|
صباح الخير يا عاشقة الهدوء ملك كدة زعلانة من بهانة بسم الله الرحمن الرحيم مع الظروف المطرية والاغبرة الترابية قلنا ندخل هنا بقى شوية...... صحت بهانة الصبح من النوم ؟؟؟وطبعا بهانة دى فلاحة مصرية أصيلة بنت بلد بجد ميتخفشى عليها !!!! وطبعا مين متقمص شخصيتها هنا طبعا هى العوضة ؟ام لسانين ؟؟؟هى مين حنقلكم مين متستعجلوش الحوار؟؟؟؟ بعد ما ريقها نشف من المواصلات وركوب التكسيات وخلافة والمشى كعابى على رجليها لحدلا لما دوبتهم عشرة؟ والشخط بقى والنتر والتزويغ من الشغل مهى معذورة برضة .... لسة معرفتشى هى حترسى على اية ؟؟؟ حيثبتوها ولا حيخلعوها , ومسكتها بقى الهواجس حتثبت ...لا حاخد استمارة ستة ؟ المهم جالها هاتف فى المنام وقلها قومى يا بهانة!!!!! أنتى خلاص أتثبتى ومحدش قدك ...... راحت بهانة خابطة زغروتة صحت المنطقة من النوم ومش المنطقة بس؟؟؟ لا النجع كلة ... فرحانة بقى ومحدش زيها بقت الست الموظفة يقوم مكبتشى خبر صحيت من النوم الفجر وكلها نشاط؟؟شقرت على العهدة الى فوق السطوح الى ماما ممضيها على وصل امانة بيهم وبعد ما فطرتهم الى فوق السطوح والى جوة البيت قالت افك على نفسى أنا كل يوم واخدها كعابى لحد لما كعوب رجلية شققت اهو اغير من نفسى . وأتصلت على عم دعدور السواق على شان يوصلها للشغل بذخ منها بقى مهى فرحانة المهم راحت الست بهانة للشغل وجتلها البشرة انها خلاص بقى بقت على ذمة ماما الحكومة::: وبعدها مكدبتشى خبر راحت ذياعة فى راديو المنتدى قامت اختنا الفاضلة عاملة ليها موضوع فى السجل انها خلاص اتلزقت فى اقفى الحكومة أصل الحكومة ناقصة مصاريف؟ وجت ليها التهانى من جميع الاقسام والكل بيبارك ليها وعازمين نفسهم عندها على الغداء بكرة ان شاء الله الجمعة وطبعا الكل فى اجازة وهى فرصة نشد الباصات والسيارات ونطلع على ميت حنيش بلدهم بعد ما عرفت ان الاعضاء جايين عليها قامت اقالت انا الى عملتة فى نفسى انا الى نشرت الخبر مهو كنت كتمتة وخلاص لازم اصيح فى المنطقة... وراحت اتصلت على صاحبتها المبروكة الى أسمها روكة مهى صاحبتها الانتيم قالت الحقينى يا مبروكة تربيت عمرى حتضيع بكرة الواد بريمو المرعب دة وكبرياء رجل والشلة جايين حيخلصم على تعبى وشقاى طول السنة والبط والفراخ والحمام الى مربياهم على شان ماما واخواتى حيروح فى غدوة واحدة ومش عارفة حيكفى ولا حروح استعين بصديق ؟يجبلى دعم من عند اى جزار ولا فرارجى ولا لحمة من الجمعية مهما ياكلوا الزلط لانى لو قصرت حيكلوا وشى ومش حعرف اكلمهم؟؟؟ فى المنتدى وطبعا عايزين تعرفوا مين هى الى القصة والحوار مبنى عليها؟؟؟ هى الأخت الفاضلة التى نقدرها ونحترمها هى......... عاشقة الهدوء مشرفة الحياة الزوجية هبه الله http://forums.banatmisr.com/image.ph...ine=1351376884 فالف مبروك الوظيفة يا هبة واتمنى ان الحوار ينال الاعجاب دمتم سالمين |
وراحت اتصلت على صاحبتها المبروكة الى أسمها روكة مهى صاحبتها الانتيم قالت الحقينى يا مبروكة هههههههههههههههههههههههههههههههههههههههههههههه جامده اخر حاجه مبروك يا بهانه وعقبال منقول مبروك على فرحك يا قلبى وتيجى لى حبيبتك المبروكه هههههههههههههه وتبشريها تسلم يا امجد جميله بجد جميله بجد بجد ربنا يسعدك |
هههههههههههههههه لا بجد حوار جميل جدااا يا أمجد موتنى من الضحك أتقنته كالعاده بشكل مميز وروح كوميديه رااائعه وأنا طبعا لو بأيدى والله هعزم المنتدى كله على الغدااا وهوجبهم أعلى واااجب أنا متربيه فى بيت كرم ولله الفضل والمنه بحييك طبعا على الحوار الجميل والظريف ربنا يبارك فى عمرك ويسعدك اللهم أمين أحترامى وتقديرى :) |
هههههههههههههههههههههه و بتقولي يا انتكه =)) حلو التوبيك يا ساااحر الأحزان عاشقة مبروك كمان مره يا جميل انا عاوزه الحلاوة بقى ههههههههه من نجاح لنجاح يا جميل ... لولولولولولولولولولولولوليش ؛). ؛) |
بجد يا امجد تجنن... حوراك اروع من الروعة بجد. و حسك الفكاهي عالي جدا جدا.. و مش مسكت نفسي من الضحك. وفقك الله و دام تميزك و عطاءك... و باذن الله نشوف منك كل جميل.. دمت بحفظ الرحمن |
حلوة بجد و طريقة مرحة و مسلية غير إن التشبيهات قريبة جداً و ممتعة حلو إننا نقرأ حاجات مش غم على الصبح و عقبال الترقية بقا احتراامي |
ههههههههههههههههه بجد موتنى من الضحك حوار جميل جدا اتقنته بشكل مميز وروح كوميدية تسلم ع الحوار الجميل ده |
بجد حوار كوميدي منك يا ساحر والاخت بتاع البط دي مبروك عليها كل شهر هيدوها 4 بطاط وجوز فراخ بدل الراتب هههههههههههههههههههههههههههه وبعدين هتعزم مين يا عم ابقي قابلني لو دخل خالص يوم الجمعه علشان العزومه دي ههههههههههههههه الحبيب |
هههههههههه لا بجد قصه جميله جداا يلا مبروكـ بقى يا بهانه محدش قدكـ دلوقت وانا هاكون من المعزومين على فكره يلا روحى استعينى بصديق ولا بأى فرارجى :p مبدع فعلا اخى امجد ربنا يديم المحبه والاخوه بأذن الله مودتــــــى |
هههههههههههههه ياعيني عليكي يابهانه الف مبروك التثبيت ياحبيبتي ربنا يوفقك دايما يارب وعقبالى انا كمـان :) تسلم على التوبيك الجميل ياأمجد صباحكم فل وجمعه مباركه عليكم يارب |
| الساعة الآن 09:42 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب