منتديات بنات مصر - المطبخ من الالف لليـــــــاء .. انواعه و ادواته كلهاااا(تنشيط القسم)

]الموضوع ده مقسم لجزأين :

1) شكل المطبخ ونوعه وطرق ترتيبه
2)الادوات المستخدمه فى المطبخ

اولاااااا : انواع المطابخ

اولا : المطابخ الخشمنيوم و الالوميتال :

وهيا من اكتر مميزاتها انها مطابخ سهله فى التنضيف وضد الحريق وضد المياه .
بس لو عاوزة تعملى مطبخك الوميتال .. ياريت تكون المفصلات ايطالى وياريت تهتمى اووى بالصنايعى اللى هيعمله ومش نسترخص ... ( الغالى تمنه فيه )
لأن فى الوميتال متره بيبدأ من اول 750 لحد 1500 كمان
بس اكيييييييد الاتنين مش زى بعض .

المطابخ الخشمنيوم.. هيا هياها المطابخ الالوميتال بس هيا واخده شكل الخشب .
يعنى بتجمع بين شياكة الخشب وسهوله تنضيف الالوميتال .
ومتره بيبدأ من 1000 ل 1800 .

http://mtba5.files.wordpress.com/201...d8b1d98211.jpg

http://files2.fatakat.com/2012/1/13261330014668.jpg

http://files2.fatakat.com/2012/1/13261330877398.jpg

http://www.%d8%af%d9%8a%d9%83%d9%88%...010/11/122.jpg

http://files2.fatakat.com/2011/1/12946556817739.jpg

ثانيا : المطابخ الخشب :

انا عن نفسى ان شاء الله ناويه اعمل مطبخى خشب .. لانى اقتنعت بيه اكتر وشكله اقيم واحسن وعلى فكره هوا مش رخيص وغالى برده زى الالوميتال والله ..بس انا عن نفسى شايفه انه هيستحمل و هيعيش اكتر و بالنسبه بقى لموضوع الحشرات والكلام ده .. انا شايفه ان الرك على النضافه وانه لو اتنضف اول باول ان شاء الله مش هيبقى فيه حشرات و برده لو اتركب شفاط فلتر هيشفط الدهون والزيوت اول باول ومش هيأثر على المطبخ اوى ان شاء الله .
متر الخشب بيبدأ من 850 ل 1500
فى طبعا الخشب الارو وده انضف انواع الخشب بس انا اسمع ان متره غالى اوووى .

http://i277.photobucket.com/albums/k...e03-kitc05.jpg

http://test.studiok-rfc.com/wp-conte..._cabinets1.png

http://cjhomeservices.com/gallery/al..._019.sized.jpg

http://www.bridgat.com/files/solid_w...en_cabient.jpg

دى كانت مجموعه من الصور للمطابخ الالوميتال والخشب .. مش شرط ان احنا نعمل زيهم بالضبط بس احنا ممكن ناخد فكره من كل حاجه او شكل او لون معين طريقة توزيع لاضاءة .

فاحنا كده عندنا تلات انواع من المطابخ وطبعا فى اختلاف كبيييييير بينهم .
بس انا رأيى الشخصى ..ان الخشب احسن فى الاستخدام بس هوا بيحتاج تنضيف اول باول .
انما الالوميتال اعرف انه سهل فى الاستخدام والتنضيف بس ممكن بيفتكك بسرعه او بيبوظ بسرعه ... وده كلام اتقالى من ناس اعرفهم وفى ناس طبعا برده اعرفهم .. شكرت فيه .

دولاب المطبخ

دولاب المطبخ ده مهم جدااا ولازم نهتم بتوزيعه عشان كل حاجه هيبقى ليها استخدامها .. طيب ايه اهميه دولاب المطبخ ده ؟؟

1) بنشيل فيه الصوانى والحلل والحاجات اللى بنحتاجها فى عمل الاكل .
2) تانى حاجه انه بيحافظلى على شكل المطبخ و بيخلى المطبخ دايما مرتب ومنظم لانه بيشيل حاجات كتير طبعا و بيحافظ على الحاجات اللى زى المكرونة والرز لانه بيبعدها عن الحشرات وعن الاتربه الموجوده ف الجو .

انواع لدولاب المطبخ :

1) فى دولاب لــ حمل الحلل وده لازم يكون واسع عشان نقدر نحط فيه الحلل الكبيرة قبل الصغيره ويفضل اننا نحط الحلل التقيله فى الارفف اللى بتكون تحت عشان لو وقعت لا قدر الله مايحصلش حاجه .

http://lib.store.yahoo.net/lib/yhst-...324411/053.jpg

2) وفى دولايب متوسطه الحجم .. دى بتبقى مخصوصه للاطباق والفناجين والكوبايات .

3) وفى دولايب بيبقى فيها كماليات زى مثلا السله الدواره .
http://files2.fatakat.com/2012/1/13261410572049.jpg

4) وفى بعض الضلف او الدولايب بس دى بتكون صغيرة الحجم لانها بتحتوى على الشوك والمعالق والسكاكين .

http://files2.fatakat.com/2012/1/13261414949982.jpg
http://files2.fatakat.com/2012/1/13261415893779.jpg

5) بالنسبة لمعالق الغرف زى اطقم التوزيع الاستانلس او التيفال او الخشب ممكن نحطهم على الرخامه ... بس تكون قريبه من البوتاجاز عشان احنا بنستخدمهم كتير واحنا بنطبخ .

http://files2.fatakat.com/2012/1/13261421404136.jpg

6) بالنسبة للبهارات .. ممكن برده نخليها برده على الرخامه .. هيكون شكلها شيك وهتبقى قريبه لاننا بنستخدمها برده كتير .
بس اهم حاجه بنحط البهارات فى علب محكمة الغلق.

http://files2.fatakat.com/2012/1/13261421902711.jpg
http://files2.fatakat.com/2012/1/13261493565596.jpg

7)و فى دولايب برده ممكن تكون مخصوصه عشان نحط فى سلة المهملات .

http://files2.fatakat.com/2012/1/13261424311300.jpg

9 ) وطبعا فى دولاب بيكون فوق الحوض عشان نحط فيه الاطباق بعد غسلها عشان تتصفى .

http://files2.fatakat.com/2012/1/13261425399357.jpg

مهما كانت مساحة المطبخكبيرة أو صغيرة تعاملي مع تخزين الحلل او معالق الاستخدام او ..... على أنه فن وانه هيحدد شكل مطبخك سواء كان مرتب او غير مرتب .
توزيع الادراج والضلف :

كتير من الناس بيختاروا توزيعه الادراج والضلف فى المطبخ بشكل عشوائي لانهم بيدوروا على الشكل الخارجى بس .. ومش بيستفيدوا من الادراج فبتكون الادراج غيرمنظمه.
لازم لما نوزع الادراج والضلف .. نوزعها بطريقه نقدر نستفاد بيها .

http://files2.fatakat.com/2012/1/13261428353546.jpg

** هناك اشياء يجب مراعاتها عند شراء او صناعه دولاب المطبخ :
1-ملائمة اللون مع لون الارضيات والحوائط .

2- اختيار الخامة المناسبة والتي تتحمل الابخرة والزيوت مثل الخشبالمغطى بطبقة حافظة او دهان خاص مثل الوود شيلد او الالوميتال .

3- اختيار انواع جيدة من المفصلات والاكسسورات الداخلية والتي تتحمل كثرة الفتح والغلق ويستحسن المفاصل الايطاليه لان اغلب اللى موجود فى السوق دلوقتى مفصلات صينى .
4_ نراعى المساحه فى اعتبارنا ومش اى مطبخ نشوفه يبقى نعمل زيه وخلاص المهم انه يكون متناسب مع احتياجتنا.

مطبقية المطبخ :

طبعا ماينفعش نستغنى عنها واللى بقت دلوقتى بتدخل جوا تقفيلة المطبخ و فى منها اشكال كتير طبعا .

http://files2.fatakat.com/2012/1/13261435837807.jpg

http://files2.fatakat.com/2011/2/12970771595062.jpg

كده خلصنا من دولاب المطبخ وانواعه وطرق ترتيبه .
نشوف بقى الحاجات اللى هنحطها فيييه .
ثاااااااااااااااااااااااانيا :

بعد ماجيبنا تقفيلة المطبخ .. هنحط فيها اييييييييييييييه ؟؟؟

1) الحلل ..
ومن رأيى الشخصى ان احنا نشتري نوع كويس .. اينعم بيكون غالى بس الغالى تمنه فيه زى مابيقولوا
ممكن اجيب حلل ويكون تمنها قليل بس تبوظ بعد شهر او شهرين من الاستخدام انما لو حاجه غاليه ونوعيتها معروفه اكييد هتعيش وبرده ترجع لامكانيات كل واحده .( لا يكلف الله نفسا الا وسعها .

فى انواع من الحلل زى التيفال والاستانلس والالومنيوم والصاج والسيراميك والبيركس .

طبعا احنا مش هنشترى كل ده .. لالالا احنا بنشوف احنا نفضل استخدام ايه ونجيبه نجيب مقاسات مختلفه منه .
يعنى ممكن نجيب استانلس وتيفال بس .
وممكن الومنيوم وتيفال
وممكن صاج واستانلس .. كل وااااااااحده حره .. على حسب هيا هتستخدم ايه .
بس العقل ابدااااااا مايخلنيش اقول انى اجيب كل الحاجات دى ..كده حرام لانى مش هاستخدم كل ده وطبعا ربنا بيحاسبنا عن فلوسنا اللى بنصرفها دى .. اذا كنا صرفناها فى حاجه مفيده او لأ ؟

2) الصوانى ..
عندك صوانى تيفال واستانلس والومنيوم وبيركس وسيراميك .
برده هنشوف احنا بنفضل انهى نوع و عدد مناسب مش كتير ونجيبه ...
فى صوانى هنسخدمها للكيك وفى صوانى للطبيخ وفى للحلويات .

3) الطاسـات ..
فى منها برده الومنيوم وتيفال واستانلس
بس الافضل فى الطاسات التيفال على مااعرف وممكن معاها طاسه او طاستين الومنيوم او استانلس .
عشان يعنى لو حبيبتى تعملى تقليه .. حرام نعملها فى التيفال ونبوظه .

) الحاجات اللى بتتسمى برفايع المطبخ وهيا اصلا مشكــــــــــــــــــله لوحدهاhttp://files.fatakat.com/bigsmilies/mood19.gif

طقم اطباق لاستخدام المطبخ
كوبايات شاى
ماجات للنسكافيه
ماجات للشوربة
كوبايات مياه
طقم توزيع استانلس
طقم توزيع خشب اوتيفال
معالق وشوك لاستخدامها فى السفره
شنطة سكاكين لاستخدام المطبخ
معالق للاستخدام اليومي
طقم توابل دوار
طقم توابل للملح والشاى والسكر
طقم خشاف
قوالب للكيك
طقم للفروت سلاط والجيلي
طقم للايس كريم
ولاعة مطبخ
فتاحة
مقوار للمحاشى
صينية كبيرة للعشاملامين وصينيه وسط
صواني استانلس للتقديم
طقم قهوه
طقم كنك للقهوه .. ( استانلس او تيفال او الومنيوم او صاج )
غلاية كهرباء
براد استانلس
حافظ طعام
اطباق لغسيل الخضروات والفاكهه
طبق لتقديم الفاكهه
مريلة مطبخ
عياشة ( يتحط فيها العيش )
قطاعة بيض
قطاعه بيتزا
صفاية للملاعق
مسنة للسكاكين بيجى مع شنطه السكاكين ومعاه مقص السمك
مانعة فوران اللبن
قشارة بطاطس
مبشرة للبصل
فوط للمطبخ
عليقات لفوط المطبخ
جوانتى
الاستاند لتقطيع( بلاستيك او خشب)
سكريه شيك
شياله الكحك
عصارة اللمون
مضرب البيض واكييييييييييد خلاط بمطحنتين
شفاشق مية بلاستيك
برطمانات لحفظ المكرونة والعدس وال .......

** دى تقريبا الحاجات اللى انا افتكرتها دلوقتى.. بس اكييييد احنا بنجيب المهم بالنسبه لينا وبعدد معقول مش فكره اننا نجيب وخلاص .
وربنا يتمملنا كلنا على خير يااااااارب

كده انا خلصت يابناااااااااااااااااااتhttp://files.fatakat.com/bigsmilies/mood9.gif
يارب الموضوع يكون مفيد بالنسبالكم ويعجبكم