|
منع الفلاشات من التواقيع السلام عليكم و رحمة الله الموضوع طبعا باين من عنوانه القرار صعب شوية و هيزعل ناس كتير عارف الفلاشات مع بداية المنتدى كانت ممنوعة و تم السماح بيها في فترة ما بعد صيف 2009 و كان استخدامها محدود وقتها لكن مع الوقت الاستخدام انتشر لحاد يومنا هذا مافيش عضو مافيش عنده توقيع فلاشي في توقيعه بل البعض عامل توقيعه شريط كاست و حاطت 5 اغاني :biggrin: عشان ما يملش و هو مسافر :762: انا و الله ساعات ببقى نايم و الاوضة ضلمة و هدوء و معدي بالفارة فجاة بلاقي اصوات نشاز بتخضني نتيجة ملامسة الفارة بالخطأ لتوقيع عضو :) بس كدا دي المشكلة ؟ لأ مش بس كدا أنا المتصفح بتاعي بقى بيهنج و انا بطلع و بنزل بالصفحة و بجرب استايل الموبايل بلاقيه زي الفل و سريع طيب بس دي المشكلة؟ لأ برضو التحميل ,,لما يكون كل واحد توقيعه مش اقل من 3 ميجا و في 20 ميجا لعضو واحد يبقى انت لو بتستخدم يو اس بي مودم هيتخرب بيتك بس دي المشكلة؟ ,,في كمان بطئ التصفح و بطئ دخول الزائر الجديد للموقع لانه بيحمل الاستايل لاول مره بالاضافة للتواقيع و محتويات الصفحة يعني بياخد وقت كبير جدا ممكن يتسبب في فقدان الزائر دا للجوءه لنتيجة اخرى في جوجل بس كدا دي المشكلة ؟ دا كمان ممكن يكون بياثر في الارشفة و ترتيبك في النتائج أنا عارف ان منع الفلاشات دا صدمة عند البعض و بالتالي أنا فتحت هنا الموضوع للاستفتاء العام و الكل يخش يقول رايه ايه الي شايفه و هل هو معاها أو لأ و عشان ماحدش يفكر ان انا مش بحب الفلاشات ,,توقيعي فلاشي و صممت مسابقات كتيره جدا فلاشية , بس ليها حل و اقدر اصممها على شكل ملفات بتتحمل و عامة حتى خارج الاستفتاء ممكن تشوروا ايه الي ممكن يتعمل في انتظار آراءكم ,, |
رد: منع الفلاشات من التواقيع انا بصراحه بحب احط تواقيع فلاشيه وكنت بجهز واحد وكمان نص المنتدى تقريبا حاطط فى توقيعه تواقيع فلاشية بس انا من وجهه نظرى لو بيسبب ضرر كبير كده للمنتدى يبقى بلاش منه بس كده قسم الفلاشات هيبقى مش نشيط خالص يعنى لان تقريبا الاعضاء اللى مش بتعرف تعمل تواقيع فلاشية بتدخل تطلب فى القسم علشان تحط الفلاش فى توقيعها فلو اتشالت كده يبقى القسم هينام اوى وشكرا تم التصويت |
رد: منع الفلاشات من التواقيع بس كدا دى المشكله ؟ عادى والله ميتفركش كتير هى فعلا بتخض الواحد جدا واكتر حاجه صعبت وجودها انى كل عضو حاطط منها تلاته اربعه فى توقيعه انا بفضل عدم وجودها افضل |
رد: منع الفلاشات من التواقيع امممم هي فعلا بتتقل شوية بس زي ما بنوتات قالت كدة ماذا سنفعل بقسم الفلاش :biggrin: مش عارفة اقرر دلوقتي هفكر و ارجع اصوت تسلم ع الجهد يا طارق :) |
رد: منع الفلاشات من التواقيع انا عن نفسى بستخدم استايل الفون من مدة لان الاستايل العادى تقيل عندى وبيهنج بقاله فتره معرفش انه بسبب التواقيع ولو فى مصلحة المنتدى خلاص امنعوها وربنا يوفقكم لنا فيه الخير |
رد: منع الفلاشات من التواقيع طيب الي معترض يقول برضو رايه احنا مش هناخد الاجراء بشكل مفاجئ عالكل حتى لو النتيجة كانت بتصب في عدم الموافقة هنحاول نشوفلها فكرة تتوافق مع الكل بس الاول نسمع الاراء الحرة |
رد: منع الفلاشات من التواقيع لااااااااااااااااااا ده انا لسه كنت بفكر دلوقتي اعمل توقيع فلاشي جديد :d تقوم تصدمني كده هو ساعات بيبقى تقيل بس مش علطوول يعني بصوا بقا انا مش عيزه ابقى انانيه واقولك مش موافقه بس اكيد لو الموفيقن بقوا اكتر هسلم بالآمر الواقع عشن الاغلبيه>>>ديموقراطيه انا :d بس هتعمل ايه في القسم الفلاش كده احمد بيته هيتخرب ومش هيلاقي مكان يسترزق منه هههههههههه |
رد: منع الفلاشات من التواقيع اممممم بصراحه مش مواققه بس اكيد مع الاغلبيه والاصلح ^^ |
رد: منع الفلاشات من التواقيع انا بقترح يبئا فلاشى من غير اغانى متيهالى هايكون ااقل ضرر ولا ايه؟ |
رد: منع الفلاشات من التواقيع بقيت بقلق من الاستفتـآءات دي ياعم طآرق شوف الاصلح واعمله :) والباب اللي يجيلك منه الريح سدهـ واستريح موفقين :) |
| الساعة الآن 01:19 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب