|
الحلقـة الثآنية من برنآمج " رحلة تعمق " مع " احضان الحبايب " .. http://up.banatmisr.com/uploads/imag...1f212d4e96.gif السـلآم عليكـم ورحمـة الله وبركآته رمضـآن كريم ع الجميع , النهـآردة ان شاء الله معانا الحلقـة الثانية من الموسم الثاني من برنآمج " رحلـة تعمق في شخصيآت الأعضاء " ومعانا النهآردة شخصية محترمة جداً معانا مشرف قسم التوبيكآت أحضـان الحبايب أهلاً وسهلاً بيك معانا تابعوا معانا الحلقــة ,, اسمك الحقيقي ... ، وسبب إختيـآرك لـ اسمك المستعار ... عمرك ... الاسم الحقيقى : عبـدالرحمن محمد سبب اختيارى لاسمى المستعار : هو انى بحب اغنية احضان الحبايب بتاعت حليم جداا ,, و عمرى : فى 28 اكتوبر ال جاى هكمل 18 سنة تنتقد في نفسك ... ممكن العصبية و شوية اندفاع ,, انى ممكن ارجع فى قرار اخدته عشان خاطر حد ,, يمكن اوقات بستنى الثناء على عمل بقوم بيه ,, يعنى كلها حاجات مش دايمة ,, بس لما بتحصل بعدها بضايق من نفسى ,, جربت ... وكرهت ... وخفت أن ... جربت ابقى مع نفسى و اكون انانى شوية و فضلت الحمدلله ,, كرهت التزمت فى الرأى ,, وا لرفض لمجرد الرفض ,, خفت الا اصل الى ما احلم بيه ,, في طفولتك أحببت أن تكون ... وعندما كبرت وجدت أن ... كـان نفسى ابقى طيار بصراحه ,, لانى كنت بحب الطيران و منظر الطيارات جداا ً ,, بس خلاص اهو انا كبرت و كلها كام شهر و ادخل كلية الهندسة ,, مع العلم ان الهندسة بردوا كان حلم يراودنى حديثاً ,, لا تحب أن يرآك الآخرون وأنت ... ونقطة ضعفك ... لا احب ان يرانى الاخرون و انا متردد ,, و نقطة ضعفى هى الاندفاع شوية ,, رؤيتك للحيآة انها ... وأصعب مافيها ... الحياة بابان ,, باب يدخل منه الانسان ,, و باب يخرج منه ,, و بينهم الكثير من المشاكل و الاختبارات ,, واصعب ما فى الحياة ,, هم شياطين الانس ال بيقابلوا الواحد فى حياته ,, ماضيك ... و حاضرك ... ومستقبلك ... الماضى حلو ,, الحاضر أحلى ,, و المستقبل بيد الله ,, واجمل مرحلة في حياتك هي ... مش مرحلة معينه ,, كل حاجه فيها الحلو و الوحش اكيد ,, لا تغلق أبداً نافذة الـ ... في حياتك ، لأنك ... نافذة الأمل ,, لانى متفائل بطبعى :) ,, * * أسئلة عامة : - " الحياة مليئة بالمحن والابتلآءات ، بتتفآوت درجة المحن زي مابتتفاوت ردة فعلنا وصبرنا ع المحن دي " انت بتواجه إزاي المحن دي .. وبتحب تعتمد على نفسك ولا ممكن تعتمد على حد قريب منك ؟ ممممممم ,, انا بواجه المحن بانى بعمل باقصى جهد عندى ,, عشان اقدر اعديها ,, يعنى اكيد لكل مشكله حل ,, و انا مؤمن جداا بكدا ,, موضوع بقا انى اعتمد ع غيرى ولا لا,, فانا غالبا بحب احتفظ بكل حاجه لنفسى ,, لانه صعب انك تلاقى حد فاهمك اوى لدرجة انه يعدى معاك محنة ,, _ - دآيماً بنتكلم عن الايجابية وازاي نكون مؤثرين وفعالين في المجتمع اللي عآيشين فيه ،، أيه هو تعريف الايجابية من وجهة نظرك ؟ وتفكيرك -غالباً- بيبقى مهتم بالايجابيات ولا السلبيات ..؟؟ الايجابية : فى مفهومى الخاص هو ان الانسان يبطل يفكر فى نفسه و بس ,, يعنى لما يجى يعمل شئ معين ,, و يبص ع الفوائد بتاعت الشئ دى ,, لازم يفكر و يتأكد ان الفوائد دى هتفيده و هتفيد غيره ,, العمل الايجابى فى النهايه بيحمل جزء كبير من الايثار ,, لكل مقام مقال ,, يعنى اوقات بفكر فى الايجابيات ,, و اوقات بفكر فى السلبيات ,, على حسب نوع الموضوع نفسه ,, _ إيه هو دافعك في الحياة .. يعني الشيء اللي بيخليك تعمل وتذاكر وتجتهد .. وإمتى بتحس انك محبط ؟ هما دافعين : الاول ابويا و امى و احساسى انى دايما عايز اعمل حاجه تشرفهم ^^ و تانى حاجه بقا انى بحب احساس النجاح جداا ً ببقا محبط ,, لما اتعب جامد اوى فى شئ معين ,, و يطلع مردوده اقل مما توقعت ,, _ أبرز عيوب شخصيتك ؟ وبتحاول تعالجها ولا مؤمن ان كل شخصية ليها عيوب ؟ العيوب بتتلخص فى الاندفاع و العصبيه بس , هو انا مؤمن ان لكل شخصية عيوب ,, بس ده ما يمنعش انى بحاول اقلل منها ,, و الفضل فى المحاولاات دى هى امى ,, _ بتهتم بـ علم النفس وتطوير الذات ؟ كـدراسة لا ,, بص كمعلومات عاامة يهمنى جداا اسمع الدكاتره النفسين ,, ليـه ؟ عشان الناس كلها مليانه عقد و قلاقيع بعيد عنك الايام دى :biggrin: .. _ " الإنسان عدو مايجهل " ,, إيه رأيك في المقولة دي ؟ التعميم بردوا انا ضدده ,, بس يمكن مقوله صحيحه فى حالات اشخاص كتير ,, وليه غالبية الناس بتبقى ضد التغيير ؟ وانت شخصياً موقفك ايه منه .. بتحب تغير ولا بتفضل الروتين ؟ لان فى بعض الناس يمكن بتشوف ان مصالحها و حياتها مش هتمشى غير بال هم ورثوه عن اجدادهم ,, يعنى فكر روتينى و رجعى شوية ,, بس المشكله قبل ما انا اقولهم غيرواا ,, لازم الاول افهمهم يعنى ايه تغيير ,, و ايه الفايده ال هتعود عليهم ,, و انا طبعا مع التغيير ,, بس مع التغيير الحذر و المتدرج ,, _ بتبص غالباً لـ نص الكوباية الفاضي ولا المليان ؟ وبتعتبر نفسك متفائل قد ايه ؟ النص الفاضى عشان افكر ازاى املاه ,, و انا متفائل بنسبة 90 % بس التفائل يعنى له اسباب و مش بتفائل بحاجه الا بعد ما اتعامل معاها يعنى مش هتفائل انى هجيب فى الثانوى 99 % الا بعد ما دخلت الامتحانات ,, _ بتفضل تكون خيالي وطموح ولا بتفضل الواقعية ؟ وليه أحياناً الواقعية بتبقى ضد الطموح ؟ لا الطموح مش ضدد الواقعيه ,, بالعكس ده الانسان بيكون عنده طموح ,, عشان يغير واقع هو عايش فيه ,, يمكن فى طموح بتعدى حدود معينه ,, بس دى اسمهاا احلام ,, و اكيد انا بفضل الطموح ال بحدود ,, و ال اقدر اعمله :) ,, _ اول انطباع بيتآخد عن شخصيتك ايه ؟ وغالبا بيبقى صحيح ولا لأ ؟ لا دى ممكن تسألى فيها الاشخاص ال بيتعاملوا معايا ,, و اكيد فى انطباعات بتكون صح و اوقات بتكون غلط ,, ده بيعتمد بالاساس على الفتره ال قضاهاا معايا الشخص ال بيتعامل معايا ,, _ هل اختلف انطباع الناس عنك في النت عن أرض الواقع ؟ وايه السبب ؟ احياانا طبعا ,, لان ع النت هم مش هيشوفوا غير ال انا عايز اظهره بس ,, لكن فى اقدر الواقع الاشخاص بتشوفنى كلى ع بعضى ,, و بيحكمواا _ بتعبر ازاي عن فرحك .. بسكت خالص و بقول الحمدلله بس غضبك .. صوتى بيعلى شوية :biggrin: _ ايه المواقف اللي ممكن تخليك تلجـأ للسكوت ؟ لما اكون ع اخرى و مضايق ,, _ - مجتمعنا دآيماً او غالباً بيميل للمجآملات ، وقليل اللي بيتقبل الرأي الآخر والنقد بدون حسآسية ، انت شايف امتى هنقدر نآخد النقد والصرآحة ببسآطة ؟ وانت نفسك بتميل للمجاملات أحياناً ولا بتقول رأيك ومابيهمكش ؟ العلم ,, كل حاجه متوقفه ع العلم ,, يعنى يوم لما تبقى نسبة الجهل ما تعديش 2 % و يوم لما كله يعرف يكون وجهات النظر الخاصه بيه ,, مش ناقلها من حد ,, اكيد هنتقبل بعض فى كل الحالات ,, فى اوقات بميل للمجاملات طبعا ,, و الصراحه بردوا بتكون كويسه فى اوقات ,, _ الخجل والحياء سمات فطرية في البنت .. إمتى الخجل دا بيتحول لـ خجل اجتماعي مذموم ؟ اى حاجه ممكن تزيد عن حدهاا بتكون مذمومه ,, الخجل بالنسبالى ممزوج شوية بالاحترام ,, مش بالضعف ,, يعنى ما ينفعش البت تقول انا ضعيفه لانى خجوله ,, وبالنسبـة لـ خجل الشباب .. أيه موقفك منه ؟ ممكن تعتبره نقص في شخصية الرجل ؟ لا طبعاا ,, الخجل و الحياء مطلوب للبنت و الولد ,, سيدنا عثمان بن عفان كانت ستتحى منه الملائكه لكثرة حيائه ,, فـلا طبعا عمر الخجل ما كان نقص ,, _ - معروف ان الطفل وهو صغير الام والاب هم اللي بيتحكموا في تكوين شخصيته بشكل كبير ، انت شايف ان التربية بتأثر قد ايه في شخصية الانسان ؟ وهل كل وآحد مهما كبر بتفضل جوآه جزء من طفولته ..؟؟ الاب و الام غالبا بياثروا بنسبة 50 % و الـ 50 % الباقيين بيعتمدوا ع احتكاك الطفل بالبيئه ,, بس طبعا ده ما يمنعش ان النسب دى مش ثابته ,, يعنى اوقات بيكون الام او الاب مش مهتمين اوى بالاطفال ,, و اوقات تانيه ممكن يمنعوا اطفالهم من الاحتكاك بالعالم الخارجى ,, اكيد ,, لان مافيش مبنى عظيم من غير اساس ,, و حتى لو الاساس ده مش باين للناس ,, فهو بيكون المؤثر الاعظم ,, _ ,, - التربية (الام والاب) ، المدرسة ، الاصدقاء ، الاعلام .. رتبهم من حيث تأثيرهم على شخصية الانسآن .. الام و الاب ,, الاصدقاء ,, المدرسة ,, الاعلام _ - مين قدوتك في الحيآة أو ملهمك والشخص اللي بتتمنى تكون شبهه ؟ وليه الشخص دآ بالذآت ..؟؟ اممممممممم ,, انا ماليش ملهم او قدوة محدده ,, بس اى حد ناجح فى مجاله بيكون بالنسبالى مثاال يحتذى بيه ,, _ - اكتر موقف مر في حياتك وأثر في شخصيتك ؟ واثر فيها ازاي ..؟ لسه مافيش مواقف فى حياتى اقدر اقول انها اثرت اوى , او انها غيرت مجرى او شكل حياتى ,, _ - " اهتماماتنا بتعبر بشكل ما عن افكارنا وشخصياتنا " ، ايه رايك في الجملة دي ؟ وكلمنا شوية عن اهتماماتك وهواياتك ..؟؟ اكيد ان اهتماماات الواحد,, و طريقة التعبير عنهاا بتعبر جداا عن شخصيته ,, بتعبر كمان عن الداخليات ال ممكن مش تكون ظاهره للناس ,, انا يمكن ماليش هوايا اوى ,, بس بالنسبة لاهتماماتى فانا بهتم اوى بالطيارات و مجال الطيران عموماا ,, و بردوا الكواكب و المجرات و جو الفلك ده ,, و بحب االافلام الوثائقيه :200: - ايه هو تعريف الثقة بالنفس بالنسبآلك ؟ وياترى ايه هو الخط الرُفيع اللي بيفصل عن الثقة والغرور ..؟؟ الثقه بالنفس معناااهاا ان الانسان يبقا عنده يقين تاام و هو بيعمل حاجه معينه ,, انه قادر ع الحاجه دى ,, و انه يقدر يحقق فيهاا كل شئ كويس ,, و فعلا فى خيط رفيع بين الغرور و الثقه ,, يعنى مش معنى ان الانسان يبقا واثق فى نفسه و انه حاسس انه يقدر يعمل اى حاجه ,, انه يتكاسل و يتواكل بقا ,, و الغرور صفة ذميمه ,, ده غير ان فى ناس بتكون مغروره عشان تعوض عدم الثقه ال فى نفسها ,, _ إيه هي الأسباب اللي ممكن تقلل من ثقة الانسان بنفسه ؟ وانت واثق من نفسك بنسبة قد ايه ؟ ممكن انه يحصله موقف معين ,, وثقته بنفسه تخونه و مش تسعفه ,, ممكن ساعات ثقته فى نفسه تتهز ,, و اان تقريبا واثق فى نفسى بنسبة كبيره :) _ - كل انسان جوآه طاقة كبيرة محتاجة يوجهها في الاتجآه الصح ويستفيد منها وكل انسان ربنا ميزه عن غيره بشيء خآص بيه ،، انت عارف كل موآهبك وقدرآتك وبتقدر تستفيد منها ولا حاسس انك لسه ممكن تكتشف نفسك أكتر ؟ انا اعرف جزء منهاا ,, و المواهب و القدرات مش بتظهر غير مواقف معينه ,, و اكيد لسه ال يعيش ياامه يشوف ^^ ,, _ بتحب تكون صداقة مع شخصيات قريبة من شخصيتك ؟ ولا شايف دا شيء مش مؤثر في الصداقة ؟ لا ما اظنش انى لو اتعاملت مع حد نفس شخصيتى هننجح اوى يعنى ,, افضل حااجه ان يبقا فى تغيير فى الشخصيات ,, _ ماضيك .. بيمثل ليك ايه في حاضرك ومستقبلك ؟ الماضى هو اساس الحاضر و المستقبل ,, بس المهم انه ما يكون عقبه قدامى ,, _ بتعتبر نفسك قيادي وبتتحمل المسؤولية ؟ لا مش اوى يعنى ,, و لسه بردوا ما وضعتش فى موقف عشان اكتشف فى نفسى موهبة القيادى ,, _ هل فشلت في تحقيق حلم مهم في حياتك قبل كدا ؟ والفشل دا أحبطك ولا استمريت في المحاولة ؟ لا الحمدلله ,, ربنا اكرمنى و زيادة لغاية دلوقتى ^^ _ كليتك , داخلها عن اقتناع ؟ ولو لأ .. ايه اللي خلاك تدخل حاجة انت مش حاببها ؟ وكنت حابب ايه ؟ هو انا لسه هدخلهاا ان شاء الله ,, و عن اقتناع جدا و الحمدلله ,, _ بنسمع حكم وامثال كتير .. بس في حاجات معينة بتثبت معانا .. اما لانها لمست حاجة جوانا .. او اننا اقتعنا بيها جداً .. إيه هي أهم المقولات أثرت فيك ؟ اجرى يابن آدم جرى الوحوش ,, غير رزقك لن تحوش _ هتتصرف ازاي : اتظلمت من حد معين .. هتتصرف ازاي مع الظلم دا ؟ ممكن اسكت ,, و ممكن انفجر فيه ,, على حسب الشخص ال ظلمنى ,, انت وزميلك عندكو فكرة معينة حابين تشرحوها للناس .. مين غالباً اللي هيقوم بشرحها .. انت ولاهو ؟ انااا تقريبا _ علاقتك بـ الناس .. ايه اهم قواعدها .. وعندك خطوط حمراء في التعامل ولا منفتح من الجميع ؟ انا مؤمن زى ما قولتلك ان كل حاجه ليها حدود كويسه ,, بس ده مش معنااه انى منغلق ع نفسى يعنى ,, _ رؤيتك لـ الصداقة .. وحياتك بيوجد فيها شخص تقدر تقول عليه انه صديق فعلاً ؟ الصداقه اكيد شئ مهم فى كل حاجه فى حياتنا ,, و وجود صديق فى حياة الانسان ممكن تغيرهاا اكيد للأحسن ,, لا للاسف انا مش شفت حد ممكن يتقال عليه صديق فعلا ,, يمكن ده عيب فيا مش فى الاخرين ,, * * أسئلة ليها علاقة بـ المنتدى : السبب اللي خلاك تسجل في المنتدى ؟ وندمت في يوم انك سجلت .. او فكرت تمشي ؟ ااناا سجلت فى المنتدى بعد ما اختى سجلت فيه ,, و عمرى ما ندمت انى سجلت ,, بس فكرة انى امشى فى مره ,, بتؤمن بالصداقة النتية ؟ فى تعارف ع النت بحدود بردوا ,, و لو بقت صداقه مش هتكون صداقه بالمعنى المتعارف عليه ,, الا لما تتنقل للواقع ,, ومين أقرب حد ليك هنا ؟ كلهم ع مسافات متساوية ,, بس فى اشخاص بتعامل معاهم دايما و اشخاص لا ,, استفدت ايه من المنتدى ؟ لا حااجات كتيررر ,, اهمهاا انى تعاملت مع اشخاص ياامه من ثقافات مختلفه ,, ومن الناس اللي فيه .. مين أبرز الشخصيات اللي استفدت منها ( قديماً وحديثاً ) ؟ واستفدت ايه ؟ لا مش اشخاص معينه عيوب المنتدى ايه ؟ وشايفـه اتغير عن زمـان ؟ هو مش عيب ,, بس اناا كل ال قلقان منه ان المنتدى يتحول انه يبقا مكان للتعارف بس ,, اكيد طبعا اتغير كتير عن زمااان ,, هل اتهمك حد قبل كدا في المنتدى بشيء ضايقك ؟ أو حسيت انك مفهوم غلط ؟ يعنى قريب كداا ,, بس عاادى مش كل حاجه الواحد لازم يسمعها و ينتبه ليها اوى ,, كلمـة أخير توجههـا لـ كل الأعضـاء ؟ حافظوا على بعض ,, يعنى هناا كلنا اخوه ,, مهما حصل من خلافات المفروض ما تتعدى مجرد انها اختلافات فى وجهاات النظر ,, و اتمنالهم التوفيق اكيد ,, * * في النهـآية , بشكرك على وجودك معانا وأتمنى تكون الحلقة عجبتكم في انتظآر آرآئكم :) |
رد: الحلقـة الثآنية من برنآمج " رحلة تعمق " مع " احضان الحبايب " .. حوار جميل قوى مع شخصيه بجد محترمه جداااااااااااااااااااااا عبد الرحمن مشاء الله عليك انت طلعت قد اخوايا ربنا يوفقك ويوفقه ويكتب ليك الخير يااااااااااااااااااااااارب حلقه جميله وضيف ليه قدره ومكانته فى المنتدى تحياتى وتقديرى وتقيمى للحلقه ولضيف الحلقه |
رد: الحلقـة الثآنية من برنآمج " رحلة تعمق " مع " احضان الحبايب " .. مآ شآء آلله حلقه موفقّه وآفكآر عبد الرحمن عقلآنية تسلمي دينو على مجهودك (= موفقين بإذن آلله دمتم بخير ...~ |
رد: الحلقـة الثآنية من برنآمج " رحلة تعمق " مع " احضان الحبايب " .. lبجد حلقة جمييلة اوووووى وعجبتنى الاجابات اوووووى وتدل ع عقلانية عبدالرحمن وشخصيته المحترمة بجد تسلم ايدك ع الحلقة الروووووعة دى |
رد: الحلقـة الثآنية من برنآمج " رحلة تعمق " مع " احضان الحبايب " .. يعطيك العافيه أختي ع هاللقاء أجدت الحوار والضيف أجاد الاجابه وتعرفنا عليه اكثر استمري ولا يوقف |
رد: الحلقـة الثآنية من برنآمج " رحلة تعمق " مع " احضان الحبايب " .. حلقه جميييييله اووووى ^^ اجابات عبدالرحمن جميله اوووى ,, وحسيت فيها برذانه وهدوء ،، ربنا يكملك بعقلك . ويبعد عنك العصبيه ... مودتى :) |
رد: الحلقـة الثآنية من برنآمج " رحلة تعمق " مع " احضان الحبايب " .. اجابات جميل منك يا عبد الرحمن نورتنا باجاباتك الجميله وباذن الله تحقق كل اللى بتتمناه فى حياتك واسئله جميله منك يا دينا فى انتظار جديدك دائما |
رد: الحلقـة الثآنية من برنآمج " رحلة تعمق " مع " احضان الحبايب " .. حلقة حلوة وفكرة البرنامج كتير حلوة .. تسلموا ودمتم بحفظ الرحمن .. |
| الساعة الآن 11:26 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب