|
ألتراس المصري يُشجع الترجي أمام الأهلي ويرفع أعلام تونس في بورسعيد رابطة "غرين غيغلز" تعلن رسمياً تشجيعها الفريق التونسي رداً على الظلم من الأهلي، ومدينة بورسعيد تكتسي بأعلام تونس والترجي. أعلنت رابطة "غرين إيغلز" بالنادي المصري ببورسعيد إنها سوف تُشجّع فريق الترجي التونسي ضد فريق الأهلي فى المباراة التي ستجمعهما الأحد المقبل في ذهاب نهائي دوري أبطال أفريقيا باستاد برج العرب بالأسكندرية. وذلك للرد على ظلم النادي الأهلي والمسئولين لبورسعيد للنادي المصري، وعلى حبس المتهمين "زوراً" فى أحداث مجزرة بورسعيد وعدم البحث عن القتلة الحقيقيين. وقال علي سبايسي "كابو الألتراس" في تصريحات صحفية أنه سيتم تعليق أعلام تونس فى مختلف شوارع بورسعيد وسيشاهد عدد كبير من الرابطة المباراة فى مقهى البحرية بمحمد علي الشارع الرئيسي والحيوي للمحافظة وذلك من خلال شاشة عرض فى الشارع . وقال كريم حامد "كابو ألتراس مصراوي": انتمائنا الأول والأخير للنادي المصري ولا يفرق معنا من يكسب فى الفريقين ولكن نتمنى فوز فريق الترجي"، وأضاف أن الرابطة ستشاهد المباراة فى مجمع المطاعم بطرح البحر عبر شاشات عرض كبيرة وأعلام وترتدي "تيشيرتات" للترجي ولتونس لكن بتكلفة مالية من الجماهير وليس بشكل رسمي من الرابطة، حيث ليس للغروب صفة لأن الفرحة الكبيرة للنادي المصري ولخروج المتهمين من السجن. هقولها من الاخر بلد الباله مفيهاش رجاله |
هما اساسا مبيكملوش 20 واحد فى اى ترحال ليهم قدام الاهلى فمين اللى هايفكر يروح ماتش مش تبعهم اساسا :d مفيش حد منهم هايروح وبغض النظر عن الخبر هما عارفين كويس اوي انهم انتهوا ومش هايطلعوا اي ماتش برة بلدهم تاني |
*_* : : : تسلم ع الخبر مجهود مميز :) بتوع بورسعيد بيثبتوا انهم رجاله :) ماهى معروفه انتوا رجاله :p |
هههههههههه محمد ونيموز علقو تمآم تسسسلم على الخبر بقى ^^ |
لزمتها ايه يعملو فتنه وتفضل طول العمر بتبقى قله عقل ،، ان شاء الله الاهلى هيكسب بردو ،، رغم انى زملكاويه أصيله .لكن هشجع الآهلى أكيد ف الماتش ده تسلم على الخبر أخى يدوم النشاط |
ان شاء الله الاهلي هيفوز شكرا علي الخبر الحبيب |
والله انا بحزن ع الثقافة المنحطة دى ربنا يشفى .. |
طب ايه لزمة الفتنه دي انا مش عارفه ربنا يشفيهم ويهديهم وان شاء الله الاهلي هيكسب |
بجد ده عيب اوى ام جماهير بورسعيد تقول كده وجماهير الزمالك على الفيس بوك من قبل تقول كده لاوالاغرب بقى انا جماهير الترجى رديت عليهم وقالت ياريت محدش يشجعنا شجعوا فريق بلدكم لاانكم مهما كان اخوات ومش عاوزين يكون فيه فتنه وان الثوره قامت فى تونس ومصر عشان نتقدم مش نفضل فى التخلف الى احنا فيه وللاسف جماهير مصر الوحيده الى بتفكر كده اظن ان الترجى رد عليهم وقال مش عاوزين حد يشجعهم |
طبيعي تشجيعهم للفريق المنافس للاهلي ومحدش يلوم عليهم مثلا مش الاهلي بيكرهم ؟ ماهم بيكرهو الاهلي كمان !! مفهاش مشكله دي حاجه معروفه اوحش حاجه في نظري مش اللي يظهر انتمائه لا الاوحش هو اللي بيتلون وبيخفي وبيعمل نفسه حاجه تانيه انا زمالكاوي ميفرقش معايا الاهلي في الماتش دا ومش هشجع الاهلي اكيد :) لانه ببساطه فوزه يعني 7 افريقيا مش 6 والزمالك 5 يعني الفرق هيزيد وانا كنادي كنت في يوم سيد افريقيا بتمني فرقتي ترجع تاني الاولي وفوز الاهلي هيصعب وهياجل الموضوع دا وانا محبش دا لناديا مش عدم انتماء للوطن !! زي ما المتلونين بيقولو بكل بساطه لو الاهلي فاز هيبقي الاهلي 7 مش مصر 13 الاهلي هيروح اليابان مش مصر وهيظيطو اهلي مش مصر !! اللي يكرهني يكرهني من دا انا ببساطه مش بشجع غير فريقي وابقوا قولو لجمهور ليفربول شجع مانشستر ابن بلدك يفوز ببطوله اوربا !! ولا قولو لجمهور البارسا شجع الريال في امم اوروبا :) تحياتي ;) |
| الساعة الآن 12:38 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب