اي مساعدة؟ السلامو عليكم ازيكم ان شاء الله تمام انا كنت في الاول مترددة جدا بس قررت اني مبقاش جبانه واطلب منكم مساعده انا دلوقتي في ثانويه عامه ومن 3شهور اختي اتوفت وده اثر عليا جدااااا تقريبا لغاية دلوقتي مبقتش زي الاول انا بهزر واضحك عادي بس انا مبقتش زي الاول وده اثر علي مذاكرتي في حاجات كتير ساعتها فاتتني وبقالي بتاع اسبوع مش عايز اذاكر ومضايقه وفي نفس الوقت مش عايزه انكد علي حد ولما قولت لواحده من صحابي قالتلي هي كمان نفس الحاله وانا مش لقيا حد احكي معاه ويساعدني ساعدوني ان شا الله بدعاء بس من قلبكوا سوري لو طولت عليكم |
ربنا يرحمها برحمتة ويدخلها جنتة وهو فعلا شعور حزين لما نفقد مقرب لينا وخصوصا اختك ادعيلها من قلبك وصلى ليها واقرائى ما تيسر من القرأن على روحها وادعى ربنا وتقربى منة انة يوفقك فى دراستك وان شاء الله توفقى ولاتنحرجى من اى شىء فنحن اخوتك دمتى بكل خير |
اقتباس:
|
اللهم امين الحمد الله قراتلها القران كله بحاول علي قد ما اقدر بس في مشكله صغيره انا كل ما افتكرها اقعد اعيط من غير مع نفسي المفروض اعمل ايه بقي هو لازم كدة لان فترة رحيلها قريبة والواحد منا بيحن برضة وبيتاثر على الغياب والفراق وان شاء الله مع الايام الحزن حيخف عنك ونسمع منك كل خير بنجاحك ان شاء الله |
اللهم امين يارب اقبل منه تسلم ياساحر انك موجود عشان تساعدني بجد انت نعمه الاخ |
ربنآ يرحمهآ ي رب بصي كل شئ بيتولد صغير ويكبر معآدآ آلحزن بيتولد كبير جدآ .. ومع آلآيآم بيتلآشى عآرفه آن ظروفك آبدآ مش سهله وآن آلكلآم غير آلفعل وآن آحنآ مجرد مستمعين ومستحيل آحسآسنآ يوصل للي آنتي فيه بس هي ف دآر حق وآحنآ ف دآر بآطل حآولي تفوقي لنفسك وتدعيلهآ دآيمآ وتثبتي نفسك ب نفسك لآن آكيد هي لو كآنت موجوده كآنت هتفرح جدآ لو ف ثآنويتك جبتي مجموع كويس آعتبريهآ معآكي وآعملي كدآ بردو عشآنهآ وفرحي آهلك ع آلآقل لآنهم آكيد مضآيقين زيك خلي حآجآ ولو بسيطه تفرحهم شويه وتديهم آمل ربنآ يصلح حآلك ي رب وآلقسم تحت آمرك ف آي وقت حآبه تتكلمي فيه :) آحترآمي ,, |
حببتي ,, ربي يرحم اختك و يسكنهآآ فسيح الجنآآت اكيد انتي معآآكي حق انك مش قآآدره تعملي حآآجه ,, لآآن الموقف بجد صعب و انآآ مهمآآ اتكلمت ,, مش هعرف احسآآسك عشان دآآ حآآجه مش سهله بس هقوولكـ : : : " لله ما اخذ و لله ما اعطى " يعني مش كل حاجه هتضيع مننا // هنوقف عليها حياتنا و مستقبلنا تفتكري لو كآآنت اختك حببتك عآآيشه .. كآآنت هتحب تشوفك كدآآ و انتي مش بتذآآكري و عندك سنه مهمه .. !! كآآنت هتتمنى تلاقيكي مضآآيقه ..!! اكيـــــد لآآ ادعيلها كل يوم الصبح و اقرأيلها الفتحه و ابدأي يوم جديد و دنيا جديده حطي جوآآكي امــل كبيـــر اعزمي على دآآ و قولي هذآآكر و هنجح ان شآآء الله هفرح مآآما و باآبا بيــآآ ,,, هعوضهم عن حزنهم و هقولك حآآجه .. فـ الفتره دي .. خلآآص " الحزن مش هيفيدك عشان الحزن لا هيرجع الي راآح و لا هيجيب الي جآآي يعني فكري فـ مستقبلك و الي نفسك فيه الكليه الي بتحلمي بيهآآ زي مآآ انتي يـ توتا عندك "سبب" مش مخليكي عآآيزه تذآآكري فكري و دوري ,, هتلاقي عندك "مليوون آآلف سبب " عشآآن تذآآكري و من اهم الاسبآآب :: هيكون هو نفسه سبب حزنك :) زي ما قولتلك ,, طلآآمآآ بتحبي اختك ,, شوفي ايه الي كآآن ممكن يسعدهآآ و هو انك تذآآكري و تنجحي قربي لـ ربنآآ و آآدعيلو و خلي حيآآتك حلووه ,, حطي قدآآمك احلآآمك و طموحآآتك و انا وربي كــل مآآ ادعي لنفسي :: هدعيــلك =) ربنا يـــ رب يصلح حالك و ترجعي تذآآكري تآآني طولت عليكي انآآ عاآرفه -_- |
اللهم امين وان شاء الله في ميزان حساناتكم وانا هحاول علي قد ما اقدر اعمل زي ما قلتو وانا فعلا ارتحت جدا لما اتكلمت معاكم يفسيتي اتحسنت يارب يخليكو ليا يا احلي اعضاء |
سمسمه قلبى طبعا انا لو بعرف اوصلك كنت خرجتك من الحاله ديه بس معلش بقا المهم ربنا يرحمها ويجازيها الجنه من الطبيعى انك بتكونى مكتئبه عشان الامتحانات حتى لو اختك لسا عايشه حاولى وانتى وقت المذاكرة امسحى ذاكرتك خـــالص وحالولى تفتكرى دايما انها شيفاكى وحاسه بيكى ونفسها تشوفك احسن واحه فى الدنيا ونفسها تحققى لاهلك حلمهم ادعيلها انتى بس وحاولى تركزى وربنا معاكى يا مزة |
يارب امين والله بحاول علي قد ما اقدر وربنا ان شاء الله يوففني وميرسي يا طمطم انك سمعتيني |
الساعة الآن 03:09 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب