|
اما صحيح بنات عايزة الضرب ^_^ بسم الله الرحمن الرحيم طبعا انا وعد الاعضاء بعد توبيك ( سيدة فى فيلم نحن لا نزرع الشوك ) انى الفترة الجاية هفضح البنات فى كام موضوع هنزلهم عشان محدش فيهم يكلم تانى وكل واحدة تقعد على باب قسمها المفضل وتريحنا شوية واحنا كشباب المنتدى ناخد راحتنا بقى ونعيش وننتعش مش كدا يا شباب :762: النهاردة بقى هقولكم على مواقف غريبة جدا بتحصل من البنات وأكيد كلنا بنشوفها فى شوارعنا وفى بيوتنا واكيد بتحصل من بنات المنتدى كمان بس هما هيكسفو يقولولنا اة بتحصل معانا :762:. فى موقف بيحصل كتير جدا من سواء البنات او من الستات الكبيرة المهم يعنى ان الى بيعمل كدا انثىء بنت يعنى :biggrin: تعالو نتخيل الشكل الى هقولة دا دلوقتى على محطة الاتوبيس واقف حوالى 3.000 مواطن ايون ودا مش غريب فى مصر دا العادى بتاعنا يعنى :biggrin: وطبعا كل الناس دى مستنيا مثلا ميكروباص معين فيجى ميكروباص ويمشى براحة قدامهم كأنة بيقولهم مش هركبكم وطبعا المواطنين واقفين على طول يجى كيلو وطول ما الميكروباص ماشى هتلاقى واحد بيسئلة مثلا ( مدينة نصر ) فيشاور ( لا ) الباقى يسكت وتطلعلك البنت الرقيقة الى واقفة دى وتقولة وهو معدى من قدامها ( مدينة نصر ) طيب يابنتى الناس دى كلها رايحة المكان دا ومعدى من قدامهم كلهم وموقفش خلاص يعنى مستنيكى انتى تسئلية عشان يقف ويحمل اما انتى بنت غريبة بجد . دا اول موقف تانى موقف فى نفس المحطة برضو :biggrin: تعالو بقى نتخيل لو الميكروباص بتاع ( مدينة نصر ) وصل فعلا تفتكرو الشكل هيبقى عامل ازاى هقولكم تخيلو كدا الــ 3000 واحد الى واقفين على المحطة واقفين قدام الميكروباص الــ بياخد تقريبا 14 واحد سيبوكم من الضرب والزق تعالو كدا نبص على الرصيف بتاع المحطة بس من الناحية التانية هتلاقو حاجا غريبة جدا بنت جميلة اهى واقفة وهتعدى بس رغم انها شايفا 3000 واحد قدام الميكروباص بس بكل جمال وسهولة بتسئل السواق وبتقولة ( لو سمحت رايح مدينة نصر ) :762: لا والسواق بكل سهولة يقولها ( أة اركبى ) طيب هتركب فين وانتى بتسئلى لية اذا كان فى يجى 3000 واحد عمالين يضربو فى بعض عشان يركبو . دا تانى موقف فى موقف حلو برضو بيحصل من البنات بصفة عامة اتخيلو كدا لو النور قاطع فى البيت بقالة يجى ساعتين وتخيلو ان النور جية فجاة دلوقتى اول حاجا تعملها البنت تلاقيها بتضحك وفرحانة وتجرى على مامتها فى القوضة وتقولها ( ماما ماما النور جية :biggrin: ) دا على اساس ان النور عندكم بيجى فى الصاله بس والا اية :762: طبعا المواقف كتير جدا وهنزلها أن شاء الله كلها بس كفاية دول النهاردة يلة بقى يا بنات المنتدى ادخولو قولولنا بتعملو كدا لية :762: |
رد: اما صحيح بنات عايزة الضرب ^_^ تصدق خفه من يومك يارخااااااااااااااااااااااااااااااااااامه من هنا للصبحح حاجه رخمه اوى يعنى اجرى يابنى وانتو ولا عندكوا ذوق ولا نيله البنت رايحه تركب المفروض توسعهولها مش تلاقى واحد زى الحيطه وواقف يزق عشان يركب هو الاول والبنت المسكينه يعنى واقفه مش عارفه تعمل ايه المهم الاخ الاهبل دا يركب والنبى تتوكس وتدارى على خبيتكوا نايس رخاااااااااااااامه :d |
رد: اما صحيح بنات عايزة الضرب ^_^ هاهاهاهاهاهاهاهاها لما احنا نعمل كل ده انتوا بتعملوا ايه بقى انت مالك متحامل علينا كده ليه مش بنعمل خالص المواقف دى يعنى تشوف الناس تجرى وتركب وهى تروح تسأل دى تبقى رخمه :biggrin: يسلموا ايدك على التوبيك و براحه شويه على البنات دول الطف الكائينات :biggrin: |
رد: اما صحيح بنات عايزة الضرب ^_^ هههههههههههههه عثل يا ابو حمييــد اه والله البنات دى عايزه الضرب متأنتكين انتكه ملهاش لازمه :079: تسلم يا ابو حميــد يلا كلنا معاكـ ضد البنات وجاهزين بالعصى :762::762::762::762::762: |
رد: اما صحيح بنات عايزة الضرب ^_^ هههااااااااااااااااااااااااااااى ضحكتنى تصدق دمك خفيف لما احنا نعمل كدة انتوا تعملوا اية براحة شوية علينا احنا بردة لنا طريقتنا فى غيظكم |
رد: اما صحيح بنات عايزة الضرب ^_^ لاء كدا ع اساس هنضحك يعني :)) البنات يابني آلطف وآرق الكائنات ع فكره انت الومين دول معرفش بترخم علينا نحن معشر البنات لماذآ ؟ ع فكره مو منك من صورتك الرمزيه الي حاطه اثرت عليك :)))) غيرها يابني وبطل رخامة ع المساء :))) |
رد: اما صحيح بنات عايزة الضرب ^_^ هموت واعرف انتا مضأيقق مننا ليه داحنا لو جينا نجيبكم وننفضكم هنلاوكوا عبر هههههأى ظريف اوى يا مورشذى شربات يا اخواتى يلا يا بابا ح العب بعيد |
رد: اما صحيح بنات عايزة الضرب ^_^ ههههههههههههههههه الى ما شوفنا منكم حاجا كل واحدة تقولك احنا الطف الكائنات طيب كويس انكم عارفين انكم كائنات ^_^ وابقو ورونا هتعملو اية مبنحبش الكلام احنا عايزين افعال |
رد: اما صحيح بنات عايزة الضرب ^_^ هههههههههههههههههههههه ع فكرة بئا انت رخم وخشارة الهديه بتاعت عيد ميلادك يلا رجعها ي احمد بص بئا الموقف الاول دا مش بيحصل خالص الا اذا هى مش سمعت اصل هى هتسال ليه يعنى تأكيد معلومه مثلا ؟؟ الموقف التانى بئا هى بتقول للسواق كدا عشان هى كائن رقيق اكيد مش هتدخل وسط الوحوش دى فهو يعينى تصعب عليه يخليهم يوسعولها مبتعرفش تفكر !! الموقف التالت بئا هى بتقول لمامتها ان النور جيه تعبير عن الفرح مش اكتر انما مش اضافه معلومه ي عم الخفيف يلا فسرتلك كل حاجا اى خدمات واخفى من هنا بئا عشان بنات المنتدى اكتر وشكلك هتضرب .. |
رد: اما صحيح بنات عايزة الضرب ^_^ انا مش عآرفه ليه االاولاد مش مقتنعين اننا الطف الكائنات دهـ احنا سكر الدنيا دي والله .. ليه النفسنه دي من جوهـ .. وبعدين فيهآ آيه لو البنت عملت كدهـ ... المهم آنها تروح المكآن اللي هي عآوزآهـ .. ^_^ |
| الساعة الآن 01:10 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب