|
كشف المستور من بين السطور 2 بعد أن شاهدنا الجزء الأول http://forums.banatmisr.com/msryat392864/ ورأينا إنزعاج الأعضاء من هذا الموضوع سوف أسئلكم بعض الأسئلة أولاً هل كل التعليقات التي ذكرتها في الجزء الأول صحيحة وهل كلها خاطئة؟ هل من الممكن بعض تلك التعليقات تصدر من أعضائنا وهل ممكن تغير صورتهم؟ هل فكرت بغيرك قبل أن تفكر في نفسك وهل ممكن أن يصدر منه ذلك الكلام؟ هل وهل وهل ... لكن دعوني أدخل في الموضوع 80% من تلك التعليقات كانت خاطئة ومكذوبة بغض النظر عن إن كان معناها صحيحاً في التعليقات أخذت بعضها وحذفت منها كلمة وأخرى أتيت بكلمة وركبت عليها عشرة والأخر نقلته بالمعنى والأخر نقلته كما هو هل يستطيع أحد أن يفرز الصحيح منها والخطأ؟؟ لا أعتقد ذلك!! هذا هو إعلامنا وسموه ما شئتم صالحاً كان أم فاسد يلون الكلام على ما يحلو له ويحرفه حتى يخدم مصالحه يثير عواطف الناس بكلام مكذوب وفبركة للنقل مما يسبب الأحتقان عند الناس والتحامل على الطرف الآخر مما يسمعونه لماذا لا نفكر ونحكم عقولنا على كل معلومة تأتينا ونتحقق منها ليس شرطاً أنني ثقة أنني صادق لا قد أدس لك السم في العسل كما يفعل الكثير وأنت لا تدري إعلامنا إذا أراد تشويه صورة شخص ما أو فئة ما يفعلها كما فعلت أو أكثر ويثير الناس ويحدث ضجة على أكاذيب من تأليفه على سبيل المثال الأخت بنوته بنوته في تعليقها تحيا إسرائيل هو عنوان لموضوع لها أنا لم أكمل جملتها أن إسرائيل تحيا لأن العرب ضمائرهم ماتت والأخ مسك الشهاده في تعليقه من قال نعم في الجنة ومن قال لا في النار حكمت عليه بسبب جماعته مع أنه لم يقل ذلك الكلام وهكذا باقي التعليقات ولكن لا أريد أن أطيل عليكم كلها تشوه صورة الشخص وهو ما يحترفه الإعلام اليوم وهو ما سبب البغض والكره بين الناس بسبب إشاعاتهم أحببت أن أوصل تلك الرسالة للجميع وسامحوني إن كنت أخطئت في التعبير عنها لكني أحببت أن أوصلها بنفس الأسلوب ورسالة لكل أخواني وأخواتي نحن جميعنا أسرة واحدة وإلا لغادرنا المنتدى هنا نحب بعضنا البعض ولا تسمعوا لمن حاول ادخال الكره بيننا ليس بيننا إلا كل احترام ونحن روح واحدة لا نؤذي بعضنا بالكلام مهما حدث في جو المنتدى المضطرب الآن كلنا يد واحدة فلو تفرقنا هنا فأين سنتجمع؟؟ ولا تسمعوا للإشاعات وتحققوا من الأمر قبل تصديقه فنحن في زمن ماتت في الضمائر!! أتمنى أن تكون رسالتي وصلت وأحببت أن تكون رسالة فعلية ملامسة للواقع ولم أكتبها إلا لتوصيل الفائدة لكم وأرجوا من جميع من كتبتهم في موضوعي أن يسامحوني وبجد أتأسف لهم من كل قلبي واحداً واحد وأي حد لسه شايل مني يرد هنا وأنا هبينله لو مش فهمني وشكراً لمتابعتكم لي وتشريفكم |
كلام منطقى ,, ورغم هدفك من الموضوع لكن ماعجبنيش الموضوع فى الجزء الاول الحقيقه لان اقتباسى انا بالذات كان قاسى شويه وعباراته انا ارفض اقولها تحت اى ظروف , ولكن كلامك عن الاعلام وعن تشويه صوره شخص او فئه كلام مظبوط ,, ولازم يكون فى وعى منا اما عن وضع المنتدى فــ أى شخص بيعرض رايه بأحترام ومابيخرج عن النص ,, بيكون له كل احترام والجميع بيتناقش معه فى وجهه نظره ,, ويبقى الإختلاف الرأى ميزه ,, مش عيب احتراامي لك ,, ولتوضيحك هذا ,, وسامحك الله على مابدر منك |
اممممم مو فاهمه شي لكن واضح ان الكلام صحيح 100% مشكووووووووووووووور |
أولا الاسلوب غلط مش هي دي الطريقة الي تحاول تثبت فيها فكرتك اذا كنت رافع شعار (راقي باخلاقي) فالمفروض رقي الأخلاق يمنعك في نشر موضوع ناقص الفكرة و فيه تشويه لاعضاء تخيل أنا دلوقتي كتبت موضوع و أخدت كلام ليك فيه مثلا (جهل) و (سطحي)(كافر) و زودت عليه من عندي و نزلته و ضيفت عليه كمان شوية كلام من الرسايل و قولت شوفوا بودي بيقول ايه و بعدين اقولهم هنكمل الفكرة ان شاء الله الاسبوع الي جاي , و احطه في التنبيهات ! انت مش شايف انك بكدا بتشهر في الشخص !! هو الي هيشوف الموضوع النهارده هيشوفه كمان اسبوع !! يبقى المفروض حتى لو هتستخدم الطريقة دي تبقى فكرة الموضوع كاملة,,مش انزل النهارده (لا تقربوا الصلاة) و بعد اسبوع نكمل الآيه و بالتالي فالاسلوب غير اخلاقي , خلافا على ان الجمل تم اخراجها من سياقها و وضع زيادات عليها انت عايز تثبت ان الاعلام بيزور الحقائق و بيغيب طب ما تجيب امثله عشان اعرف اناقشك, لكن انا كدا هناقشك ازاي !! انا ممكن اعمل الحركة بتاعتك و بعدين اقول شوفت الناس الي بدافع عن مرسي بيغيبوا ازاي ! طب فين محور النقاش هنا بص يا بودي ,,عايز حق ربنا ؟ الطرف الثاني (الي بيدافع عن مرسي) هو الاكثر تغييبا لانه بيجيب طرف واحد و الناس الي بتفكر زيه و بس , هل انت شايف الاعلام دا مش مغيب ؟ انا عايز اقولك مثلا ان مليونيات زي الشرعية و الشريعه و غيرها المحطات الي انت بتشوفها مغيبه كانت جايباها طول اليوم و لما يكون في تاييد و معارضه بيقسموا الشاشه و بيجيبوا الاتنين تعالى شوف محطه زي مصر 25 الاخوانية ,,لما يكون في مظاهرات معارضه زي المليونيات الي اتعملت عند الاتحادية ماكنتش بتجيب حاجه وة بتجيب اغاني وطنية,خلافا بقى على جرائد الحرية و العدالة و الصفحات بتاعتهم و طريقة تدليسهم و انكارهم لحقائق و فبكرة الاخبار لغرض تشويهي و المنشورات الي بيوزعوها و فيها استهبال واضح (دا كلو بيخلي نظرتي تسقط عن حزب من المفرتض انه حاكم و يسعى لاحترام العقول اكثر) الي عايز اوصلهولك ان الطرف الي مش عاجبك دا مهما كانت له سقطات فهو احسن بكتيييير اوي من الطرف المؤيد لانه على الاقل بيجيب الطرفين اه له سقطات ((مافيش اعلام مالوش سقطات مهنية , حتى المحترف منهم زي العربية و الجزيرة)) ,,و كنت اتمنى انك توثق السقطات و تيجي تتكلم عنها, انا ممكن اقولك مثلا (جماع الوداع) ,بس حتى المذيع لما يثير الموضوع بيجيب الطرف التاني سواء كان نائب كان وزير و بيخليه يتكلم و يقول وجة نظره قانون طلع مثلا و المذيع شايف انه قرار خاطئ (وجهة نظره) بعدها بيجيب الوزير برضو في اتصال او في استضافة و بيسيبه يشرح وجهة نظره في القرار قيادات الجماعات الاسلامية راشقه في المحطات على طول كونك انت عايزه يقول وجهة نظرك عشان يبقى اعلام شريف ,فمعلش دا كدا ام التضليل و التعتيم واحد زي حازم ابو اسماعيل ,,عارف ان الي شهره هو ظهوره على الفضائيات الي دلوقتي معتصم ادامها ! الراجل دا ظهر 59 ساعة على المحطات الخاصة ,,تخيل مافيش برنامج مش استضافته,,و في الاخر دلوقتي ,,عايز الاعلام يطهر ,,طيب هيطهر منين بالظبط , يطبل لمرسي و لا كان يسيبه و مش يتكلم في موضوع كذبه و تضليله للراي العام في ان امه مش امريكية و ماعرفش يثبت بعد ما قاعد يقول معايا ادلة و معايا معرفش ايه و طلع كلو كلام و راح دفن راسه في الرمل بعدها ! مثلا مذيع مش عاجبه الاعلان الدستوري , يعمل ايه طيب ؟ تخيل انا دلوقتي مذيع او قلم بلا حبر مذيع ,,مش هيتكلم و يقول نفس الكلام الي بيكتبه ؟ و لا كدا هيبقى مضلل من وجهة نظرك ! اشرحلي التضليل بيبقى عامل ازاي من وجهة نظرك هديك مثلا كمان موقع اليوم السابع ,,ايه رايك فيه ؟ دا بينزل فيه في اليوم بتاع 1000 خبر ,,و بيجيب اراء كل الاطراف دا مضلل ؟ و الجرايد التانيه الي منحازه وش و بتجيب طرف واحد بس و راي واحد و بتعد تشوه في شخصيات عامة و تقولك ممول من ايران و عميل امريكي و خلافه ,,دا هو الي مش مضلل ؟ قولي وجهة نظرك |
كلامك جميل يابوودى وفى الصميم بحييك عليه وطبعا أنا مش زعلت لآنك قولت الحقيقه بالنسبه لتخمينك رأيى :) واستمر بئه ها ربنا يحفظك ويسعدك وأجــــــــــــــــــمل تقييم |
السلام عليكم تعلم ْ لماذا لم أعلق في الجزء الأول ... لأنني أعلم قيمتك الرفيعة التي ترفض اي تعدي أو ظلم ضد الفكر الآخر أو الرأي الآخر وها أنت توضح هُنا أن الإعلام سبب كل المصائب مع إنها ليست بالجديدة أخي بودي أشكرك من كل قلبي لرسالتك السامية وأعوذ بالله من أن أكفر أحد لأجل أحد لأن ديننا أكبر منا جميعا ً دمت بالف خير |
والله انا شايفه ان مش الاعلام هو الى سبب المصايب لوحده انا شايفه ا قله تفكير الناس وتصدقها لاى حد تصديق مطلق وتاخد منه لكلام من غير اى تحرى وتددقيق هو سبب كل البلاوى يعنى دلوقتى انا اجى اقولك دا فلان عمل كذ وكذا تيجى انت بكل .... تقولى صحيح وتروح تنشره لغيرك طيب ماتتحق من صحه كلامى واسال جميع الاطراف وبعدها اكلم يبئه السبب مش فى الاعلام على اد ما السبب فى عقولنا احنا الى بتسلم باى شئ من غير ماتفكر فيه شكرا ليك |
وجهة نظرك قيمة حتى لو اختلفنا على طريقة عرضك بودى نقطة واحدة بس اعتقد انها صحيحة فى كلام الدكتور طارق كان لازم عليك ان تنزل بالجزء التانى مباشراََ حتى لا يحدث بلبلة او تربص من احد ضدك كما شاهدنا ولكن المضمون والغرض راقى وفكرك راقى فعلا كل ما قلتة عن الاعلام صحيح مائة بالمائة . . اى شخص ينكر ذلك يكون اكيد ما شاهد تلك القنوات خالد صلاح مثلا الصحفى يقدم برنامج توك شو على احدى الفضائيات يقول بمنتهى الفجور امام الناس رأية فى الرئيس وانة مخطأ وان من ف التحرير هما الصح والاخرين خطأ رغم ان رسالة الاعلام المرئى هى الا تذكر رأيك ولكن لا بد من احضار طرفين مختلفين وتسمع منهم ثم يكون الحكم للجمهور تلك هى المهنية الحقيقة والتى يجب ان نتحلى بها هنا فى المنتدى ايضاََ مفيش حد هنا يقدر يفرض رأية على احد ويقول انة هو الصح والباقى مخطئين او لا يفهمون فليدلى كل شخص بدلوة والاكثر اقناع هو من يقنع الاخرين بالحجة وليس من منطق القوة ,, اشكر رقى اخلاقك العالية تقديرى يسابق احترامى مع تقيمى دمت راقى ... |
هو فعلا بصفة عامة فالإعلام بيعرض الصورة اللي ف صالح رأيه بدون مايُراعي الأمانة وتأثيره ع المسمتع وكمة إعلام هنا تنطبق ع الإعلام المؤيد والمعارض والحقيقة كمان انه احنا كبشر لنا عقول تفكر وتشوف الصورة (كاملة) مش بس الجزء اللي بيوريه لنا حد ويخبي الباقي لأنه طول ماالواحد لابس جلباب فكْر غيره مش فكره هو يبئا عمره ماهيرتقي بنفسه .. بصراحة مش شايفة انه الأسلوب فيه مشكلة بالعكس عجبتني الفكرة بس الملاحظة بس انه كان المفروض حضرتك تراسل اللي هتقتبس لهم وتأخذ إذنهم عشان دا حقهم .. تسلم ودمت بتوفيق وسعادة .. |
حَينما يحضَرُ جلالِهٌ قلمْكَم الفَذ يَكنْ فيَ أبَهىَ حُلهُ,, متَربعاً كِـ عادتِهُ علَىْ عَرشْ الأبدَآعْ ومُتَفَرِداً ! فِـ تقفْ الأقلامْ خَجلَىْ ويَلِجُمْ الحرفْ ! نصَ يفيضُ عذوبهً كُوٍنْوٍآ بالقربْ دَوماً جُل تَقديريْ واحترامي لكُمْ,, مودتي |
| الساعة الآن 04:35 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب