|
سابع حلقات من وراء الستار ومعانا كـ....... ادخلوا وانتوا تعرفوا؟؟؟؟ السلام عليكم ورحمة الله وبركاته رجعنا مع سابع حلقات برنامجنا من وراء الستار اللون البنى : ضيفنا اللون الاسود وباقى الالوان :أنا النهاردة معايا ضيف غنى عن التعريف واكيد هتعرفوه بسهولة لانه شخصية باسلوبها وزوقها مشهورة يلا تعالوا نبدأ حوارنا مع ضيفنا شكرا همس القلوب على مقدمتك الجميله نسعد بكي دوما اهلا بيك معانا منورنا دايما بحضورك النور نورك اكيد ونور كل الاعضاء اللي هيزورنا في البرنامج قلنا بقا ليه وافقت انك تكون معايا فى برنامجى المتواضع ؟ لا والله انا شايفه برنامج رائع ولما بعتيلي الدعوه ورفضت قلت لك مليش في الجو ده بس لما كنتي عامله اعلان انسحابك من المنتدى اتهزيت كده وخصوصا لما يبقى حد عزيز علينا مش هنشوفه تاني قلت لك خليكي وهبقى معاكي ضيف في برنامج من تحت الكنبه وانتي ما صدقتي وما شاء الله مش بتنسى اعمل ايه انا اللي دبست نفسي ربنا يخيلك كدا هيفهموا ان رفضك كان سبب انسحابى لا ابدا دا الفرق بين رفضه وانسحابى حوالى 3 اشهر او اكتر هههههه وبعدين هى دى حلقة تتفوت هههههه ايه دا احنا خرجنا عن المود نرجع تانى للاسئلة شكرا على التوضيح يا همس عايزة ضمان لاعضائنا انك هتكون صادق معانا فى كل كلمة ؟؟ اكيد الاغلبيه والناس اللي اتعاملت معايا عارفه اني صادق كويس الحمد لله مش بعرف اكدب ممكن اجاوب السوال بطريقه مختلفه لكن اني اكدب في اجابتي صعب شويه اكيد وكلنا عارفين كدا بس انتا قلت صعب شوية على كدا ممكن يكون فى احتمال الكدب ؟؟ لا والله قصدي صعب جدا بس اتعودت على كلمة صعب شويه حتى لو حاجه استحاله اعلمها فى البداية هل عندك الشجاعة انك تعلن عن نقطة ضعفك امام الجميع ؟؟ يمكن نقطه نادرا لما حد يلاحظها عليا في المنتدى لان مفيش حد اتعاملت معاه وجه لوجه ان ممكن اي كلمه بتحسس منها بسرعه وصعب اني انسى اي اساءه الا لو صاحبها اتأسف يعني بحس احيانا بالفشل في تعاملي مع الناس الموضوع صعب جدا وبقى متعب اكتر خاصة في الغربه بتتعرف على جنسيات مختلفه وطباع مختلفه وممكن الخلل يكون من عندي مش من عند الاخرين اكتر موقف سببلك الم فى حياتك هو ؟؟؟؟ وفاة حد عزيز عليا بطريقه مؤلمه وياريت متسأليش نوع الوفاه عشان انا مش بنسى ومشاعر الاعضاء ربنا يرحمه ويرحم جميع موتانا يارب امبن واكتر موقف كان مصدر سعادك هو ؟؟ مش فاكر بصراحه بس كل لحظه رضى من امي بحس فيها اني عايش ولما بقصر معاها اكيد بحس اني بظلمها معايا كتير يا رب دايما تكون راضية عنك يارب دائما شكرا يا همس هل فى يوم اعترفت لك فتاه انها تحبك ؟؟؟ لا محصلش لسبب بسيط اني بعيد عن تعامل البشر بدرجه كبيره هل انت فى يوم اعترفت او فكرت فى الاعتراف لفتاه انك تحبها ؟؟؟؟ اكيد معظم الشباب بيخوضوا المرحله دي ويتغلي العقل بس المهم اننا بنحب بعض ظروف بقى مش ظروف دراسه او غيره مفيش الكلام ده بس نقول ان الاغلبيه بتنتهي بالفشل لعدم الدراسه الجيده سمعت انك اتوقفت قبل كدا فترة وبعدين رجعت تانى ممكن تقولنا سبب الحذر وازاى رجعت ؟؟؟؟ هي فتره الايقاف من باب العلم كانت محدده 4 ايام واخدت ال4 ايام ورجعت السبب اني شفت مسابقه كان فيها تصويت وكانت اعلى نسبة تصويت لاسوى موضوع متعودتش اشوف الغلط واسكت او يمكن انا وجهة نظري كانت غلط رديت في الموضوع رد صاحب الموضوع ومع رد والتاني واعتراضي فاتوقفت وكان سبب وقفي هو تراكم وليس للموضوع هذا فقط طب نقدر نعرف ايه هى المواقف التراكمية الى اتسببت فى الحذر ؟؟؟؟ يعني حاجه وراء حاجه وراء حاجه عشان كده اتوقفت يعني مثلا موضوع متداول في قسم معين وحصل خلاف بيني وبين المشرف والموضوع خد مساحة من الخلاف كبيره وموضوعي اتحذف ومره تانيه كان عنوان بايقونه مسئ للمسيحيه الايقونه اللي كانت مسيئه دخلت اعترضت في الموضوع عشان الايقونه تتشال المهم خدت وقت واتشالت بعد يمكن يومين يعني كنت بحاجه الى مصالحه مع النفس اولا لان كانت اي حاجه شايفها ضدي في الوقت ده بضايق بسرعه بعض الاعضاء بيقولو عنك انك شخص غامض وغير اجتماعى وجاف فى تعاملك ايه رأيك ؟؟؟؟ غامض ممكن اقول اه معاكم في دي الغموض مش عيب ولا ميزه برضو يعني البعض يشوفها عدم ثقه في اللي قدامه والبعض التاني يشوفها حرص وحاجه كويسه مش عارف انا غامض ولا ده طبع اكتر غير اجتماعي ليها علاقه برضو الى حد كبير بالغموض جاف في التعامل من حيث التعامل الشخصي ولا تعامل المنتدى والقوانين ولا في الحياه عامه مش عارف ممكن اكون جاف ليه لا بس اعتقد ان مش جاف في تعاملي ولا حاجه ممكن اكون جاد وحازم في بعض الامور على فكرة فى كتير من الناس والاعضاء خاصة مش بيحبوا فرض قوانين او التعامل الرسمى فشخصيتك الجادة فى الامور دى اكيد انعكست بالنسبة لهم انها شخصيتك العادية ودا امر طبيعى بالنسبة لتفكيرهم لو احتجت انك تلجأ لواحد من الاثنين فى امر خاص من ستختار مورشو ام جراح المشاعر ارجو اختيار احدهما ؟؟؟؟؟ يااااااااااه انتي بتحطيني في موقف صعب علمته الرمايه فلما اشتد ساعده رماني ماشي يا همس سألجا الى قلبي يا همس وده اختياري خلاص يا عم انتا هتضرب ولا ايه مش قلتلك تلميذتك يا استاذنا ... انا متااكدة ان الكل حاليا عرف انت مين !!! مين ! مغرور وقليط وشايف نفسه وعايش الدور عادي مش مشكله لالالالا ابدا مقصدش كدا خالص اقصد عرفوا اسمك بلاش سوء الظن دا ^_^ عمر فى مرة حد قالك انك مغرور ولو حد من المنتدى ممكن اعرف مين ؟؟؟؟ لو والله يمكن الحاجه الوحيده اللي متقالتش اني ممكن اكون مغرور لان لو حد قال كده هيبقى في خلل في موازين كبرياء لابد ان يراجع دفاتره وينتظر من وعليه بربط حزام الامان جيدا ولا احلق في الفضاء بجوار الطائره واتناسى اني روح قابله للسقوط وهي آله ستنجح في مهمتها انتا بتقول الغرورو الحاجة الوحيدة الى محدش قالهالك طب ايه بقا الى اتقلك ؟؟؟؟ اتقال اني غير اجتماعي وناس تانيه قالت اني بحب اقرب من ناس وناس تانيه لا اتقال اني غامض لدرجة اني من كتر اني مش بقول حاجه عن حياتي كانت ناس كتير مش مصدقه ان اسمي سامي خاصة بعد ما الناس عرفت اني مسيحي فاكر ان حد قال انتا مش عاوز تقول اسمك عشان كده فى مرة قلتلى بمعنى الحديث انك تحب تكون فى حالك ولك حياتك الخاص ومتحبش تظهر دا للكل هل اعتبر دا ايه هروب ولا انطوائية ولا ايييه من وجهة نظرك انت ؟؟؟؟ لا والله على فكره انا اكتر واحد في الدنيا بحب الناس وبفرح قوي بتعاملي معاهم ولما الاقي حد مبسوط مني او انا عنده بمكانه كويسه مقلوكيش قد ايه بتبقى سعادتي ممكن اقولك طبع فيا مش اكتر ولا حابب اكون كده بالعكس عايزاك تعطى الصفات دى لاعضاء من المنتدى (( ارجو ذكر اسماء بعينها )) انا مش بذكر اسماء مرح كل عضو/ه يجعل الاخرين يبتسمون من قلبهم جرىء كل عضو/ه يرى الخطأ امامه ويعترض في الحدود انطوائى عضو/ه لم يجد نفسه وسط الناس كئيب فى بعض الحالات عضو/ه احزانه ظهرت لم يستطيع ان يخفيها وسيطرت عليه مغرور اي عضو/ه يشعر بالنقص ممكن تكلمنا عن قرار انسحابك بخصوص القسم المسيحى ؟؟؟؟ والموضوع خلص بالنسبه ليا لاني بفتكره بضايق جدا واول مره اجي على نفسي بس احترما للناس اللي محترمه هنا واللي اعتذرت وملهاش ذنب بالموضوع دلوقت هذكر بعض الاسماء وعايزينك تذكرنا النقد الى ممكن تكون لاحظته فى شخصيتهم برضو يعني مذكرتش اسماء جايبه انتي اسماء ماشي يا همس خدي راحتك انا قلت اذكر اسماء وانتا مذكرتش خلاص بقا اذكر انا ^_^ عاشقة الهدوء حد فيها طيبة الدنيا كلها تفكرك بالناس بتاعة زمان اللي مش موجوده دلوقتي عايشه بالفطره وده ميزه جدا بحبها فيها بتحب كل الناس وانسانه صادقه الى ابعد الحدود لا تحب المظاهر بس احيانا بحس انها بتزودها هزار وكده morshooo زميل واخ عزيز انا بعتز بيه جدا واخد مساحة اكبر في القسم من الحجم الطبيعي ( البعض سوف يفهم هذه النقطه ) لكن انسان متعاون ولا حصل ما بيني وبينه اي خلاف على حذف او نقل او تثبيت غير كده حد دمه خفيف وبيحب الخير للناس وهو اللي عمل موضوع اعتذار واجب لكبرياء رجل بخصوص القسم المسيحي مع انه كان مؤيد انشاء القسم ولا ليه اي ذنب انه يعتذر بس بجد انسان راقي بتعامله ,,همس القلوب ,, حد عنده طاقه وفكر مختلف يسبق سنها انا شخصيا معجب جدا بالعقليه دي دي بتضيف اقوي مواضيع في القسم وعارف ان عندها اكتر ربنا يوفقها وتنورنا دائما عيبها بقى انها ممكن اقل حاجه تلاقيها ضربت بوز وكثرة وتعدد غيابها اكيد بيأثر على نشاطها تسلم ربنا يخليلك ودا بفضل تشجيعك الدائم ليا ممكن اكون بزعل بسرعة وكتير قالولى كدا بس برجع اصفى بسرعة ويمكن دى تنفى دى اما نشاطى وغيابى فدا غصبن عنى ممكن دراسة واسباب بتمنعنى انى اكون موجودة دايما ساحر الاحزان ده بقى اخ عزيز جدا وفاضل مهما اتكلمت عنه مش هوفيه حقه انسان صادق وطيب جدا محب للخير للجميع من بداية م كنت عضو فعال وبدأ نشاطي في باقي الاقسام عد ما كنت محدود فقط للخواطر كان تشجيع من عنده غريب وكان بيعسد جدا لما كان بيشوف مشاركة ليا سواء بموضوع او برد كنت بلاقي منه حماس دائم مهما قلت في حق اخويا ساحر سوف اعجز عن اني اوفيه حقه لاني في الفتره دي فعلا مكنتش اعرف حد شجعني للنشاط شويه شويه لحد ما بقيت مشرف في اليوميات ليه دور كبير في وصولي الى المستوى الذي حصلت عليه الان اما عيوبه انا قلتها ليه قبل كده في دائرة النقد وقلتها برضو في حوار كان معايا قالي انتا يا صاحبي تعمل فيا كده قلت معلهش حبيبي بنظهر الحق شكرا همس على الموضوع الجميل تسلم بجد انتا نورتنى واستمتعت جدا جدا بالحوار معاك فى الحالة دى مش محتاجة اذكر مين ضيفى لانه هو بنفسه ذكر لقبه واسمه وديانته لسا بس انى اقولكم انه مشرف اليوميات ^_^ انتظرونا بقا مع حلقة جديدة وضيف جديد تحييييييييييييييييييييييييييييياتى همس القلــ شيماء ــوب |
حوار جميل مع شخصيه مميزه زى سامى اتمنالك التوفيق باذن الله فى حياتك وتحقق كل ما تتمناه ثانكس للمجهود المميز يدوم النشاط |
من خلال الحوار انا عرفتة من طريقة كلامك وبقلة على قدر ما كلامك اسعدنى برضة زعلنى لانى ما بحب اعمل حاجة وتظهر لان دة حقنا على بعض كاخوة واصدقاء ربنا يدوم المحبة بينا كبريانو ويوفقك فى حياتك وبشكرك على جميل كلماتك حوار جميل همس مع اخ اعتز بمعرفتة دمتم بكل خير |
همس القلوب بكل بساطة بقولك برافو حوـأر مميز وجميل جدـأ مع شخصية رأقية زى شخصية سـأمى ليـأ انتقـأدأت معينة أحب أذكرهـأ أول نقطة لمـأ قال لان لو حد قال كده هيبقى في خلل في موازين كبرياء طبعـأ ألأنتقـأد شخصى وده لطبيعتى يعنى انى مبحبش اسمك كبريـأء أيـأ كان هو مجرد أسم لانى اتربيت على كلمة ويستحيل انسـأهأ الكبرياء لله عز وجل فقط لا غير اما الشخصية فهى شخصية جميلة وانا بحبه جدا لكن الانتقـأد ده شخصى جدا وملهوش علاقة بالحوار اساسا بس أستحملونى بقا شوية وعلى رايه بنظهر الحق ههههه النقطة التانية لا والله قصدي صعب جدا بس اتعودت على كلمة صعب شويه حتى لو حاجه استحاله اعلمها وطبعا رده ده كان بمناسبة فيه احتمالية الكدب واحب اقول اننا كلنا بشر ومفيش حد مش ممكن يكدب ايـأ كان هو بقا وسيان قال صعب او سهل بس الكدب احتمال وارد ولو مش وارد يبقا احنا بقى مش بشر ومنزلين من السماء هههه وده مفيش عليه مستندـأت النقطة الاخيرة والاهم بالنسبالى عايزاك تعطى الصفات دى لاعضاء من المنتدى (( ارجو ذكر اسماء بعينها )) انا مش بذكر اسماء طبعـا ده أنا بعتبره عدم شفأفية وهروب انت ليك الحق متذكرش أسمـأء بس لمـأ الحوار يبقى بينك وبين شخص حوار شخصى يعنى أمـأ لما الحوار يبقى ع الملا ومعمول للناس عشان الناس تعرف وجهات النظر وتععرفك وتعرف فلان او فلان فهنـأ الموضوع يختلف من حق كل واحد فينا يعرف سـأمى كأملأ طالما سامى وافق يدخل فى الحوار العلنى وهنأ انا بعتبر كلمة مبذكرش اسماء ديه عدم شفافية منك ومش هيبقى غموض بقى الموضوع يختلف هكرر عدم شفافية وهروب تحيـأتى ليكى هموسه وتحيـأتى القلبية لضيفك الغالى علينا كلنا سـأمى |
ايه ده الحلقه نزلت تصدقي اول مره معرفش مين الضيف عموما منورين جميعا اكيد والحلقه جميله بتواجداك يا همس القلوب يارب دوام النشاط الراقي لي عوده للرد على الجميع ان شاء الله |
برغم من اني مش بعرف كبرياء لكني برضوة عرفته من وسط الحوار اسلوبه ظهر في طريقه الاجابه وحسيت انه عرفته من قبل ما يقول اسمه ولا قسمه بالنسبه للاجابات الغموض مش دايما وحش والسطحيه في التعامل مطلوبه كذلك الا مع ناس محدده بالتوفيق له في حياته تسلمي للحوار الجميل يا همس برنامج رائع وفي انتظار مزيد الحلقات |
حلقه جميله جدا وكنت عارفه انه كبرياء من قبل ما يذكر اسمه في الحوار منور الحلقه يا كبرياء وانا معاك ان يكون في سطحيه في التعامل بس اكيد مش مع كل الناس تسلمي يا شيماء علي الحلقه المميزه دي وفي انتظار الضيف القادم باذن الله تحياتي |
حوار جميل مع اخ محترم والكل بيقدره عرفته من قبل مايقول اسمه لانه اسلوبه معروف للكل واكيد اجاباتك جميله ونورت الحلقه يا سامى ويسلمو همس على التوبيك الرائع موفقين ان شاء الله |
حوار قميل مع شخصيه الكل بيحترمها ويقدرها نورت يا سامي تشكرات ع الحلقه يا هموسه |
ايه الجمال ده والحلاوه دى ياهمس وطبعا الآجمل والآروع ضيفنا الكريم الغاالى على قلبى جدااا سامى بجد أمتعتنا بالحوار معاك وأجاباتك المتزنه والرااقيه كعاادتك تبهرنا بأسلووبك الراائع فى أى حوار أو موضوع لك وبشكرك على رأيك فيه من مميزات وعيوووب ويمكن الهزار ده طبيعه فظيعه عندى هههههههههه هحاول أن شاء الله أقلل منها وطبعا أنت عارف معزتك عندى قدرها أيه نورت بجد يااساامى أتمنى لك التميز والرقى والتألق والتووفيق داائما وربنا يديم بينا الخير ويديم تواجدك بيننا بكل سلامه اللهم أمين وتسلمى ياشيماء على البرنامج الرائع والآستضافه المميزه للآخ الغالى ساامى وأجمل تقييم مووفقه دااائماا :) |
| الساعة الآن 01:26 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب