منتديات بنات مصر

منتديات بنات مصر (https://forums.banatmasr.net/)
-   فضفضة الأعضاء (https://forums.banatmasr.net/f137/)
-   -   ماذا لو كان حلماً طويلاً ؟! -إنهاء للكلمات- (https://forums.banatmasr.net/msryat354171/)

Pr.Jolinar 05-18-2012 08:43 PM

ماذا لو كان حلماً طويلاً ؟! -إنهاء للكلمات-
 
لقد تخيلتنى بعد بضعه سنوات
... حانت ساعتى
و قد آن الاوان لفراق الاحبه و فراق الدنيا
تخيلت يوم وفاتى كيف سيكون
و لكنى تخيلت لحظه الوفاه !
وجهى الشاحب و اطرافى البارده
و الروح تخرج و على غير المتوقع….
- محمد اصحى !
- اصحى ؟؟
- ايوه اصحى روح المدرسه

- !!!!!!!
"السندويتشات و الشنطه و الزمزميه (اللى عمرى ما كنت بحبها) "
فى ايه ؟؟؟
من لحظه كان عندى 60 سنه و باموت
دلوقتى انا فى سنه رابعه ابتدائى !
ايه اللى حصل ؟
اقولك انا تخيلت ايه بالظبط
تخيلت ان حياتى دى كلها عباره عن حلم طويييييييييييييييل اوى
و فجأه هاصحى !
الموضوع يمكن يبشر بشئ من التخلف اللى بدأ يتسرب لـ”ـنافوخى”
بس بجد
تعمل ايه لو انت بعد كل حاجه و بعد ما اتجوزت و خلفت و بقى عندك عيله
و فلوووووووووس و و حياه رائعه
و حتى نظام الحكم فى مصر بقى ديموقراطى و اسلامى
و كل حاجه بقت جميله
و صحيت فجأه و لقيت انه ده كان حلم
يعنى هو احنا لو كنا بنحلم طول الفتره دى.. انت هاتعمل ايه اول ما هاتصحى ؟
اقوللك على حاجه
الموضوع ده ممكن يتفهم بطريقتين
انت فعلاً ممكن تكون بتحلم
و ممكن اكون باتخيل انى باكتب الموضوع ده دلوقتى
وممكن كمان اكون باتخيل ان عندى لابتوب و فى الاساس انا عندى جهاز صخر القديم ده
و ممكن الموضوع يتفهم كالآتى :
احنا فعلاً عايشين ما يشبه الحلم
الدنيا مش حاجه حقيقيه … مش دى الحياه
الحياه فى الاخره
و بالتالى انت لو هاتعيش فعلاً يبقى هاتعيش مش فى الدنيا
انت هاتعيش بعد ما هاتموت
او بمعنى ادق
انت هاتعيش بعد ما تفوق
بس الفرق بين طريقتين الفهم
ان لو انت فهمت الموضوع بالطابع الدينى شويه
ان انت عايش فى حلم و الاخره هى واقعك
اعرف انك هاتتحاسب على الحلم ده
و كمان ان مفيش فرصه للتغيير فى اللى حصل طول الحلم … او طول حياتك الدنيويه
اما لو هاتفهمها بالمعنى القريب اللى فكرت فيه فى الاول
انت كده محتاج تراجع الحلم كله من اوله لآخره
هنا انت ممكن تعدل
و ممكن تستفيد من اللى حصل فى الحلم
و رغم ان ممكن متعرفش تحقق حاجات مهمه منه
زى مثلاً ان حال مصر يتعدل
الا ان انت هاتبقى حلمت على الاقل بحاجه كويسه
و هاتحاول تحقق على أد ما تقدر
---==-.-====-.-====-.-==---
إنها النهايه …
شكراً للصبر الى انتهاء الكلمات
على أمل اللقاء بعد الاستيقاظ و الاطلاع على حقيقه الواقع !
كَتَبَها لَك

رآآق لــي ..
|~


тoкα..♥ 05-22-2012 12:06 AM

جميل جدآ آلموضوع دآ
عجبني آوي وآندمجت فيه بجد
شكرآ ليكي ي بنوته
منورة آلقسم :)

سآرهہ 05-22-2012 02:48 PM

تسسـلم آيديكى
موضوع قيـم وعجبنـى أوي
يسسـلمو

Pr.Jolinar 05-24-2012 12:54 PM

رد: ماذا لو كان حلماً طويلاً ؟! -إنهاء للكلمات-
 
اقتباس:

المشاركة الأصلية كتبت بواسطة sambateka (Post 3247237)
جميل جدآ آلموضوع دآ
عجبني آوي وآندمجت فيه بجد
شكرآ ليكي ي بنوته
منورة آلقسم :)


،، إنتِ أجمل ،،
بشكركـ لردكـ ولمروركـ
تحيتي ..
|~


Pr.Jolinar 05-24-2012 12:56 PM

رد: ماذا لو كان حلماً طويلاً ؟! -إنهاء للكلمات-
 
اقتباس:

المشاركة الأصلية كتبت بواسطة » cindrella soo ●• (Post 3249158)
تسسـلم آيديكى
موضوع قيـم وعجبنـى أوي
يسسـلمو


وتسلم إيدكـ ع الرد
شرفتيني ..
تحيتي
|~


Şα3Đ..♥ 05-25-2013 12:41 PM

موضوعك جميل
بس في عندي اعتراض
و وجهه نظر مختلفه
ف الحلم انتي بتبقي مجبره
عليالحلم
والدليل ان مفيش حد فينا بيتمني يحلم بكابوس
الحلم بييجي مش علي مزاجنا
ده احنا حتي بنفرح لما الحلم يبقي حلو
ونقول ييييييييه
صحيتونا ليه
اما الواقع
انا بايدي اغيره
للحلو او للوحش
الواقع واقع والحلم حلم
لو واقعك مشي بما يرضي الله
هيبقي معديه لحجات جميله جدا ف الاخره
ولو غير كده يبقي اجارك الله
يارب تكون وجهه نظري وصلتك
والاختلاف لا يفسد من الود قضيه
منوره :)


الساعة الآن 04:09 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w