منتديات بنات مصر - "أقبل النقد" (دار النقد)

منتديات بنات مصر (https://forums.banatmasr.net/)

- صوت الاعضاء - خدمات (https://forums.banatmasr.net/f119/)

- - "أقبل النقد" (دار النقد) (https://forums.banatmasr.net/msryat354901/)

"أقبل النقد" (دار النقد)

بسم الله الرحمن الرحيم
كنت طرحت من فتره أننا نستفيد من أراء بعض ونقبل النقد فى قسم الأقسام الأدبيه
وقسم الإبداعات على وجهه الخصوص
لكن الاداره وبعض الزملا أعترضوا على الفكره ولسبب تجاوز بعض الأخوه فى النقد والتجريح للكاتب ,,

انا حاولت اطرح الفكره تانى لن بطريقه مختلفه ,,
هيكون عندنا موضوع مثبت أو قسم فرعى إن وافقت الإداره هيكون بأسم (دار النقد)
الكاتب إللى عنده رغبه فى النقد يقدم رابط قصيدته فى الموضوع أو يضعه فى القسم للنقد ,,
وطبعاُ النقد هيكون من خلال مشرفى القسم وهنبتدى بالقصائد العاميه (ملناش ف الفصحى يابشر) ولو إن شاء الله نكون لجنه من مبدعى القسم فى الشعر الفصيح فيما بعد :

وأنا هعرض لحضراتكم مثال بسيط
دا جزء من قصيده أحنا آسفين ياريس
مش حاسيين بالأوضاع إللى إتحسنت
شويه عيال ومش فاهمين
مش مقدرين الأنجازات إللى إتحققت
من الفقر بقوا يناموا جعانين
من كتر الغلآ الأهالى إتلطمت
وبيقولوا عليك حرامى .. الخاينين
البلد إتباعت.. ولمحاسيبك إتخصخصت
وإللى بنيناه فى سنين .. ضيعته بسلامتك فى يومين
..
الجزء دا كان فى خلل فى الوزن وبعض الكلمات التقيله فى النطق وكان ممكن الكاتب(إللى هو أنا) يطور الجزء دا ويخرج بصوره وطريقه أفضل من كدا ,,
رغم أنها قصيده بعتز بيها جدا ونقطه تحول بالنسبالى وأستفدت كتير منها ومن منافستى فى مسابقه أمير الشعراء الموسم الأول ..

نرجع لفكرتنا وبعد ما وضحت لحضراتكم النموذج دا من النقد ..
وطبعاً أنا بخاطب الأقلام ومبدعى الأقسام الأدبيه أولاً لان الفكره مش هتنجح غير بوجودكم وبحضوركم ,,,
والإداره الكريمه طبعاً بصفتها القائمه على شئون (البلاد) :biggrin::biggrin:قصدى المنتدى
..

نقبل النقد ؟

هي فكرة انشاء قسم خاص ليه مش مطروحة الان يا ايمن ,,
انت ممكن تستغل فكرة موضوعك بإنك تعملها مسابقة دورية واقل عضو يحصل على نقد يعني قصيدتة تاخد درجة عالية ويفوز بمسابقة خالي من النقد مثلاً ,,
بس قبل متعملها طبعاً هيكون فية فريق من النقاد جاهز للنقد للمواضيع المطروحة بالمسابقة يشترك بنقد جميع المتسابقين وبعد سرد نقدة يرسلك تقييم بالدرجة وهكذا ,,
شوف ورد عليا ..

الفكره لتدارك الأخطاء والأطلاع على وجهات نظر أخرى بحياديه وبدون مجاملات ,,
والمسابقات بشكل عام بتقام بنفس الأسلوب اللى تكرمت وطرحته ان كل القصايد بتتقيم والاعلى تقييما هو اللى بيفوز ,,, وماحدش من المتسابقين بيطلع على تقييم اللجنه ولا بيعرف سبب منحه درجه التقييم ولا بيستفيد استفاده حقيقه ,,
وطالما فكره قسم فرعى غير متاحه حاليا يبقى نجرب الفكره بموضوع مثبت فى قسم الابداعات ,,بقوانين وضوابط
اللى عنده رغبه فى النقد يطرح قصيدته فى الموضوع وهتشكل لجنه للنقد والتقييم بطريقه مهذبه من خلالها يستفيد الكاتب ويعالج الاخطاء ويطلع على وجهات النظر فى عمله

أتمنى تكون وجهه نظرى وضحت أكتر ,,,

طيب انا مش معارض الفكرة بالعكس دية جديدة وكويسة ,
جربها بالموضوع وشوف رد الفعل ,