منتديات بنات مصر

منتديات بنات مصر (https://forums.banatmasr.net/)
-   منتدى يوميات الاعضاء (https://forums.banatmasr.net/f61/)
-   -   حوار مع طنط جمالات (https://forums.banatmasr.net/msryat379085/)

كبرياء رجل 10-05-2012 01:42 AM

حوار مع طنط جمالات
 
طبعا طنط جمالات رجعت
ومين هيكون في استقبالها
مفيش غير اللي هتعمل معاها الحوار
وطبعا قلنا مفيش غيرها يعني نعرف نقلد اسلوبها
ويارب الحلقه تعجبكم
مع الاعلاميه المييزه اللي دائما مصدعانا من كان معكم من تحت سقف المنتدى

عاشقة الهدوء
وفي ضيافتها
طنط جمالات

عاشقه الهدوء اللون الاسود في الكتابه

طنط جمالات كوفته اللون البنفسجي

يلا نتوكل على الله

النهارده معانا عضو مميزه في برنامج اللي اسمه ضيوف من كوكب اخر
اللي من حلقه واحده
وربنا يكرمنا والحلقه نخرج منها بدون اصابات او اي كدمات
لاني ممكن اخنقها بايدي الست دي
عضوه ليها تاريخ في منتدانا
فهي عاصرت جميع العصور القديمه والحديثه وجميع الاجيال
نتمنى ليها التوفيق في حياتها وربنا يكرمها بعريس منيل على عينه
عشان خصلت على شباب البلد ومخلتش ليها حتة عريس
حتى ولو شبه مهند

/ اهلا وسهلا بيكي طنط جمالات مضلمه البرنامج

ربنا يكرمك يا عاشقه البرنامج مضلم بيكي اكيد

/ ممكن نعرف يا طنط ايه سبب غيابك عشان وحشتينا جدا
وحشتكوا اه حاسه بكده
هتلاقيكم كنتوا مرتاحين مني
عشان مش لاقيين حد يضربكم بس رجعتلك جمالات من تاني
سبب غيابي هو اختفائي عن كثير من الانظار لسبب معاكسات الشباب
اللي بقى امر غير طبيبعي بالمره
مش عارفه الواحده مننا تعمل ايه متطلعش من بيتها يعني يا اخواتي ولا ايه
انا بمشي وشي في الارض من الكسوف يا عشعوش بس عيون الشباب مش بترحم
وفي حاجه تانيه ابني بهجت عقبال املتك سقط في سنه اولى ابتدائي تاني
وعشان كده بنبقى عاملين حداد 3 شهور في البيت لان اخواته بيزعلوا عليه فيسقطوا وراه
نفسي اسمع اغنيه عبد الحليم وحيات قلبي وافراحه وهناه في مساه وصباحه ما لقيت فرحان
في الدنيا زي الفرحان بسقوطه


/ من هي طنط جماالات

ايه السوال ده لما انتي بتقولي طنط جمالات يبقى مين هي ازاي
هقولك واحده مش صاحبتك انتي متعرفهاش
( اه هنبدأ تقفيل دماغ من اولها )


/ سمعنا يا طنط كابوريا انتي ان عندك اصدقاء كتير في المنتدى
ربنا يزيد ويبارك ويديكي الصحه وينجح ابنك اللي سقط 15 سنه في سنه اولى ابتدائي
فمين هما اصدقائك يا طنط جمالات كفته

كان الاسطي الخيط الرفيع
وده كان في قسم زمان اسمه قسم الحياكه البشريه
كنت انا المسئوله عليه وكنا بنخيط الاعضاء في بعضهم ونعمل طقم يجنن
لحد ما جسم الاعضاء كلهم بقى مخرم
زي الشبكه بتاعة الصيد


وكان الاستاذ لوح
وده كان نجار قد الدنيا مفيش تربيزه في المنتدى ولا سرير ولا حتى مكتب
ولا كرسي عمله
الا ويتكسر بعد ساعه كان راجل نحس وعامل زي المسمار
واكتر حاجه كانت عجباني فيه
انه معندوش ضمير وانا بحب الرجاله اللي من النوع ده


وكان خنفس افندى
ولقب بهذا الاسم نظر لبشرته السوداء وليست السمراء
وكان دائما يحب ينام على الارض وخاصة في مكان فيه تراب
فعشان كده بقى اسمه خنفس عمري ما شفته لابس حاجه في رجله المنيل
لحد ما رجله فضلت تكبر وبقت زي رجل الجمل الغريب
لو كان في عضو يبضايقه كان يديله شلوت كل سنه وانتي طيبه يسافر وراء القمر



/ طبعا طنط جمالات عاصرت جميع التورايخ
من عدة عصور مختلفه ومتخلفه من التتار والمغول والحمله الفرنسيه
ودخول الانجليز المنتدى وسعد سعد يحيا سعد
من خروج التتار من مصر وسمعنا انها كانت اللي بتضرب في الفيلم بتاع احمد مظهر
والنعمه خسارتك يا بت انفع مدرسة تاريخ قد الدنيا
المهم عشان رينا كبير ايه اكتر ازمه عدت على المنتدى في تاريخ طنط جمالات


كان من حوالي 125 سنه
ايام ما كان المنتدى قسم واحد
ومكنش في الكترونيات كان في 3 حمير لو حابه تنقلي موضوع بره المنتدى
او حابه تثبتي موضوع والقلم اللي كان مع الاعضاء 3 متر
يعني مكنش في خطوط مقاس من واحد ل7 لا كان خط واحد مقاسه 65
وده بيفكرني بمقاس الجزمه بتاعة ابو بهجت الله يحرقه
( ويحرقك انتي كمان يا طنط قولي امين ) في سري طبعا
السلم اللي في الدور الرابع اتكسرت
طلبنا من الادراه تتصلح
قالو معندناش فلوس مفلسين
والمنتدى بيمر بحاله افلاس
رحت كسرت سلالم الدورر كله
وقعدنا 15 يوم المواضيع اللي في الدور الللي تحت تننشط
واللي تحت لا

/ طنط جمالات حساكي مش مبسوطه في تلك
الايام هل من الممكن ان نعلم السبب

حلوه في تلك الايام دي يا عاشقه
لالا تنفعي مذيعه شاطره وتطلعي في البيبي سي ودي
اقولك سبب حزني الشديد
الحادث المؤلم الذي سيؤثر على الكثير من الاعضاء
عندما يقرئون السبب
شوفي يا ستي كنت بلعب المزرعه السعيد
وحصدت البرسيمات اللي حيلتي عشان اوكل الكام بقره اللي معنديش
غيرهم في المزرعه
اتاري في سم فيران حاطه الراجل الفقري الحج فنجري عشان الفيران
اكلت القمح بتاعه
المهم جمعت البرسيم ورحت اوكل البقر اللي عندي
راحوا مسمومين وماتوا
ورفعت عليه قضيه في جمعية الرفق بالحيون تحت رئاسة ماما اسمهان
قالوا هاتي البقر وهما ميتين عشان يبصموا في المحضر
جبت لهم الديل قالوا مينفعش المهم انتي عارفه انتي ست طيبه ومليش في المشاكل
رحت ولعت في بيت فنجري وسرقت عياله وربطاهم في اوضه البقر
اللي ماتو وبوكلهم برسيم بس مش مسموم
ودلوقتي بينعروا مكان البقر
لحد ما يرجعلي حقي



/ طب يا طنط على حد نظرك دا اذا كنتي بتشوفي اصلا
يا عسل انتي قمر قمر يا اخواتي
مين كان انشط الاعضاء في الوقت ده

فترة ايه بقر ولا مزرعه سعيده

لا يا طنط انا اقصد العصور القديمه من المنتدى
مين كان انشط الاعضاء في الوقت ده

كان المعلم سلومه ابو كف
كان باربع رجول و3 ودان ولقب بسلومه ابو كف
نسبة ليده التي يمتلك فيها 36 صباع وده اللي كان مميزه
كان بياخد المنتدى لفوق لتحت ولا بيمل
لحد ما اتعرف على واحده من بتوع اليويمين دول
ضحكت عليه وسرقت مجهوده في المنتدى خلال 15 سنه
جاتله جلطه في ودنه وعينه الشمال راحت
وشعر راسه وقع وسنانه طولت اكتر وبقى شبه الغوريلا في موسم الجواز


انتظروني والجزء التاني
من حوار طنط جمالات
منورين جميعا

Mo7aMaD 3aLa2 10-05-2012 01:54 AM

ههههههههههه ,, حوار جامد جدا

وبعدين شئ منطقى يا طنط جملات انك تتعاكسى

انتى مش شايفة نفسك ولا اية =))

بس قوللنا جملات دى جمع جمل =))

تسلم ع التوبيك يا سامى

..

واد حبيب 10-05-2012 01:57 AM

ههههههههههههههههههههههه
جميل جداااا الحوار ده يا غالي
ايوه كده رجعالحاجه جملات علشان البنات هنا اخدو رحتهم شويه
تسلم يا غالي علي الحلقه القاده
الحبيب

الأميرة رودي 10-05-2012 02:00 AM

وشها فى الارض من الكسوف ياعشعوش

وفنجرى وخنفس افندي ايه الاسمـــاء دي بس هههههه

توبيك جميل جدا ياسامى والله ضحكتنى ربنا يكرمك يارب

منوره ياعشعوش دخلتى التريخ النهارده بحوارك مع طنط جمالات

يلا محدش أدك :)

مجهود مميز كبرياء

تسلم الايادي

رووكه 10-05-2012 02:03 AM

( ويحرقك انتي كمان يا طنط قولي امين )


هههههههههههههههههههههههههههههههه

وربنا طبط دماغ على الاخر

متخليها يا عشعوش تحكى

وتفرض نفسها وتخنقنا كمان هههههههههههههههههههههه


كل ده علشان بتتعاكس حتى وخده منك مهند


ههههههههههههههههههههههه


جميله الحلقه قوووووووووووووى يا سامى

وطنط منوره التوبيك هى وعيالها السقطين الفشلين

ههههههههههههههههههههههههه

فى انتظار السقوط الاخير


تحياتى لك يا سامى ومننحرمش

من مواضيعك واحلى تقيم

رووكه 10-05-2012 02:07 AM

( ويحرقك انتي كمان يا طنط قولي امين )


هههههههههههههههههههههههههههههههه

وربنا طبط دماغ على الاخر

متخليها يا عشعوش تحكى

وتفرض نفسها وتخنقنا كمان هههههههههههههههههههههه


كل ده علشان بتتعاكس حتى وخده منك مهند


ههههههههههههههههههههههه


جميله الحلقه قوووووووووووووى يا سامى

وطنط منوره التوبيك هى وعيالها السقطين الفشلين

ههههههههههههههههههههههههه

فى انتظار السقوط الاخير


تحياتى لك يا سامى ومننحرمش

من مواضيعك واحلى تقيم

ياسمينااا 10-05-2012 03:52 AM

ههههههههههههههه
هي لسه عايشه
ربنا يكرمها يارب كدا
ههههههههههههه
حلقه جامده جدا يا كبرياء
وطبعا طنط جمالات منوره هي وعيالها هههههههه
تسلم ايدك
في انتظار الحلقه القادمه ان شاء الله
تحياتي

عاشقة الهدوء 10-05-2012 04:13 AM

عاااارف أنا مش قادره أتكلم منك لله حتى الضحكه كتماها فى قلبى وهموت ههههههههههههه

مش عايزه يطلعلى صووووووووت هههههه عشان الجيران والعائله الكريمه عملت الحلقه دى أمته

وأنا مش أخده باالى ومبعتش الراابط ليه أما وريتك النجوم فى عز الضهر ياساامى مبقاش أنا جمالات ههههههههه

يوووووه قصدى هبه وطنط جمالات دى أنا هربيها بقه أعمل معاها حوار تروح تزيعه من ورااايه على رأى المثل

علمنااهم الشحااته سبقونا على الآبووووووواب ههههههههه بس حلقه روعه بجد ياساامى وأسلوب كوميديانى

متمكن ومتألق تسلم ياغاالى وفى أنتظاررررررر باقى الحلقه موفق ربنا يسعدك وأجمل تقييم

Arco Baleno 10-05-2012 01:27 PM

دوما تبهرني بي ابداعك اخي
فعلا رائعه جدا تستحق التقييم

براءة حلم 10-05-2012 03:24 PM

هههههههههههههه بجد ماشالله عليك ياسامي مبدع تستحق تكتب وتالف مسلسلات وقصص
حلقه كتير جميله وانا مبسوطه بطنط جمالات دي عاوزه اتعرف عليها هههههههه>> الله يستر منها
تسلم يارب ننتظر كل ماهو جديد لك


الساعة الآن 05:28 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w