منتديات بنات مصر - حياتنا x كلمتين (الزواج المبكر ) تابع مسابقة افضل برنامج حوارى

منتديات بنات مصر (https://forums.banatmasr.net/)

- منتدى يوميات الاعضاء (https://forums.banatmasr.net/f61/)

حياتنا x كلمتين (الزواج المبكر ) تابع مسابقة افضل برنامج حوارى

http://up2.banatmisr.com//uploads/im...0267aa9f51.gif
السلام عليكم ورحمة الله وبركاته
الحمد لله رب العالمين والصلاة والسلام على اشرف المرسلين
امابعد
نواجه فى حياتنا عقبات كثيرة تجول بنا الايام ونتعايش معها يتقبلها البعض وتصبح عادة لا غنى عنها
ولا يستطيع البعض الاخر التعايش معاها يجبر البعض عليها ويهاجمها البعض واذا عددنا هذه العقبات سنجد الكثير والكثير
فاردنا فى هذه الحلقة ان نختار احدى هذه العقبات التى بدأت بل توغلت فى اقتحام حياتنا سيطرت على الكثسر منا الا وهى ظاهرة
الزواج المبكر
اصبحت وباء منتشر فى حياتنا فى القرى والمدن والعشوائيات وكل المناطق المحيطة بنا
تحولت من طفرة صغيرة الى عادة لدى الكثير منا
وها نحن نعرض قضيتنا ونستضيف معانا احد اعضاءنا لنتشاور معه حول هذه القضية
وضيفنا هو مشرف قسم الخواطر
واد حبيب
محمد
واكيد كلنا عارفينه كويس اوى
شخصية مميزة جدا

اهلا بحضرتك معانا فى برنامجنا حياتنا فى كلمتين
اولا عايزين نعرف رايك فى الجو المحيط بنا والتطور الرهيب فى العلاقة والتعامل فى حياتنا بين الجنسين
الفتى والفتاة ؟؟؟

طبعافي تطور رهيب في التعامل بين الفتي والفتاه في التعامل دلوقتي مفيش اي فرقبين الشاب والفتاه في التعامل دلوقتي التعامل مع الفتاه متفرقش كتير عنالتعامل مع الشاب لزم يكون في فرق بين الشاب والفتاه يكون التعامل مع البنتعلي اساس انها بين والشاب علي اساس انه شاب ميكونش التعامل مع الطرفين نفسالتعامل

اكيد والعلاقة بقت فرى خالص طب انت من وجهة نظرك ايه العوامل الى ادت لكدا

لعواملان في وفتنا بيقولو البنت زي الولد في كل شئ البنت دلوقتي في اللبس نفسالولد في التعامل في البيت نفس الولد الاب والام مبيعملوش فرق في التعاملبين البنت والولد بس ده اكبر غلط لزم التعامل يكون التعامل مع البنت يكونغير الولد في كل شئ عارفه الحاجه اللي بتعملها دي مفيش حد بيعملها غيرالبنت مش تعمل حاجه نفس الولد ولا تلبس نفس الولد ولا برده الولد يتكلمباسلوب البنات ولا يعمل حاجه تقلل من الرجوله بتاعتوه

طبعا وممكن نقول الانفتاح فى الاتصال زى النت والموبايل وغيره
دا غير ان فى كتير من المنازل مفيش رقابة فى البيت على الوسائل دى

طبعا النت والموبايل لهم دور كبير في العلاقه دي والرقابه في البيت طبعالها دور كبير ممكن الاهل في البيت بيشوفو البنت قاعده امام البنت طول اليومومفيش حد يقولها انتي بتعملي ايه وبرده التلفون نفس النظام لما حد يكلمهامفيش حد بيقولها بتكلمي مين الرقابه علي البنت في البيت
مهم جدااااا وبردهالولد لزم يكون عليه رقابه في كل شي

طب احنا بنشوفكثير من حالات الزواج المبكر اصبحت عادة وتكاد تصل الى تقليد بيئى فى حياتنا ايه رايك فى الظاهرة ؟؟؟؟

ديظاهره بصرحه سيئه جداااااااا الزواج المبكر للبنت صعبه جداااا دلوقتيبنشوف البنت عندها 14 سنه ومتجوزه ازاي هيكون ست بيت وتشيل المسئوليه وهيهلسه في مرحله الطفوله انا اعرف بنات كتير اجوزو في سنه 14 و15 سنه ودولتبيعانو كتير في الوقت الحالي من الاطفال والمسئوليه البيت مينفعش طفله فيسنه 14 او 15 او 16 تكون ام وهيه لسه في مرحله الطفوله بجد شئ صعب جداااعلي البنت لزم كل اب وكل ام وبذات في البلاد الرفيه والطابقه المتوسطه يخدوبلهم من زواج البنت في السن المبكر لانه غلط عليها في حياتها وعلي صحتهالانها لسه طفله ومينفعش طفله تكون مسئوله عن بيت وزوج وهيه لسه عوزه الليياخد باله منها

يعنى بتتفق معايا فى شعارى ازاى طفلة هتربى طفلة !!!!

اتفق معاكي 100% فعلا ازاي طفله لسه في مرحله الطفوله هتربي طفل صعب جدااااوكمان غير ما هتكون مسئوله عن بيت وزوج ودي لوحدها مسئوليه كبيره غيرتربيه الطفل

فى بقا بعض المبررات لكتيرمن الاهالى انها هتصون البنت والولد وهتحفظهم طب انتا ايه رأيك

يعنياللي عوز يصون البنت او الولد يجوزهم في سن مبكر لا طبعافي اكتر من شئانهم يصونو اولادهم غير الجواز المبكر في التعليم لو علمهم كويس اهم بكتيرمن الجواز المبكر او حاجه تنفعهم في حياتهم
لو قولنا ان الزواج المبكر بيصون البنت طيب في ايه انت كده بتقتل الطفولهبتاعتها في كل شي الزواج الصح للبنت او الولد في سن ال20 في السن ده بتعرفيعني ايه زوج وبيت ومسئوليه وبرده ميكونش الزوج اكبر منها بسن كبير علشانيكون في تفلهم بين الطرفين

فى ناس الزواج دا بالنسبالهم مصالح مش اكتر وزواج قرايب
ويقلولك يلا يا عم لما الشمل والعيال كبرت تعالى نجوزهم
والخفى انها مصلحة ايه رأيك بقا فى كدا

اولا عمر جواز المصلحه ما بيدوم اكير بيحصل فيه حاجه وبيكون الضحيه البنت والولد
همه اللي بيعانو اكتر من الزواج ده وبيكون عقده في حياتهم
طيب ايه لم الشمل ده يعني علشان تلم الشمل يكون علي حساب حياه ابنك او بنتكلا طبعا حياة بنتي وسعادتها في الانسان المناسب ويكون قد المسئوليه ويقدريحافظ عليها
لزم يكون المصلحه بعيد كل البعد عن الزواج وحياةالابناء

وفى حالات تانية ومن ضمنها الحالة دى حصلت قدامى
ان أب اوشك على الموت وبنته فىسن 13 سنة راحة مخطبها
على اساس انه نفسه يفرح بيها زى ما الكل بيقول
وهو مات وهى لسا مخطوبة واتجوزت وهى عندا 16 سنة
هل من رأيك ان دا مبرر ليه ان يجوزها بدرى

مفيش مبرر ابد انه يجوز بنته بدري
نفس الموضوع ده موجود عندنا ومش مع حد بعيد عني دي بنت عمي حالا هيه عندها 14 سنه ومخطوبه وانا الوحيد اللي كنت رفض الموضوع ده وايامه الكل زعل منيبس في اتفاق ان الزواج يكون بعد 4 سنين
اما عن اللي عوز يفرح بيها قبل ما يموت دي مفيش حد عارف امته يومه ولا ايساعه هيموت فيها مش لوم اجوزها علشان افرح بيها قبل ما اموت انا ممكن افرحبيها من غير جواز لما يكون متفوقه في درستها دي فرح لما تكون كل الناسبتحبها دي برده فرح لما تكون مطيعه لك دي برده فرح مش اروح اجوزها وهيهطفله علشان افرح بيها قبل ما اموت

مهوا لما بنعارض حاجة زى دى بيفكروا اننا لينا مصلحة فى حاجة
وخاصة لما يكونوا قرايبك او كدا
كلنا بنؤمن بحب المراهقة مهما ان كان متقلب او غيره بس فى النهاية موجودطبعا البنت او الولد فى السن دا بيكون مراهق واكيد مر بقصص حبايه رأيكبقا لما تكون بنت بتحب ولد من سنها وخطبوها لحد تانى
ومش برضاها ودا حصل فعلا فى وجهة نظرك حالتها هتكون ايه
وهل هتتقبل الوضع دا ولا ايه

كلامكبرده صح لما بنعارض الكل بيفكر ان لينا مصلحه او مش بنحب الخير لهم وديتفكير غير طبيعي في بعض الامها لما بتلاقي بنتها متقدملها عريس وهيه صغيرهبتوافق علشان تقول للناس ان بنتها حلوه وانخطبت صغير وصعب يكون في تفاهمبين البنت والولد اثناء الخطوبه في السن ده
اما عن حب المراهقه مش كلينا بنومن بيه لانه احيانا بيكون حب غير ناجحوبيكون نسبه كبيره كمان ولو حصل زواج بيكون برده زواج مش ناجح انا مش ضدالحب بس يكون كل واحد فيهم عارف معني الحب كويس وعارف معني ايه كلمه بحبكمش كلمه بيقولها وخلاص

أنا اقصد مهما ان كان متقلب او حتى مش ناجح بس فى وقته بيكون الولد والبنت مؤمنين بكدا وصعب انك تقنعهم عكس كدا ابدا
فبالتالى دا هيأثر على اى علاقة زوجية فى المرحلة دى

دلوقت معايا فيديو كتير اوى سمع عنه لفتاة يمنية تزوجت فى سن
10 سنين واطلقت واصبحت كرهة الزواج لمدى الحياة
قولنا بقا ايه رأيك

[youtube]http://www.youtube.com/watch?v=kvN-GJL10k0[/youtube]

طبعا همه مش بيكونو فهمين ان الحب دي مش ناجح حتي لو عملتلهم ايه بيكونو فهمين ان هوه ده الحب الحقيقي والناجح
الزواج في سنه 10 سنين دي مش اسمه زواج ده اسمه الموت المبكر للطفله ديطبيعي جدااا انها تكره الزواج طول الحياه لانها تم زوجها في سنه مبكر جداااوهيه لسه في مرحله النمو لسه 10 سنين بيكون في اعز مرحله في الطفوله حرامطبعا ان في السن دي نحكم علي الطفله بموت المبكر اللي هوه الزواج المبكر
في السن دي عوزه اللي ياخد بالو منها ويعلمها ازاي تعيش الحياه مش تكونمتزوجه وهيه الي تعلم اولادها ازاي يعشو الحياه وهيه اصلا مفيش حد علمها

بجد صدقت فى تعبيرك دا موت مبكر
هنا بقا عايزة اختم معاك فقرتنا
وطالبة منكك رسالة لكل الامهات وايه ممكن يعملوه مع ولادهم

هوه مفيش اي اسمه ليه غير الموت المبكر
انا مش اقول غير لكل ام بلاش تحكمو علي ابناكم بموت المبكر او الزواجالمبكر مهم كان السبب الزواج مسئوليه كبيره حرام تحكمو علي اولادهم انهميشلو مسئوليه همه مش هيقدرو يعملو بيها
الزواج المبكر مفيش حد بيتغذب منه غير الطفله وحرام تعذبو اولادكم بدون سبب مقنع في الزواج المبكر

تسلم يا محمد على قبولك دعوتى

وبجد استمتعت جدا بالحوار معاك

وبفكرك المتحضر

تحييياتى ليك

وبكدا تكون انتهت اولى فقرات حلقتنا

انتظرونا بعد الفاصل
ارجو عدم الرد

رد: حياتنا x كلمتين (الزواج المبكر ) تابع مسابقة افضل برنامج حوارى

ورجعنا بعد الفاصل
ومعانا تقرير من قلب المنتدى
عرفنا منه آراء البعض
حول الزواج المبكر

ايه رأيك فى الزواج المبكر

أحضان الحبايب

و الله هو فى كذا رأى ,,

يعنى فى رأى يتبنى فكرة الزواج المبكر لانه بيعتبره حفظ للبنات و مصونة لهم ,,

و فى رأى تانى ضدد ,, و ده غالبا بيكون سببه ان فى ناس بتعتبر الزواج المبكر ظلم للبنت,,

بس بالنسبه لرأى الشخصى ,, فانا مؤمن ان لكل مقام مقال,,

يعنى فى بنات ممكن يكون سنهم صغير لكن خلاص بقوا صالحين للزواج ,,

و فى بنات تانيه لا ,,

و ده من الناحيه الفسيولوجيه ,, يعنى فى تراكيب الجسم و كدا

لكن لو هنتكلم من ناحيه نفسيه و اجتماعيه بقا ,,

ففى سن مناسب ال هو من 20 لـ 30

مش مبكر و ملائم جدا لكل البنات

من حيث التغيرات النفسيه

و بتكون البنت عندها الوعى الكامل ال يخليها تقدر تختار و تقدر تقول رأيها ,,

و بس

أجمل سعودية

صباح الخير

وكل عام وانتي بخير وصحه وسلامه

حقيقة انا ضد الزواج المبكر

وها لقرار ما وصلت له من فراغ

بحكم أني طالبه وباحثه اجتماعيه

عملت دراسه حول موضوع الزواج وحرصت

ان تكون معظم اللقاءات مع نساء في

عمر ال 45 وتزوجن

وهن صغيرات ،،،

وأكيد طبعاا في هالسن راح يكون عندهن

خبره كفايه لتقول رأيها في زواجها المبكر

85 ٪ منهن أجابت انها عانت معاناه بسبب جهلها

وصغرًسنها الامر الذي انعكس سلبا على

طريقة تربيتهن لأبنائهن وتعاملهن مع أزواجهن

والطريف في الامر ان معظمهن

بالرغم من معاناتهن مع الزواج المبكر

قد اعترفن بأن بناتهن أيضاً تزوجن في

سن صغيره وهن الان يعانين نفس معاناة امهاتهن

هذا نص من احد بحوثي بخصوص الزواج المبكر

ارجو أني اكون أفدتك

ليان

Βlά๔Ҝ ƒłỘฟέЯ

بصى يا حبيبه قلبى

أنا شايفه ان الزواج ده يتوقف على عقليه البنت

يعنى مثلا فيها ايه لما تتزوج بنت عندها 18 سنه عقلها سابق سنها

و تقدر تتحمل المسؤليه ..

أنا شايفه ان مفيهاش مشكله اذا كانت الشروط ده متوافره عندها

فارس الكلمة

ج / الزواج المبكر من وجهة نظرى سلاح ذو حادين
فهو للفتاة متعب ومجهد حيث تحمل المسئوليه وتحمل أعباء البيت والاسرة وهذا شاق عليها
أما الشاب ففى ببعض البلدان يكون الزواج المبكر للشاب ميزة إن كان وحيدا لوالديه
أو شاب على بنات فيسعى الأب على زواجه مبكرا
فمن وجهة نظرى الشخصية أجمل سن للبنات فى الزواج من 22 إلى 25 وللشاب من 26 ألى 30
مجرد وجهة نظر
تقبلى مرورى ودمتِ بالخير
فااااااااااااااااارس الكلمة

وبكدا انتهى تقريرنا ودى كانت آراء البعض
هنروح فاصل ونرجع تانى
ارجو عدم الرد

رد: حياتنا x كلمتين (الزواج المبكر ) تابع مسابقة افضل برنامج حوارى

تنبيه:
هذه الفقرة من وحى الخيال لا تمس شخص بعينه ولكن تمس احد الوقائع الحياتية

ورجعنا مرة تانية بعد الفاصل

تعالو نشوف حاله من الزواج المبكر سيطر

عليها الفقر والجهل وكانت دى النتيجة

تعالوا تقرير حوارنا معاها

أهلا بيكى معانا فى برنامج حياتنا فى كلمتين

أهلا بيكى

عايزة اعرف متررددتيش قبل ما تسجلى معانا فى حلقتنا

لا ابدا انا جيت هنا عشان ابين للجميع للبنات والولاد والابهات والامهات الى بيفكروا يغلطوا نفس الغلطة الى

غلطوها اهلى فى حقى انهم يراعوا ربنا فى ولادهم

ربنا يوفقك وتقدرى توصلى رسالتك للجميع من خلال برنامجنا

قوللنا بقا انتى متزوجة ولا مطلقة ؟؟؟؟؟؟؟

لا انا مطلقة بقالى 5 سنين بعد سنتين جواز وعندى طفلة صغيرة دلوقتى عندها ست سنين

طب هوا انتى عندك كم سنة دلوقتى

عندى 21 سنة

21 سنة على كدا متجوزة وانتى عندك 14 سنة مش شايفة انك كنتى صغيرة اوى ؟؟؟؟؟

اه كنت صغيرة جدا واتجوزت وانا فرحانة اوى ومحستش بالى انا فيه دا الا بعد ما دار بيا الزمن

مش كبيرة اوى عليكى كلمة لما دار بيا الزمن دى وانتى لسا 21 سنة بس ؟؟؟؟؟؟

بصى انا هقولك حكايتى انا كنت فى تانية اعدادى وكنت رجعة من المدرسة لقيت ناس فى البيت

سألت امى مين دول قالتلى افرحى يا بت دا عريس طبعا كنت فرحانة اوى ومكنتش فاهمة حاجة

طب وعريسك كان عنده كام سنة ؟؟؟؟؟؟؟؟؟

كان عنده 40 سنة ومكنش فارق معايا كان كل الى هاممنى انى هتجوز وبس

واعدنا فترة مخطوبين وخرجت من المدرسة واتجوزت وبدأت حكايتى اهانة وذل وضرب

كانى خدامة فى البيت كانت امى تجيلى اعد اعيطلها واقولها انا عايزة اطلق وهى تقولى استحملى يا بت دا

جوزك برضوا ضل راجل ولا ضل حيط وجبتله طفلة صغيرة ودارت الايام واطلقت بعد الاهانة الى اتعرضتلها كانى جارية واطردت طردة الكلاب

طب وبنتك ؟؟؟؟؟؟؟؟؟؟

بنتى اخدها منى ومرداش يدهالى

طب وبتشوفيها ؟؟؟؟؟

اه مرة مرتين فى الشهر

لما اطلقتى عملتى ايه روحتى فين ؟؟؟

روحت لامى واخواتى طبعا انا اكتشفت انى اتدفع فيا مهر جامد اوى قبل الجواز وكلن يتوصل شهرية ليهم

وطبعا بعد ما اطلقت اتقطعت الشهرية ولازم انا الى هتكفل بالبيت كله واشتغل

يعنى فى النهاية عايزة تقولى انه جواز مصلحة ؟؟؟؟؟؟؟؟؟

اه جواز مصلحة وكانت ضحيته انا وبنتى

عايزة اقول بلاش تعما عينكم الفلوس وخدوا بالكم من ولادكم ومتبعوهومش عشان الفلوس

شرفتينا ويارب رسالتك توصل للكل

وبكدا تكون انتهت حلقتنا

راجين من الله تعالى ان تكون رسالتنا قد وصلت اليكم

تحيياتى

همس القلـ شيماء ـوب

رد: حياتنا x كلمتين (الزواج المبكر ) تابع مسابقة افضل برنامج حوارى

فكرة الحوار كله عجبانى اوى ,,

يعنى فكرة وجود ضيف مميز و صاحب افكار ,,

و بعد كدا استطلاع لرأى بعض الاعضاء ,,

و بعدها حوار خيالى ,,

بجد مجهود مبذول تستحقى عليه التقييم ,,

ماشاء الله عليكى ,,

و بالتوفيــق

رد: حياتنا x كلمتين (الزواج المبكر ) تابع مسابقة افضل برنامج حوارى

ماشاء الله عليك ياقمر

مجهود جبار وموضوع متعوبْ عليه

والتنسيق حاجه تانيه ،،،،، من جد رووووووعه

حياك يا حبيب وعودا حميدا ورمضان كريم عليك

وكل عام وانت بخير

موضوع قمه ويستاهل الخمس نجوم

تحياتي

رد: حياتنا x كلمتين (الزواج المبكر ) تابع مسابقة افضل برنامج حوارى

مجهود مميز يا اختي ربنا يكرمك
تالق في كل شيء
دوام التميز والرقي
تسلسل واضح ومنظم
جميل ما نراه هنا
راقية جدا حواراتك
دمت بالف خير وتميز

رد: حياتنا x كلمتين (الزواج المبكر ) تابع مسابقة افضل برنامج حوارى

بجد بجد حوار رووووووووووعه

تسلم ايدك

مجهود رائع منك وموضوع الحوار مهم جدا لان دى مشكلة كبيرة وللاسف فى ناس بتعمل كده كتيير

ربنا يهديهم وميعملوش ف بناتهم كده عشان حرام لسه صغيرين

وكل سنه وانتم طيبين ورمضان كريم عليكم :)

مودتى ^^

رد: حياتنا x كلمتين (الزواج المبكر ) تابع مسابقة افضل برنامج حوارى

فكرة حلوة اوى بجد
وحلقة جميلة
والموضوع مهم
ومجهود مميز جدا

تسلم ايدك
فى انتظار الجديد
:):)

رد: حياتنا x كلمتين (الزواج المبكر ) تابع مسابقة افضل برنامج حوارى

بصراحة مجهود رائع ويستحق الثناء
بارك الله فيكى

رد: حياتنا x كلمتين (الزواج المبكر ) تابع مسابقة افضل برنامج حوارى

بجد رووووووووعهـ،ـ

طؤريقه عرض البرنامج الحوارى تحفه بجد

تسلم ايديكى يا شوشو مبدعه يا قمرااايه

تستاهلى أحلى تقييييم