منتديات بنات مصر - هتعملى اية فى اول الجواز.هتلبسى اية؟ ازاى؟امتى تعالى اقولك(تنشيط القسم

قبل اى حاجة
اما تتجوزى لازم تبقى انثى متكاملة
بمعنى

انك لازم تقومى ب 3 ادوار لجوزك

دة عشان طبعا تملى عينه ومش تحرميه من حاجة

1- البنوتة الكيوت الخجولة الرقيقة

2- الانثى الراقية الشيك اللى بتفهم فى التناسق وفى اللبس
3- المراة المثيرة اللى تخلى جوزها كداhttp://files.fatakat.com/bigsmilies/mood17.gif

ومفيش دور يغنى عن التانى
لو فضلتى البنوتة الكيوت الخجولة اللى بتلبسى اقطان على طول
هيحس انه متجوز اخته الصغيرة وهيزهق بسرعة

لو الانثى الراقية الشيك هيزهق عشان بيشوفهم فى الشارع كتير وهيتعود بسرعة عشان اتعود عليهم فى الشارع من قبل مايتجوزك

لو فضلتى المرأة المثيرة على طول هيضايق عشان هيوحشه خجلك اللى بيحسسه انك لسة بنوتة ووردة صغيرة متفتحة على ايده قريب

وطبعا قبل اى حاجة لازم ترضى جوزك
رضى جوازك من رضى ربنا
ومش لازم تحرميه من اى حاجة ابد ابدا ابدا
عشان مش يبص برة وسعتها هتاخدى وزر زيك زيه

الحياء مطلوب وشعبة من شعب الايمان
لكن الخجل شىء والحياء شىء تانى
بيفصل بيهم خط رفيع
والشاطرة اللى هتعرف تخلى جوزها ديما مش شايف غيرها
اللى تبقى عندها الذكاء انها تعرف تفصل بين الخجل والحياء
ومش تقطع الخيط الرفيع دة

ندخل بقى على الجد

هنعرف اليوم هنقسمه ازاى يعنى

اليوم هيبقى بالنسبة ليكى ياعروسة 3 فترات خاصة لو هتتجوزى فى الصيف هيبقى التلت فترت مناسبين جدا
عشان مش تلحقى تعرقى

دة بالنسبة للصيف
اولا فترة الصبح:
الفترة دى هتلبسى فيها حاجات اقطان كيوت
بيجامة نص حمالة كت او كاش رقيق كدا ويخليكى انثى

لية اقطان

اولا بتبقى صاحية من النوم لسة فبتحبى تبقى لابسة حاجة طرية على الجسم
دة غير بتعملى حاجات خفيفة فى البيت
او بتعملى فطار فلو عرقتى ولا حاجة القطن يشرب العرق

وفى نفس الوقت الاقطان بتخيلكى ملاك لسة صاحى من النوم

والراجل يحب يشوف مراته فى كل الاشكال مرة ملاك
مرة بنت دماغها مطرقة
ومرة انثى متكاملة

هنجيب اد اية منهم

هتجيبى فى حدود 6 بيجامات قطن
10 كاشات

هتكترى الكاشات لية
عشان فيها انوثة اكتر من البيجامات
عشان بيبان انها فساتنين
ومتقليش عن العدد دة
ودى اشكالها
http://files.fatakat.com/2010/6/1276606616.jpg
http://files.fatakat.com/2010/6/1276607599.jpg
http://files.fatakat.com/2010/6/1276608371.jpg

فترة العصارى:

يعنى على العصر كدا تدخلى بقى تاخديلك شاور لجسمك بس انتى كدا كدا غسلتى خلاص شعرك الصبح
وتدهنى جسمك طبعا بعد كل حمام بلوشن او كريم مرطب اللى بتسخدميهم
وهتلبسى لبس خروج بس بادى ومينى جيب
استرتش
فستان حلو كدا للنهار
بنطلون جينز لاجن
نوعى بين كل دة

حسسيه انك متفرقيش عن اللى فى الشارع فى اى حاجة
طيب الاعداد

هتجيبى 3 فساتين عشان بيقو غاليين فساتنين النهار اللى بيبقو زى التركى كدا شوية

الجينزات كدا كدا بتسخدميها فى خروجك بس الاجن هتشترى واحد لونه غامق
عشان يليق معاكى على حاجات كتير

هتجيبى بنتكور كارينا هاتى اللى يناسب الالوان الخاصة بالباديهات
هتجيبى واحدة مينى جيب جينز وممكن تجيبى كام واحدة قماش جنبها

اللبس دة صعب احدد فيه اعداد اوى

عشان الواحدة بتبقى عنده منه اساسا بس ممكن تلبس تحت البادى كارينا مثلا وهى خارجة
لكن فى البيت يبىقى من غير الكارينا

بس بصفة عامة

هاتيلك 7 اقطم مختلفين تغيرو فيهم ايا كان شكلهم بقى

فترة الليل:
طبعا دة فترة الدلع كله

الاقمشة بليل لازم تبقى نااااااااااااااااااااعمة
ستان- شيفون - فسكوز اى حاجة ناعمة وطرية

اية السبب ؟
الحاجات الناعمة بتبقى مثيرة لملمس ايد الراجل وبيحس بيها انك مراته
مش اخته الصغيرة اللى لابسة بيجامة قطن ولازقة جنبه فى السرير

هتنوعى بين القمصان الطويلة والقصير بس متكتريش من الطويل
عشان الرجالة مش بتحبو اوى
حاولى مش تقلى عن 20 قميص
مش كتير على فكرة
عشان اول شهر بيبقى لازق جنبك فى البيت
طبعا وانتى بتشترى قمصانك

لازم تبقى القمصان الوانها كمان مثيرة
يعنى مش تشترى اللون الى تحبيه بس وخلاص
لا لون تحبيه وفى نفس الوقت يبقى لون مثير
فى الوان معروفة انها بتبقى مثيرة فى قمصان النوم
زى الاسود والاحمر وغيرهم
دة لازم تعتمدى عليهم

الالوان الهادية الى بيتحبيها
ممكن تجبيبها فى لاقطان مش مشكلة
لكن بليل لالالالالالا

يعنى مثلا مثلا
عمرك شفتى بعض المطربات المثيرات فى حفلة ليلية
لابسة فستان كيوتى بينك لا قدر الله
اه ممكن تكونى شفتى
بس فى احلامك طبعا
ههههههههههه

عشان هى مش عايزة تعاطفك ولا مش عايزة الراجل اما يشوفها على التلفزيون
يقولى ياخلاصى على الكمال كيوت خالص
هههههههههههههه
لا ياحبيبى
دة عايزة العيون تتنح وتبحلق فيها
ومش تتشال من عليها
فهمتى ياقمر

ودة اقل عدد تجبيه
هتنوعى فى العشرين بين البيبى دول والقمصان الطويلة وهتجيبى 2 بس بروب كفاية
+ بيجامتين ستان دلع
+ 3 بيجامات فسكوز دلع اللى بيبقى مفصلين على الصدر وهينفعوكى كتير اوى فى ايام البريود
شياكة جدا جدا تلبسيها بليل وتجبيها من محلات بواقى التصدير
رخيصة جدااااا خامة عالية جدااااااااا وشيك جدااااااااااا
وفى نفس الوقت متبقاش ماسكةفى جسمك وتخنقك عشان البريود بتزود حجم الجسم

الشتوى
هيتقسم بالنسبة ليكى 3 فترات برردوة
اولا الصبح
هتلبسى بيجامة شتوى شيك كدا وفى البداية هيبقى شغل المطبخ خفيف اوى وهيبىقى لسة معاكى جوزك
هتقضيها الفترة الصباحية كلها بيجامة شتوى
هتجيبى فى حدود 8 بيجامات شتوى
وخلى بالك احنا فى شتا يعنى الهدوم مش بتنشف بسرعة
ومفيش ولا فساتين ولا حاجة عشان كل شوية تقلعى وتلبسى حاجة جديدة

