|
متجدد : ( خدماتى ) ( للمعرفة ) بسم الله الرحمن الرحيم اهلا ومرحبا بكم بقسم ( يوميات الاعضاء ) النهاردة قولت انزل التوبيك دا واعتقد انة هيفيد اعضاء كتيرة جدا فكرة التوبيك دا ان كل واحد فينا عندة حاجا يدخل يوضحهلنا بمعنى مثلا : كل عضو يدخل يقولنا اية النظام الــ عاملة على موبيلة او مثلا يقولنا لو عمل حاجا فى مصلحة حكومية يقولنا اية هى واية الورق الى كان مطلوب منك او مثلا لو اشتريت حاجا جديدة ( موبيل - جهاز - لعبة ...... الخ ) قولنا بكام واية الفائدة منها التوبيك معمول عشان نوضح ونقول كل حاجا عندنا واية الفائدة منها يمكن لما نوضح هنا حد يبقى عايز يعرف حاجا عنها ويبقى نولنا شرف معرفتة ^_^ اتمنى محدش يبخل بحاجا ويدخل يقولنا وانا اول واحد هشارك وهقول عشان كلنا نفهم الموضوع هدفة اية |
رد: متجدد : ( خدماتى ) ( للمعرفة ) شبكتى ( فودافون ) ومشترك فى نظام ( كنترول 50 ) النظام دا بيديك ( 2400 ) دقيقة مجانية لكل شبكات فودافون طول اليوم فى اى وقت وبيديك ( 180 ) دقيقة مجانية لباقى الشبكات طول اليوم فى اى وقت الباقة بيتم تجديدها كل شهر بـــ ( 50 ج ) . لو الدقائق خلصت فى اى وقت طول الشهر بيحقلك الشحن بكروت شحن عادية وبيتم احتساب الدقيقة بــ ( 19 قرش ) لباقى الشبكات اخيرا لو عايز النظام دا لازم تروح فرع من فروع فودافون وبيتم تحويلك فورا . |
رد: متجدد : ( خدماتى ) ( للمعرفة ) فكـره روعه ومجهود آروع آكيد وآنآ تآنى واحده هقولكمـ على حكـآيه آتصـآلآت دي آكيد كتير تسمعـوآ عنهـآ لكن في بردو نآس موش بتسمـع عنهـآ بقآ حبيـت آشآرك وآقولكـم آلخدمه بتآعتى وآللى بتريحنـى جدآ يعنى ~ [ اتصل بأي محمول اتصالات من الساعة ١٢ منتصف الليل الي ٦ مساء مقابل ١ جنيه ٢٠ قرش في اليوم, بالإضافة لسعر موحد ١٩ قرش لأي محمول او خط ارضي طوال اليوم ] ودي تنفعنى يعنى لآنى رغـآيه جدآ :d فـ آلنـآس الرغآيه زيي تعملهـآ وهتستفـآد منهـآ كتيييييير وآلله ,.. آزآي بقى هنضم للخدمه للانضمام لهذا النظام* اتصل بـ ٥٢٥ *تكلفة الاشتراك ٣ جنيه للعملاء الحاليين و مجانا للعملاء الجدد بس :) |
رد: متجدد : ( خدماتى ) ( للمعرفة ) انا بقى قاعد قدام الجهاز فاضى لان اجازتى جمعة وسبت وقعدتى ع الجهاز بتفيدنى اه شوية ازاى بقى هقولكم ان جاى اهو فرضنا انى قومت من ع الجهاز الاكيد هنزل طبعا لو نزلت هروح اقعد ع القهوة والدخان معبق الجو ورايج جاى شمال يمين ده غير انى هشربلى باقل حاجه يعنى ستة جنيه مشاريب ده غير بقى ان انا وان ع القهوة سعات مبعمش الصلاة فقعدتى ع الجهاز جمب مننا مسجد وصوته ما شاء الله بيخرم ودنى وكمان بشارك معاكم هنا وكمان بلعب حبة كونكر وكمان وكمان بكلم اصحابى ع الميل بيتهيالى بحسبة بسيطة بمعدل متوسط خمسة جنيه بالميت يوميا ع القهوة فى الشهر بمية وخمسين جنيه ام القعدة ع الجهاز معاكم نقول شهريا كهربا خمسين و اربعين جنيه وصلة النت يعنى الحسبة تدخلها فى تسعين جنيه وفرت ان كام ؟؟؟ ستين جنيه حتة واحدة مش كده احسن هههههههههههههه توبيك جامد وجديد اوى يا ماروشو واحلى تقييم |
رد: متجدد : ( خدماتى ) ( للمعرفة ) طول عمرك يا مورشو صاحب واجب ربنا يوفقك والناس تستفيد من العروضات بتاعتكم شكرا على الفكره تحياتي لك |
رد: متجدد : ( خدماتى ) ( للمعرفة ) فكره جميله قوي ي جماعه انا لسا جايبه لاب توب جديد من شركه توشيبا وجهاز عال العال وتمام التمام انا في السعوديه اشتريته ب3400 ريال يعني بحسبة 5 الاف جنيه كدا ولسا مش اسخدمته كتير لكن لو لقيت فيه مميزات هجيلكو هنا واظبطكو بإذن الله ,, فكره جميله قوي ي احمد هتفيد اعضاء كتير قوي واول اتفيدني حاجه هجيلك هنا واقولكو عليها بإذن الله وانتا ي وليد مظبط نفسك انتا وعارف توفر قرشك اهنيك ي أبيه |
رد: متجدد : ( خدماتى ) ( للمعرفة ) لو حد عايز يغير من شركة ( انترنت ) لـــ شركة تانية يعنى مثلا من link لـــ TE Data او العكس الاول كان لازم تروح بنفسك تطلب من الشركة فسخ التعاقد وتاخد رقم المخالصة من الشركة الــ انتا كنت مقدم فيها الاول وبعد كدا تروح تقدم فى الشركة الجديدة . دلوقتى بقى ممكن تعمل تفويض للشركة الــ انتا حابب تقدم فيها التفويض دا هما بيخلصو مع الشركة القديمة رقم المخالصة دا بس بيبقى مطلوب منك تروح اقرب فرع ليك ( للشركة الــ هتشترك فيها جديد ) توديلهم صورة بطاقتك وعقد التليفون الارضى الى هتقدم علية الخدمة الموضوع دا بيستغرق ( 5 ايام عمل ) عشان يخلصو اشتراكك القديم مع الشركة الى كنت مشترك فيها وبعد كدا بياخدو تقريبا ( 5 ايام عمل ) عشان يخاطبو المصرية للاتصالات عشان يقدمولك الخدمة دى |
من اسبوع تقريبا اشتريت android tablet من اتصالات وكنت فاكر انة هيطلع اى كلام فى التصفح على الانترنت بس الحمد لله تفكيرى طلع غلط :D عشان نشترى الجهاز دا لازم نروح لفرع رئيسى من فروع ( اتصالات ) لسبب بسيط ان هيكون قدامك الجهاز وتقدر تستخدمة بل ما تشترية لكن الفروع العادية بيكون فيها الجهاز للبيع فقط . مش مطلوب منك اى حاجا انتا بتدخل تجرب الجهاز وتشوف لو هتشترية بتشترية الــ ( android tablet ) نازل لفترة محدودة وصدقونى بجد الجهاز جميل جدا وعلية عرض 6 شهور انترنت مجانا بعد الــ 6 شهور بتشترك فى عرض كل شهر 25 ج الــ حابب يتعرف على امكانيات الجهاز يدخل هنــــا |
فكره حلوه يا احمد خلي الفايده تعم هرد بقي خليه يشتغل :) هتكلم عن اشتراكي في النت انا فلاشه نت usb موديوم اتصالات نظامي : مونجز 25 جنيه في الشهر النظام دا نزلوه من رمضان اللي فات بيديك 2 جيجا في الشهر و 200 ستريمينج ( خاص باليوتيوب والياهو والمسن ) سرعه قصوي بتبقي في اول يوم 1 ميجا وبعدين 256 علي الارجح بعد ما بتخلص ال2 جيجا بتقل السرعه ل64 كيلوبايت بس :( :( بس مفتوح معاك دايما مش بيفصل اكيد وبتستخدم زي ما انت عايز للاسف بعد ما تخلص ال200 ميجا الخاصه بالسريمينج مش بيرضي يفتح اليوتيوب والياهو والمسن :mad: بس لحسن الحظ في برنامج اسمه هوتسبوت شيلد بيغير اي بي الجهاز ويسمحلك بانك تفتح الحاجات دي لكنه اكيد زي ما معروف بيبطئ النت ويتقل الجهاز وفيه اعلانات :mad: بس سرعه العرض دا افضل بكتير من غيرها كمان تكلفتها مش عاليه 25 في الشهر بس لكن سمعت ان في موبينيل 10 جنيه في الشهر ونفس السرعه دي بس من غير الجيجات الاضافيه دي تقييمي : اتصالات ضحكت علينا في موضوع اليوتيوب والياهو ماسنجر وقالك بلا حدود في الاعلان خلونا اشتركنا وطلعو نصابين ولاد ******** :mad: ولولا انها 64 كيلو بايت كنت رجعت للنظام القديم ولولا ان موبينيل مش في كل مكان جيل ثالث ومش متاكد انها تدعم منطقتي كنت جبتها :mad: ربنا يبعدكم عن الفلاشات بقي :D ويصبرني :( |
| الساعة الآن 11:47 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب