|
انا قرفان من المنتخب قوى ما حدش يقولى ليه انا قرفان من المنتخب قوى ما حدش يقولى ليه اللى بيحصل ده مش ممكن يتصوره عقل إنسان هو ده فريقنا اللى خد كاس افريقيا هما دول لاعيبتنا المكسحين فى الملعب المغرورين التايهين فى الملعب حرقوا دمى النهارده حرام ده أول مباراة لينا يحصل فيها كده ما تقوليش الأمل موجود أنا بسألك الفريق الزامبى طمع فينا فى بلدنا هناك بقه فى بلدهم هى يعملوا فينا إيه فى وسط جمهورهم ربنا يستر ولسه عندنا متش الجزائر هناك هل تعتقد إننا هى نغلب الجزائر فى بلدهم ؟؟؟؟؟؟؟؟؟؟؟؟؟؟؟؟؟ ما توعدنيش بشئ احنا هى ندخل كأس العالم بعد اللى حصل ده قولوا لى وطمنونى بس خلينا نتكلم بالعقل والمنطق !!!!!!!! الجزائر كده هى تطمع فينا وكمان زامبيا هناك برده هى تطمع فينا الله يسامحكم على حرقه الدم اللى جبتوها لينا وأخيراً هل تعتقد إن إحنا هى ندخل كاس العالم ؟؟؟؟؟؟؟؟؟؟!!!!!!!!!!!!!!!! ؟؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!!!!!!!!!!!1 |
من غير ليه اقولك انا فى ايه ؟ الروح اللى بتكون موجودة ايام كأس الامم مش نفس الروح لان الدورى العام خرب الدنيا واحوال الزمالك اللى برضوا مش عارفين ماله ولا فيه ايه ؟ نوادى بتطلع ونوادى شكلها هتنزل والاهلى طبعا فاكر نفسه ملك الكورة بمصر ومن الهنا المشكله طيب ماتلعبوا الاهلى ضدهم ولا عينوه رسمى منتخب مصر الاهلى القومى طول السنه الاهلويه يشتموا الزملكويه والعكس وبننسى ان اللى جاب كاس افريقا هى الروح الحلوة وحب الانتصار والمعلم الزملكاوى القديم اللى خلى الشبكة تتكلم وربنا طبعا قبل الجميع عايزة اقول لازم يرجع روح الحب بتاعت زمان والاهلى مش يشمت بالزمالك اذا خسر قدام فريق تانى والعكس طيب ازى نقف مع بعض ايد واحدة وربنا يخلى لينا باقى فرق مصر ماهى كمان بتلعب بالفريق القومى بس راجعوا يا مشجعين نفسكم وشجعوا صح وبلاش التعصب والشماته علشان يجى يوم زى النهاردة اقعد جنب مشجع اهلاوى وهو يقدر يقعد جنبى ويجى لاعب اهلاوى يقدر يلعب مع لاعب زملكاوى وشكرا |
معلشى ماتزعلش نفسك وبعدين اى فريق بيخسر واقوى الفرق بتخسر عادى يعنى وبعدين ماتزعلش الجايات احسن من الرايحات |
انشاء الله منتخب مصر يدخل كاس العالم اسمعوا انتو لازم تدعولهم عشان يدخلوا كاس العالم تحياتي وميرسي على الموضوع |
يا عم ندعي ايه وبعدين كاس مين يا خويا كاس العالم والنبي لو دعييييييييت لحد السنه اللي جايه مع العلم انه بايد ربنا طبعا وهي دي اخر حاجه يعني بنتأخر فيها طب ما هو كل مجال كده مش الرياضه وبس وممكن اصبرك واقولك احنا حظنا وحش هههههههههههههههه حظنا وحش اوي وبالنسبه للماتش النهارده انا كنت بضرب كف علي كف بس ليه بئه علشان شوفت لعب من ناحيه العيال الزامبيين ببس شويه لعيبه يعني في الجون هو الواحد انبسط واعجب بشويه لعيبه واحد زي احمد المحمدي ده او عمرو زكي او محمد زيدان او الكينج ابو تريكه الناس دي فعلا معرفوش يعملو حاجه هنا راحو للي يقدرهم مين فاكر ايام عمرو زكي هنا كان ولا حاجه دلوقتي بئه من مشاهير الدوري الانجليزي وبئه من مشاهير انجلترا ولو فضلت اتكلم لحد بكره مش هنخلص بس ممكن يكون سوء حظ وبجد المنتخب عاوز منتخب واسف علي الاطاله |
شكراً على تعليقاتكم |
المشكلة اننا لسه عندنا عقدة تصفيات كأس العالم والضغط العصبي والنفسي اللي اللعيبة فيه احنا كلنا عايزين نوصل كاس عالم ومش احنا لوحدنا كل الفرق عايزة توصل كاس عالم وعشان كده احنا شايفين ان منتخبنا كبير ومستواه اعلى من الفرق كلها ودي حقيقة بس المشكلة المحترفين ساعات بيتعالوا على الكورة ولاعيبة الأهلي ميتين من كتر الماتشات وأرجع وأقول بس المحليين دول ولاد مصر الحلوين وصدقوني كلكم المشوار صعب بس احنا نستحق الصعود واللي هايجتهد هايوصل بالتوفيق لمنتخبنا واحنا وراه حتي لو ايه حصل |
| الساعة الآن 03:07 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب