|
حلقه جديده من برنامج ( عضو على طاولة الحوار ) مع " القيصر " اهلا وسهلا بكم وحلقه جديده و عضو على طاولة الحوار معانا قلم انا شخصيا بحترمه جدا قلم قوي رائع في كل حالاته تميز بقوة كلماته وجمال مفرداته إداري محنك من الطراز الأول غاوي سياسة كتب القصة ، والمقال ، والشعر بأنواعه نال إعجاب الجميع واحترامهم شخصيه مميزه لأول مره ينور البرنامج واليوميات معايا ومعاكم القيصــر قلب وكلمات أهلاً بيك يا قلب أهلاً بيك كبرياء ، بشكرك على المقدمة الجامدة جداً، للحظة افتكرتك بتقدم لـ فاروق جويده عرفنا مين هو قلب وكلمات ؟ إنسان القلب مضمونه بتحركه الكلمات في سكونه وحضوره يمكن يكون القلب إحساسه والكلمات ترجمه لهمومه والفرق بينه وبين القيصر ؟ الفرق بينهم إصرار وتحدي لقب كان لازم أكونه أكون أو لا أكون والأصل عندي مش تعدي وبين الاتنين و(اشرف ) ؟ أشرف لوحده حكاية ثورجي ورومانسي بداية شديد في الحق بكفاية قيصر وقلب في النهاية / لماذا قمت بتغير اسمك من قلب وكلمات إلى القيصر ؟ بصراحة مجرد عناد ، وكمان بمناسبة أني حصلت على المركز الأول في مسابقة قيصر العامية ، وحبي لكاظم / اشياء ندمان على فعلها قلب وكلمات في المنتدى ؟ أني غيرت قلب وكلمات إلي القيصر ، وأني بئية مشرف، رغم أنه شرف ليه أكون مشرف في منتدى زى بنات مصر والسبب إحساسي أني مقيد رغم تقصيري في الأشراف لضغط العمل ولو تقصير زاد أكتر من كدا هطلب إعفائي من الأشراف مع اعتذاري على التقصير / شايف إيه اكتر شئ بيميز قلب مما يلي قلمه وإبداعه الأدبي ام ميولك السياسية أم عقليتك الواعية ؟ طبعاً بشكرك لأن دا بعتبره مديح أو مجاملة واجبة الشكر لكني أتمني أن كل الصفات دي تكون فيه / مين اكتر حد وقف بجوار قلم قلب وكلمات منذ دخوله المنتدى ؟ كان فيه أكثر من شخص لكن بتسلسل 1- سكره ، 2- قلم ، 3- بحر ولكن 4- دمعة حائرة ، وطبعاً عاشق ولهان هل كان تواجد أخيك في المنتدى سابقا شئ محفز انك تسجل وأنت مطمئن ؟ طبعاً عاشق ولهان علم في المنتدى هو فعلاً شجعني كتير وصمم أني أسجل لكني كنت متأكد أني هثبت وجودي رغم ألتباعيه وعلى فكره كان أسمي الأول في بداية التسجيل ( الولهان الصغير ) / مين اكتر منافس ليك في الادبي او بتحس ان قلمه في حالة توازاي مع قلمك من حيث الفكر وقوة الكلمه وجمال الطرح من حيث الاسلوب والتسيق والوعي اللغوي ؟ برده هعتبر الكلمات دي مجاملة لكن هقولك بدون تواضع فيه في المنتدى أقلام رائعة في كل ما تطرح صاحبة فكر عالي وأنا بتعلم منهم كتير / قلب وكلمات اشترك بقصيده في المنتدى ولم تحظى بأي مركز اشترك بيها خارج المنتدى في المسابقة الإبداعية بدولة ******************. وحصلت على المركز الثاني أين الاختلاف هنا ؟ بالنسبة ليه عادي أني ما أكسب في مسابقة أنا اشتركت فيها لكن اللي مش عادي ودي إجابة الشطر الثاني من السؤال هو المجاملة لمجرد المعرفة خارج أو داخل المنتدى يعني للجنة التحكيم في المسابقة الإبداعية متعرفش حد من المتسابقين الفيصل عندها كان الكلمة مش الشخص بعكس للجنة التحكيم في المنتدى / قلب وكلمات شايف إن المجاملة من وجهة نظرك أنها مأثرة تأثير سلبي على الأدبي ؟ أنا مش ضد المجاملة اللي مقصود بيها التشجيع وخاصة مع الأعضاء الجدد وفي نفس الوقت ضد المبالغة فيها لأنها بتكون زى المرايه المكسورة بتعكس الصورة غلط ، أما بخصوص تأثرها السلبي على الأقسام الأدبية بكل صراحة أنا شايف الوضع دلوقتي في الأدبي أفضل بكتير من قبل كدا ، والعدل في المسابقات ملموس وواضح ، ودا ليه أكتر من سبب أهمهم حرص القائمين على المسابقات اختيار لجان تحكيم مشهود لها بالكفاءة والعدل والثقة وكمان بيكونوا أصحاب قلم مش شايف ان صراحتك دي ممكن تزعل منك أعضاء؟ أعتقد لا واللي يزعل من الحق يبئه الميزان عنده مختل إيه اللي ناقصه المنتدى من وجهة نظرك وإيه اللي ناقصه الأدبي بالتحديد ؟ والله بالنسبة للمنتدى ما شاء الله مش شايف تقصير أو حاجة ناقصة بالعكس شايف حاجات جديدة ودا بردة ينطبق على الأدبي لكن عندي اقتراح :هو أنشاء قسم للنقد بدون تجريح مش شرط يكون منفصل ممكن يكون ملحق ويكون شامل لكل أنواع الشعر والنثر والخاطرة مهمته التوجيه السليم لكتابة أفضل ، ويكون القائمين عليه ناس بتعرف يعني إيه نقد تمتلك القدرة على التوجيه البناء ، مشهود لهم بجمال الأسلوب في الكتابة أو على الأقل وجود لجنة نقد منتشرة في الأقسام الأدبية مهمتها في المقام الأول تشجيع الأعضاء 2- عمل مشاركات تساهم في رفع المنتدى 3- النقد المشجع وليس الهادم 4- تقيم الأعضاء ليس في المسابقات فقط بل يكون لهم الحق في ترشيح من يستحق التميز من الأعضاء بعيد عن المجاملات ، عندي كتير لكن كفاية كدا ليه بعد تسجيلك غبت فتره طويله ؟ بصراحة بسبب المجاملة الصارخة في المسابقات وغيرها مثال: واحد كاتب بين الشمس والقمر لعبنا استغماية أنا وحبيبتي هههه ، هي مش استغماية هي حاجة زي كدا طبعاً أنت عارفه وهو حببنا بينما في نفس التوقيت نزلت كلمات مطلعها بيقول وكانت بيننا ذكري تهامسنا تداعبنا ترافقنا يرق لها القلب وُتدمع العين أحيانا ولي فيها حنينُُ يغالبني جهدت العقل والقلب وقلت لا لذكراها من غير محدد مين المشرف أو المشرفة ثبتت كلمات صاحبنا بتاع الشمس والقمر والأستغماية وأحسن تقيم واللي يعرفوه تسلم يا مبدع الله عليك يا فنان ، أنت ، أنت ههههههه ، طبعاً حصل العكس معايه من حيث الاهتمام لكن بصراحة كان هناك من يقدر ايه اللي كان بيزعج قلب وكلمات في المنتدى ؟ زي ما وضحت المجاملة ، والتعدي على حقوق الاخرين وخاصة الخصوصية قلب وكلمات قررت سابقا الانسحاب من المنتدى لعدة اسباب وتكرار القرار لما ؟ يمكن المرة دي بسبب انشغالي وضغط العمل اللي زاد عليه بمسئولياته قلب وكلمات ليه معجبات في المنتدى ؟ يعني أكيد لكن مغلفة بالاحترام والأخوة / عرفك عايز توصل لأيه ، مش هريحك احيانا يأتي علينا وقت نلهو ونضحك في بعض المواضيع كنت بتنزعج من ذلك خاصة لما عضو يرد على هزارك بطريقه غير محبوبه لك ؟ مش بهزر ألا في مواضيعك ( الحاجة جملات ) ولم بتعملوا مقالب في بعض أنت وهبه ( عاشقة الهدوء ) بجد مش بقدر أمنع نفسي من الهزار لأني عارف إن أنت وهبه هتتقبلوا هزاري ومش هتفهم غلط ، وفعلاً بنزعج بشكل عام ل ما أتفهم غلط قلب وكلمات أتت عليك فتره شعرت بأنك لم تحصل على تقدير من المسئولين ؟ دا حقيقي بسبب التميز ، أنا أعتبر عضو قديم غير كدا كان نشاطي واضح جداً ، لما عملت الإدارة تميز لبعض الأعضاء توقعت أسمي فيهم لكن كان العكس فرجعت أشوف الأعضاء اللي تميزوا وعمل مقارنه ومين أحسن مني من حيث النشاط والأقدم ، كان أفضل واحد فيهم مسجل بعدي بسنة ونصف ، ودخلوا المنتدى على فترات ، لكن للأمانة لما بعت رسالة لـ (ضياء ) قال ليه مش الإدارة السبب لكن مفيش مشرف أو مشرفة في القسم اللي أنت متواجد فيه كتب اسمك للتميز ، فعرفت السبب ( الـمـجـامــلات ) ما هي نقطة ضعف قلب وكلمات؟ قلبه لو حب قلب وكلمات متى تشعر بالضيق ؟ لما أحس أني أتظلمت أيهما اقرب الى قلبك قلمك ام صديقك ؟ قلمي أقرب لقلبي على الأقل مش ببئه محرج منه لما بفضفض معاه قلب وكلمات أخد حقه في المنتدى ولا ما زلت تشعر بأنك لم تحصل على التقدير الكافي ؟ أخد حقه بأكثر مما يستحق وكفاية الناس تحبك وتحترمك إيه اكتر موضوع ليك بتعتز بيه ؟ أي حاجة بكتبها بعتز بيها وخاصة اللي بتتكلم عن واقع وتجربة عشتها كيف ترى نفسك في عيون الآخرين ؟ أعتقد أن الآخرين هما اللي يجاوبك عن السؤال دا ايه اكثر ميول قلب وكلمات او نوعية المواضيع التي يحب زيارتها هل كوميديه أم أدبيه أم سياسيه أم مواضيع ثقافة عامه ؟ ممكن أقول كلهم لأن الحمد لله عاشق للقراءة أخر سؤال بصفتك رجل إداري في الحياة العملية ودارس إدارة ، هترشح نفسك في انتخابات الإداري المنتخب القادمة ؟ والله يا سامي مش عارف هل ينطبق عليه الشروط ولا وبجد مفكرتش قبل كدا لأني دايماً عندي ضغط في الشغل / لو في سؤال معين حابب توجهه ليا إيه هو السؤال ؟ س : كبرياء رجل أو فيلسوف الاحساس هل تتعمد الفلسفة في كتابتك أم أن الأمر عندك تلقائي ؟ بشكرك سامي على الاستضافة وخالص تحياتي لا والله هو اللقب جه اولا لانها اتكتب ليا كتير في مواضيعي نحن قلمنا بسيط اخي القيصر لكن لا اتعمد على الفلسفه في كتاباتي الموضوع عندي تقائي واللي بعيشه بكتبه يمكن لحظه الكتابه انزعج كثيرا اذا قام بمقاعتي احد فانا على موعد مع قلمي نورت اخي قلب وعجبتي اجباتك جدا ربنا يوفقك واكيد كنت منور البرنامج سعدت بحسن حضورك واجاباتك الصريحه جدا دمت بكل الخير وحضور مميز تحياتي لك |
الله عليك يا سامي حلقة رائِعة بِكُل المقاييس مع شخصية بارزة في المُنتدى وأشكرك كثيراً أخي العزيز لأن حوارك مع أشرف ثَبِت لي الصورة التي رسمتها لَهُ في ذِهني هذا هو أشرف الذي أعرفه الشاعر والكاتب الثوري والرومانسي مُتَمَسِك بِمبادئِه ولا تُغَيرَه أي ظروف أو ضغوط أي نَعم هو له فترة لم يسأل على أخيه الأكبر ونسيبه لكني أعذره لمعرفتي التامة بِمشاغِلَهُ الكثيرة أخي الذي أعتزُ بِه كثيراً أشرف سعدتُ جداً بِحوارك الراقي مع سامي وبإجاباتك الصريحة المُحايدة كعادتك بِلا أي رتوش أو مُجاملات دعواتي لكَ ولأُسرِتك الكريمة وقُبلاتي لِعَروسِة أبني الله يحفظكم من كُل سوء وشر آمين وَأُكَرِر شُكري وإمتناني لأخي سامي لاستضافتك أخي أشرف وعلى اسئلتك القوية وحوارك المُمتِع والشَيق مَعَهُ تحياتي وودي وورودي أخيكم أبو عصام |
حلقه جميله جداااااا فيه جزئيات معينه انا قرأتها أكتر من مره لجمال الرد بتاع أشرف هو لمس كام نقطه من سلبيات المنتدى وكان واضح وصريح فى كل كلآمه ويوم ماتأخر تميــزه بعتله وقولتله انك اول واحد كان يستحق التميز مع العلم انى كنت من ضمن المتميزين فى الدفعه دي بس حسيت انه كان أولى مني .. بجد يا اشرف انت انسان محترم جدا وموهوب ماشاء الله بتكتب بشكل فوق الروعه وماتزعلش لما تلاقي تقصير من حد فى الردود عليك كفايه انك زى ماقولت كده كسبت حب واحترام الناس ليك.. حلقه ممتازه وحوار جميل ياسامى الآسئله والآجوبه الصريحه الجريئه أحييك ياقيصرنـــا على الردود الحلوه وأتمنالك دوام الابداع والتواجد الراقي شكـــــرا جدا ياسامى على استضافتك المميزه دومت بكل خيـــر تقييمي وتقديري |
اولا تسلم يا كبرياء علي الحلقه الجميله وضيفك الاخ اشرف منور الحلقه انا مش هتكلم علي الحلقه كلها لكل هتكلم علي نقطه واحده فيها اقتباس:
زي ما انت بتقول يا اشرف بين الشمش والقمر لو شوفت الموضوع كويس هتلاقي كانت مكتوبه بين القمر والنجوم مش زي ما انت بتقول واقتقد انك انت شوفتها من قبل اما عن الردود علي الموضيع فكل واحد بيرد علي الموضوع اللي يعجبه مفيش حد بيغصب واحد علي الرد علي موضوع كل عضو بيشوف الموضيع وزي ما هوه عوز يرد بيرد مفيش حد هيقول لعضو رد علي الموضوع ده ومتردش علي الموضوع ده تقبل تحياتي لك الحبيب |
حلقةة جميلةة ,, وآستضآفةة رآئعةة ,, آجآبآت متميزهـ ع الآسئلةة نآبعةة من عقل رآجح :) |
حلقه جميله جدا واشرف منور الحلقه واجاباته جميله وصريحه جدا مرسي يا كبرياء علي الاستضافه الرائعه دي تحياتي |
حلقة جميلة كبرياء مع قلب وكلمات اشرف الاخ العزيز الذى سعدت بالتعرف علية فهو من اصحاب الحس العالى سوء فى الكتابة او الردود استمتعت جدا بالحوار معكم تمنياتى لكم بدوام التوفيق |
بسم الله ماشاء الله عليك أخي اشرف .. الله يحميك دايما يارب استمتعت بالحلقه .. وانتا ي أبيه سامي ماشاء الله عليك بتحسسني ببرامجك انك اعلامي متمكن ابتداءً من الاسئله وانتهاءً بإختيار ضيوفك .. حلقه راقيه كـ المعتاد أشكرك اخي |
ان شاء الله بالتوفيق توبيك رائع تسلم ايدك تحياتي |
حلقه رااائعه ومتألقه مع ضيف غنى عن التعريف برقى أسلوبه وتألقه وتميزه الآبداعى ألى بيسعدنا وبيبهرنا بيه ألاخ الغاالى أشرف بجد نورت يا أشرف وأمتعتنا بردك المتمكن بطريقه أبدااعيه أيضا ):) ورااقيه وجميله ربنا يحفظك ويسعدك وميحرمناش من وجودك معانا دوما اللهم أمين وتسلم ياساامى على الحوار الشيق والراااقى أتمنالك التووفيق دااائما احترامى لكما وأجمل تقييم للحلقه الرائعه |
| الساعة الآن 11:26 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب