منتديات بنات مصر - الحلقه الخامسه من ( نشره اخبار الخامسه والعشرون )

اهلا وسهلا بكم ونشرة الاخبار وحلقه جديده
ونشرة اخبار الخامسه والعشرون

ونبدأ بالعناوين
1/ تغيير اسم العضوه حتة سكره الى 5 مربعات
2/ خبر ادى الى كل شباب المنتدى تحلق قرعه
3/ اعلان خطوبة العضو جراح المشاعر
4/ طائره خاصه لنقل اعضاء المنتدى الى اي قسم يرغبون بزيارته

http://sfiles.d1g.com/videos/12/31/3693112.jpg

واليكم التفاصيل

1/ تغيير اسم العضوه حتة سكره الى 5 مربعات

تغيير اسم العضوه حتة سكره الى [] [] [] [] [] يهذا الشكل
واللي عاوز يشوف الاسم يرجع بالاستايل القديم للمنتدى وهو يشوفه
ولما سئلناها عن سبب تغييرها للاسم
اجابت حتة سكره كنت شيفاه اسم حلو ومحلي
بس كانت في ناس بتنسى وتقول قصب سكر
واحيانا واحد دخل يقول عاوز كيلوا سكر فاتخقت من الاسم وقررت ادوبه
قصدي اغيره والحمد لله نجحت في تغييره
حتى يصعب على العضو نطقه ويتريق على الاسم
قلتها ما ممكن يقول ازيك يا 5 مربعات
او شوية مستطيلات
او بعض الاشكال المكعبه على حسب ميول الشخص للعمليات الحسابيه
اجابت اه صحيح نسيت دي
فقررت تشيل الاسم وتسيب مكانه فارغ حتى تتجنب المتضايقات
وانا من هنا يا اخواتي واخواتي الاعضاء
حابب اقول ليكم
اللي يلاقي الاخت حته سكره اسمها فاضي
يقول ليها يا فاضيه او استيكه
هههههههههههههههههه

2/ خبر ادى الى كل شباب المنتدى تحلق قرعه

في احدى اللقائات الحصريه مع العضوه عاشقة الهدوء
طرحنا عليها بعض الاسئله من بينهم سوال الا وهو
ما هي موصفات فتي احلامك
اجابت قائله
حبيب قلبي اهم شئ يكون اقرع وقرعته تكون بيضه ويكون شبه مهند
( منين اقرع ومنين شبه مهند مش عارف البت خرفت عليه العوض )
مما ادى الى انقلاب في المنتدى والشباب كلهم حلقوا قرعه
وبقى شكلهم زي قفاهم حتى يحظوا بقلب عاشقة الهدوء
وبقى شكلهم عامل زي اللفت الذي تستخرجه من الارض ويكون طرشي
وبعد عده تسائولات وفحوطات وتحقيق في الامر
عن سر تمسك عاشقة الهدوء بان حبيبها يكون اقرع
استنتجنا الاتي
الخبر المؤلم ان عاشقة الهدوء قرعه اصلا
واصيبت بالصلع من حوالي عشرة سنوات
وهي تلعب مع اخوها الصغير ( الاري ) في التراب
راح جاب شويه بارود. وحطهم على راسها وولع في شعرها
ومن يومها فروة الراس توقفت عن التنبت كصحراء قاحله ليس بها بذر ولا ماء
ربنا يتولاكي برحمته
ولما سئلناها ناويه تسمي ولادك ايه ان شاء الله
اجابت
لو خلفت ولد هيبقى اسمه شعرواي
ولو بنت هيبقى اسمها طقيه
مما اضافت ان اسم حماتها زعرور
وحماها ضفير ميفعش ضفيره عشان ضفيره انثى

3/ اعلان خطوبه الاخ جراح المشاعر
بعد صراع طويل مع المرض ومعاناه عن كل الدكاتره
ايه مرض ودكاتره هو مات ده خطب
المهم في سبق صحفي لنشره اخبار ابو زعل الخامسه والعشرون
اعرب الاخ جراح المشارع اقصد المشاعر
بانه قد هداه الله والحمد لله وتم اعلان خطوبته على احدى عضوات المنتدى
حضر الحفل 700 الف عضو من المقربين للعروسه واحدهم مقرب للعريس
وكانت خطوبه على مستوى راقي يليق باسم الكاتب العظيم جراح
ولما سئلناه عن جاب شبكه بقد ايه
اجاب قائلا انا وبلا فشخره جبت دهب ب90 الف جنيه
والمؤخر 5000 جنيه
سئلناه ازاي جبت شبكه بالمبلغ ده وانت مديون لشخص ما بملغ 3 جنيه و75 قرش
اجاب قائلا لا احد يحملني باي ديون فانا وبلا فخر لي فضل على الجميع
اسم جراح ليس قليلا في هذا المكان لذا كونوا سعداء لتواجدي وسطهم
واحمد ربنا انك عملت معايا لقاء صحفي غيرك يتمنى كتير وانا معنديش وقت
( على اساس ان نجيب محفوظ يا خي ولا تكونش ريتشرد ديل الاسد )

4/ طائره خاصه لنقل كل اعضاء المنتدى اى اي قسم يرغبون
بالمشاركه به او اي تعب او عناء او ممل من الطريق
قد قمنا بسبق صحفي لقناتنا المتفرده دائما بالاحداث الهامه الا وهي قناة وكلني واديك على قفاك
قمنا بسبق صحفي مع المدير العام لذي اعلن اعلان هام الا وهو
طائره لنقل الاعضاء الى اماكنهم المفضله كما اعرب عن اسفه
لان المعلم خنفس اعترض على الموضوع لاني بييجي بعربيه كارو
والحماره الي معاه رجل في الدنيا و3 رجول تعيش انتا
بتاخد ال10 متر في 10 ساعات الا بمعدل متر كل ساعه
( حبستها لوحدي خسارتك كنت انفع مدرس لغه رياضيه )
كما اعرب المعلم زلومه الخفيف
عن اسفه
لانه كان مأجر جمل ايجار جديد قال لو كان قديم مش مشكله
كان باعه لاي واحد جمال او اي شخص اسمه جمال وخلاص
بس طياره مينفعش وعملموا مظاهره في ميدان الاحتلال ليعلنوا تمسكهم وانهم مؤيدون لمعركة الجمل
مما قرر المدير العام ان يتراجع في قراره ويبيع جميع الطائرات
ويضرب الفلوس في جيبه ويشتري لكل الاعضاء عجله قديمه ايجار جديد
اليوم ب 27 جنيه غير الفوائد

نشكركم لحسن المتابعه وانتظرونا وحلقه جديده ونشرة اخبار الخامسه والعشرون
يلا كلوا خفيف ونامو عشان السمنه