ثانيا العصارى :
ياما هتلبسى لبس خروج شتوى دة لو لسة معاكى فى البيت فى اول الجواز لو مش لسة معاكى هتلبسى جلاليب شتوى عشان شغل البيت
البيجامات الغالية مش تتبهدل منك
ولو مش بتحبى الجلاليب هتشترى بيجامتين شتوى مش غاليين لشغل البيت وفى نفس الوقت يبقى شكلهم شيك عشان لو جه على سهوة ولا حاجة

العدد الجلاليب هتبقى فى حدود 4 -6

ثالثا فترة الليل :
هتجيبى روبين شتوى
هتلبسى تحتهم قمصان نوم عادى والروبين يدفوكى
طبعا دة لو انتى جبلة زى
هههههههههههههههههههه

وفى اختراع اسمه تشغلى التكييف سخن فى الشتا
فبلاش تقضيهاله جلاليب وبيجامات
عشان خاطر مايتخنقكش ويكره الشتا
لازم تبقى موزة فى كل الاحوال
وكدا كدا
اما تدخلى اوضة النوم هتتغطى يعنى مش حدوتة

التوتال

دلوقتى فى اعداد اللبس الخاص بالبيت

6 بيجامات قطن مشكلين بين الكت او الحمالة والنص

10 كاشات

8 بيجامات شتوى

4-6 جلاليب شتوى ويمكن الاستغناء عنهم لو مش بتحبيهم وتجيبى بدلهن 2-3 بيجامة شتوى مش غاليين

عدد 20 بيبى دول على قمصان طويلة ومنهم 2 قميص بروب

عدد 7اطقم خروج دلع فى الصيف

2 عباية استقبال بكم حلوين كدا

و4 صيفى بنص حلوين بردوة عشان لو حماكى جه ولا حاجة

والكاشات هتغنكيى عن الجلاليب التقليدية

الشباشب
اللى هتتلبس على الكلام دة
بالنسبة للصيفى
هتجيبى الالوان اللى هتتناسب مع البيجامات طبعا

القمصان هتيبجى 4 سابوهات بكعب عالى
اسود وابيض ودهبى وفضى
عشان الدهب والفضى الوان عامة هتمشى معاكى على هدوم كتير جدا

الشتوى
هتجيبى الالوان اللى هتليق على بيجاماتك ملا لكالك
واساسى منهم الفضى بخرز
عشان هيعفيكى انك تجيبى لالوان كتييييييييييييييييير اوى
وهيوفرلك كتير

ياريت يابنات تهتمو بنفسكم
وبلبسكم والتناسق والتنويع والمحافظة على رشاقتكم

بستغرب جدا ان فى بنات اتجوزت تنصح اللى لسة مش اتجوزت
تقولها
هاتى لانجيرى قليل عشان هتضربى بعد الجوز
ماهو له حق الراجل عينه تبقى مليانة فى اول الجواز وبعد كدا
يبتدى يبحلق برة
عشان انتى شبعتيه
ولبستى كل حاجة نفسه فيه
وبعد كدا ضربتى
وبقيتى مقضياها طويييييييييييل واقطان وفسكوز
ونسيتى الحاجات الحلوة الىل كنت بتلبسهاله

طيب ماهو بدل ماتهملى فى نفسك
ااهتمى باكلك
حافظى على جسمك
رياضة كل يوم اما ينزل الشغل
العبى شوية ايروبكس فى البيت
السعرات الحراية تقللى منها فى اكلك كتير
والبسى وادلعى على طول
متسبيش نفسك
ولا خلاص حجزتيه جنبك
واطلقتى لنفسك العنان

افضلى ديما حسسيه انك لسة عروسة فى شهر العسل
سعتها هو هيفضل شايفك مفيش زيك
وهيحس انه لسة متجوزك امبارح