|
الحلقة الرابعة من برنامج عضو علي ثلاثة مراحل مع عاشقة الهدوء ] السلام عليكم ورحمة الله وبركاته الحلقة الرابعة من برنامج عضو علي ثلاثة مراحل مع عاشقة الهدوء المرحله الاولى الجانب الشخصـــى 1- من أنت؟ انسانه طيوبه جدالآبعد الحدود عصبيه حبتين هههه مرحه وشعنونه حساسه يعنى شخصيتى تعتبر خليط متنوع بين مجموعه من الطباع 2- من هو توأم روحك؟ بصراحه والدتى حبيبة قلبى ربنا يبارك فى عمرها ويخليها ليه اللهم أمين ويليها بعض أصحاب ليه بدون ذكر أسماء 3- شخص لا ترفض له طلبا؟ والدتى وكمان أصحابى وأى شخص بحبه وبحترمه وبعزه عمرى ما برفض ليهم طلب وسعات ممكن ارفض برضه بس بلطجه كده ههههههههه و برجع انفذه فورا مزاج بئه ما هي التجربة التي تتمنى تكرارها؟ روحت من يومين مدينة (دريم لاند ) نفسى بجد أروحها تانى وألعب فيها ألعاب المغامره وألاكشن والحجات الجميله دى ههههه بتمنا أجرب وأروحها تانى 5- ما الشيء الذي يشعرك بأكبرقدر من الإحراج؟ امممم لما أكون قاعده مع حد من أصحابى أقرباائى سواء بنات أو أولاد وعنيهم تيجى فى عينى ينهارى أبئه مكسوفه جداا ومحرجه مش عارفه أعمل أيه ببئه هاين عليه وهما بيكلمونى وفاتحين مواضيع بئه وبتاع أبص فى ألارض ويرغوا بئه براحتهم هبئه مرتاحه هههههههههههه 6- شخص وعدك بشي مهم جدا ثم خلف وعدة ماذا تقول له ؟ أقول له (حسبى الله ونعم الوكيل ) وعمرى ما هسامحه ؟ 7- اختار خمسة اعضاء وضع تحت اسم كل واحد فيهم لقب ؟ روووكه 2 (القلب الطيب ) دمعه حائره ( رقيقه القلب و المشاعر ) مسك الشهاده ( فارس الفرسان ) هههههه انا عارفه أنه هيضحك لما يقول بس كبرياء رجل ( الاخ الروحى وطيب القلب وصاحب الدم الحر وهوه عارف معزته فى قلبى ) ساحر الاحزان (الهاادىء والحكيم والعقل الراقى والرزين ) المرحله الثانيه الجانب العاطفـــى 1- ماهوالحب ؟ وهل تقدر تعيش بدونه ؟ الحب اسمى واعظم شىء فى الوجود فلولا وجوده ما كانت الحياه سائره والبشر فيها هاادئه وسعيده ومسالمه فالحب له أنواعه الكثيره والتى تكون فيما يرضا الله عز وجل عنا وطبعا الانسان لو عاش من غير حب فى قلبه للناس والاهل والآقرباء والاصدقاء يدبل قلبه ويصبح معدوم فى الحياه 2- فرق العمر بين الطرفين هل يؤثر على علاقتهما؟ لا مش شرط أهم شىء التووافق العقلى والفكرىوالتفاهم فيما بينهم وقتها تسير الآمور طبيعيه لا يؤثر عليها فرق فى العمر 3- اكتب اول حرف من اسم الشخص اللى انت بتحبه ؟ الله أولا ويليه أهلى وأصدقائى المقربين وكل من تربطنى به معزه وأحترام أما حب العااطفه ده كلام فاررغ ههههههه وأكيد هيبئه ليه حرف عاطفى بحبه طبعا بس بعدين ههههههههه كل شىء بأووان 4- مين مخلص اكتر فى حبه للطرف الاخر الشاب ولا البنت ؟ الآكثر البنت المخلصه لآنها لما بتحب من قلبها بتخلص أما الشاب العكس وقليل من يحب بقلبه منهم ويخلص للطرف ألاخر ولكن حتى أكون عادله االشباب والبنات فيهم المخلص وغير المخلص ؟ 5- ماهى الاسباب التى تؤدى الى انتهاء العلاقه بين الاتنين ؟ الخيانه طبعا من احد الطرفين والظروف التى تعثر الآحوال وبعدها ينتهى كل شىء 6- كلمة " أحبك "هل جعلتها في يوم من الأيام وسيلة للوصول لهدف ؟ لا طبعا وعمرى فى حياتى ما أستغليت هذه الكلمه العظيمه ألا فى وضعها الصحيح ومن كل قلبى وبأخلاص وأحتواء وتفانى ليست لمصلحه ولا أمور سيئه من هذا القبيل ؟؟؟ 7- كام هى المدة التي تجعلك تحدد متى تقول كلمة " أحبك " لمن يستحقها ؟ ياااااااااااه كتير أوووى حتى أتيقن وأثق تماما حتى أقولها لمن يستحقها ؟ المرحله الثالثة الوجه الاخر فى شخصيتك ليس لى وجه أخر والحمدالله معاملتى وااحده وطبعى وشخصيتى واحد فى أى مكاان لا اتلون ولا أتصنع 1- هل تعتقد ان حظك سيئ ؟ لا اللهم لك الحمد حظى زى الفل وأحمد ربى فى كل حاال وفى كل نعمه رزقنى بها فليس كل أنسان حظه سيىء ولكنها اقداار وابتلاءات جزاءها الجنه والمغفره من رب العبااد 2- هل انت راضـــي عن نفسك ؟ الحمدالله ولكن يؤلمنى تقصيرى فى حق الله فى أمور كثيره هو أعلم بها أساله أن يعيننى على أجتنابها والعمل والاجتهاد على كل ما يرضيه أمين 3- كام شخص خدعته بوجهــك الاخـر ؟ زى ما قولتلك ليس لى وجه أخر وأعوذ بالله ان اخدع أى شخص وأتلون عليه أبعدالله وجنبنى شر المكيده والمكر لعبااده اللهم امين 4- اذا اردت ان تبكي الان , فعلى من تبكي ؟ وليه ؟ أبكى على تقصيرى فى حق ربى وكل شىء امرنا به ولم أقدر على فعله وكل شىء نهانا عنه ولم أتجنبه بالفعل أو القول فأساله أن يرزقنى توبه يرضا بها عنى أنا وكل من قال أمين 5- التفكير الكثير فى المستقبل هل هو ايجابى ولا سلبى ؟ طبعا سلبى لا يعلم الغيب والمستقبل ألا الله فلماذا التفكير فيه والآمر كله بين يد الخالق العليم بما مضا وبما هو أت 6- هل انت شخص متناقض ؟ وكام مرة نقض فيها نفسك ؟ وليه ؟ أمممم بس مش فى كل الآحواال ومش كتير بكون متناقضه سعات فى أمور ومواقف معينه وبقعد بئه مع نفسى لما بفتكر أعيط أو أضحك هههههههههه 7- تفتكــر انــى قــــدرت اطلـــع وأصـــل الـــى كـــل اللــــى جـــــواك ؟ أيوه أكيد لآن لازم يكون الآجاابه طالعه من القلب ومش مصتنعه وأنا الحمدالله جاوبت بمنتهى الشفافيه والصراحه ولا أذكى نفسى على الخالق فهو أعلم بحاالى وفى النهايه بشكرك ياحببتى على الفكره والحوار ويارب أكون ضيفه خفيفه على الجمهور أحم أحم هههههه أختكم فى الله (عاشقة الهدوء ) |
حلقة جميلة سندريلا مع الاخت عاشقة الهدوء ولا اقول الازعاج وهى طيبة ومرحة بسى لما تعصب كلة يتغير, تلاقيها تحولت بسى هى قلبها ابيض وطيب وحوارك جاب بقى كل الى باقى عندها من حلقة مرشو فكان كلامها جميل ومتعقل واجوبتها جميلة ربنا يحفظك ويحفطها على ما اسعدتونا بة تحياتى لكم |
اول مره اشوف البرنامج ده جميله جدا الفكره وحبيبة قلبى هوبه نورتى ياقمرى واجاباتك حلوة وربنا يخليلك ماما ويديها الصحه يارب يااحلا واجمل هوبه ربنا يسعدك ويوفقك دايما يسلمو سندريلا مجهود عالى حبيبتى موفقه يارب |
حوار بجد جميل جداا مع شخصيه فرضت احترامها على الجميع نورتينا اكييد يا هوبه :) ربنا يوفقكـ فى حياتكـ وان شاء الله تحققى كل ما تتمنيه مجهود جميل منكـ سندريلا يدوم التميز والنشاط ,, |
حلقة جميلة مع هوبة ,, واجباتها جميلة كا العادة واخيرآ راحت ديم لاند يارب بس تكون ركبت ديسكافرى :) وربنا يسعدك يا هوبة |
مسك الشهاده ( فارس الفرسان ) هههههه انا عارفه أنه هيضحك لما يقول بس ايه دا يا هبة والله دا إنتي عارفة كل حاجة عنا بجد انا ضحكت جدا والله لقب ظننت ُ نفسي فيه أنني طارق بن زياد أو موسى بن نصير ههههه ربنا يكرمك إجابات فوق التميز والرقي وهناك الكثير من الإجابات متقارب من قناعتنا والله تميز ورقي والله يا هبة متميزة طول عمرك ... ربنا يكرمك يا أختي فوق التميز هذة الحلقة ... وأسئلة معبرة وشاملة وقوية تعبر عن شخصية قوية أيضا ً دمتم بألف خير |
اختنا المميزه بقلبها وحبها للجميع ربنا يكرمك يارب ونشوفك دائما مميزه ونفرح بيكي بقى قريب وتسيبي المنتدي هههههههههههه منوره والله البرنامج بتقائيتك وحسن اجاباتك بس حكاية ان واحده صاحبتك تكلمك وعينها تيجي في عينك مش داخله عليا دي اشكرك طبعا انك جبتي اسمي في البرنامج الجميل ده وﻻ حرمنا الله من تواجداك الطيب دمتي بكل الخير ربنا يسعدك وكل عام وانتم جميعا بالف خير |
اقتباس:
الراقى وكلمااتك الجميله نورتنا أحترامى وتقديرى ربنا يعزك ويسعدك |
اقتباس:
وجمال كلمااتك وربنا مايحرمنى منك وأشوفك دايما متهنيه وسعيده اللهم أمين نورتينى ياغاليه أحترامى لكى وودى |
اقتباس:
النور نورك يا أحمد وشرف لى حضورك المميز وحسن أسلوبك وجمال كلمااتك التى أسعدتنى ربنا يوفقك أنت كمان ويحفظك ويسعدك أينما تكون اللهم أمين نورتنا |
| الساعة الآن 07:54 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب