|
جميع حلقات برنامج ( لـــــــو ) بسم الله الرحمن الرحيم اهلا بيكم جميعا رجعنالكم مرة تانية بعد غياب انا عارف :D بس الظروف بقى هنعمل اية ^^ من فترة كنت عامل توبيك اسمة ( لـــــو ) فى اعضاء اعتقد ماتعرفهوش بس من النهاردة أن شاء الله هيتم عودتة مرة تانية واتمنى انة يعجبكم . كلنا واحنا صغيرين بيكون قدامنا حلم عايزين نوصلة ونحققة يعنى مثلا لو انتا فى المدرسة يجى المدرس / ة يسئلوك نفسك تطلع اية فنرد بكل بساطة ( دكتور - مهندس - ضابط .... الخ ) وفجاة يقوم المدرس يرد عليك ويقولك ( لما انتو هتبقو دكاترة - مهندسين - ضباط ) ( اومال مين هيطلع حرامى ) :D اول لما يتقال كدا تلاقى التلاميذ كلها بتضحك ودا بيدل انكم بتقولو للمدرس الى بيقولكم كدا ( انتا عندك حق ) :D الى اقصدة من كلامى دا ان اوقات كتيرة جدا بنكون رسمين لنفسنا حاجا معينة وممكن يجى حد يهدك بكلمة واحدة الفرق بين شخص واخر ان فى واحد يقبل انة يتهد وفى واحد تانى مايقبلش دا فى شخص بكلمة ممكن تدمرة وتخلية ينسحب من مكان وأخر بكلامك دا بتديلة دفعه مهمة فى حياتة ( اتمنى نكون احنا من الــ بياخدو دفعه فى حياتهم ) عموما النهاردة معايا ضيفة مميزة جدا صاحبة قلم راقى وصاحبة حضور مميز قررت انها تبقى معانا النهاردة فى توبيك لــــــو معانا النهاردة DR.SMA اهلا بيكى وتعالو نشوف هتعمل اية ( لــــو ) اتحطت فى المواقف دى ^^ لـــــو اول ( 5 ) اسئلة خاصة بالمندى 1 - لقيتى عضو بعتلك رسالة خاصة محتواها ( انك مشرفة فاشلة ومشرفين قسم قلم الاعضاء هم الافضل ) ؟ هتردى على الرسالة دى وتهتمى والا لا وهتقولى اية ؟ اه هرد الا مش من حقه يبعت ولو بعت يبقى لازم يقول رأيه بزوق :) وطالما القسم شغال وهو مواضيعه بتنزل وفي مشرفين شغالين يبقى يسكت احسن ,, تقولش هو شغال تمام يعني !! ناس فاضيه :D هقوله ده من زوق حضرتك بس وأهم حاجه ان مفيش مشكله بالنسبه ليك في القسم ولو في مشكله ابقى ابعت للمشرف الي شايفه مناسب من وجهه نظرك ولو مفيش حد مناسب من وجهه نظرك ممكن تراسل الاداره :D ولو مفيش مشكله وحضرتك باعتلي رساله وخلاص يبقى متدخلش القسم تاني :) 2 - لقيتى اقرب عضوة ليكى فى المنتدى فجاة اتغيرت وبقت تدخل مواضيعك وتنقدك فيها عمال على بطال ؟ هتعملى اية معاها ؟ الحمد لله محصلتش لكن طالما بتقول اقرب عضوه ليا يبقى اكيد هكلمها وهسأل ليه وهعرف السبب ولو مفيش سبب يبقى هعرف ان المشكله مش عندي وهستنى لما اعصابها ترتاح كده شويه وهعرف بردو لان الي بيني وبينهم عشره وصداقه انا مش مستعده اتنازل عنهم مهما حصل مهما صدر منهم فأكيد حاجه عابره وهتعدي اذا كان الاخوات بيتخانقو فطبيعي الاصدقاء يحصل بينهم اي حاجه كده بس المهم التصرف بيكون ازاي 3 - دخلتى توبيك عضو وقولتى كلمتين كويسين فى التوبيك وافتكر انك معجبة بية وبعتلك رسالة خاصة حسيتى ان فيها غزل ؟ هتقوليلة اية وهتتصرفى ازاى معاة ؟ هرد عليه بدون ما احرجه لكن هوضحله في ردي ان المنتدى كل الي فيه اخواتي واني مخطوبه يعني مش معجبه بحد الا خطيبي ;) 4 - حسيتى ان الادارة عايزا تشيلك بس مش عايزين يقولولك بسبب ان مجهودك قليل ومش بتدخلى او بمعنى أصح سايبينك فى القسم تكريم ليكى فقط ؟ لو حسيتى بكدا هتعملى اية هتستمرى والا لا ؟ توقعت ان ده يحصل الفتره الي فاتت لاني مكنتش بدخل القسم نهائيا وإتفاجئت لما لقيتهم سايبني موجوده بالقسم قسم الاقلام بالنسبه ليا من يوم ما عرفت المنتدى له مكان خاص جدا بس بقالي فتره كبيره يمكن تعدي السنه وانا مش بكتب او بدخل كتير لكن احتفاظهم بوجودي هنا برغم ده كله حاجه اعتز بيها وان شاء الله اقدر اعوض الفتره الي فاتت ويكون الجاي افضل انا كده كده هستمر في القسم سواء مشرفه او عضوه وجودي مشرفه دي حاجه اعتز بيها لكن لو في غيري احق يبقى خلاص حق الاداره خاصه بعد انقطاعي الفتره الي فاتت 5 - سبتى رد فى توبيك وصاحب التوبيك رد على كل مشاركات الاعضاء الا انتى ؟ اية شعورك ساعتها وهتعملى اية ؟ هقول اشمعنة يعنى هو حصل حاجا والا اية :) لو حد اعرفة هسأل يمكن فى سوء فهم ;) لو حد معرفوش هقول خلاص عادي مقصوده او مش مقصوده مش هشغل بالي أوي بصراحه بس لو اتكررت هبدأ أسأل عن السبب بس مش هسألأ صاحب الموضوع بردو بصراحه اكتر لو عضوه هسألها لو عضو مش هسأل وبعد كام موضوع هبدأ مردش أصلا على كتاباته اسئلة شخصية . لـــــو 1 - قاعدة فى البيت لوحدك بس كل شوية تسمعى صوت غريب فى الشقة ؟ هتعملى اية ؟ هروح اشوف مصدر الصوت منين وفي ايه مش بخاف الحمد لله وخصوصا وانا في البيت مصدر أمان بالنسبه ليا كبييييييييير أوي وأنا صغيره كنت بخاف من الانتريه والبلكونه بتاعته جدا كانو دايما نورهم مطفي وبعيد عن باقي الاوض الي في الشقه بدأت ادخلهم لوحدي واعد فيهم وكمان من غير ما اشغل النور عشان اجبر نفسي اني مخافش كنت صغيره كنت في ابتدائي تقريبا والحمد لله من ايامها معرفش حاجه اسمها خوف من البيت ولا اصوات ولا خيال بقى ولا حجات العيال دي :) بخاف من حجات تانيه :D 2 - قاعدة انتى وخطيبك فى البيت طبعا جايلك زيارة وفجأة كدا وانتو قاعدين عدا ( فأر ) صغير حليوة ؟ هتتصرفى ازاى وتفتكرى خطيبك هيعمل اية ؟ ^_^ هسرخ وأطلع اجري ههههههههههه ده فار يا مورشو :D انا يوم 17 \7 الي فات قبل رمضان ب3 ايام وقبل عيد ميلادي ب3 ايام بردو عشان عيد ميلادي كان اول يوم رمضان :) دخل بيتنا فار لأول مره اشوف فار عن قرب كده والمشكله انه عدى قريب مني الحمد لله مات يومها اخويا بقى وابن عمي موتوه بس انا اتخبطت من الخضه وانا بجري وحصل شرخ في رجلي اليمين اعدت فيها شهر ونص في البيت وكانو كلهم عارفين السبب عادي واحمد كمان اولهم عندي فوبيا فران وصراصير ده مش دلع ده حقيقي يعني ممكن بسبب صرصار اعد اعيط بجد ومقدرش اتحرك من مكاني اما الفار ففيها كسر رجل زي ما انت شايف :( هو مش عارفه بس مبدئيا هيعد يضحك عليا ممكن بقى يموتوه هو ومحمد اخويا بس هاخد تريقه دائمه طبعا 3 - جايلكم ضيوف فجاة وانتى ماتعرفيش والباب خبط وانتى طبعا لسة صاحية من النوم ةمش شايفا قدامك وحالتك بالبلة وأول لما فتحتى طلعو أهل خطيبك ^^ هتعملى اية ؟ أولا مش هفتح الباب كده وانا معرفش مين ثانيا مش هفتح الباب بلبس البيت وانا معرفش مين بردو :D ثالثا بقى انا مش بقوم من النوم حالتي بالبله خالص ;) هههههههههه عادي ينورو لو صحيت من النوم لقيتهم عندنا بسلم كده واقولهم هغسل وشي واجيلكم وبروح اغسل وشي وارجعلهم لو بنات طبعا اما لو في بقى عنصر رجالي فأكيد هغسل وشي أولا عشان البس اسدال او حاجه مش هطلع كده يعني 4 - ماشية فى الجامعه وفجاة لقيتى الناس كلها بتجرى وخلاص ومفيش حاجا قدامك وكلهم بيجرو عكس ما انتى ماشية ؟ هتعملى اية لو دا حصلك ^^ ؟ هسأل لو محدش رد هجري معاهم مش يمكن يكون حاجه كبيره وانا معرفش طالما كله بيجري ومش بيرد يبقى اجري وبعد كده أبقى أسأل بقى هههههههههههههههههه هو العمر بعزقه :D 5 - قعدى فى الباص وانتى مروحة من الجامعه وطالع عينك طول اليوم فى الجامعه وحظك الكويس قعدى جنب بنت رغاية جدا مع انها ماتعرفكيش اصلا ومش عايزا تحلك ؟ هتعملى معاها اية ؟ مبتكلمش مع حد معرفوش:D وانا معرفش حد أصلا :D فمبتكلمش بره البيت ولو واحده اعدت جنبي تتكلم في الأول بـ أقولها اه .. مممم ... ماشي ... اكيد ... لا والله ... لالالا .... معقوله وبعد كده بفصل منها ومبردش وشويه وبكون مش سمعاها أصلا فبتسكت لوحدها بصراحه دي حاجه مش لطيفه عندي يعني مش فكره هي رغايه او لا هي فكره اني اصلا مش عايزه لا حد رغاي ولا حد غير رغاي بس مبعرفش اعمل علاقات اجتماعيه واتعامل مع ناس كتير بحب الهدوء والعزله اكتر اصحابي معدودين جدا جدا جدا ومبرتاحش لو اتكلمت مع غيرهم عشان كده قولتلك في الاول مش بتنازل عن الصداقه مهما كلفني الأمر لانها مش حاجه سهله الواحد يجيبها ولو عنده صديقه بجد مخلصه فده مش هيتكرر تاني فلازم يحافظ عليها ويلتمسوا العذر دايما لبعض وبعد ما شوفنا ردود ( د . سما ) بتنتهى حلقتنا النهاردة انتظرونى وضيف جديد وحلقة جديدة ومواقف جديدة تحياتى morshooo |
حوار مميز بجد أسئله واجابات جميله جدا وعجبتنى كنتى منوره سما الحلقه اكييد ربنا يوفقكـ ان شاء الله فى حياتكـ ويوفقكـ مع الكابتن أحمد :) تسلم يا ابو حميد للمجهود المميز مودتــــى ,, |
حلقة جميلة جدا تسلم ايدك اساحبى وسما منوره الحلقة وربنا يوفقك ف حياتك ويتمملك ع خير واكتر حته عجبتنى اما قالت هتجرى مع الناس ههههههههههه ف انتظار ضيف جديد بقا مودتى :) |
لا حلقة عالية اوى ي احمد والله حووبى د/ سما والله منورة ^^ وعجبنى موت حكاية الفار ده :p >> ده بقآ عادى ع فكرة :d .. مجهود جميل منك ي احمد .. |
عوده موفقه يا مورشو مشرفين اخر زمن بقالك شهر منزلتش موضوع بالقسم طب خلي الراديو ينفعك نسينا نرحب باﻻنسانه المميزه جدا اﻻخت الراقيه د/ سما بجد غيابها بنتأثر بيه مع اننا مش بنسأل طبعا بس على البال دائما بالخير حوار جميل من لو واسئله فيها كوميديه وطبعا ردود اختنا برضو جميله وتحمل الكثير من خفة الدم الف سلامه على رجلك ده من فار طب لو طلعلك اسد هنعمل ايه ساعتها ربنا يوفقك في حياتك وتنورينا دائئما وبلاش الغيبه تطول نوريت البرنامج سعدنا بتواجداك حلقه جميله مورشو يارب دائما كده موجود نورتمم جميعا دمتم بكل الخير تحياتي لكم |
اقتباس:
اقتباس:
هههههه عسل يا سما نورتى ياقمر ووحشتينا جدا واكيد المنتدى كله مفتقدك ومش هاننسى انتى قدمتى ايه لقلم الاعضاء شكرا على الاستضافه الجميله موروشو ونورت قسمك من تانى |
|
بجد اسئله جميله جدااااا الاجابات صريحه بدون تكلف و ده احلى ما فيها انها طبيعيه كدا و عسوله ربنا يوفقك لكل الخير يارب مشكور اخى ع الاستضافه الرائعه المميزه و المجهود القيم تحيتى |
موضوع جمييل ... وحلقـه مميـزهـ .. ضيفـه عسوله وآجآبآتهآآ حكيمـه آوي .. ^^ حكآية الفآر دي كلنآآ كدهـ وعن نفسـي بخـآف من الصرآصير وآي كآآئـن :) |
برناااامج جااااامد يا احمد واجابات سما روووعه فطستني من الضحك عند الفأر :d شرخ من فار هههههههه شجاعه يا سما :d تسلم يا احمد للبرنامج الجااامد دا وفي انتظار حلقات قادمه باذن الله |
اقتباس:
الجميل وجودك يا احمد النور نورك بردو تسلم يارب وربنا يوفقنا جميعا في حياتنا ان شاء الله اللهم امين يارب نورت ... |
اقتباس:
النور نورك يا جميل ربنا يوفقنا جميعا ويتمملنا كلنا على خير يارب :) امال يعني أقف أستنى كده وخلاص مش يمكن يكون في حاجه هجري طبعا :) نورتي .. |
اقتباس:
حووووبيييي انتي كمان يا طمطومه الفار ده بقى عادي ولا الخوف من الفار الي عادي :( ده قمة الرعب :eek: نورتي يا قمر ومنوره دايما .. |
اقتباس:
على البال والله دايما وبالخير أكيد الله يسلمك يارب اه من فار بس لو طلع أسد مش هيبقى عندي رجلين اصلا :d ان شاء الله ميبقاش في غيبه خالص وشكرا على الترحيب المخلص ده نورت التوبيك والقسم والمنتدى كله :) تقديري .. |
اقتباس:
انتي عسل يا منون وحبيبتي والله ودايما منوره كل مكان جدا جدا طيب الحمد لله ودايما اقدر كل جديد ان شاء الله والي جاي أفضل بس قولي يارب نورتي :* |
اقتباس:
شكرا يا جميل وربنا يسعدنا جميعا يارب نورتي التوبيك والمنتدى كله .. |
حلقة جميلة مرشو مع اخت نحترمها ونكن ليها كل تقدير اسلوب مميز وبسيط فى اجوبتها وبقلها انتى طلعتى خوافة وقعدتى شهر فى البيت من الخضة يلا معلشى بقى عودة جميلة مرشو بحلقة جميلة تحياتى لكم |
هههههههههههههههههههه ,, ياخرابي شرخ ربنا يكون ف عونك حقك تخافي من الفران و الصراصير ههههههههههه عجبتني اوي هجري مع الناس دي :rolleyes: حلقة حلوة حقا تسلم يا احمد ,, و نورتي يا سما :) |
حلقه عاليه اووي ي مورشو :) اختيار اكتر من رائع لسماسيمو السكره .. ^_^ عوده حميده ,, اجاباتها جميله اوي ماشاء الله موفقين,, تحياتي |
ضيفه ماشاء الله غنيه عن التعريف بحضورها الراااقى وشخصيتها الجميله وألى بعزها جدا وبحترمها رغم تعاملى معاها البسيط سما حبيبة قلبى نورتى وأسعدتينا بأجاباتك المتزنه وخفة دمك أتمنالك التوفيق ياحببتى والسعاده أينما تكونى ربنا يحفظك ويعزك وتسلم يا أحمد على الاستضافه الهايله والحوار الراائع بحييك عليه مووفق دااائما ربنا يحفظك واجمل فايف أستار |
حلقه جميله والضيفه منوره مجهود جميل اخي مروشو |
حوار جميل بجد يامورشو سمسم اجاباتك جميلة ودمك خفيف اوى :) حلوة اوى هجرى معاهم دى هههه نورتى حبيبتى ,, تسلم يآمورشدى حلقة جميلة واستضافة رائعة دوام النشاط يـآرب |
تواحد أرواح رنا هشام Ѕad Єyes ساحر الاحزان lost pearl ňóяInô ツ عاشقه الهدوء Arco Baleno beauty angel كلكم منورين جدا ومبسوطه بردودكم وما شاء الله كله معلق على هجري معاهم طيب لو انتو مكاني كمان هتعملو كده والله افرضو في أسد ولا حرامي ولا بلطجيه ولا حاجه ما احنا دلوقتي كل حاجه ممكنه ومفيش مستحيل احنا في مصر :) منورين دايما وشكرا لتواجدكم تقديري ,,, |
حلقة لذيذة واجابات سما عسولة .. ربنا يسعدك ياسمسم .. تسلم أ/أحمد .. دمتم بتوفيق من الله .. |
هههههههههه عثوله قوي ي سما ههههههه ضحكتيني قوي فـ حكايه الفار وربنا زيي يابنتي الواحد بيشوفه بيحس ان شاف اسد اه وربنا هيا مره وحده فحياتي الي شفتها فيه وجها لوجه هههههه والحمدلله مش اتكررت ولا الاجابه دي عجبتني قوي ........... هسأل لو محدش رد هجري معاهم مش يمكن يكون حاجه كبيره وانا معرفش طالما كله بيجري ومش بيرد يبقى اجري وبعد كده أبقى أسأل بقى هههههههههههههههههه هو العمر بعزقه :d .......... عثوله انتي ودمك سكر:D تسلم ع الحلقه ي مرشد حلوه |
تيتشر نفشه وسمسمه منورين طبعا :) بتكسفوني بكلامكم كده :d منورين :) |
محدش يكسفها يا جماعه عشان لو قابلت الفأر دا تانى هيبقى شكلها اية قدامة بقى ^^ كنتى منورة يا دكتارة |
حلقة جميييييييييييله وسما عضوه الكل بيحترمها يسلمووووووو سما ومورشو |
حلقة رائعة وراقية جدا يا اخ احمد مع اختنا د سما ربنا يكرمكم يا رب دمتم بالف خير |
حلقة جديدة من برنامج ( لـــــو ) معانا ( countess ) بسم الله الرحمن الرحيم امبارح كنت مسافر لــ ( الشرقية ) والحمد لله حلفت انى مش رايحها تانى هقولكم لية : الطريق ماشاء الله زى الزفت :D الطرق ضيقة جدا وزحمة جدا جدا المطبات بقى محدش يكلم عليها اول مرة اشوف مطبات صناعه مصرية 100 % يعنى كل واحد قدام بيتة شارى اسمنت وعامل مطب زى الفل وكل العربيات عمالة تتنطط وكلة بياكل مطبات :D لدرجة انى بليل وانا على السرير كنت بتنطط ^_^ النهاردة بكلم مع صديق ليا فى كل دا بكل بساطة قالى : ( لــو ) كنت مكانك مكنش اخد والا مطب وكنت عملت حساب كل حاجا . كلمة ( لـــو ) هنا بتكون سهلة جدا وساعات الى قدامك يحسسك انك غبى فى تصرفاتك مع انة ( لـو ) فى مكانك بجد ممكن تلاقى تصرفاتة اغبى منك بكتير جدا :D النهاردة حلقة جديدة من برنامج ( لـــــــــــــــــو ) ضيفتى عرض عليها شوية مواقف وهنشوف مع بعض ياترى ( لــــــــــــــــو ) ( countess ) http://forums.banatmisr.com/image.ph...ine=1356291827 حصل معاها المواقف دى فعلا هتتصرف ازاى لـــــــــــــــــــو 1 / بتلكمى عضوة فى المنتدى معانا وطلبت ميلك واكلمتو ميل وطلبت موبيلك ووافقتى وفى الاخر طلعت ( ولد ) ^_^ ؟ هتعملى اية ؟ مممم اكيد هتفاجئ كتير بس هعرف منة لية عمل كدا وبعدين اهزقة واعطية حظر في اليمل وفي المنتدى 2 / جيتى تدخلى المنتدى ولقيتى نفسك واخدة حظر ومكتوبلك السبب تصرفات غير لائقة ؟ هتتصرفى ازاى ؟ احاول آعرف لية واحاول ابعت للي حظرني لية عملت كدا وايه السببب واعرفة وبعدين بقى ادافع عن نفسي لنو آكيد فية سوء فهم مش آكتر 3 / جاتلك رسالة خاصة من عضو معروف فى المنتدى وقديم فية ومحتوى الرسالة انة عايز يتعرف عليكى وانة معجب بيكى ومعجب بكتاباتك ؟ هتقوليلة اية ؟ هقولة ازاي بتعجب بوآحده آصلا آنت لا شوفتها ولا يحزنون ف آكيد دا زي ماقلت الكتبات وبتاع ف ابسط شي يحط لايك ع اي كتابة ليا كلنا هنا داخلين لأستفادة لو بشدنا ونهمتم ونستفاد فقط من مضمون الي بنكتبة لنتعلم من باب اللأستفادة .... 4 / حد من اعضاء المنتدى بعتلك رسالة انة هيفضحك وهينشر صورك وهيشوة صورتك قدام الاعضاء مع انك متاكدة ان مفيش اى حاجا معاة عنك ؟ هتتصرفى ازاى معاة ؟ طبعا مش هيآثر اي حاجة فيا لنو وآثقة لاعندة صور ولا يحزنون اقولة طيب يلا وريني لو عندك حاجة يعني بس قبل منها اعرفة واعطية درس خفيف كدا انو مش رجولة ابتزاز بنات الناس لنو الي هتعملة في بنت الناس هيجي يوم ربنا هوريك ف بنتك او اختك او مرآتك يعني دة ك نصي حة انو يستخدم اي اسلوب مع اي بنت اي كانت نت واقع وبعدين اقولة يلا بقى وريني انا لا عطيتك صورة ولا يحزنون وآعلى مافي خيلك اركبة :33: 5 / سبتى رد فى توبيك وصاحب التوبيك تجاهلك وساب رد فى التوبيك وقال ( مش هرد على ناس مش مرغوب فيهم فى صفحتى او موضوعى ) ؟ هتقولى اية لنفسك ؟ عادي لنو اصلا بالحياة عامة بتلقي عالم انت برتاحلهم وعالم يرتاحولك وعالم مش برتاحلهم لله في الله وكمان عالم مش بترتاحلك لله ف الله إزززززي يعني:28: ثم الي عاوز يرد وبآردته يبقى ده فعلا شايفني اني بقدم شي مش تافة ويستاهل انو يترد الي نو يبقا افكارنا مش زي بعض كمان ممكن شايف اني بقدم موضوع ملهوش اي قيمة وكدا يعني :78: الاسئلة الشخصية لـــــــــو 1 / فى شاب بيتبعك طول مانتى ماشية وبتلاقية فى كل مكان وراكى ؟ هتعملى اية ؟ اكيد هقول لأخواتي الشباب هيقفو عند حده لنو لو كلمتى هيتمادا ع واحده ست سوا بلفظ او غيرة ف نتجنب ده كلة اقول لاخواتي الشباب هما يظبطوه :20: 2 / جاتلك رسالة على موبيلك من رقم مجهول وقالك على حاجات خاصة بيكى محدش يعرفها عنك ؟ هتقوليلة اية ؟ حصل ع فكره وربنا هههههه وكنت ساعتها بكلم زوزو بنت خالتي المهم كل كلمة اقولها لها القية باعت مسج بيقولنا ع الحوار الي بيني وبين بنت خالتو المهم بعت رقمة للأتصلات المهم لقينا انو يمني رقمك زي رقمي بظبط بختلاف رقم واحد ومش عارفه عمل ازاي وكل مكلماتي واتصلاتي عنده المهم شالو رقمة واعطوه انذار دي الكاية قديمة من 7 سنوات وانا غيرت رقمي نهاي 3 / لو ركبتى ميكروباص ورايحة مكان معين وفجأة لقيتى خط سير العربية متغير ؟ وشايفا حاجات اول مرة تشوفيها ؟ هتعملى اية ؟ اول شي احاول اتماسك اعرف السواق انو مش مكان بيتنا بكل هدوء ومش اعرفه انو خايفه عشان مش يتقوى عليا :33: 4 / لو راجعه بليل ومروحة ودخلتى فى شارع فى طريقك وبتبصى لقيتى مجموعه كلاب مقبلاكى وجاية بتجرى وانتى شايفاهم جايين ؟ هتعملى اية ؟ ممممم اكيد اكيد الأكسجين هينقطع عندي من الخوف هههه مممم ممكن اهاودها اعمل نفسي عادي اخد الموب اتصل اي حد القي اسمة مسجل ينقذ الموقف قبل ل بعيد الشر يعني :103: 5 / لو رايحة لواحدة صحبتك اول مرة تروحلها وانتى اصلا فهمتى عنوانها غلط ودخلتى عمارة ووقفتى قدام شقة وخبطى وطلعلك واحد وبيقولك اية ( يا موزة ماتيجى اتفضلى ) فقومتى متصلة بزميلتك دى وانتى واقفة فقالتلك ( خالى بالك الواد دا مش محترم ^_^ ) ؟ اول حاجة اقولة اصلا ان مش جاية ليك جاية لصحبتي ودخلت شقتك بالغلط امشي بسرعة من غير ما اخد واعطي معاه بكلام و حتى مش هستنى صحبي لو آجل الزيارده لمرة تانية وبعد ما الهانم هتقولة انا اصلا مش جاية ليك جاية لصحبتى :D ( غلبانة قوى بصراحة ) بتنتهى حلقتنا النهاردة استنونى وضيف جديد وبرنامج ( لــــــــــو ) |
ايه يا مورشو كنت بتاخد مطبات وانت على السرير حلو قوي السرير ابو عجل ده يا ترى ده بيشتغل ببنزين وﻻ من غير بنزين المهم انك حلفت واوعى توقع حلفانك لحسن تصوم منوره كونتيس والله حلقه جميله واﻻسئله طبعا خياليه كوميديه قد ايه مميزه فعلا سعدت بالحوار ده وكانت ردود كونتيس تحمل نسبه كبيره من العقل ربنا يوفقكم ودحوام التواجد الطيب دمتم بكل الخير تحياتي لكم i |
هههههههههههههههههه عسل والله يا سوسو بإجاباتك الهادية وزى السكر دى تسلم يا مورشو |
ولا يحزنون ,, ههههههههههه حوار شيق مع ضيفه أكيد كلنا بنقدرها ونحترمها ورغم إن الحلقه قصيره لكن إستمتعنا بيها أكيد تسلم يا مرشد على الحوار الطيب دا ونورتى يا سارووونه وفى إنتظار حلقات اخري قادمه |
ههههههههه شوية أسئلة يامورشدى ايه دهـ ياساتر :04: إجابات سارونة سكر طبعآ وتلقائية اوى ربنآ يكرمك ياقلبى ^^ نورتى الحلقة ياسوسو ,, تسلم يامورشو على الحلقة والاستضافة الحلوة |
منور يا مرشد فى لو و سارة اكلة الجو سارة طلعت رهيفة خالص وقلبها حنين بتخاف من اى حاجة ومرشدى دة دخلنا فى لعبة لو حوار جميل يا سارة مع بتاع لو مرشدى تحياتى ليكم واستمتعنا بالحوار الشيق معاكم |
ههههه حرام عليك ايه المواقف الصعبه وموقف الكلاب ده فظيع وانت هاتعرفى تمسكى الموبيل اصلا اجاباتك حلوة ياسوسو وبتعرفى تتصرفى ماشاء الله عليكى نورتى ياحبيبتى شكرا يااحمد على الحلقه الحلوة دى |
والله ضحكت من قلبي على حكاية المطبات المصريه ماشاء الله احنا في السعوديه معندناش الكلام دا :107: واجابات ساره جميله بس عصبتني ببرودها مع الكلاب انا لسى حتصل؟؟؟؟ يا بنتي اجرررررري دول كلاب ولاد ستين كلب !! وموقف السواق ..! شيلي حجابك وغمي عنيه وربنا وربنا انا بتعمد اركب ورا السواق على طول عشان لو لعب بديله يكون سلاحي معايا وقادره اتصرف .. عاوزلك دروس في الحياه اكونتيسا ههههههههههه بجد اتبسط جدااا فكره دمها خفيف مروشو .. ساره امتعتوووونا |
حوار راقي ومميز مع أخت كريمة ذات قلم مميز جدا ً مشكورين إخوتي لروعة طرحكم |
هههههههههههههههههههه البرنامج ده خطير واسئلتك فظييعععه اوووي يآمورشو وكويس انك وصلت بالسلآمةةة :d ,، اجابات حلوة منك ي قمرى ف موقف السواق اعملى قتيل وانتى خايفه هههههههههه لا حلق جمييله واجابات اجملل تسسلمو على المجهود منتظرة الحلقه الجاييه بقى دمتم بخير |
حلقه حلوهـ وجميله ومميزهـ واجابات سارهـ الاهلاويه جميله بالتوفيق للجميع |
| الساعة الآن 07:53 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب