منتديات بنات مصر - الحلقة رقم(13)من برنامج اجدد عضو ومعانا طيش

http://www.malfk.com/uploads/135705995112.jpg
http://www.malfk.com/uploads/1357059951071.gif

أهلا وسهلا بأعضاء منتدانا الغالى
كل عام وانتم بخير وبمناسبه سنه 2013
هانقدم الحلقه رقم 13
من برنامج اجدد عضو ومعانا
عضوة جديدة ونشيطه ودمها خفيف

طِيشْ !

عضو جديد

http://img02.arabsh.com/uploads/imag...35404363f4.gif http://img02.arabsh.com/uploads/imag...35404363f4.gif

http://forums.banatmisr.com/image.ph...ine=1356446381

اهلا وسهلا بيكى نورتى المنتدى والبرنامج
النور نور السكرين ^^
منور بيكي يا قمر و بأعضاءه المميزين

فى البدايه عاوزة اعرف ايه حكايه النيم بتاعك وليه اخترتيه
ييييييييييييه عالنيم بتاعي اللي جابلي عقده ههههههههههههه
بجد ناس كتير لخبطت فيه .. أنا عارفه إنه غريب بس واضح يعني
اخترته عشان بيصف جانب من شخصيتي وأكتر صفة ممكن تكون سلبية فيا
دا غير إني بحب الحاجات الغريبة شوية

عرفينا عليكى اكتر
أنا بنت عادية جدا زي أي بنت , ليا ميول كتير
وهوايات كتير جدا , جريئة و شخصيتي قوية رغم إني عاطفية
وحساسة جدا " معرفش ازاي .." عنيدة جدا ومزاجية مثقفة
ولابسه نضاره ومتواضعه جدا ^^ ,,
اكتفي بهذا و الأسئلة اللي جايه هتوضح لإني الحقيقه مش عارفه
أقول ايه أو أوصف نفسي من أنو ناحية
http://www.malfk.com/uploads/1357059951193.gif

اسمك الحقيقى
أسماء 

سنك
17 سنة

بلدك
مصرية و تحديدا من المنصورة

ومحل اقامتك حاليا
الإمارات العربية المتحدة , رأس الخيمة

بتدرسى ولاخلصتى؟
مازلت مع الأسف 

حكمتك المفضله
لا تستخدم فمك إلا فـ شيئين
الإبتسامة : لإنهاء مشكلة
و الصمت : لعبور مشكلة
للشيخ الشعراوي – رحمه الله

http://www.malfk.com/uploads/1357059951193.gif
عرفتى المنتدى ازى
أنا أعرفه من زمان أوي و كان ليا صحاب مشتركين فيه
من أكتر من 4 أربع سنين يعني في بداية المنتدى أيام ما كان
أبو أدهم هو المدير العام [

ايه اكتر حاجه عجبتك فيه وشجعتك تسجلى
اممممم حبيته لإن معظمه مصريين وفيه إبداع مختلف
يعني أنا على قد ما اشتركت في منتديات بس كنت سنه أو سنتين
و بزهق مش بطول فيه .. دا غير إن فيه صرآحه واحترام متبادل
بين الجميع ودا مطلوب و بصرآحه في شخصيات كتير هنا
أثارت اهتمامي وانا مش أي حد يعرف يثير اهتمامي بسهولة

ماشاء الله نشاط ملحوظ ياترى ده حماس فى الاول
ولاناويه تستمرى
بصي هو أكيد لازم يكون في حماس , بس أنا حاليا
مش في نشاطي أوي يعني ^^ " سوبر " وبردو بيعتمد على وقتي
وعلى مودي و إن شاء الله أستمر " أصل أنا فاضية لمدة 5 أيام
من بكرا و الترم التاني هيبدأ  "

اتعرفتى على كل اقسام المنتدى؟
نوعا ما كردود , لإني معملتش مواضيع كتير وبعضهم بيكونوا
في نفس القسم بس إن شاء الله هحاول أتواجد فيها

ايه اكتر قسم عجبك وبتحبى تشاركى فيه
عجبني بقلم الأعضاء و إبداعات الأعضاء الأدبية ..
لكن لسا ما شاركتش فيهم عن قريب إن شاء الله
هيكون ليا تواجد هناك فيه ابداع بجد لإنها بتخاطب العقل و القلب
و بالتالي بتبقى مثيرة للاهتمام أكتر و أغلب الأعضاء اللي بيرتادوا
القسمين دول بيبقوا مرهفين الإحساس و بيفكروا بالعقل
و المنطق فتلاقي المكان كله كلام حلو بئا والردود شيك ^^ ...

اشتركتى فى مسابقات ولالسه؟
مسابقة يتيمة بس بتاعة أفضل تقرير عن السيارات
وطلع عيني وحاسه إني هاخد المركز الأول من ورا 
http://www.malfk.com/uploads/1357059951193.gif
ايه هواياتك
ياااااااااااااااااه كتير أوي ... امممممم بحب الكتابة عامة بنوعيها النثر و الشعر
أعشق الروايات " أجاثا كريستي و نجيب محفوظ "
بحب السباحة و الفروسية و بحب أرسم
مبعرفش أطبخ بس بعرف آكل هههههههههههههه 
لو كملت هتطردوني

هل بتكتبى مواضيع بقلمك؟
طبعا .. فأنا أقدّس القلم وبصرآحة النقل بيقتل الإبداع ..
مش كل حاجة تتنقل , لازم العضو يحاول يكتب حاجة خاصة بيه
بأسلوبه وبفكره و إن اضطر إنه ينقل أي موضوع
فـ علي الأقل ياخد الفكره ويعبر عنها بأسلوبه لإنه بالطريقة دي
مش هيكون عنده القدرة على إبداء
رأيه الشخصي فأي شيء ولو حياته كلها بالنهج دا فآرائه و أفكاره الخاصة
هتكون سلبية و ضعيفة بشكل كبير

مسجله فى منتديات تانيه؟
كتير لدرجة إني بنسى اسمي فيها ^^

ايه رائيك فى المنتدى والاعضاءوياترى فيه ميزة
هنا مش موجوده فى منتدى تانى
في هنا عقول غريبة اوووي و ناس بجد بتفكر و بتبدع وشايفه تقدير للشخص
وفكره ونشاطه وخفة دم
وتفاعل مع قضايا و أحداث معاصرة بشكل واعي و ناضج يعني من الآخر
هنا لقيت وميض أمل في شباب مصر
و إن في شباب بجد واعي و قادر على بناء حضارة
ونعرف نتقدم بين الدول ونبقى في الصدارة زي ما كنا

هل واجهتك مشكله فى استخدام صلاحيات المنتدى؟
لا خالص , بالعكس حسيت إن الموضوع سهل و أسهل من منتديات تانيه كتير
ودا غير إني لسا غلبانه و كحيانه
وعلى قدي يادوب عندي صلاحيتين تلاته

هل عندك اقتراح او خاصيه تحبى تضيفيها
مش عارفه
أفكر و أقوللك =)
http://www.malfk.com/uploads/1357059951193.gif

بشكرك على قبول الدعوة واتمنالك كل التوفيق والنجاح
مرسي جدا على الدعوة الجميلة
و كل سنة و إنتو طيبين و إن شاء الله تكون سنة سعيدة علينا
وعلى مصر بإذن الله
ومرسي على الأسئلة الخفيفة
ودي ووردي لكـ

وبكده تنتهى حلقتنا النهاردة مع اجدد عضوة
بشكركم على المتابعه
وانتظرونا فى حلقه جديدة
http://www.malfk.com/uploads/135705995134.gif