كلام فضفضه وحنيه
ولكل ضيف معانا هديه
وانهرده في اولي حلقات البرنامج
معانا شخصيه مبهره بذوقها وروحها
ونشاطها شخصيه متفائله قالت لنا
لاتستصغر من البحر شيئا
فالنقطه تحرك البحر شخصيه تنظر
دوما الي الامام وليس تحت اقدامها
ان اردنا ان نتعلم معنى التفاؤل والاصرار
والعزيمه فلنلتحق بمدرسته
صاحب حكمه
سأل الممكن المستحيل أين تقيم ؟فأجابه في أحلام العاجز
رحبوا معايا بــــــ
*
*
*
*
*
*
*
*
*
*
*
*
*
*
*
*
*
*
مشرف قسم اليوميات
في البدايه سعيده جدا لتواجدك معايا
في أولى حلقات البرنامج
بالهنا نائبنا المتميز
يله بقي ندخل علي الاسئله
في البدايه حابه تدينا نبذه مختصره عن مورشو؟
احمد 28 سنة وكام يوم شاب مصرى عربى زى اى شاب لية احلامى وطموحاتى بحاول انى احققها ان شاء الله
ايه الحلم ايلي اتمنيت تحققه وحققته وايلي اتمنيته ولسه محققتوش؟
انا دائما بحط قدامى حلم صغير كدا وبحاول اوصلة يعنى عشان يكون حافظ ليا انى اكبر حلمى فالحمد لله انا لحد دلوقتى راضى عن تحقيق احلامى بشكل كبير جدا
اوصف لنا الحياه من وجهه نظرك؟
الحياة من وجهة نظرى جميلة جدا رغم صعوباتها الى بتواجهنا بس لو تخيلنا اننا عايشين من غير الصعوبات دى تفتكرو هنحس بطعم النجاح او الحاجه الحلوة ايلى بتحصلنا فى الحياة اعتقد لو مفيش صعوبات مش هنحس بحاجه .
ياتري ايه ايلي ينقص رجل وأنثي اليوم من وجهه نظرك؟
الرجل بينقصة الصراحة فى وجهة نظرى والمرأة ينقصها احترام الرجل وإيمانها ان الرجل لة واجبات عليها يجب تحقيقها
مواصفات شريكه حياتك؟
انا مقتنع ان المواصفات الى اى واحد هيقولها دى بتكون مواصفات فى خيالة فقط يعنى مش هقول انا عايز واحدة عنيها زرقا وشعرها اصفر فيبقى خلاص طيب افرضى حبيت بنت عنيها سودا وشعرها اسود هقولها لا خلاص .
عموما الى يهمنى انها تكون بتحبنى اكتر ما بحبها عشان تستحملنى :biggrin:
أوصف لنا الرجل في كلمه؟
الأمان
ماذا تعنى كلمه أنثى من وجهه نظرك؟
يعنى الجمال وانا بحب المرأة الــ بتهتم بمظهرها جدا لانها رمز للجمال
ياترى إنت إنطوائى ولا اجتماعى؟
والله شوية كدا وشوية كدا يعنى فى شغلى اجتماعى فى حياتى الشخصية ممكن اكون أنطوائى
الحب والصداقه وجهان لعمله واحده فما مفهوم كل منهما عندك؟
والله الحب حاجا والصداقة حاجا تانية يعنى اكيد انا اصدقائى بحبهم جدا وأحبلهم الخير دائما بس حب عن حب بيختلف يعنى مش كل بنت أكون بكلمها وصديقتى اقولها بحبك واروح اجوزها لكن الصداقة اكيد مطلوبة زى ما الحب مطلوب فى حياتنا دائما
ايه أصعب احساس حسيته بحياتك؟
ايام وفاة والدتى كان إحساس بالوحدة
ياترى تقبل تتزوج بمن هى اكبر منك سنا؟
فى المطلق انا مع الحكاية دى بس مايبقاش فرق 10 سنين مثلا لكن لو سنة والا سنتين اعتقد مفيش مشكلة طالما فى حب وتفاهم
-ما صفات الزوجة المثالية من وجهة نظرك؟؟؟
انها تراعى ربنا فى معملتها مع زوجها
ايه هيه نقطه ضعفك؟
أفراد عائلتى
إمتى تنزل دموعك ؟
لو فقد حد بحبة جدا وانا مش سهل ان دموعى تنزل .
ياترى بكاء الرجل ضعف زى كتير ما بيشوفه كده؟
اكيد لا ودى مقولة انا ضدها تماما يعنى لو مثلا حد فقد حد بيحبة وبكا كدا يبقى ضعيف والا يبقى عندة أحساس .
أيهما اصعب من وجهه نظرك التعب النفسي أم التعب الجسدى؟؟ ولماذا؟؟
النفسى بيكون أقوى من وجهة نظرى لانة بيكون بسبب موقف حصل التعب الجسدى ممكن بيكون لكبر السن مثلا او لو مثلا حاجا تستاهل علاج ومسكنات فخلاص بياخد وقتة وبيخلص
ياتري انت انسان عملي ولا رومانسي؟
اعتقد انى عملى أكتر لكن انا مش مع الرومنسية دائما ولكن ممكن ابين انى رومنسى من خلال افعالى مش من خلال الكلام فقط
ايه اكتر عيوبك ايلي تتمنى تغيرها؟
الكسل
الحياء صفه في الأنثي وفضيله في الرجل ايه رأيك في المقوله دى؟
معاها اكيد خاصة انها صفة فى الأنثى ودى من اجمل صفاتها
لو رجعت بالزمن لورا ياتري ايه الشئ ايلي كنت هتغيره في حياتك؟
انا الحمد لله راضى تماما عن حياتى ومكنتش هغير اى قرار اخدة والا هغير اى تصرف أتصرفتة قبل كدا لأنى مقتنع تماما بكل حاجا بعملها .
كتير من الناس يروا ان الحياه مجموعه من الحظوظ والمصادفات ؟ايه رايك ؟
الحياة حظوظ أكيد ولكن مش دائما يعنى لو الانسان لازم يسعى عشان يلاقى ومستحيل ربنا هيقف مع حد مش بيسعى أنة يكون كويس .
اكتر شئ مفتقده بحياتك؟
اكيد أمى
تؤمن بزواج الصالونات ولا الزواج عن حب وليه؟
عن حب أكيد لأن جواز الصالونات ممكن بعد الزواج ميحصلش اى توافق بينهم لكن لو عن حب الاتنين هيستحملوا بعض لو حصل حاجا وانا مش مع أن الحب بيجى بعد الزواج .
القسوه شئ صعب ياتري إمتى ممكن قلبك يقسي؟
لو حد قلل منى
ياتري من وجهه نظرك ايه هيه مفاتيح النجاح في الحياه ؟
الايمان بالله والسعى الى النجاح طول ماحنا حاطين هدف فى حياتنا يبقى خلاص بالارادة هنوصلة حتى لو وصلنا متاخر المهم نوصل
إمتى تقرر خروج شخص من حياتك للأبد؟
لا محصلتش معايا خالص انى قررت اعمل كدا مع حد
كتير شايفين ان فتاه النت عليها
علامات استفهام كتير رايك ايه ؟
والله بصى انا مع النت ومع وجود البنت واستخدمها لية لان النت اصبح وسيلة ضرورية فى حياتنا فخلاص الموضوع مش محتاج نقاش النت دلوقتى اصبح كمان وسيلة للارتباط وتكوين أسرة
ايه هيه اسس
إقامه بيت ناجح؟
التفاهم بين الزوجين ومعرفة كل منهم ان الاخر يحبة وعدم وجود اى طريقة من طرق الغيرة والشك تدخل بينهم
ياتري في حب حقيقي بزمنا ده ولا كله بقي تيك اواى ؟
اكيد فى حب حقيقى وفى تيك اواى بس المهم ان كل واحد يكون متاكد من مشاعرة مع الاخر
الظلم ظلمات يوم القيامه حاسس انك ظلمت ولا اتظلمت؟
الله اعلم :biggrin: بس اتمنى اكون اتظلمت مش ظلمت
اوصف لنا نفسك كما تراها ؟ وكما
يراها الاخرون؟
انا عن نفسى الحمد لله راضى عن نفسى صحيح ممكن يكون فى شوية حاجات مش راضى عنها بس بحاول انى اغيرها فى نفسى رائى الاخرين اكيد مقدرش احكم علية
ياترى ايه اكتر حاجه ماتت بمجتمعنا ؟
أحترام الآخرين
تفتكر لو مصر بتتكلم هتقول ايه؟
هههههههههه
تصدقى ممكن تضحك :biggrin:
على ايلى بيحصل فيها وتقول هى فين مصر محدش شافها :biggrin:
ياتري ملابس المراه بتعبر عن اخلاقها ؟
لا كتير بنقابل بنات لبسها ممكن يكون خارج شوية لكن محدش يقدر يكلم على اخلاقها واحترمها وكتير جدا بنشوف بنات لبسة حجاب وهى ماشاء الله شغالة الله ينور :biggrin:
-هل تتزوج من تحبها .. ام تحب من تتزوجها ؟؟ وايهما تراه اجمل ؟؟
أتزوج من أحبها اكيد وانا قولتلك السبب فوق
- أحب زواية ليك في البيت تشعر بالراحه والانجذاب دوما لها ؟
غرفتى اكيد بحب اقعد كدا استمخ فيها :762:
لو تمتلك مفتاح السعاده تهديه لمين؟
اكيد لأفراد عائلتى وزوجتى ان شاء الله
ما رايك بعمل المراه وياترى تحب شريكتك بتشتغل ولالا؟
انا مع عملها ولكن لو هتقدر توفق بين العمل والبيت
اكتر شئ بيخوفك في الدنيا وبصراحه؟
النفااااااااق :biggrin:
من هو كاتم أسرارك الذى تصارحه بكل شئ ؟
أبن عمى
ايه الاسباب ايلي تؤدى الي فقدان ثقتك في الاخرين؟
لو قولت لحد على حاجا ونقلها
من الشخص الذى تتمنى ياخذ فرحك علشان ماتشوفوش حزين ؟
والدى
ياترى ازاى تقبلت عرض الادارى المنتخب؟
العرض كان من ماجيك كنا بنكلم ميل وكان هو قايل انة مرشح نفسة واحنا بنكلم قالى اية رائيك تنزل نائب ليا فى الانتخابات وافقت لانى كنت مقتنع انة يستحق انة يكون الادارى المنتخب وطبعا مش بقول كدا عشان أقلل من باقى الاعضاء الــ كانو مترشحين بالعكس معظمهم كان يستحق اللقب برضو .
ياتري ايه الاساسيات ايلي بتختاروا عليها اعضاء فريق عمل الادارى المتخب؟
التواجد المستمر والابداع طبعا احنا شايفين فريق العمل فى اعضاء مختصة بالفوتوشوب والبنرات وفى البعض منهم مختص بالمراقبة وتبلغنا بالاعضاء النشطاء فى الاقسام حتى يتم تكريمهم .
ايه الافكار ايلي ناوى تنفذها الفتره الجايه؟
ان شاء الله هنشوف توبيك جديد فى اليوميات انا وماجيك وهو عبارة عن مقالب نزل منة حلقة والحمد لله عجبت الاعضاء هنشوف كمان توبيك تانى بينى وبين ماجيك هنزلة فى نص رمضان .
ايه اوجه القصور ايلي شايفها في المنتدى؟
لا مفيش قصور والا حاجا الحمد لله الامور ماشية كويس الفترة الاخيرة عشان امتحانات كان الاعداد قليلة ومكنش فى اهتمام كبير بالمنتدى لكن دلوقتى الامور ماشية كويس جدا .
ايه هيه طرق تطوير المنتدى ليصبح الأفضل فالأفضل دوما؟
كلنا شايفين الفترة دى حودة عامل شغل كويس بالمنتدى بس انا من رائيى يعنى ماينزلش كل حاجا مرة واحدة يعنى التطوير يكون حاجا حاجا عشان الاعضاء تاخد على التطوير ايلى بيحصل .
لو كنت مدير منتدى ايه هيه الخطوات الاداريه الأولى ايلي هتقوم بيها؟
كان اول قرار هلغى حكاية اغلاق اى توبيك ينزل مهما كان بيكلم عن اية .
وبما انك مشرف اولا بقسم اليوميات ياتري ايه هيه الأساليب التى تجعل
المحاور او المقدم للبرنامج ناجحا؟
انة مايسئلش اسئلة تقليدية يعنى خلاص كلنا عرفنا بعض مبقاش فى اسمك اية انت منين بتحب اية بتاكل اية بتلبس اية :biggrin: والاهم ان صاحب التوبيك يكون جاد فى حوارة يعنى مش كل سؤال اضحك وكل رد من ضيفى اعلق علية واكيد كل حلقة اختار اسئلة تخص الضيف بتاعى متكنش كلها اسئلة عامة وثابتة الا فى مواضيع معينة فقط .
- هل لاحظت تغير بعض الأعضاء عليك بعد الإشراف او الاداره ؟
لا الحمد لله كلنا واحد وانا تعاملى مع الاعضاء واحدة وبحاول اساعد البعض على قد ما اقدر .
هل تعتبر عملك في الإشراف عملا بأجر معنوي ؟
لا ابدا انا معنديش اى مانع انى اقدم برامجى وانا عضو عادى الى يهمنى رائى الاعضاء فى البرامج وطالما البرنامج عاجب الاعضاء وناجح مش هتفرق معاهم مين ايلى منزلة سواء مشرف او عضو عادى او ادارى .
-لو لوحة التحكم بإيدك ماهي الاقسام التي ستضيفها للمنتدى وماهي الاقسام اللتي ستحذفها من المنتدى .؟ ولماذا .؟
هضيف قسم خاص بأعضاء الخليج العربى انتى عارفه ساعات بيكون ليهم عالمهم الخاص ومواضيعهم الخاصة فكتير مش بينزلوها فى المنتدى عشان مش هتتفهم منهم فممكن دا يكون قسم ليهم وكمان كنت هضيف قسم لـ ( القوات المسلحة ) هيكلم عن الجيوش العربية وكل عضو يعرفنا على القوات المسلحة الخاصة ببلدة خاصة وان المنتدى فية اعضاء عرب كتير جدا .
حكاية انى اشيل دى هتكون صعبة لان كل قسم لية اعضائة بيحبوة وبيهتمو بية
عضو ترى ان لديه إمكانيات كبيرة ولم يقدمها حتى الآن ؟
فى اعضاء كتير جدا خاصة الجداد بيعجبنى جدا اقلامهم
ماهي نوع المواضيع ايلي تشد انتباهك؟
المواضيع الجريئة الغير تقليدية
هل تتراجع عن قرار أو إجراء قمت به وأتضح لك بأنك على خطأ ؟
أكيد طالما أتاكد انة غلط
هل تصحيح الخطأ يسبب لك الإحراج ؟
بالعكس لازم نتعلم من أخطائنا دى حاجا اكيدة
كلمه في نهايه برنامجنا؟
هقول اية يعنى
هقولك حرام عليكى والله :biggrin:
إنتظرونى في حلقه جديده وضيف جديد
و.............
ســــاعه صفـــــا
مع........
ملك روحى
