|
قســــم تحت النــــقد (بقلم اعضاء بنات مصر ) اهلا بكم فى قسم تحت النقد او التبجيل طبعا فكره التوبيك ان هنستضيف قسم معين من اقسام المنتدى و الاعضاء تقول رايها فيه سواء بالنقد او التبجيل او لو حابه تضيف فكره لتطوير القسم و مشرفى القسم هيجوا يردوا :113: طبعا هنبدا بأول قسم غنى عن التعريف القسم الذى يظهر شخصيه العضو وفكره و يثبت ذاته فيه انه قسم بقلم الاعضاء الى مشرفينه ا\سيد ا\امجد د\سما د\اسماء طبعا المشرفين احلا من بعض فى اهتمامهم وادائهم ربنا يوفقهم هنبدا ببعض وجهات النظر الى وصلتنى على الخاص والله هو قسم انا بحبوا عن نفسي وبستمتع كتير وانا بطلع افكاري فيه انما بشوف بعض المجاملات خصوصا لما ناس من الشخصيات الكبيره تكتب الاقي الكل بسرعه يرد انما الاعضاء التانيين بيهملوا موضوعاتهم مش مختلفه ابدا ان كل حد حر انما مش من الصح نهمل موضوعات ناس ونرد على موضوعات ناس شايفه ان المراقبين في القسم موفقين ومهتمين بالقسم وبعتب على الاعضاء اللي بيدخلوا القسم يعملوا موضوعات شو بحس انها معارك حرب مش موضوعات تفيد وبليز محدش يزعل انما انا شايفه ده بس من أفضل أقسام المنتدى ما يدفعنى الى الدخول الى المنتدى باستمرار قوانين رائعه المواضيع المثبته بها فكر راقى بالنسبه للمشرفين سيد .. سما .. امجد .. اسماء افضل مشرفى المنتدى ع الاطلاق لا أجد اى شيئ سيئ ف القسم سواء ف سياسته أو قوانينه :) من الأخر مفيش نقد :-D http://files2.fatakat.com/2011/6/13089532321449.gif صباح النور اخى نور والله يا اخى الكريم من وجهة نظرى ان قسم قلم الاعغضاء يعتبر حاليا انجح قسم بكل المقايس لتعاملة بشفافية والنقاش المثرى الحاصل فية وذلك راجع اولآ واخيرة للمشرفين الرائعين القائمين علية ورفعة اخلاقهم وتميزهم الادبي وعقليتهم المتفتحة بالنسبة للمنتدى هذا موضوع يطول شرحة ومن الممكن ان يأتى بمشاكل لا قبل لى بها فأعذرنى فى تلك النقطة ومساءك ورد http://files2.fatakat.com/2011/6/13089532321449.gif اولا انا بشكرك يانور لاعطائي فرصه ابداء الرأى.. عاوزه اقول ان .. قلم الاعضاء بيعتبر من اجمل الاقسام فى المنتدى ان م يكن افضهم بالفعل من ايجابياته انك بتكتب كل اللى يخطر على بالك مادام بقلمك مش مرتبط لآ بقافيه ولا بشعر او خواطر.. كل الجوانب الحياتيه والانسانيه ليها نصيب فى قلم الاعضاء.. اذا كانت سياسه ,, أو أدب ,,, او حتى فضفضه خاصه بقلم العضو كمان من ايجايباته وانا اشكر مشرفين اللقسم عليها.. انه مفيش تمييز ولا مجاملات فى تكريمات القسم .. كل اللى بيكتب بياخد حقه بقدر مابيدى للقسم ... على خلاف الاقسام الادبيه.. لكن سلبياته انا بصراحه مش لاقيه فيه سلبيات . بالعكس بقى فيه اضافات وتشجيع للاعضاء اكتر من الاول .. ده كان رأيي بكل صراحه يانور مره تانيه بشكرك لدعوتى الله يوفقك فى فكرتك http://files2.fatakat.com/2011/6/13089532321449.gif صبااح النور قسم قلم الاعضاء من افضل اقسام المنتدى وده طبيعى لان موضوعاته كلها حصرية وبأقلام اعضاء المنتدى بتابعه ع طول ومجهود مشرفى القسم واضح للكل ,, وف موضوعات كتيرة استفدت منها .. ده غير انه بيخليك تتعرف ع طريقة تفكير معظم الاعضاء ف المنتدى ,, ماليش اى انتقادات عليه ,, http://files2.fatakat.com/2011/6/13089532321449.gif قلم الاعضاء من اهم الاقسام فى المنتدى بيعتبر نافذه مهمه للتعبير عن الراىوبيجمع نخبه كبيره من الاعضاء اللى على قدر كبير من الثقافهبيحصل فيه شويه مشاحانات واختلافات فى وجهات النظرلكن بيوصلوا لنقطه تفاهم فى الاخراوقات بشوف مواضيع بتتبنى فكر معيناو بيكون اللى كاتبه مقتنع بيه فبيدعمه بوثائق وفيديوهاتممكن يكون لها اثر كبير فى الاقناعوده اللى بنقول عليه الموضوع الكاملاتمنى كل الاعضاءيهتموا جدا بتفاصيل اى موضوعويتاكدوا من مصدر اى معلومه قبل كتابتهاالمشرفين قايمين بواجبهم على اكمل وجهلكن اوقات بيمر بفتره ركود لو مافيش احداث جديدة فى مصرفبيكون عليهم العبىء الاكبر فى تنشيطه بمواضيعاو مسابقاتاتمنالهم التوفيق http://files2.fatakat.com/2011/6/13089532321449.gif قسم قلم الاعضاء من اجمل الاقسامبس فيه نوع من التحزب فى الرد على مواضيع المراقبين و الاداريينبيعملوا فرق وفيه نوع من عدم المساواه واتمنى انه يكونفيه استضافات للكتاب علشان نعرف اكتر عنهمونستفاد منهممودتى http://files2.fatakat.com/2011/6/13089532321449.gif دا نقدى انا بقا:04: التكرييم بيكون على انه اساس ؟ http://files2.fatakat.com/2011/6/13089532321449.gif والموضوع مفتوح لاى عضو عايز يقول رايه ؟ بكل حريه فى انتظار مشرفى القسم الافاضل ... |
أولا بحييك يا بيج بوس ولا يانور الاتنين واحد’ انك عرضت القسم سوء بالنقد او المدح, بشكر كل واحد عبر برئية سوء نقد او مدح لان مفيش حاجة بتكون كاملة النقد بيوضح ايجابياتك وبرضة سلبياتك, وفى كلا الحالتين انت المستفيد بتشوف اوجة القصور وبتعالجها وبرضة بطور من الايجابيات الى عندك’ سعدت بموضوعك ومتابع معك فى الرد انا واخوتى زملاء القسم, سوء النقد او المدح الى جالك على الخاص’ او هنا فى الموضوع نحن نرحب بالجميع من اجل ان نفيد ونستفيد متابع معك تحياتى |
جميل ,, الفكره من الاول انا قولت انها ممتازه ,, بس كنت اتمنى قسم تحت النقد يعنى اللى ماعنده نقد كان وفر المدح كلنا نعلم ان قلم الاعضاء قسم مميز ,, والخ ,, لكن كنا فى حاجه لبرز السلبيات اكثر تحياتى للجميع ,, ولمشرفى القسم الذى اراه من افضل الاقسام ان لم يكن الافضل على الاطلاق إحترامي |
فكره ممتازة يانور واكيد قلم الاعضاء قسم غالى علينا كلنا ومشرفينه من افضل المشرفين هنا واتمنالهم مذيد من النجاح والتوفيق |
أولا شكرا يا نور ليك وللأعضاء على كلامهم عن القسم قسم الاقلام بعيدا عن اني مشرفه فيه الا انه اكتر الاقسام الي شدتني للمنتدى لما دخلت من كام سنه دا نقدى انا بقا:04: التكرييم بيكون على انه اساس ؟ شوف يا نور التكريم في القسم بيكون على أسس كتير أولا بيكون في حرص على التنوع والتجديد بين الاعضاء يعني مش كل مره نفس الاعضاء حتى لو فيهم حد يستحق التكريم وده لإن عدد الاعضاء كبير وحنا مقيدين بتكريم عدد معين وأوسمه معينه فالشهر ده أعضاء والي بعده أعضاء غيرهم مع ان كلهم يستاهلو التكريم كل شهر :05: ثانيا النشاط وكتابه المواضيع ونوع الموضوع نفسه والابداع الفكري واللغه كمان كل دي حجات بناخد بالنا منها في التكريم وفي تكريم بيكون لناس مش بتدخل القسم لكن في فتره معينه كان نشاطها واضح فبيتم تكريمهم على أساس تشجيع من القسم ليهم وفي حجات تانيه بقى بتكون بين المشرفين بنحددها يعني :04: يارب أكون رديت على النقد يا نور وفي انتظار أي نقد تاني انا وباقي المشرفين زمايلي شكرا مره تانيه تقديري ... |
كود: والله هو قسم انا بحبوا عن نفسي وبستمتع كتير وانا بطلع افكاري فيهبخصوص الشخصيات الكبيرة دى وان الكل بيرد عليهم , مش شرط فى كل المواضيع ان الردود تكون كتيرة ,فية ليهم موضوعات بتكون ردوهم قليلة وبرضة موضوعات , قيمتها عالية جدا ومع ذلك ردودها قليلة , وبرضة فية ناس اقلامها جميلة وموضوعاتها كويس وفية ردود كتير برضة على موضوعاتهم, واحنا من واجبنا كمشرفين اننا نقف بجوار اى قلم لسة بداء يكتب بنشجعة على قد ما نقدر ’وعلى طول معاة على شان يطور مستواة ويكون كاتب متمرس , وبخصوص الاعضاء الى بتعمل شو دى,هو بيكون فية موضوع بيعمل جو حماسى بين الاعضاء فى الردود, وكل واحد بيعرض وجهة نظرة ,واحنا لما نلاقى ان الردود خرجت عن نمط الموضوع وممكن تعمل مشاكل بنضطر نحذفها من الطرفين حفاظا على عدم الخروج عن نص الموضوع بشكر لضاحب النقد نقدة واتمنى ان اكون اوضحت تحياتى |
اقتباس:
وجميل كلامك فى حق القسم ومشرفية, واحنا قلنا اننا جاهزين للرد على اى نقد . بسى بيج بوس بيرفع من روحنا المعنوية , تحياتى لجميل تواجدك |
اقتباس:
وكلامك فى حق القسم ومشرفية وان شاء الله مزيد من التوفيق لجميع الاخوة فى اقسامهم تحياتى لجميل تواجدك |
اقتباس:
ونحمد الله ان نلنا ثقتكم فيما نعرض وان شاء الله دوام الافضل تحياتى لجميل توضيحك |
بداية يعطيك العافية م/نور شكرا لكل اللي أرسل رأيه وهرد بئا ع كل رأي لواحده :: اقتباس:
أولا أكيد منورة القسم و يَ رب دوم تنوريه s1 بالنسبة للنقد اللي قدمتيه لو تقصدي انه من رواد القسم فاحنا كمشرفين مش نقدر نتحكم في دي في اللي داخل يرد ع موضوع كفِكرة وفي اللي داخل يرد ع شخص وفي الحالتين دا راجع للي بيرد انما كمشرفي القسم فالحمد لله مش حد فينا بيتبع النظرية دي بالعكس أغلبنا بيرد تقريبا ع معظم المواضيع ولما حد فينا يعمل حاجة وحد منا شايف انه مش ع صح تماما بينبه عادي مش بيجامله وبنتناقش في المستجدات وكل حاجة والحمد لله بنتقبل كلام بعض .. أكيد يسعدنا وجودك أيا كنتِ .. اقتباس:
طيب الله يكرمك أكيد نعتز بالرأي دا ويَ رب نحقق دوم الأفضل منور/ة .. اقتباس:
الحمد لله انه حضرتك شايف ان القسم كدا وأكيد كلام حضرتك كلنا كمشرفي القسم نعتز بيه .. يَ رب تنورنا في القسم دوم .. اقتباس:
طب والله الحمد لله أكيد نعتز بالرأي دا وفعلا والله في التكريمات مش بيدخل أي مجاملات بالعكس جدااا وعن نفسي يعني بتعامل مع كل اللي بيكتب في القسم انه قلم له احترامه حتى لو مريت معه بموقف شخصي سيء وأكيد دا فيه اكتر من حد لمسه يعني :D والحمد لله كمان المشرفين الباقيين كدا .. اقتباس:
الحمد لله ويَ رب دوم نقدر كلنا مش بس المشرفين نرتقي بالقسم ويفضل دايما يقدم المفيد .. نعتز بالشهادة دي .. اقتباس:
أولا منور/ة أكيد ثانيا بالنسبة لتبني الكاتب فكرة معينة فدا طبيعي جداااااا ودا يرجع للكاتب تماما ومن حق غيره يعبر عن رأيه وكمان الاختلاف في الرأي شيء طبيعي مادام في حدود الاحترام من حق الكاتب يقول الرأي اللي عايز يعرضه بس بدون مايقلل من احترام حد ولا يحجر ع فكر حد ودا اللي خلا مواضيع الفترة الماضية أُغلِقت أو حذفت مش اختلاف وجهة النظر انما الحجر ع فكر الاخر وفيه موضوع انا كنت متفقة مع الرأي تبعه وحذفته عشان كان مكتوب بطريقة الاساءة مش عرض الفكرة فالموضوع مش مرتبط نهائي باختلاف افكار وانما بأسلوب عرضها واحترام الاخر .. اقتباس:
الجزء الاول رديت عليه فوق ف أول رأي الجزء التاني هو فعلا أ/أمجد له برنامج بالفكرة دي وان شاء الله نحاول نضبط الحوارات دي وفيه كمان الكاتب المجهول هو بدرجة كبيرة نقاشي مش بس استنتاج ومن أُعلِن انه نفسي اشوف فيه نقاش مش بس استنتاج :45: منور/ة .. اقتباس:
أقول لحضرتك ع أي أساس لو فتحت موضوع التكريمات المُثبت هتلاقي انه الأساس النشاط والمتابعة وقيمة العرض وبنهتم انه الكل ياخد حقه من الشكر والتكريم ع مرات مختلفة مادام محتفظ بنشاطه و ع العموم في فكرة ف راسي ف التكريمات بس لسه هاخد رأي زملاء القسم فيها وإن شاء الله هتكون فكرة كويسة .. منور القسم اكيد .. والموضوع مفتوح لاى عضو عايز يقول رايه ؟ بكل حريه متابعين معكم ان شا الله .. |
| الساعة الآن 03:48 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب