|
جدول اعمالنا فى رمضان ^^ كل سنه وانتو طيبن وفى رمضان صايمين ومصلين وخاتمين ^^ رمضان كريم ع الجميع وان شاء الله ينعاد علينا دايما بالخير وان شاء الله نكون اقرب لله دايما ونقضيه كله فى مغفره وطاعه ونخرج منه مغفوره ذنوبنا ويتصلح حالنا وكل انسان اتمنى امنيه بنيه خالصه لله يارب تتحققله مع بدايه اول يوم فى رمضان عاوزين نتفق نعمل حاجه كلنا مع بعض ونشوف هنوصل لايه فى نهايه الشهر فى الاول كدا هنعمل جدول لاعمالنا فى رمضان بمعنى اننا نشوف ايه عاوزينه يتغير فينا ونستغل فرصه شهر رمضان وناخد نيه اننا طول الشهر دا هنجاهد نفسنا عشان نصلح الشئ دا فينا اى شئ بيتعبنا فى حياتنا لازم نبطله نحاول نلاقى افكار جديده نعملها فى حياتنا ونعود روحنا عليها طول الشهر ومن خلاللها هنقدر نخرج من رمضان جوانا طاقه كبيره اننا نكون دايما مجديدن فى حياتنا فى البدايه هورايكوا الجدول بتاعى وايه انا هشتغل عليه طول الشهر وكل واحد فينا بئه يدخل ويورينا ايه هو الجدول بتاعه فى رمضان وكلنا نساعد بعض فى اننا نحقق الجدول دا ونوصل لاكبر نسبه من التغير فى كل حاجه من خلال الشهر دا يلا نشوف كدا :biggrin: اول حاجه هنكتب الحاجات الى عاوزين نعملها وبعدين نقسم الجدول على 30 خانه وكل يوم نحط علامه صح قدام الحاجه الى عملنها يعنى مثلا يوم واحد رمضان تصدقت هنعمل صح فى خانه واحد رمضان ولو مثلا كل يوم بتصدق هنحط علامه صح فى كل يوم تصدقنا فيه عشان نشوف احنا تصدقنا كام مره فى رمضان ولو مثلا تصدقت كذا مره فى اليوم تعلم فى الخانه الواحده على عدد الصدقات الى انت تصدقت بيها لما فى اخر رمضان هنلاقى نفسنا عاملين كل شئ فكرنا فيه وحققناه فعلا هتتولد جوانا طاقه كبيره اننا فعلا نقدر نحقق اى هدفنا بس المهم اننا يكون جوانا ايمان بيه وبنعمله بنيه خالصه لله مثال ع الجدول طبعا يعنى دى حاجه اوليه وكل واحد يكتب الحاجات الى هو عاوزها وشايف انو نفسه يحققها او يغيرها فى شخصيته ^^ http://www3.0zz0.com/2012/07/19/19/358940674.jpg طبعا هنضيف الى احنا عاوزينه ونحاول ننفذ كل الى نكتبه او معظمه رمضان كريم |
رد: جدول اعمالنا فى رمضان ^^ فكره جميله وهاتعود على الجميع بالخير ان شاء الله واهم حاجه فى جدول يومنا الصلاه والقرآن والابتعادعن النميمه ومفسدات الصوم اللى بنستهون بيها ونضيع تعبنا على الفاضى تسلمى حنون وكل عام وانتى بخير ربنا يتقبل منا ومنك صالح الاعمال يارب |
رد: جدول اعمالنا فى رمضان ^^ فكرة جميلة حنون والاهم صوم الانسان عن كل ما يغضب ربة وليس عن الاكل والشرب فقط هناك مفسدات الصيام لو بعدنا عنها وتقربنا الى الله لنلنا الثواب كامل وغير منقوص دمتى بكل خير |
رد: جدول اعمالنا فى رمضان ^^ تسلمى ياحنون فكره جميله وقيمه وأن شاء نقدر ونحاول أننا نقدم شىء فى رمضان من الصدقات والآعمال الخيريه وان شاء الله يكون شهر مباارك علينا جميعا ويوفقنا الله فيه بكل ما يرضيه عنا ويجنبنا فيه كل عمل لا يرضيه اللهم أمين وكل عام وأنتم بخير وبصحه وبسلامه وان قدر لى الله البقاء وعلى قدر أستطاعتى فى التواجد لى عوده بأذن الله موفقه ربنا يحفظك |
رد: جدول اعمالنا فى رمضان ^^ كل سنه وانتو طيبين ياحلوين وان شاء الله نقدر نحقق حقيقه الصوم الصح والى ربنا اراده لينا من فكره الصيام اصلا ربنا يقدرنا جميعا شكرا ليكوا |
رد: جدول اعمالنا فى رمضان ^^ هى الفكره جميييله اوووى بجد ^^ واهم حاجه انا عايزاها السنه دى انى ماسمعش مسلسلات .. واقرأ الاذكار واختم القرأن .. ربنا يسهل بئا ,, تسلم ايديكى حنون ع الشغل الجميل ده :) |
| الساعة الآن 08:00 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب