منتديات بنات مصر - حلقات برنامج ( لو )

بسم الله الرحمن الرحيم

وانا صغير كنا دائما بنقضى تقريبا نص أجازة أخر السنه فى البلد فى الارياف ومش احنا بس الى بنسافر

كل اولاد عمامى بيسفرو يعنى كلنا كنا بنسافر وكنت بستمتع جدا بجمال الريف والجو الى عايشين فيه

كان حاجا مختلفه عن القاهرة هناك بشوف المناظر الجميله فى الآراضى الزراعيه خاصه أن ورا البيت عندنا

أراضى زراعيه فكنت بستمتع بيها وكمان كان فى ترعه صغيرة دائما بيكون فيها بط رايح جاى فيها فكنت دائما بقول

يـــأ ( لـــــو ) أقدر اعيش هنا على طول كنت سعيد جدا بالجو الريفى فى بلدنا الغريب كمان ان اصحابى الى هناك

كانو بيقولو يــــا ( لـــــو ) احنا نروح نقعد فى القاهرة .

بس مع الوقت عرفت هما ليه عايزين يجو القاهرة وانا عايز اروح الارياف بس دلوقتى اقتنعت ان وجودى

فى القاهرة احسن بكتير طبعا ^_^ .

النهاردة هتكون حلقه جديدة من برنامجكم

( لـــــو )

معانا عضوة متألقه دائما وهى

ريـــــم

تعالو نشوف المواقف الى اتحطط فيها

ونشوف ردها كان ايه عليها

لـــــو

جاتلك رساله خاصه فى المنتدى عنوانها ( بحبك ) ودخلتى لقتيها فاضيه ومن عضو معانا فى المنتدى هتعملى ايه ؟

كفايا العنوان قال كل حاجه مش لازم تفاصيل هههههههههه

لا طبعا ولا اكنى شفت حاجه اعتبر انى موصلتشى من الاساس

2 - جاتلك رساله من الادارة بانك ممكن يتم حظرك ومفيش سبب اتقالك فى الرساله هتتصرفى ازاى ؟

لا طبعا لازم اعرف الاسباب وهسال ليه هتحظر وعملت ايه ولو محدش رد على هنزل

التحرير وهوديكم فى داهيه هو انا شويه فى البلد

3 - نزلتى توبيك ولقيتى أول عضو بيقولك ان الموضوع تأفه وباقى الاعضاء قالو نفس الكلام رغم انك متاكدة من ضرورة الموضوع هتعملى ايه ؟

اكيد هما شايفين اكتر لانهم اغلبيه وممكن اكون شيفاه موضوع كويس لاكن يطلع العكس

وحصلت معايا عملت موضوع وكتبت اسم المنتدى على الصور ومافيش ولا رد عليه

كمان وكنت تعبت فيه بجد لان كان النت ضعيف وكل ما اجى انزل الموضوع يقوم قاطع

هههههههههه فعادى اعمل غيرو ويكون احسن منه باذن الله

4 - الادارة طلبت منك تختارى قسم تشرفى عليه هتختارى قسم ايه وليه ؟

الصور او السياحه لانى بعشق القسمين دول

اولا الصور وبالذات مواضيع عن الحيوانات والنباتات الغريبه دى متعتى الخاصه فى البحث عن كل حاجه غريبه

ثانيا السياحه لانى بحب الف العالم من خلال مواضيعى وبدور على الاماكن الجميله وعندى

صور على الكمبيوتر الجهاز تقيل من كتر الصور للحيوانات والصور السياحيه

5 - تم حزف قسمك المفضل فى المنتدى هتعترضى والا هتتصرفى ازاى ؟

اكيد هعترض وهبعت شكاوى كتيره لان كل واحد هنا ليه قسمه المفضل ليه واكتر تواجده

بتكون فيه فالو اتحزف اكيد هياثر على تواجدى فلازم هعترض واحاول اكلم اى مسئول

اسئله شخصيه

لــــو

6 - فجأة وانتى ماشيه فى الشارع شوفتى شاب حسيتى ان دا فتى احلامك هتعملى ايه ؟

اخ هتكعبل فيه قال مش قصدى يعنى ههههههههه

ولا حاجه يااما شفنى وحلمنا ههههههه

7 - جاتلك رساله على موبيلك بالتهديد من رقم شخص تعرفيه او زميل ليكى هتتصرفى أزاى ؟

هقله يابايخ هزارك رخم قوى

الحمد الله ومش غرور محبوبه من كل اصحابى وقرايبى

8 - وانتى ماشيه لقيتى ناس عماله تجرى وانتى مش فاهمه حاجا ^_^ هتتصرفى أزاى ؟

هههههههههه والله حصلت كنت ماشيه ولقيت ناس بتجرى خفت قلت اكيد فيه مصيبه

رحت جريت انا كمان من غير ما اعرف فيه ايه

9 - حد غالى عليكى جدا طلب منك حاجا تعمليها رغم انك بتكرهيها جدا الحاجا دى هتعملى ايه ؟

هعملها اكيد علشان خاطر عيونه انا عملت حاجات كتير غصب عنى لان الى طلب الحاجه

دى كان غالى على جدااااااا

10 - طلبو منك تقيمى التوبيك دا هتقيميه أزاى ؟

توبيك اكتر من روعه انى معاك ومبسوطه جدا انك اخترتنى وناس كتير هتتعرف

على اكتر انا بشكرا جدااا جدااااا

وبكدا بتنتهى حلقتنا

انتظرونى ومواقف جديدة

مع ضيفـــ / ـــه

جداد اوعو تروحو اى توبيك تانى

:079:

تحياتى

morshooo