هل تفضل مشاركة محمد أبو تريكة اساسيا مع الترجي ؟؟! حبيت أعرف رأيكم في مشاركة أبو تريكة مع الترجي هل تفضل إنو يكون أساسيا ا ولا لا ؟؟ ولا ينزل الشوط التاني كتير نزلو الاستطلاع ده وكآن أكتر قالو إنه ينزل في أول شوط إيه رأيكم إنتو ؟؟ أنآ عن نفسي أتمنى ينزل في الشوط التاني عشان يكون أخذ خبرة وشافهم وهما بيلعبو وعشان ينزل بكل قوته :) مستنانية آرأكم :) |
لا يا سلمى ابو تريكة عمود اساسى بيرتكز علية الفرق لازم يبدأ م الاول اكيد تسلمى ع التوبيك الحلو طلعتى بتعرفى ف الكورة :) |
اولا انا زمالكاوي يعني مش هتفرق معايا :d ككل مستغرب من فتره ايقافه اللي انتهت دي بس لو علي فنيا ابوتريكه معندوش القدره يكمل الماتش كله يبقي الافضل له ينزل الشوط التاني يكون الترجي علي الاقل قل مجهوده لانهم هيبدأوا الماتش دفاع جداا ومتكتلين وهيلعبو علي المرتده كمان الاهلي لازم يحذر شويه وميندفعش يبقي الافضل ابوتريكه ينزل بعدين مش في البدايه نفس الوضع بركات في نظري |
انا شايفه ماروحش الماتتش خالص ومش هاقولك ليه بئا:) |
انا شايف انه مش ينزل فى الاول ينزل فى الشوط التانى لاان الشوط الاول هيبقى كله شكل بلغه الكوره فى نصف الملعب وقلب وسط الترجى هيكون تعب فى الشوط التانى وينزل تريكه وافضل بركات يكون معاه بره ينزلوا يستغلوا المساحات وبالتوفيق للاهلى ياااااارب |
اظن ان ابو تريكه يلعب من الاول افضل لان هيفتح الطريق لجدو مثلا هو ليه خطوره لازم يستغل :) |
ابو تريكه اساسا في الاهلي ومنتخب مصر لكن في مباره الترجي هينزل في الشوط التاني لسببين الاول انه مش بيشارك من فتره والتاني علشان عنده القدره يقلب مصير المباره لصالح فريقه بتوفيق للاهلي الحبيب |
اول حاجه احب اقولها الضايع ك زملكاوى شمتان فينـا مش اكتــر :d تانى حاجه بقى تريكه لوحده فرقه تانيه بيعرف يشغل اللى معاه وبيعرف يمركز اللى حواليه زى ما بيقولوا حلوانى ف الملعب افضل انه يستفيد بيه الشوط التانى اكتر من الشوط الاول وان شاء الله الوفيق معاناا |
حسب امكانياتنا .. يفضل ان تريكة يبدء من المباراة يتعب دفاعهم ويشيل الفريق من البداية ويثبت الفريق نفسياً لان في الفترة الاخيرة الترجى كان بيفوز ع الاهلى فاكيد اللاعبين نفسيا اقل من لاعبى الترجى وابوتريكة وجودة فى الملعب يفرق جدا معانا وعلى المنافس ( الترجى ) وفي الشوط التاني ينزل بركوتا مع عبدالله السعيد وسليمان موجود من الاول يدلعوهم باللعب المهاري والسرعة بنفس الوقت وهما واقعين بدنياً لان وجود ابوتريكة فى الشوط الاول هايكون خلص علي طاقة الدفاع بشكل كبير :d |
اقتباس:
بس متنسآش إنه محضرش تمرينآت الفريق بسبب التوقيف وكمآن تريكة من مبارياتة ال فاتت بتعب لمآ يقعد كتير في الملعب وإحنآ مش عايزين التعب ده في المبارة عايزينة ينزل بكل قوته :) الله يسلمك مرسي ^_^ منور ياكبير ^^ |
الساعة الآن 05:01 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب