منتديات بنات مصر

منتديات بنات مصر (https://forums.banatmasr.net/)
-   أرشيف برامج اليوميات (https://forums.banatmasr.net/f164/)
-   -   الصورة الاولى من برنامج ( صورة وأفضل تعليق ) (https://forums.banatmasr.net/msryat342825/)

morshooo 04-01-2012 11:41 AM

الصورة الاولى من برنامج ( صورة وأفضل تعليق )
 

بسم الله الرحمن الرحيم

اهلا ومرحبا بكم

داخل قسم

يوميات الاعضاء

كل واحد فينا بيبقى لية تعليق خاص بية

يعنى مثلا لما نشوف صورة على النت اول لما بنشوفها بيجى فى بالنا على طول

تعليق عليها بس طبعا التعليق دا بيبقى مطابق للصورة بس فى التوبيك دا

هشوف تعليقاتكم على الصور هنا فى التوبيك والــ حابب يقول تعليق هيقولة

التوبيك هيكون متجدد أن شاء الله وكل يومين هنشوف صورة جديدة

وهنشوف تعليقاتكم على الصور الــ هيتم طرحها التعليق ممكن يكون

( سياسى - كوميدى - ثقافى - فنى ..... الخ )

ودلوقتى تعالو نشوف أول صورة معانا هتكون لمين

وهستنى تعليقاتكم عليها







http://www12.0zz0.com/2012/04/01/09/811015832.jpg

тoкα..♥ 04-01-2012 11:56 AM

عشـآن كل وآحد فينـآ عندو شخصيتين .. دوريتوس عملت كيس وآحد بطعمين مختلفين

^_^

مِسكُ الشَهادة 04-01-2012 12:16 PM

هههه أيه دا يا عم لحقتوا تعلقوا

الظروف متغيرة كما هي الحياة
فلا بد من التغير معها إن
كان هذا التغير للخير والمنفعة


أشكرك يا عم أبو تررررررريكة
موضوع رائع جدا والله

E7SsAs 04-01-2012 12:24 PM

موضوع حلو اوى

تعليقى هوه

(( اسمع كلامك اصدقك اشوف امورك استعجب ))

booody99 04-01-2012 12:28 PM

ههههههههههه أكيد كلنا شوفنا برنامج أبيخ نكتة ونكتة الجبنة

بيقولك سألوا الأخوان هل هترشحوا رئيس للجمهورية؟

قالوا لا وهم عندهم جوه ههههههههه

أبيخ نكتة بقى

تسلم على الموضوع الرائع

mīĐŏ ǺĻ ƒâηâη 04-01-2012 12:37 PM

واحد ميسيحى سآل مباركـ بيقولوآ هو ممكن ميسيحى يمسكـ رئآسة الجمهوريه
قـآلوآ ولا مسلمـ وحيـآتكـ :d

دآ تعلقيى

ساحر الأحزان 04-01-2012 04:40 PM

كل يوم برائى

وكل واحد مفكر ان الناس

ممكن تجرى وراة

وتنتخبة

تحياتى

Lost Pearl 04-01-2012 09:30 PM

حد يروح يركبله دعامة

بدال ما هو دعيييييييييييف

:762:

تسلم يا احمد

S n i p e R 04-01-2012 09:52 PM

يا بيه احنا جايبنلك احسن سعر

واسال برا

Mo7aMaD 3aLa2 04-01-2012 10:43 PM


http://www12.0zz0.com/2012/04/01/09/811015832.jpg

موقف غامض من الاخوان بل شديد الغموض ومثير للدهشة !!!
لأسباب :
1/ موضوع انهم بيغيروا موقفهم على حسب الظروف والمتغيرات السياسية
دى حاجة معروفة بالنسبة لأى سياسى وكانت لازم تبقى فى حسبانهم بمعنى انهم كانوا غير ملزمين
بأنهم يأكدوا فى أكثر من موقف على أنهم لن يترشحوا لرئاسة الجمهورية

‫خيرت الشاطر : لن نرشح إخواني و ترشيحي أمر غير وارد.‬‎ - YouTube

لان دة أمر أثار اشمئزاز الناس ,,
فـ اكتر من موقف كانوا يؤكدوا على انهم لا يسعوا الى سلطة
طيب اغلبية مجلس شعب وشورى ونقابات وتأسيسية دستور وكمان ترشيح لرئاسة الجمهورية
يعنى هم اية مفهومهم عن السلطة ؟ :biggrin:


2/ دائما ما يحاول الاخوان استرجاع صورة الحزب الوطنى فى ذاكرة الناس
بالسيطرة على مجريات الامور
اينعم كلة كان بانتخابات
لكن كمان لازم تعرف انك اخترت انك تتحمل معظم المسؤلية لوحدك وانك تبقى فى وش المدفع فى وقت لا يتحمل فية المواطن (1/10) مما كان يتحملة سابقاً
يعنى تقييم مجلس الشعب عند اى حد هو تقييم لحزب الحرية والعدالة وحزب النور وباقى الاحزاب اقلية
لما آجى احكم على مجلس الشعب والشورى كأنى بحكم ع الاخوان لانهم الأغلبية

3/ تفتيت أصوات الاسلاميين ,, لو انت بجد همك هو الصالح العام لبلدك حسب فكرك كان لازم تضع النقطة دى فـ اعتباركـ ,, اللى بيفكر يرشح مرشح ذات اتجاة دينى اسلامى بقى قدامة 4 ,, حازم صلاح ابو اسماعيل و سليم العوا وابو الفتوح والشاطر ,, ودة يصب أكيد بشكل مباشر لـ صالح احمد شفيق وعمرو موسى واذا كان عمر سليمان ,, عبد المنعم ابو الفتوح بالنسبالى فكرة سابق الجماعةا للى كان فيها بسنة لانهم رجعوا عملوا نفس الحاجة اللى كانت سبب خلاف بينهم أدت الى تركة للجماعة ,, وبسبب العناد والكبر لم يدعموة ,,

4/ فترة الحكم المقبلة من أصعب ما يكون ,, انا اعتقد نسبة نجاح اى مرشح فى ادارة الـ 4 سنوات المقبلة اقل من 50 %
كان بامكانك تلعب على مجلس الشعب الفترة دى وتفضل ممثل للشعب
تعملك كم اعتراض ع الرئيس وتظهر نفسك بأنك خايف على مصالح الناس وتاخد شو كويس
تؤكد بية ثقة الناس فيك,, بعدها ترشح نفسك بقلب جامد

5/ احتمالية فوز الشاطر من وجهة نظرى مش كبيرة ,, للاسباب اللى قلتها وعامل التوقيت كمان متأخر جداً ,, واذا خسر الشاطر يخسر الاخوان معة ويستنفذوا من ثقة الناس الكثير

اما عن الاسباب اللى قالوها

ان الظروف اتغيرت انا رديت عليها

وان هم مش عارفين يدعموا مين او بمعنى أصح المرشد مش عارف يدعم مين :biggrin:
لو انت زنقت معاك اوى وشايف ان ولا واحد يصلح
فـ كان بامكانك تطلع المؤتمر الصحفى وتقول كل عضو فـ الاخوان المسلمين يدعم المرشح اللى شايفة انسب من وجهة نظرة حتى كنت هتعلى فـ نظر الناس وتهدئ من حدة الانتقادات اللى بيتم توجيها للجماعة واسلوبها

تسلم ع التوبيك المميز يا مورشو

..










الساعة الآن 09:24 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w