح المدة موش كتيرة

بس ده نآدي ملهوش ذنب في ال حصل

جمهورهـ هو السبب

وكمآن حكآيهـ عدم رجوع النشاط الكروي إلآ عند عودة حق الشهدآء

دهـ متتقلش لأتحآد الكورة

دهـ تتقال للحكومهـ

والحق يتقآل

إن إتحآد الكورة بيعمل أقصى مآعنده عشان يرضي النوآدي كلهآ

وأنآ سمعت إنهـ هيلجأ للفيفآ في موضوع النآدي المصري

شكلو طفش *_*

دهـ رأيي ^^

الجماهير الفترة الاخيرة كان ندائهم

يا نجيب حقهم يا نمووت زيهم

وانا بقول شكلنا كدا

هنموت زيهم

عقوبات هزيلة وكلام فارغ وعالم متخلفة

بتقول قوانين