عندي لك طريقه ..
اذا رتبتي دولابك فيها صدقيني حترتاحين ..
اذا عندك غرفة ملابس حتكون في الدولاب الاقرب ..
واذا ماعندك راح تكون في الرف الاقرب او في العلاقات الاولى ..
بدل ماتقعدين تحركين في هالعلاقات كل يوم .. ..
البلايز اليوميه .. البناطيل اليوميه .. التنانير اليوميه .. الجلابيات اليوميه ..
هذه تكون على الطرف ..
بلايز الطلعه .. بناطيل الطلعه .. جلابيات الطلعه .. تنانير الطلعه ..
هذا تكون في آخر دولاب او الرف العلوي او آخر التعليق ..
والاحلى لمن تكون مقسمه ملابس الطلعه بلايز كم طويل .. بلايز كم قصير .. كت ..
والتنانير .. طويل .. قصير ..
البناطيل .. جينز .. قماش ..
صدقوني كذا ماتضيعون في الاختيار ..
بسرعه تختارين لبسك بسرعه تلبقين له ولاتحوسين هنا وهنا ،،
ف
اذا ابغى مشتهيه اليوم البس تنوره طويله اروح للتناير الطويله ،،
مشتهيه اليوم بنطلون قماش لقيته بسرعه ماهو مدعوس بين التنانير و الفساتين ..
يعني راحه الصراحه ..
حلو لو تمسكين الفساتين وتنظمينها بهالشكل ..
اول شئ الفساتين الطويله .. بعدين الفساتين القصيره ..
وتخلين الجلابيات اذا عندك قبل الفساتين الطويله ..
كذا بسرعه اذا تبغين الفستان القصير الفلاني ماتروحين تدورين بين الجلابيات ،،
وفساتين الاعراس الافضل يكون لها دولاب خااااص لانها تااااكل مساحه
خصوصا اذا كانت منفشه وفله )))
او تحطين في آآآآآخر الدولاب ..
قسم ملابس النوم ..
اذا حابه تعلقينها علقيها لكن بشرط البلوزه مع بنطولنها ..
اذا حابه تطبقينها كمان شرط تطبقينهم فوق بعض .. ويكون رف للبجايم او قسم تعليق لهم لحال
لان طبعا الكل يحب البجايم فتكون يااااااااكثرها عندك ..
قمصان النوم الستان ممكن تتطبق لكن حترفع ضغطك لانها تتزحلق
او ممكن تعلقينها بالعلاقه اللى لها مكان للحبل ..
او ممكن تاخذين سلال او كراتين حلوه ..
تحطينهم فيها مع كورة رائحه زكيه ياسلام ، وتكون تحت التعليق في دولابك ..
او في رف فاضي في غرفة ملابسك او اذا دولابك كبير
او ممكن تشترين المقسمات .. تلاقينها في ايكيا ..
الشوز في دواليب يكون لها مكان خاص ..
وبكذا يكون احلى و احلى .. والشنط قريبه من الملابس
ممكن تحطين شوز الطلعات ،، لكن طبعا شوزات الاستخدام اليومي تكون في مكان خارجي في غرفتك او عند مدخل البيت .. ممكن تاخذين لها هالرفوف تلاقينها في كل محلات كماليات البيت
http://m002.maktoob.com/alfrasha/ups...131/452164.jpg
الشنط ..
و مااااا ادراكي ما الشنط ..
بعضنا يحطونها في رف في الدولاب ،،
لكن القهر انها تخرب اذا مرميه فوق بعض ..
بعضنا يعلقها في شماعه او علاقه العبايات .. لكن برضها مو حلو شكلها او ماتكفي ..
وحتى في بعض الشنط الجلديه اذا معلقتها وفيها شئ تخرب ..!!!
الحل
انه اما تشترين من البوكسات الكبيره
وترصين الشنط فوق بعض بشكل منظم ..
لكن هالحل مو عملي .. راح تنسين الشنط وبسرعه تتقربع ..
لكن الافضل انه تشترين من العلاقات الجداريه .
ثنتين او ثلاث .. على حسب كمية شنطك
وتثبيتن العلاقه داخل دولاب ملابسك على جنب ..
واذا دولابك مافيه مكان ومايشيل علاقه وشنط
ممكن تعلقينها على جدار غرفتك لكن في مكان غير واضح لان اذا شنطك كثيره
حيكون شكلها مو حلو وفوضوي ..
لكن داخل الدولاب احسن ،،
لان افضل الشئ تكون الشنط كلها معروضه قدامك ..
الملابس الداخليه في سله ..
http://m002.maktoob.com/alfrasha/ups...131/452165.jpg
بس الافضل السلال لانها ماراح تكون مطبقه طوال الوقت في الدرج لازم تتقربع !!
وتكون في سله لبرا السهرات ، المشدات .. وهذه السله تكون في مكان خلفي او مكان بعيد
لان ماراح تحتجاينها كل يوم ،، يعني عشان ماتاخذ لك مكان في الدولاب وتسوي لك زحمه ..
،انتي ماترجعين لها الا يمكن مره كل شهرين !!!!
في الرفوف القماشيه ..
هذه حلوه مرررره تشيل اللى تبغين ...
عندك علاقة الاحزمه .. ممكن تعلقين فيها الشنط
علاقه الباب العلويه .. توفر مكان
هذه للحمام .. لكن ممكن تعلقينها على باب دولابك
علاقة السكارفز ترتب الدولاب :
ولتوفير مكان اكبر ..
لازم تنرفع ملابس اللي ماتلبسينها حاليا ..
مثلا ملابس الصيف بوقتنا هذا .. تحطينها في شنط وترفعينها ..
او تجيبين باسكيت كبيره من ايكيا او تفصلين دروج تخزين تحت السرير ..
ومن الطرق اللى تنظم الدولاب وتخدمك ..
انك تصنفين الملابس باللون و الشكل ..
الاسود مثلا .. ترصين البلايز جنب بعض ..
الوردي .. الازرق وكذا .......
