|
الجزء التاني والاخير من حوار مع طنط جمالات طبعا المعظم تابع حوار عاشقة الهدوء مع طنط جمالات اللي عاملينه من خيالنا اللي مشافش الجزء الاول يتنفضل هنا http://forums.banatmisr.com/msryat379085/ وده الجزء التاني والاخير من الحوار عاشقة الهدوء اسود في الخط وطنط جمالات بنفسجي منورين جميعا ويارب باقي الحوار يعجبكم / ايه هي شهادت اللي حصلت عليها طنط جمالات والترقيات وكده انا الحمد لله اتوقفت 156 مره وحاصله على 482 انذار وانا اتحدى اي عضو يصل لهذا الرقم دي حاجات اعتز بيها صعب حد يصل لهذا الرقم / ايه المواقف المحرجه اللي اتعرضت ليها طنط جمالات خلال فتره خدمتها في المنتدى يااااااااااااااااااه اممممممممممممممم هاااااااااااااااااااااااااااا ( ما تخلصي خلصت روحك ) زكرتني بالذي مضى يا اسمك ايه كان زمان اول ما اضيف موضوع الاقي الكل يدخل يعاكس فيا اه امال ايه لا وكانت الطاوبير عليا ايه كده امم عرسان وانا اقول ابدا انا هتجوز اللي هيشاور عليه قلبي ويوم ما اعلنت خطوبتي على ابو بهجت لابعاد بعض الانظار عني انتحر في اليوم ده 15 شاب من الصدمه ( انتحروا اه افتحي افتحي كفايه فشر دا انتي وليه فقر اصلا حتى ابو بهجت الجربان طفش منك ) / طنط جمالات في اشاعه بتقول ان طنط جمالات شكلها وحش وحتى مش بتسرح شعرها ولا بتعمل شاور ؟ نعم ياختي ( وهي بتهرش في راسها ) لالالا يا اسمك ايه اشاعات طبعا وهي الناس بتسيب حد في حاله دا حتى بسرح شعري والنعمه كل ليليه عيد وبحط فيه مبيد للحشرات الملتصقه في فروه الشعر دا حتى صبغته اليومين اللي عدوا اخضر وده رمز التفائل واللي جاي خير لطنط / طنط جمالات اخر مره اشتريتي فيها جزمه جديده امتى يااااااااااااااااااااااه زكريات انا فاكره اخر مره كانت يوم خروج الحمله الفرنسيه من مصر واشتريها عشان اضرب عسكري فرنساوي فوق دماغه طلبت يعاكسي وقعد يكلمني كلام مش فهماه استنيت عشان اشتري جزمه جديده وخدله اتنين تلاته فوق دماغه وقعد يشتمي بالهيرغلوفي يلا ربنا يسامحه عشان مفهمتوش / ايه اهم الاغاني اللي بتحبها طنط جمالات اهاا طبعا زمن السميعه والطرب الاصيل اكيد بحبك يا حمار ودي ليها زكريات كتير عندي لان الحمار بتاعنا واحده الله يسامحها حطتله سم في الاكل فمات وكسرت قلبي عليه دفنته في الخرابه اللي ورا المنتدى وكل يوم ثلاثاء لازم البس رمادي واروح ازوه .......... واغنيه انا عامل دماغ قراقيش عشان مبقاش في حشيش ودي معلومه جميله عشان لما الحشيش بيخلص عندي بطر اقرقش في اي حاجه او اقرب واحد اشوفه اقرقشه سناني ما شاء الله تاكل الحديد .......... واغنية انا مش خرنج انا كينج كونج مع انه غلط غلطه فظيعه في الاغنيه هو مش خرنج بس يقصد ان هونج كونج بس يلا نعديها عشان ابوالليف ده حد حبيبنا وييجي يشتري الليف اللي بيلبسه من النخل اللي عندنا وبيعمل بيهم طقو يجنن والشربات كمان بتبقى عليه تحفه وكده هو مش بحاجه انه يتليف خالص ............. وكمان اغنيه ايوووووووووه ايوووووووووووه ايوووووووووووه الربع جنيه خرموه ودي معلومه كويسه لاننا مكناش نعرف ان الربع جنيه خرموه وانا من هذا المكان اللي مش قد كده اطالب بخرم الخمسه جنيه وباقي العملات يا يخرموها كلها ياما يرجع الربع جنيه مش مخروم / طنط جمالات نفسك في ايه لكلا منا احلاما واكيد انتي كائن زينا تعيشي وتتعايشي مع اني مش شيفائي كائن حي اصلا بس اكيد نفسك في حاجه زي البني ادمين يبقى يا طنط نفسك في ايه تصدقي من اول ما دخلت وانتى مش نازله ليا من زور ونفسي ارميكي من فوق السطوح عشان حاسه انك غيرانه مني اكمنى انا احلى منك ليه يا طنط ده حتى انا بحبك وانا بعمل معاكي حوار وهنسمي الحوار حوار مع كائن غريب وبعدين معاكي يا بت انتي شكلك اشتقتي للعلقات بتاعة زمان بس المره دي روحه من غير راجعه وراحت مسكت عاشقة الهدوء ورمتها من فوق سطوح المنتدى وكانت كلمات عاشقة الهدوء وفي انفاسها الاخيره .. كانت معكم من تحت عمارة المنتدى مراسلتكم لمنتدى بنات مصر وضحية من اجلكم عاشقة الهدوء استودعكم في امان الله بس لحقوها بالاسعاف وطنط اتقبض عليها بتهمه معرفتش تموت عاشقة الهدوء انتظرونا الحلقه القادمه طنط جمالات في السجن وعاشقة الهدوء في المستشفى |
هههههههههههههه الحمد لله ربنا نجاكى من الكائن الغريب ده ياهبه لآ و الست دي سميعه بجد ماشاء الله اختارت الطرب الآصيل فعــــلا:) حلقه جميله جدااا ياسامى والله ربنا يكرمك وتسلم ايدك ومستنيه الحلقه الجااايه 5 نجوم |
أممممممممممم سمسوم أحم أحم أيه الحلاوه دى الله ينور أنا هنا أهو عندى كدماات بسيطه متقلقش عليه هههههههههههههههههه أنا زى القطط بسيع أروواح وطنط جمالات دى أمن الدوله هيربوهااا هيظبطوها أعلى تظبيط ههههههههه عشان ألى يجى على هبه بيرووح اللوماان علطووول وليه معفنه ووحشه وبااايره ومحدش هيعبرها فى الشبشب ههههههههه بجد هاااااااايله الحلقه ياسمسوم كالعاده متمكن ورااائع والحمدالله انها مش الاخيره كنا هنزعل كتير لسه فيه كمااان مووووووفق أن شاء الله وأجمل تقييم ربنا يحفظك |
ههههههههههههههههههه يانهار ابيض فوق السطوح وعايشه حمدالله على سلامتك ياعاشقه وربنا يكون فى عون المسجونين يارب حلقه كتير مميزه تحيتى وتقييمى |
ههههههههههههههههههههههههههههههههههه طيب كويس انها مش لحقت تموتك بقي دي كائن غريب فعلا هههههههههههه نااااااااايس توبيك تحياتي |
مشكوووووور والله يعطيك الف عافيه يسلموووووووووو على التوبيك |
اقتباس:
بيقولك اعاكس مين بس ياشيخه بطلى افترى حلقه روعه بجد ضحكتونى من قلبى تسلم ياسامى ويدوم التميز |
هههههههههههه والله حلقة روووعة بجججد اول مرة اتعرف على عاشقة الهدوء وسامى عن قرب بجد دمكم زى العسل وضحكت من قلبى وحلقات فى منتهى الجمال بانتظار الحلقة القادمة بشغف تحياتى لاروع ثنائى |
ههههههه جامده و لا الاغانى ايه يا سلام سلامتك حبيبتى عاشقة الهدوء و هنجهز العيش و الحلاوه زى بعضه علشان جمالات مشكور ع التوبيك الجميل المميز فى انتظار الحلقه الجايه تحيتى |
حوار جميل جدا واسلوب كوميدى جامد مميز دائما وعاشقه تستاهل اللى يجرالها مودتى |
| الساعة الآن 05:47 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب