فكرة السلام عليكم ورحمه الله وبركاته هسئل سؤال ؟؟ احنا ليه ميبقاش عندنا قسم للغة العربية زي ما عندنا للغة الانجليزيه الفكرة هتبئا جميلة ونحط دروس نحو وغيره وغيره .... ايه رايكوو؟؟ |
رد: فكرة هـي الفكـره كويسـه اننا نعلم لغتنـا , لكـن مش لدرجـه قسـم وكـدا الفكره لما كنا انشاءنا قسم لغه انجليزيه كـان بيفيد ناس كتير منهم الناس اللي بتسافر وغيره .. لانها اللغه المستخدمه في جميع انحاء العالم ممكن تعملى توبيك وهنشـوف مردود وتفاعله وبعدهـا نشـوف ممكن نعمل قسم للغه العربيه ولا لا ,, وشكـرا لاهتمامك بتطوير المنتدي ودي محمود |
رد: فكرة من شطآرتك ف آلنحو يعني :p آل قسم لغه عربيه آل آهي آلفضآوة ممكن تعمل آكتر من كدآ :)) مع تحيآت : آلمحطمه :d:d |
رد: فكرة دروس نحو :( دهـ على اساس ايه يانونآ يعنى ههههه دهـ أحنا بنقومكوا من ع المنتدى علشان تزاكروا بالعافية :biggrin: تجيبى للناس الدروس لحد هنآ :( الفكرة ياحبيبتى ان قسم اللغة الانجليزية علشان نتعلم لغة جديدة غير لغتنآ فى ناس بتكون عندهآ هواية الاطلاع مثلا وتعلم اللغات الأخرى وفى ناس زى مامحمود قالك كدهـ بتحتاج اللغات دى علشان تفيدهآ فى سفرها أو غيرهـ لكن دروس فى قسم اللغة العربية أعتقد مش هيلاقى الأقبال المطلوب :( دهـ رأيى وفى الأخر القرار للأدارة موفقة يانونتى ^_^ |
رد: فكرة يا شيخه دا احنا ما صدقنا خلصنا منها في المدرسة :) ما كلنا بنكتب عربي هنا و لا ماكنش بنكتب هندي ههههه الانجليزي عشانها لغة مش ام لينا و هي كلغة مهمة للتواصل عامة لكن العربي هنحط ايه ,,مفعوله به و مضاف اليه و لا هنخلي الاعضاء تكتب الدرس عشر مرات في البيت هههههه |
رد: فكرة اولا شكرا للردود محمود . تقي . ايه . طارق ثانيا انا اتحطمت من الردود هههههههه بس محمود يمكن كان بيقلب الفكرة في دماغه شويه ^ ^ انما الثلاثي التاني حطمني .. :d انا عارفة ان احنا عملنا انجلش فورام عشان لغة تانية والناس المسافرة.. بس برضه في ناس ضعيفة في العربي .. مش عشان بتكتب كويس يبئا خلصت .. ومش من ناحية مضاف بردك يا طارق :biggrin: ومش شطارة في النحو يا تقي ^ ^ علي العموم انا صرفت نظر عن الفكرة .. تحياتي .. |
رد: فكرة اقتباس:
في وآحده عـآيزة تعمل قسم لغه عربيه تقول سرفت نـظر كتكـو نيله وكستـونـآ :biggrin: |
رد: فكرة قسم اللغه العربيه دا عايز ناس متخصصه تتابعه بأستمرار وتنزل فيه كل ما هو جديد وتراجع كل الى بينزل فيه علشان مش يبقى فيه معلومات غلـط صعـب يتطبق هنــا وغالبا لو اتطبـق مش هيبقى فيه تفاعــل ونشاط دا غيـر ان محدش بيطيق العربــى وانا مبعرفش اعرب اساساً :079: |
رد: فكرة والله الفكرة كويسة بس زى ما احمد قالك محتاجة متخصصين فى النحو بصى ممكن تاخدينى انا بموووت فى النحو هههههههههههههههه بس بكره بقيت الفروع بتاعتها وابقا تعالى يا أحمد اعربلك عيب علييييك ههههههههههههههه تحياتى يا نونا |
رد: فكرة اقتباس:
هههههههههههههههههههههههه يا بت جت غلط واللهي .. الله يسامحك يا فضحاني :biggrin: |
رد: فكرة هى لـو هتبقا كدهـ يبقـآ هتتعمـل قسـم عـآم للتعليم وهندخـل نفسنـآ فـى مدرسـه لغه عربيه وانجلزيه وفرنسيه وهنديه وتاريـخ وزيـى مـآ طـآرق قـآل دآ آحنـآ مبنصدق اننا نخلص منهـآ فى الدراسه |
رد: فكرة ههههههههههه اللي عجبني ف الموضوع دآ كله انك بتقولي زي ما في قسم ل اللغه الانجليزيه =)) ع اساس الانجليزيه متألق ي اوختشي :)) قومي نامي يا نورا بليز / ومتفكرينآش باللي احنا فيه =)) |
رد: فكرة انا شيفه كلهم محطمينك يانور بس انا مع اني بكره النحو كرررررررره بس عجبتني الفكره بس ميكونش فيها حاجه للنحو :d ممكن بلاغه فصاحه حداقه ههههه اي حاجه من عربي لاحسن العربي بتاعي مكسر وتعليمي الماني <<<<الماني بتاع المنيا :d |
رد: فكرة اقتباس:
وانا شاييفه كدهوت يا بوسي .. ربنا يخليكي رفعتي معنوياتي :)) هههههههههه طب اختميها مسك بئا ^ ^ مش تحطيم فوق وتقطيم تحت :biggrin: ماشي بس خلاث فكك بئا ^ ^ هههههه نورتي يا بسبوسة |
رد: فكرة فكره جااااااامده لاني بعشق حاجه اسمها نحو |
الساعة الآن 09:32 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب