منتديات بنات مصر

منتديات بنات مصر (https://forums.banatmasr.net/)
-   أرشيف برامج اليوميات (https://forums.banatmasr.net/f164/)
-   -   حلقه جديده من برنامج ( عضو على طاولة الحوار ) ومعانا .. ( SiLver Spectra) (https://forums.banatmasr.net/msryat372258/)

كبرياء رجل 08-02-2012 02:16 AM

حلقه جديده من برنامج ( عضو على طاولة الحوار ) ومعانا .. ( SiLver Spectra)
 

طبعا النهارده حذفنا المقدمه
بتاعة الموضوع
لان حوانا مع الادراه
يعني متراقب قبل ما يضاف





http://www.alhiwaraldini.com/File/23...ogo/busmet.gif




معانا اخ عزيز على قلوب الكثير

مميز بادارته وحسن تعامله
احيانا بيبقى متسامح
ويعدي على حاجات في صالح الاعضاء واحيانا بيبقى حازم وقرارته قويه وصارمه
ولا يوجد انسان كامل فكلنا مخطئون
مرح بمواضيعه الكوميديه اللي انتهت من فتره ومش عارفين السبب
سياسي مخضرم مميز
وكاتب ايضا مميز بحسن اسلوبه وسرده لبعض الاحداث او القضايا
معانا ومنورنا مديرنا العام

SiLver Spectra

اهلا وسهلا بيك اخي ومنور البرنامج
أهو انت الي منور :biggrin:



/ يا ترى ليه الاسم بتاعك كده
وهل ده اسمك منذ دخولك المنتدى
ام انه بعد التغيير ?

تصدق لو جاوبتك على السؤال
الناس هتقول عني ممل
و كل شوية يحكي نفس القصة :)
خليني اجاوبك على الشق التاني
أنا غيرته مره
كان الأول كلو حروف اسمول
silver spectra
و بعدين لما باقيت اداري احترت
اخليه كلو كابيتال
و لا زي ما هو دلوقتي
تلت حروف كابيتال بس
و اخترت الشكل الحالي


/ يا ترى ايه الفرق بين

سلفر اسبكترا
وطارق

يعني انتا هنا وخارج النت
وهل هناك اختلاف ﻻ نراه


هي نفس الدماغ , الاختلاف
انك بدل ما هتشوف الحاجه مكتوبة هتسمعها مني


/ ايه الفرق بين المنتدى زمان ودلوقتي ?

شوف أنا هتكلم كلام بحكم خبرتي
مافيش فرق كبير , ممكن كان في ناس بتكتب و مميزه أكتر شوية عشان
في فترات كانت قياسية في مستوى
الزوار و التسجيل
بالتحديد صيف 2009
و كمل بالمستوى دا مع انخفاض
بسيط لصيف 2010
و بعدين حصل هبوط في 2011 شوية
لكن اجمالا , زمان ماكنش في اعضاء
ملونه كتير
تفتح تلاقي الاخضر هو الشائع ,
الازرق كان نادر
ممكن مشرف واحد او تلاته
اربعه مشرفين

زي الصورة دي كدا متصوره
في فبراير 2010

http://up.msryat.org/uploads/images/...9c8fb258da.jpg



و فكرتني على فكرة بموضوع
(منتديات بنات مصر في ثلاث أعوام)
المفروض بنزله كل سنة في شهر 7
من خلاله بعيشك الفرق بين النهارده
و زمان و بتقدر تحكم انت لواحدك


/ لما سجلت في المنتدى
ومع الوقت من مشاركات وتفاعلك
مع الاعضاء حسيت ان ممكن ييجي عليك
وقت وتبقى المدير العام ?

لا عمري
كان طموحي اني ابقى مراقب
(واقعي بقى)
لكن عمري ما تخيلت أني ابقى اداري
لو تعرف قصة صعودي هتدرك
ان الحظ لعب لعبته معايا
بشكل غير متوقع



/ شايفين SiLver Spectra الفتره دي
بقى عنده خمول لاافكار جديده
ولا مسابقات يا ترى عشان كل حاجه
اتعملت ولا سلمت الموضوع للاخ محمود ?


ما في مسابقة نزلت أهي
و الاستايل اتعدل
اعتقد دا خير جواب على سؤالك
و عامة الفترة الي فاتت كان فيها اختبارات فدي اثرت على نشاطي


/ يا ترى مين المدير العام
عشان نحدد
طارق
ولا محمود

عشان الاتنين مكتوب تحت اسمهم
المدير العام ?

آه محمود سرق اللقب بتاعي :biggrin:
طب قولي نعمله ايه طيب هههههه

عادي هو بيكلمني قبل ما بيعمل حاجه
و انا بكلمه برضو
فمش فارقه
زي ما كان ضياء قبله برضو
كنا بنتكلم و بنسق


/ بنشوف تعيين مشرفين
لم يحصلوا على فترة التميز
يا ترى ده صح ومش تخطي
نظام معين من المنتدى ?

ماهو التمييز بقى بطيئ
و شبه متعطل
في حين انت محتاج حد يمسك
القسم الفلاني
و بتلاقي فرصه ادامك حد كويس
و بيشتغل

انا شايف ان من الروتين
اننا نستنى الاول يتميز
و بعدين ياخد اشراف
في حين انت بحاجه للشخص دا في القسم


/ كلنا عشنا فترة توتر
في المنتدى كبيره كل شويه
يتشال مشرف
وتاني يوم يرجع او ميرجعش

مش شايف ان الامور كانت ممكن
تتحل بطريقه ابسط من كده ?

المشكلة ان الأعضاء تبص تلاقي
واحد اتشال يقولك حصلت مشكلة!!
عارف ان اغلب الي اتشالوا
هما الي طالبين لظروف خاصة بيهم
يعني مش خلاف و لا حاجه
و بيبعتلك يقولك شيلني
و ريحني عشان حاسس باني مقصر
و في منهم الي بيوعدك انه هيرجع
تاني في الصيف بس يقولك شيلني دلوقتي عشان مايحسش بالتقصير
و اني ماليش لازمه في المنتدى
تقدر تقول لحفظ الهيبة

و في ناس لظروف نفسية او مزاجية
حتى ساعات بنغلس عليهم شوية لما
يحبوا يرجعوا و نقولهم استنى شوية , لأن المفروض مش لعبة نحطك مشرف
و تطلب تتشال و بعدين ترجع تقول
رجعوني تاني

فعشان يكون لعلمك بس
مافيش اي مشرف اتشال بخلاف خلال
الفترة السابقة من شهر 5
بتكون طلبات منهم او لأسباب تتعلق باختفاءهم لفترات طويلة


/ بنشوف مشرفين غابوا عن المنتدى لظروفهم الخاصه او مشاغل الحياه

طبيعي يتشال من منصبه عشان يبقى
في حد تاني بديل ونتابع


بس بنشوف برضو مشرفين ومراقبين غير متواجداين بالمره ومن فتره طويله
ولسه في اماكنهم
يا ترى ايه السر في كده ؟


انت ممكن تقولي اسماء
هحطلك انا مثلا اسماء
(وصفي 2007 ) مشرف الستالايت
دا لو شيلته هجيب مين مكانه !
مافيش حد له نشاط في القسم

في الغالب بنشيل المشرفين
على الاقسام الحيوية و بالذات كمان
لما يكون ليهم بديل

دا خلافا على ان في ناس بتعلن
عن ظروف غيابها و موعد عودتها
لكن في ناس تانيه بتغيب
فجأة بدون سبق انذار

و انا شخصيا لما بشيل ناس
من الاشراف بكون مش مبسوط
بس مضطر ,,



/ في اعضاء ممكن نقول تعدت
او كسرت قوانين المنتدى
او وجهة نظر اخرى تقول انها
كانت على خلاف مع طارق هجبلك
اسماء ومطلوب انك تتكلم على كل عضو..

احضان الحبايب
عبدو هو الي طلب يتشال و زي
ما ذكرت في السؤال السابق
قال انه هيرجع تاني على قسم
مختلف بعد انتهاء الدراسة
مافيش اي خلاف سابق

مورشو

اتشال عشان كان في منتدى اخر
و فيه اعضاء كتير من عندنا
و كان في عضوية كل يوم تسجل
و تنشر روابط للمنتدى دا
و ضياء بحث و لقى مورشو مدير عام
هناك
و بالتالي اعتبر انه مسؤول عن
الموقع الاخر الي بيبعت روابط عندنا

انا شخصيا ماكنتش مع حظره
لكن ضياء اخد الاجراء و مااقدرش
الومه عليه لأن مورشو يعتبر مسؤول هناك



اركو بلانكو
هي الي طلبت تتشال ,
قالت عشان رمضان جاي و ضغط نفسي
و كدا
و بعدين طلبت ترجع
و سوقت النداله معاها شوية
قولتلها زي ما طلبتي من محمود
يشيلك اطلبي منه يرجعك
و قبلها كنت مكلم محمود و قايله ما ترجعهاش على طول هههههههه



محمد علاء
اه , دا الي ممكن تقول لخلاف سياسي
انت عارف انا بختلف مع دبان وشي
و عادي , مافيش مشاكل معايا
و لا عمري اذيت حد الا لو حصل تطاول
علاء ماكنش تطاول على حد نهائي ,
بس كان مستفز شوية وسط
احداث كانت مولعة
كان الواحد نفسيته تعبانه
و الأحداث كانت متعاقبة فحصل الي حصل
و شيلته لفترة غضب
و رجعته لأني مدرك انه شخص محترم



سنايبر
هو الي طلب يتشال
الاسباب ترجعله هو ماعنديش خلفية


مسك الشهاده
و الله ما افتكر هو اتشال
و رجع و لا مش اتشال
بس هو كان طلب يتشال و أعتقد انا قولتله خليك و عادي و كدا


شاعرة الرمانسيه

مش هقدر اصرح بالسبب عشانها
بس تقدر تقول لخلاف مع أعضاء

ماتركس قديما

كانت خناقات و حاجات كدا
مع أعضاء
بس ماتركس اتغير خالص ,
كان عنده انياب زمان و مقطع بيها الأعضاء
دلوقتي بقى أليف و بياكل نجيله هههههه



فارما
فارما موجوده مش اتشالت
هي طلبت تتنقل من القسم
اعرف انت بقى السبب :biggrin:


سكره
هي الي كانت طلبت عشان بتتجوز
و كدا
و بعدين طلبت ترجع تاني



عاشق ولهان
دا ماكنش مشرف
و لو كان في خلاف أو حاجه فأنا مش متذكره نهائي


كبرياء رجل :biggrin:
انت ما اتشالتش
بس فاكر كان في حاجه كدا
و دخلت فيه شمال و عاتبتك على
الخاص بس مش عشان رايك لكن عشان
كان في كلام خارج تقريبا في الموضوع
مش بفتكر و الله من كتر الاحداث
و انا كمان ذاكرتي ضعيفة



واكبر مشكله حصلت

مع ضياء
ضياء شخص محترم و الكل عارف أنا
كنت بعامله ازاي و مديله كل الصلاحيات
و كل حاجه كنت بخليه هو الي يعملها
حتى لو كنت هبذل فيها مجهود
و قبل موضوعه الاخير كنت مكلمه بالليل
و عادي جدا
انا ممكن كنت اعد اتكلم معاه بال3 ساعات في اليوم
بس هو تسرع و فهم موضوع ساخر ليه بشكل غريب
احمد شفيق و اختبار النائب!!
كل الي شاف الموضوع قال مافيش فيه اي حاجه نهائي
و كتب رد طعن في شخصي و اكتفيت
بحذفه
و فكر اني كاتبه عشان اشوه حمدين
لأنه رد على احمد شفيق كويس
و أنا اصلا مش في دماغي نهائي كل
واحد رد ازاي بل على عكس ظنه
انا احترمت رد حمدين عليه , انه
رد عليه كويس لأنه مهما كان فهو
مواطن مصري , أنا ضد ابو الفتوح
في انه يرد عليه بحقارة
ايا كان خلافك معاه لازم يكون في
احترام خاصة لما يكون هو بيوجهلك
سؤال باحترام

فأنا كنت منزل الموضوع لما شفيق
فاز في الجولة الاولى
بشكل ساخر , الراجل سأل كل
المرشحين نفس السؤال فقولت اتاريه بيسأل هتختار مين النائب بتاعك
عشان يعينه نائب لما يفوز :biggrin:

بعد ما حذفت رده الي كان فيه
تهكم على شخصي

راح داخل تاني يوم كاتب موضوع
انسحابه و كلام عني اني ضد الثورة
و اني و اني , و الي انت شوفته
في قسم المشرفين
و انا قبلت استقالته
مع كامل احترامي له أنا مش هقدر
اتعامل مع شخص بيشكك في النوايا بالمنظر دا
غير كدا فهو شخص بحبه و بحب أتكلم
معاه و أدردش


/ طب لما ضياء صاحبك
وفي حب متبادل بينكم
كان يصح انك تهاجمه على العام
بطريقه مش كويسه في قسم المشرفين وتقوله كان ممكن ابهدلك !

انت ما شوفتش المشاركة الي هو
كتبها عني في الموضوع و الي
قاعدت ساعتين ظاهره , و انا كل
الي عملته هو اني اكتفيت بحذفها
عشان مش ارد و اسيئ اليه ادام
الاعضاء ردا على اساءته ليه
يعني لما تبقى المشاركة خمس سطور
و كلها (انت ضد الثورة و ماعندكش
مبدئ و انت بتجري ورا الفائز)
و كلام كلو اتهامات مالهاش معنى ,
أنا لما شوفتها استغربت و تنحت
ادام الشاشة مش مستوعب الي هو كتبه , اي حد يتابع مواضيعي هيعرف انها اتهامات خاطئة يعني حتى مافيش فيها
ذرة شك فنقول يمكن ,,, كل دا من الموضوع الي بعتهولك , تخيل ,,
فالفكرة هو ان الرد يعتبر مخالف للقوانين انك تشخصن الرد
و تحوله لاتهامات

هو ما قدرش حاجه زي كدا
( اني مش رديت ارد عليه حفظا لهيبته رغم اساته ليه)
و راح يكتب موضوع عني ادام
المشرفين
مع انه كان يقدر يكتبه في
رسالة خاصة بيني و بينه
او حتى في الشكاوي
لكن هو عايز يعمل فرجة للمشرفين
زي الموضوع الي كتبه عن هيثم
و يدعي البطولة بقى
و لو كان ادامه يكتبه للاعضاء
كان كتبه بس هو عارف انها هتبقى
مخالفة
فانت السؤال دا المفروض يتوجه
لضياء مش ليه
هو الي كتب موضوع اساءة ليه
و قبلها كانت مشاركة
و تقدر تطلع عليها و تشوف تهكمه
على شخصي اني مش صاحب مبدئ
و غيره من الكلام في موضوع المشرفين
و كل دا عشانه فهم موضوع شفيق بشكل مغاير لكل الناس , يعني ياريت
كان في تراكمات :biggrin:
انا كنت هقبل استقالته و هحذف
الموضوع
بس قولت اثبته عند حده عشان ما
يفكرش انه انتصر عليه و رديت عليه
و بعتله الرد على الفيس , و كمان اكتشفت ان عدم حذف الموضوع دا خفف
عليه عبء استغراب المشرفين
كل شوية حد هيدخل يقولك ايه دا ضياء اتشال ازاي او ايه الي حصل
كلو دخل و شاف الموضوع و شاف طلب استقالته و شاف ردي عليه, و كلو
فهم الليلة و ماحدش جه و كلمني
و قالي هو اتشال ليه غير يمكن واحد
او اتنين وقت المشكلة
و انا اعرف ناس كتير مش بتجاملني , يعني لما بغلط او بزود حاجه
بيقولولي انت على فكرة غلط
لما سألتهم ايه رايك , سكتوا ,
حتى ماقدرش يقولي انت استعجلت لان
هو الي استعجل في الحكم مش انا

المهم اني بعد ما بعتله على الفيس الرساله الي فيها ردي , رد عليه
و قالي يا طفل
رديت عليه و قولتله :
الي يكتب مواضيع عن الناس
راح حاذفني ههههههه ,,بس يا سيدي
عايز اكتر من كدا صراحة ايه !




/ شايف مين اللي شغله افضل في فتره ادارته باعتبار ان محمود اداره عامه زي ضياء


مين فيهم ادى افضل محمود وﻻ ضياء ؟


بص , رغم كل الي قولته دا
فشايف ضياء :biggrin:
تقدر تقول عشان بيكتب الحاجه
بعمق
بس ما انكرش ان محمود له
مميزات عن ضياء و عني حتى
انا شخصيا
هتلاقي في دماغه افكار بتختلف
عني و عن ضياء
ضياء مممكن سلبيته في الابتكار ,
انه يطلع بحاجة جديده ,
و دا ممكن لضعف خبرته في الدعم
الفني
غير محمود بيفوقنا في الدعم الفني , لكن كإدارة داخلية ضياء يتفوق
بالرغم من انه صارم بزيادة حبتين
لدرجة ممكن تخليه يظلم ناس ,
دا ممكن الي كان بيضايقني منه شوية
لكن بقى تقوله اكتب قوانين جديده
لكذا او نزل موضوع عن اجراء جديد ,
ضياء كان يظبطلك الشغل
و بينزل الموضوع متقن بدون اي ثغرات
و بطلاقة لغوية هايله



/ اي فتره من فترات اﻻداري
المنتخب كانت انجح ماتركس وﻻ سنايبر
وﻻ ساحر ونائبه دمعه ؟

مش محتاجه اني اجاوبك
لان في شهادة التقدير الاداري موجوده
و اي شخص يقدر يطلع عليها و يعرف
راي الادارة

يا ترى ليه دمعه وساحر مبقوش
مراقبين بعد انتهاء فترتهم مباشرة
زي ماتركس ايه الفكره في انهم
يتأخروا كام يوم ؟

بقوا مراقبين اهو :biggrin:
انا الاول ببقى عايز اشوف
الاداري الجديد هيعمل ايه
و شغله هيكون ازاي و كدا




/ ايه حكاية صورتك الرمزيه
اللي مش عاوز تغيرها

و الله و لا ببص عليهم

/ شايف المنتدى مفتقد ايه
خاصية اللايك الي معصلجه معانا


/ ليه الادبي محروم من مشاركة
الاداره ويا ترى في سبب
ولو حابب تتكلم عن نفسك هتقول ايه ؟

بما أننا فاتحين باب الصراحة
على مصراعية فهقولك
بمدئيا أنا مش بحب الشعر
و الكلام معسول
تقدر تقول ميول ,
عشان ماتفكرش انها عنصرية مننا
و لاحظ كمان ان أكبر عدد من المميزين هتلاقيهم من الاقسام الأدبية
يعني تقدر تقول نصهم من القسم الأدبي
و الباقي من باقيت المنتدى

أو نقول التلت عشان مش نبالغ
أوي

أما أنا شخصيا , فبشوف القسم
الأدبي مشاكله كتير
بتحصل علاقات كتير منه فبتؤدي
لغيره فبتؤدي لمشاكل كبيرة
و كلام متناقل و غيره

الاقسام الأدبية دي عالم لواحده
مع احترامي ليها و لمشرفيها
الله يكون في عونهم لأنهم بيشوفوا مشاكل
و كلام كتير جدا


/ كنت من فتره بتضيف مواضيع لخلق جو
من الضحك والمرح كانت بنات كتير
بتضايق وتختلف مع طريقة اسلوبك
وكان ممكن الموضوع يتحذف
او ردود تتحذف او الموضوع
يتقفل شايف نفسك عليك لوم في
اثارة بعض الشغب ولو ده مش مقصود
منك ممكن تقول ايه ؟

ليه يا عم
دا أنا مواضيعي كلها أليفه :biggrin:
حتى الشغب مع البنات دا بيبقى
خفيف مافيش فيه حاجه
و هما بيدخلوا يضحكوا حتى
ممكن في استضافة كانت معاك على
ما اعتقد و اتكلمت بصراحة و جرأة
شوية و ناس حبكتها
و عدلت في الموضوع
انت حتى كنت زعلت باين
و بالمناسبة انا ماليش مواعيد
يعني ممكن بكرا تلاقيني كاتب موضوع جديد


/ المواضيع السياسيه اللي التي
كانت تطرح في المنتدى سواء من جانبك
او من جانب احد اخر
اكتر مواضيع عملت شغب ومشاكل
بين الاعضاء ومواضيع كتير
انتهت بوقف بعض الاعضاء
يا ترى
ليه الامور كانت بتوصل للدرجه دي

بتوصل لتطاول
مع العلم اني مش ببدا المطاولة
يعني انت بترد و ممكن تدخل تنتقد
مثلا في شيخ لمواقف معينه ليه
الشخص الي بيحاورك بيعتبر
انك دخلت فيه شمال لانك انتقدت الشيخ
فتلاقيه بيرد عليك باسلوب صعب
شوية
و يبدا يشخصن الموضوع و يتهمك بالجهل
و غيره
فتلاقي الوضع بيطور لغايه ما بيوصل لحظره

لكن لو تختلف معايا في حدود الاحترام
مش هتلاقي اي مشاكل نهائي
و مستعد ارصلك 20 عضو دلوقتي بختلف معاهم فكريا و ليهم مناصب و مافيش
بيني و بينهم اي عدواة



/ امتى طارق ممكن يبقى رد فعله
هادي لما يشوف حاجه تضايقه ؟


لما يكون الشخص دا انت عارف انه كويس


/ بتندم على بعض القرارت على
وقف عضو او نزع بعض الصلاحيات منه
ام انها قرارت بتبقى
مأخوذه بعد دراسه ؟
أحيانا بتضايق من التسرع
وقت الغضب
و كمان بزعل على العضو دا ,
خاصة لما يكون له أداء ملموس في المنتدى


/ ايه رايك في شغل الاخ محمود بعد عودته ؟

عمل شغل كويس و فتحلنا المجال
للرفع على السي بانل بعد ما كان
هيثم محرم على حد يقرب منها :biggrin:


/ نقطه الجميع يشهد بها ان طارق
متسامح واذا عضو تم ايقافه بدون
رجعه من الممكن ان يعوديا ترى
كان في حد بيعترض معاك على كده ؟

ماحدش بس أنا الي اعترضت على نفسي
لأن بيجي عضو و بيعمل حاجه و بتحظره
و بعدين بترجعه حتى من غير
ما يكلمك
و ساعت ما يلاقي موضوع نقد فيك بيجي
ينط
ما تفهمش بيطلع منين :biggrin:
فبيني و بين نفسي بقول : تصدق
أنا غلطان اني رجعتك


بس عامة مش هتلاقي حد هنا محظور
دلوقتي لسبب له علاقة بانه اختلف معايا



/ نفسك في ايه ؟
الناس تصفي نفوسها


/ ما هي نقاط ضعفك ؟
اني طيب يمكن مع اني شرير :762:



/ متى تبكي ؟
مش ببكي , مافيش حاجه تستاهل
البكاء في الدنيا
أنا بجد ماعنديش شعور العياط بتاع العيال دا
مفتقده :biggrin:


/ متى تشعر بالالم ؟
لما تتصدم في حد ,
مش بحس بنفسي اصلا
و ممكن النوم و الجوع
و كل حاجه تطير


/ ما هي عيوب المنتدى من وجهه نظرك؟
و الله انتوا الي تحكموا بقى و احنا واجبنا نسمع و نشوف اراءكم


/ متى تصمت ومتى تتكلم
لما أحس ان ليه نفس اتكلم
و الموضوع يستاهل
غير كدا بسكت

/ متى تفرح ومتى تحزن؟
لما تحس ان الناس مبسوطه
منك بكون في نشوة فرحي

و بحزن لما العكس ,
لما احس ان غيري فاهمني غلط
او شايفني بصورة مغالطة بالذات
لما تبقى مش قادر توصله

/ شئ اردت التخلص منه
بحياتك ولم تستطيع ؟
تصدق نفسي اخلص من النت دا
بس مش قادر , خاصة بعد الثورة
ادمنت اخبار
بالنسبالي التلفزيون
و لا حاجه دلوقتي ,
لازم اتابع على النت

/ كارت اصفر في وجه من؟

الشخص المتسلق

/ شخص من حياتك مطرود؟

الي مش بيحترمني

اشكرك على حسن الحضور اخي
وسعة صدرك في تقبل الحوار
ومعلهش لو الحلقه مضافه متأخر
بس للاسف مفيش وقت فراغ
عموما نوتنا شكرا لك

وانتظرونا وحلقه جديده من برنامج
عضو على طاولة الحوار


countess 08-02-2012 02:46 AM

رد: حلقه جديده من برنامج ( عضو على طاولة الحوار ) ومعانا SiLver Spectra
 
ع فكرة طارق طيب بجد>> مش شرير ولايحزنزن :)))

وتحسة اخوك كدا مش تحسة غريب آبدآآآآ

وشخصية مرحة لسه رادة ع موضوع له فيه كمية ديول مقلكش بقه :)))

ممكن نسيمة قبطآن منتدى بنات مصر مش بنستغنى عن خبرتة ف الموقع

يعني ساعات بس وجوده آون وهو حتى مش بيشارك له هيبتة

كبريآ بجد مواضيعك مميزة

ربنا يوفقك ويزيدك تئلقآ خيو >>

رووكه 08-02-2012 03:21 AM

رد: حلقه جديده من برنامج ( عضو على طاولة الحوار ) ومعانا SiLver Spectra
 
حوارررررررررررررررررررر

بصراحه من الاخر طارق من النوع الصريح

قوى وصحبح بيغلس بس

فى الاخر وبعد ميكون الواحد جاب اخره يرد

ههههههههههههههههههههه

منور ياريس

ورمضان كريم عليك تعالى اتسحر بقى ههههه

ربنا يوفقك ويعينك على المنتدى بكل اللى فيه

تسلم سامى بس بالله عليك كنت كبرت الخط شويه

عينى وجعتنى هههههههههههههه

تحياتى وتقديرى للحلقه والضيف المحترم

جداااااااااااااا عند الجميع

مع تقيمى

۩۩ elMagic ۩۩ 08-02-2012 03:36 AM

رد: حلقه جديده من برنامج ( عضو على طاولة الحوار ) ومعانا SiLver Spectra
 
جميل جدا الحوار دا
وطارق طبعا شخصيه تستحق كل الاحترام والتقدير
ربنـا يوفقكـ يا ريس فى حياتكـ وتحقق كل ما تتمناه
ومنتظرين بقآ موضوع منتديات بنات مصر 2012 ^^
تسلم ى سامــى للمجهود الجميل
احترامـــــى

morshooo 08-02-2012 03:37 AM

رد: حلقه جديده من برنامج ( عضو على طاولة الحوار ) ومعانا SiLver Spectra
 
حوار رائع كبرياء
وبتكمل أبداعك الدائم
طارق منور التوبيك
وجاوب بصراحة على كل الاسئلة
تسلمو يا شباب
وفى انتظار الحلقة القادمة
تحياتى

رنا هشام 08-02-2012 04:01 AM

رد: حلقه جديده من برنامج ( عضو على طاولة الحوار ) ومعانا SiLver Spectra
 
اولا شكرا ي سامي علي الحلقه الجميله دي
استضافة فيهاا شخصيه محترمه وسياسيه وصريحه جدا
كلامك كويس ي طاارق
بس اكتر حااجه وافقتك عليها
اني مش بحب الشعر :biggrin:
رمضان كريم بقي ..
وربنا يوفقكم ي رب

مشتاقه للجنه 08-02-2012 05:59 AM

رد: حلقه جديده من برنامج ( عضو على طاولة الحوار ) ومعانا .. ( SiLver Spectra)
 
شكرا يا سامى ع الاستضافه الجامده دى

وطارق أكيد شخصيه غنيه عن التعريف

تحسه أنه دماغ لوحده ....

حوار راقى جداا وممتع

والله رغم طوله الا انه شيق

موفقين يا شباب

SiLver Spectra 08-02-2012 11:15 AM

رد: حلقه جديده من برنامج ( عضو على طاولة الحوار ) ومعانا .. ( SiLver Spectra)
 
انت لسه جاي تنزله
دي بقالها تلت اسابيع باين :)

شكرا على الاستضافة
و تقديري لكل الي ردوا هنا في الموضوع ,,

ŌиĹч.Ḿё 08-02-2012 11:39 AM

رد: حلقه جديده من برنامج ( عضو على طاولة الحوار ) ومعانا .. ( SiLver Spectra)
 
هههه طآرق سيآسى كبير،،
تسلم يآ سآمى على الحلقة
آحترآمى

Priŋčeŝŝ Mзnna 08-02-2012 11:40 AM

رد: حلقه جديده من برنامج ( عضو على طاولة الحوار ) ومعانا .. ( SiLver Spectra)
 
حوار جميل جدددا
والاسئلة حلوة اوووى
وبجد د/ طارق من الشخصيات المحترمة هنا
والكل يشهد بكدة ,
ميرسى على الاستضافة الجميلة دى
بالتوفيق للكل :)


الساعة الآن 08:44 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w