منتديات بنات مصر - سلفني حلقه

http://i.imgur.com/xtC9F.png

اهلا بكم في لطشه جديده من سلفني حلقه
فكرة البرنامج من هنا

البرنامج دا بيقدمه مشرف اليوميات
كبرياء رجل

مقدمة عن البرنامج

البرنامج عباره عن استضافات للاعضاء لفتح باب المناقشه في امور عديده سواء هنا في المنتدي او في الحياه العاديه
خلونا نبدا الحوار
*حاولت التزم باسلوب المضيف في تقديم الحوار

معانا عضو عرف بوجوده الهادي نوعا ما
عرف عن تعامله الراقي والمتقدم
فرض احترامه علي جميع من حوله
صاحب اقوي برنامج فكاهي هوه اللي جبلنا طنط جمالات
بجد ربنا يسامح اللي عاوز يسالك كل دا طلعت عيني

عشان تعرفي بتوع البرامج بيتعبوا ازاي

اهلا بيك بقي في برنامجك واول مره ضيف فيه

اهلا وسهلا بيكي واشكرك على المقدمه الجميله :biggrin:

_ بدايه من هو كبرياء رجل في سطور

اقتباس:

اقصد بيه كرامتي وعزةنفسيوليست كل العقول تفهم ما تريدولكن افعل ما تريدبشرط ان لاتتخطى اي خطوط حمراءودون مس اي شخص بسوء

_دا كان ردك في استضافه من مسك الشهاده تفتكر اعتزازك بكرامتك سبب يخليك تبعد عن الاعضاء والناس هنا

لا ابدا عمري ما فكرت في كده والامر بعيد كل البعد ملوش علاقه بين اعتزاي بنفسي او اسئل على حد
يمكن عدم تعود او طباعي كده هو يمكن طبع فيا
اني انعزالي شويه
انا بشارك في السجل والترحيب
وده يمكن مش مبعد عن الاعضاء
ويكفي ان الجميع على البال الحمد لله

ايه هيا الخطوط الحمراء عند كبرياء رجل غير المساس بكرامته

اكيد يمكن عيوبي كتير وان اي كلمه من اي حد بتحسس منها جامد
وبتأثر على سامي قبل كبرياء بحاول اجمع نفسي بس للاسف مش بنسى بسهوله اي اسائه حتى لو بدون قصد

_بداية كبرياء كان قسم الشعر والخواطر ليه بعدت عن القسم في الفتره الاخيره
زي ما قلت انشغالي بالاشراف
وبعض الامور الخاصه
بس بتابع على قد ما اقدر سواء بالمواضيع او بالردود

_بما انك بتحب الشعر والخواطر وقلم مميز ليه اخترت قسم يوميات الاعضاء

لاني حبيت القسم ده
انا بالنسبه ليا من افضل اقسام المنتدى
من حيث البرامج وتواصل الاعضاء فعلا قسم مميز
وباقي الاقسام ايضا هناك اقسام اخرى اعشق المشاركه بها

_شايف ان كان فيه تحدي او صعوبه للوصول للاشراف في القسم بما ان القسم كان فيه مشرفة زي فارما مميزه بمواضيعها

ومورشو برضو نشاطه مميز جدا في القسم
بس كل اللي عملته خليت القسم في دماغي صدقيني في يوم بس كان عندي ال3 افكار
للبرامج اللي شغال بيها دلوقتي عضو على طاولة الحوار
ويوميات طنط جمالات
وتخبيط
واخيرا اشتغلت بنشرة اخبار الخامسه والعشرون

_شايف انك حققت انجاز في القسم

والله الناس اللي تقول كده
انا مقدرش احكم على حاجه زي دي
نسيب السوال ده ترد عليه الاعضاء وبامانه من غير مجامله
ومش هزعل من اي كلام او اي نقد

_قولي سلبيات وايجابيات قسم اليوميات
سلبيات ان مش كل البرامج اللي بتزل نقول عليها كويسه
ده من وجهة نظري
اما الايجابي فمشاركه كل الاعضاء بتميز وردودهم بتبقى من صلب الموضوع والتزام البعض بالقوانين

_ايه اسباب استمرارك في المنتدي بالرغم المشاكل اللي حصلت في بداية تواجدك ؟

المشاكل هو اختلاف في وجهات النظر
والجميع يختلف مع بعضه ولا يوجد احد بدون خلافات الا القليل
المشكله كانت في
توصيلك لوجهة نظرك بالطريقه الصحيحه
والحمد لله المشاكل هديت
ولو عوزاني امشي حاضر امشي مفيش مشكله :biggrin:

_حسيت في فتره انك عاوز تسيب المنتدي وايه كان السبب لو حسيت بكدا

هي فعلا حصلت بعد عودتي من الايقاف

يعني ممكن تحس انك لوحدك ومحدش سامع صوتك

او ممكن حد يسمع رأيك سواء انت صح او غلط

كنت محتاج اتفاهم مع حد حتى لو انا غلطان انا مش بقول اني صح

بس الموضوع كان محتاج توضيح

ويمكن عبرت عن كده في حوار مع عاشق وقولت اللي عاوزه

بس اتاكدت ان صعب عليا اني اسيب المنتدى لاي سبب

الا لو الموضوع تعدى معي الخط الاحمر فالوقت ده مش هقدر اكمل

وكفايه اني طلعت من هنا بناس هيبقوا في بالي دائما وبحترمهم بجد

وربنا يقدم اللي فيه الخير واحنا الحمد لله موجودين وكويسين اهو

ومبدانا مش بتتغير الحمد لله

_ايه سبب مشاكستك مع البنات بقي من مقالب وخزعبلات واخرها شخير الستات وطنط جمالات

لا موضوع اضرار شخير السيدات كان طلب مني في العضو المدلل

والله هي مش مشاكسه هو الموضوع كان بالصدفه من اول ما بدئت حلقات طنط جمالات

عملت جو كويس وفي روح منافسه كويس والحمد لله ان كل حاجه كانت باحترام ولم نتعدى

عجبني جو المنافسه اللي حصل وكنت بكمل على كده وطنط جمالات لسه موجوده وفي مفاجات كمان

وعلى فكره انا مش من الناس اللي بلم بنات حواليا زي ما حد قال

بس عجبني الجو الكوميدي الذي لم يتعدى والحمد لله ان الناس كلها كانت فرحانه بالحلقات

_وبالمناسبه بقي قولي رائيك في الجنس الناعم

رأيي كتبته كتير واني بحترم جدا الجنس الناعم

وبحترم رئيها ودورها واثبات نفسها وسط المجتمع

_طنط جمالات وطبعا لازم نسال عنها جاتلك فكرة التوبيك دي ازاي وشايف فعلا ان دا التوبيك اللي عرف الناس علي كبرياء

طيب الحمد لله يبقى كده انا مش انعزالي

او مش حابب اقرب من حد

التوبيك عرفني على ناس كتير انا بحترمهم

الفكره عادي جت شويه شويه

ان ازاي تبقى في ست مفتريه قاعده في المنتدى بقالها سنين ومن اوله

وبتكره البنات وكل شويه تضرب فيهم

ومواقف كوميديه كتير ومقالب فيهم

وحتى ردود الاعضاء بمواضعيهم كانت جميله جدا بصراحه

هو نام شويه بس شغال

_ماذا يعني لك المنتدى
جزء كبير من حياة كبرياء
اختار اسم عضو

_عضو تعلمت منه الكثير ؟
كل قلم ساعد كبرياء على النهوض ولم يتخلى عنه

_عضو تتمنى ان تراه شخصيا
كل شخص يجذبني قلمه وفكره وتميز اخلاقه

_عضو لا تتمنى ان يغيب ابدا ؟
كل عضو يخاف على مصلحة هذا المكان

_عضو مشاغب؟
طنط جمالات على راي محمد عكاشه

_عضو يعتبر المميز في نفسك ؟
هو من يتحملني

_عضو يثير اهتمامك؟
من يجذبني برقي قلمه واخلاقه

_عضو تكونت لديك علاقة معه عن طريق المنتدى؟
البعض والحمد لله
وجميعهم اعتز بهم

_شاعر المنتدى ؟
كل قلم يعبر عن احساسه بصدق

_مشاكس المنتدى
كل البنات اللي عاملين قلق

قلب المنتدى؟
كل شخص يهمه اسم منتدانا
ويخاف على الصالح العام

_معشوق الاعضاء؟
كل عضو يجذب الاعضاء برضي ما يطرح
من مواضيع وردود وحسن تعامله مع الاخرين

_الكاتب المميز؟
بعض الاقلام وليس كل قلم

_ايه رايك في سياسه الاداره ؟وشايف ان قرارتها بتبقي عادله دائما
طبعا جو التوتر اللي عشناه حاجه تضايق
بس ربنا يقدم اللي فيه الخير
من اجل هذا المكان اللي حبناه بجد

_ايه رائيك في كلا من
سيلفر ومحمود وقلم بلا حبر وساحر الأحزان
جميعهم اشخاص مميزون في ادارتهم

وطريقة تعاملهم مع الاعضاء

_الحياه السياسيه وكبرياء

ايه رائيك في الاحداث الاخيره اللي حصلت وحل مجلس الشعب وعدم الاقرار بقانون العزل

بصراحه فرحت لما المجلس اتحل والا كان رد فعلك ايه
وايه اللي يفرح في كده
كل ما نقول يارب البلد تهدأ شويه نلاقي حاجه طلعت شعللت البلد تاني
واحنا في فتره مش محتاجه اي توتر او قلق في البلد
كل اللي بيحصل ده بيضر البلد واللي يفرح بكده اكيد مش بيخاف على بلده
كلها ساعات والرئيس يمسك ويغير اللي عاوزه
اما الاقرار بقانون العزل مع اني مش مع الاتنين
بس ضد القرار

_ كنت متوقع مين يكسب في الانتخابات
سواء دا او كان التاني مش هتفرق كتير معايا
مش مقتنع باي حد منهم وقولت الاتنين مينفعوش يكونوا واجهه لمصر

_بعد تقدم مرشح الاخوان تفتكر دا هيرضي كافة الاخوه المسحيين مع العلم ان اعرف ناس منهم اصحابي جدا ومضايقين من فكرة ان الاخوان مسكوا البلد

انا قاعد قدام التلفزيون
ومتابع ويارب الانتخابات تكون نزيهه
ونشوف تغيير في نظام اتبعاناه على مدار حياتنا
ونرى تغيير للافضل واكيد لو في حد مسيحي خايف
اقوله اكيد اللي هيمسك مش هيموت المسحيين
في قانون بلد وليك حقوق وعليك واجبات

كبرياء رجل

_ماهو الفرق بين كبرياء رجل في الواقع وكبرياء رجل في عالم النت

وجهان لعمله واحده سامي وكبرياء
يساوي
ما يظهر امامكم

_متي يفرح كبرياء من قلبه
عندما ارى من حولي سعيد

/ ومتى لحظات شقائك ؟
عندما انساب وراء همومي

/ كارت اصفر في وجه من ؟
في وجه شخص مقرب من قلبي

_شخص من حياتك مطرود ؟
من تجاوز الخط الذي يشبه لون الكارت

شئ اردت التخلص منه بحياتك ولم تستطيع ؟
ايقاف قلمي عن اظهار نزيفي

/ ما هي نقطه ضعفك ؟
هي نفس نقطة ضعف قلبي

/ متى تشعر بالالم ؟
عندما يتألم احد حولي اشعر به اكثر منه

_من هو الشخص الذي تتمني انه
ياخذ فرحك حتى لا ترى حزنه ؟
امي

_هل شعرت قبل ذلك بالضعف ؟

ضعف النفس ام الروح
ام ضعف القلب
ام اهتزاز وضعف القلم
ام ضعف القوه وتقوي المرض

_متى يصمت كبرياء ؟
عندما يتحدث قلمي

_ومتى يتكلم ؟
عندما يصمت قلمي
اصمت معه ولا اتكلم

متى يفرح ومتى يحزن ؟
مع فرح الجميع
واحزن مع حزنهم

امنيه في حياتك تتمنى تحقيقها ؟
ان اقترب من سامي وليس كبرياء
فهو بحاجه الى عمليه صلح مع النفس

هل قلب كبرياء رجل مجروح ؟
لا الحمد لله
قلبي دائما يحمل كل حب للجميع
ولم يجرح ابدا لاني انتقي من اتعامل معهم
حتى لا يتضرر قلبي

_كرامة كبرياء انجرحت ؟
كثيره هي الاشياء التي استقبلها على اعصابي
يقول الجميع اني اضخم من الامور
ولكن هذا طبعي

_استفادت ايه من غربتك وهل غيرت الغربه في شخصيتك

علمتني كيف اقسو على نفسي
قبل ان اعتمد عليها

_لو قابلت واحد اعمى واقف في الطريق وسالك
اوصفلي الدنيا شكلها ازاي
ماذا ستجيب؟

ساقول له
ساعطيك عينا منهم
وانتا اعطيني عينا لا ترى
ساضع يدي من الان على عيني التى ترى
ولكن لا تاتي لي غدا انت وتضع يدك على العين التي اعطيتك اياها
فتلك هي الحياه ظلام العمى انقى من نور الحقيقه

_لو في سؤال معين حابب انك توجه ليا
*انت اللي بتسال كدا يبقي لو هتسال بلاش حاجات صعبه بقي

بلاش اسئل سؤال يخليكي تنفخي وتفشي

عادي جدا والا يهمني :biggrin:

خدي دي

كنتي شايفه كبرياء ازاي الاول

بص انا من الناس اللي مابتحكمش علي حد من غير معامله معاه
بس كاعضو هنا مشرف في حاله ومش بتاع مشاكل
طول مالناس بتعامله بحترام ودا واضح بعد المشكله الاولي
وبعد استمرارك معانا وقدرت تفرض احترامك علي اللي حواليك

_وهل انطباعك عنه اتغير وليه

مانا قولت مش هعرف احكم طول مانا ماتعملتش معاك
بس اتغير بعد الحوار ان احترمت فيك انك بتعتز بكرامتك
وتعاملاتك في حدود ودي حته نفسي اتعلمها
لاني بخد علي دماغي كتير بسبب ان بتعامل بمبدا
(خلي البساط احمدي :)

وشيفاه ازاي دلوقتي
مانا قولت استحاله احط رائي في حد بمعامله بسيطه

هات المايك بقي انت ماصدقت

_حابب تقول حاجه اخيره ؟

اكيد سعدت معاكي بالحوار في البرنامج بتاعي

وبصراحه مكنتش اعرف ان الحوار صعب كده

اتريني بطلع عنين الاعضاء وانا مش عارف

عموما نورتي البرنامج وسرقه موفقه ان شاء الله :biggrin:

وتنفعي بجد تعملي برامج انتقائك للاسئله مميز

وصائب شكرا ليكي

ربنا يخليك ميرسي علي الكلمتين دول
نورت البرنامج بتاعك جدا :biggrin:
ان شاء الله اكون قدرت اسال اسئله في نفس مستوي البرنامج
بالتوفيق ليك دايما
ويارب الحلقه تعجبكم

]