|
اول حوار مع اول ادارية منتخبة (دمعة حائرة) http://www13.0zz0.com/2012/11/05/20/565820960.gif بسم الله الرحمن الرحيم أهلا بكل أخوتنا أعضاء منتديات بنات مصر بعد موقعة الانتخابات وخروجها بأقل الخسائر وسلام واحترام بينا كاخوة اعضاء وأعلان اسم المرشح لتولى المنصب لفترة ثلاث شهور القادمة كان لى هذا الحوار مع الادارية المنتخبة وطبعا من اول ما طارق عملها كان المنصب رجالى وكان البنات بتدعى ليل نهار فى كل وقت وكل صلاة ان الى ياخدها بنت والحمد لله ربنا حقق امنيتهم وتولت دمعة حائرة المنصب http://www12.0zz0.com/2012/11/05/19/166782651.gif ونبتدى حوارنا مع ضيفتنا الاخت دمعة اهلا بيكى يا منة اهلا بيك ياامجد وليه المقدمه الجامده دى ده البنات قدها وقدود واهو عملناها والحمد لله كسبنا احكلنا بقى سبب الترشيح وانتى كنتى بعيدة عن التوقعات فى الترشيح اية سبب تغيير رئيك ودخولك لحلبة المنافسة؟ موضوع الانتخابات فعلا كنت مش بفكر فيه ابدا لحد لما انت اخترتنى نائبه ليك لقيت مساعده الاعضاء والنشاط اللى كنا بنعمله ايامها كان مخلى المنتدى جميل جدا ومسلى وبيشجع على المشاركه وكتير قالولى اترشحى الفتره اللى بعدها بس كان عندى ظروف مكنتش هاقدر اتواجد بشكل مستمر ايامها لكن المره دى كام اخت ليا هنا اقنعونى وشجعونى اشترك بعد لما ترشحتى هل واجهتى انتقادات ام تأييد من الاعضاء بحكم منصبك كمراقبة عامة؟وهل دة اثر فيكى بالعكس لقيت تشجع كبير ليا وكتير فرحوا انى سجلت وده اللى شجعنى اكمل وادانى حافز كبير كان فيه عدد قليل اللى عارض الفكره واحترمت وجهة نظره برغم ان سبق ومراقبين اترشحوا فى الانتخابات ومحدش اعترض وكان فيه نيه لاشتراك مراقبين غيرى الفتره دى لكن تراجعوا عن الخطوة عادى مافيش مشكله اصلا المراقب تختلفت صلاحياته عن الادارى مين من الاعضاء الى شجعك على دخول الانتخابات؟ لوجى وايمى وروكه وهبه كنا بنتكلم يومها ساعتين وماسابونى الا لما سجلت اسمى أجواء الانتخابات هل كانت سهلة المرة دى ولا الى اقبلها مين فيهم الاصعب؟ كان جو منافسه جميل وشريف من كل المترشحين لان كلنا بتربطنا علاقه اخوة جميله ومابنكرهش الخير لبعض حتى كلنا كنا بنشارك فى توبيكات الدعايه لكل مرشح فينا ومش عارفه ايهم اصعب لان المره اللى فاتت كنت خارج المنافسه كل مرشح من المرشحين كان شايف انة الاجدر بين المرشحين نصيحتك اية الى اى مرشح مستقبلا للانتخابات؟ نصيحتى لاى مرشح انه مايشوف نفسه الافضل يشوف مميزات غيره لانها بتشكل خطر عليه لو مااقدرش يكون على نفس المستوى http://www13.0zz0.com/2012/11/05/20/565820960.gif هل حدث احتكاك بينك وبين اى مرشح اخر من المرشحين لمنصب الادارى المنتخب؟ لاخالص الحمد لله الامور عدت بسلام حتى كنا بنضحك فى توبيكات الدعايه لبعض وخصوصا ايمن بقينا نشوف حاجة غريبة بين المرشحين قبل الانتخاب ملهوش تواجد ولا نشاط وبعد الترشيح نلقية زى الدبور هنا وهناك وبعد النتيجة لو نجح يكمل ولو خسر يرجع زى الاول يا ترى دة سببة اية واية نصيحتك ليهم مستقبلا؟ ماهى دى اكبر غلطه المنصب ده شرفى وفيه عطاء كبير لازم تكون قدها وتشارك فى كل الاوقات مش بس وقت الترشيح لان ده اللى هايعرف الاعضاء بيك ويعرفوا انك قدها وجاى لتحفيزهم ومساعدتهم ولو خسر يبدأ من الاول ويعيد حساباته ويخطط للمره الجايه ويتفادى عيوب المرحله اللى قبلها مين من المرشحين كان برنامجة الانتخابى الاقوى ويترى الادارى الناجح هل مجرد برنامج يحطة او افكار وياترى عجبنى برنامج حوراء وايمن فيهم كام نقطه جديده والاكيد البرنامج مش كل حاجه حتى لو تفتكر فى البرنامج بتاعك زمان اتغير كتير وانضاف ليه نقاط كتير ماكنتش موجوده من الاول يعنى الادارى مش مجرد برنامج وبس ده تكامل بين البرنامج والانتشار والمتابعه للاعضاء فى كل الاقسام ما هى مقومات الادارى الناحج؟ النشاط العام والتواجد اليومى مع مراعاه احترام الجميع ومشاركتهم فى اغلب الاقسام ومعاملتهم بروح اخويه بدون تعالى او تذمر مع الذكاء فى اداره الامور والمشاكل وكيفيه حلها ويتحلى بروح الصبر هل من حق الادارى وخصوصا انة طارق يعتبر هو المسئول الاول عن الانتخابات او المراقب او المشرف انة يعمل موضوع دعاية لمرشح وياترى دة ممكن ياثر على اصوات الناخبين فى انهم يعطوا صوتهم كمجاملة لصاحب الموضوع ولا اية تعليقك؟ اعتقد حريه دعم اى مرشح مكفوله للجميع ماعدا القائم على الانتخابات وده اللى وضحه طارق وألتزم بالحياديه التامه ومش شرط دعم المراقبين والمشرفين ينجحوا ممكن بالعكس واحد مش محبوب يعمل دعايه تعود بنتيجه سلبيه على المرشح او الاعضاء تاخدها عند وماترشحه الاعضاء بترشح الانسان اللى مقتنعين بيه مش علشان الدعايه لانه ببساطه المرشح دعايه لنفسه دمعة اوصفلنا شعورك وقت ما قلم بلا حبر قعد يقول معلشى يامنة وانتى مجتهدة والفوز والخسارة مكتوبين على جبينا واحنا بنحترمك تعليقكك اية على كلام قلم خفتى ولا اية بالظبط؟ انا قفلت المنتدى من اول مابدأوا يزيعوا النتيجه اتوترت جدا وخصوصا وقت كلام قلم وحسيت انى قصرت رغم انى مقتنعه باجاباتى ودى وجهة نظرى وقولت كل شىء نصيب وهانبارك للفائز خروج الهيكل الادارى بجميع رتبة من حكاية كتابة موضوعات لمرشحين شايفة انة افضل ولا يبقى الوضع كما هو علية؟ اعتقد الافضل ان الاداره العليا يكفى انها تبتعد لان المراقبين يعتبروا مشرفين بصلاحيات اكبر مابيدخلوش فى تعيين حد او استبعاد آخر ومن حقهم يعبروا عن دعمهم ويعيشوا الجو الانتخابى كاملا لانه بجد كان متعه كبيره ايهما افضل ؟ كل مرشح خسر بيقول ان كان فية مجاملات والناس بتجامل اصحابها وان الى لية اصحاب حينجح والى مالوش حيخسر اكيد لازم الكل يتقبل النتيجه زى ماكان هايتقبلها لو كسب وكل واحد ليه وجهة نظرة فى المرشح التانى ومش معقول فيه عضو هايصاحب المنتدى كله صعبه شويه دى الاعضاء بترشح العضو اللى بيشوفوه فى مواضيعهم وبيشجعهم دايما http://www13.0zz0.com/2012/11/05/20/565820960.gif كلمة لمن اعطاكى صوتة ومن لم يعطكى صوتة بشكر كل الاخوة اللى وثقوا فيا واعطونى صوتهم وان شاء الله اقدر احافظ على الثقه الغاليه دى وللى مااختارنى ان شاء الله هاكسب ثقتكم وهاكون قد المسؤليه ومعايا لوجين كلمة للاخوة الاعضاء اكيد بالحب والعطاء مع الانتماء هانقدر نكون الافضل فى كل حاجه وياريت نخلص فى اى عمل بنقوم بيه ونعامل بعضكلنا باحترام واخوة ونحترم جميع وجهات النظر المعروضه امامنا حتى لو اختلفنا معاها وانا شاء الله الفتره الجايه سوا هانحقق نجاحات كتير وبكدة نوصل لنهاية البرنامج بشكرك منة على قبول الدعوة وبتمنى ليكى التوفيق فى مهمتك انتى ولاجين بشكرك اخى امجد على الدعوة الجميله واتمنى للجميع التوفيق والنجاح دمتم سالمين |
ربنا يوفقك فى حياتك يارب والى مزيد من النجاح والتفوق حبيبتى وزادكِ الله علما واخلاقا و حبا لكل الناس مشكور اخى ع الحوار الرائع الممتع دمتم بحفظ الله |
حوار جميل وربنا يوفقك يا منه انت ولوجي تحيتي |
حوار جميل جدا يا امجد منه ولوجي يستاهلو كل خير ونشاطهم واضح جدا في المنتدي واكيد اللي خسر مش هيزعل وهارد لك ليه وان شاء الله ربنا يوفقه الانتخابات القادمه وربنا يوفقك يا منه انتي ولوجي وانتو قدها وقدود كمان تسلم يا امجد تحياتي |
حوار جميل ياأمجد واستضافه موفقه لأول اداريه بنوته منه معروفه بنشاطها ومجهودها المتواصل ودعمها لكل المتواجدين ربنا يوفقها يارب فى مهمتها هى ولوجى ويقدرو يحققو كل حاجه حلوه ف المنتدى |
اول حوار حصري يعني :d حوار جميل استاذ امجد واجابات جميله منها اقتباس:
عجبتني الجزئيه دي وفعلا دا كان بيحصل ويمكن اللي خلاكي اقتنعت اكتر بمنه انها دايما نشيطه ومميزه ( في الشهر اللي قضيته ) مش خلال الفتره بتاعت الانتخاابات اقتباس:
شيئ ايجابي انك تشيدي ببرنامج مرشح كان ضدك والايجابي اكتر انك تاخدي الكويس فيه وتعمليه مش تتقيدي ببرنامجك وبس انا عارف انك هتعملي دا ان شاء الله :) انا باركت كتير كفايه كده :rolleyes: انتي خلاص اخدتيها من دلوقت ننتقدك :p يالا منتظرين فتره جميله باذن الله :) |
حوار جميل اوى واجابات جامده من منه بالتوفيق ليكى يارب |
ربنا معانا يا حبيبتي حوار جميل و اجاباتك عقلانية كالعادة تسلم يا امجد ع الحوار الحصري :) منورة يا منة و تسلموا كلكو يا جماعة و ان شاء الله نبقي عند حسن الظن بقي ,, |
اقتباس:
اولا انا مش عارضت ترشحك انا فكرت اترشح وبعدين تراجعت وبررت سبب عدم ترشحى (تفرق كتير) فـ انا بقول السبب من عدم الترشح مليش دعوة بمعارضة ترشح حد !! ثانيا موضوع انة فى مراقبين قبل كدة اترشحوا ايوة فعلا ماتركس كان مراقب واترشح للمنصب قبل كدة بس انا مكنتش موجود فـ المنتدى فـ الوقت دة (بناء على مشكلة وقتها) ,, عشان اقول رأيى فـ حاجة زى كدة فـ الخلاصة ان كلامى واحد فـ اى وقت ومع اى حد مش بلونة حسب الشخص وفـ النهاية انا بتمنى التوفيق ليكى من كل قلبى فـ المنصب .. |
بقينا نشوف حاجة غريبة بين المرشحين قبل الانتخاب ملهوش تواجد ولا نشاط وبعد الترشيح نلقية زى الدبور هنا وهناك وبعد النتيجة لو نجح يكمل ولو خسر يرجع زى الاول يا ترى دة سببة اية واية نصيحتك ليهم مستقبلا؟ مش عارفه شو تقصد بالسوال دا ومش عارفه ليش توصفنا بحاجات غريبه اذا منه نشيطه فدا راجع ان ماعندها ارتباط طلبات اما انا كل طلبات المنتدى على راسي ولو طنشت طلب الكل يزعل والتصاميم تاخذ مني ساعات ومع ذالك احاول اشارك وانتشر برغم التقفيله المحيطه بي ولو كنت ما اشارك ماوصلت مشاركاتي الى دا العدد اعتقد سوال جارح جدااااااااااااا بس حبيت اوضح النقطه دي والله يوفق الجميع |
| الساعة الآن 09:21 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب