حلقة جديدة من برنامج ( من سؤال واحد ) معانا ( راجية الشهادة ) بسم الله الرحمن الرحيم اهلا بيكم جميعا و ( عودة ) برنامج ( من سؤال واحد ) http://i.imgur.com/0Wjej.gif محدش يستغرب ان التوبيك من ( سؤال واحد فقط ) اوقات كتير الاجابة على السؤال الواحد دا بتحتاج مننا صفحات وصفحات عشان نعبر عن الــ جوانا ونقدر نرد على السؤال دا ودا هيكون هدف البرنامج اننا نخرج كل الى جوانا عن طريق الاجابة على ( سؤال واحد ) . النهاردة ضيفتى عضوة متميزة صاحبة قلم مميز مكنتش اعرف انها غيرت النيم بتاعها :18: معانا النهاردة راجية الشهادة http://forums.banatmisr.com/image.ph...ine=1358453360 اهلا بيكى كتير فى حياتنا الشخصيه بتقابلنا صعوبات البعض بيواجها والبعض الاخر بيستسلم لها واثناء وجود الصعوبات فى حياتنا بنلاقى اشخاص يساعدونا وممكن بمساعدتهم دى يغيرو مصيرنا فى الحياة . سؤالى س / اية هى الصعوبات الى وجهتك فى حياتك حتى الان ؟ وماهى الدروس المستفادة من مواجهة هذة الصعوبات ؟ صعوبات حياتي مبتدتشي غير بعد العشرين ويمكن أكثر شئ كان صعب في حياتي هي وفاة ماما الله يرحمها كانت هي كل شئ في حياتي مكنتش بعرف اخطو خطوه غير بمشورتها كنت معتمده عليها اعتماد كلي بعد وفتها كنت حاسه ان خلاص حياتي وقفت بس بعد كده كنت بحاول اتقمص شخصيتها في كل موقف وقول لحالي لو ماما في الموقف ده هتتصرف ازاي وتصرف اتعلمت اني معتمدشي غير علي حالي واني متعلقشي بشئ بشده لان كل شئ وليه نهايه كمان الغربه كانت صعبه اوي تبعد عن اهلك واصحابك وكل حبايبك وبلدك وتروح مكان ثاني متعرفشي حدفيه شئ صعب انا من رايي ان مهما كانت الحياه صعبه مش هتكون اصعب من الغربه وان الواحد يبني نفسه في بلده احسن طبعا كل ما الواحد بيكبر بيقابل صعوبات ومشاكل في حياته وبيحاول يعديها ويستفاد منها علشان ميقعشي فيها ثاني وانا الحمدلله اتعلمت كثير اتعلمت الصبر بشده وفعلا ان الله مع الصابرين فعلا بتلاقي بعد الصبر نتيجه ربنا بيديك مبيضيعش صبرك ابدا وكمان اتعلمت اني اخد بالي من الكلام مش اتكلم وخلاص وان الواحد يراعي مشاعر الاخرين وديما يحط نفسه مكان اي حد يتكلم معاه وكمان مهما يكون اللي امامك وحش لازم انت تكون احسن منه يعني مش خيرا تعمل شرا تلقي لالا ابدا خيرا تعمل خيرا تلقي لو مش في الدنيا يبقي عند ربنا شكرا لك أ/احمد علي الاستضافه الجميله الله يسعدك يارب في الدارين ودمت بخيير وسعاااده ابديه احترامي وتقديري لشخصك الكريم http://www.hayah.cc/forum/imgcache/28073.png ودى كانت الصعوبات الى واجهت ضيفتنا النهاردة الــ بنتمنلها حياة سعيدة وربنا يوفقها فى حياتها القادمة انتظرونى وسؤال جديد وضيف جديد فى برنامج ( من سؤال واحد ) |
فعلا سؤال واحد ولكن له وقفات أصعب فى حياة كل منا توبيك مميز أحمد مع عضوه خلوقه واقول لها ألهمك الله الصبر على فقدان والدتك وأسكنها الله فسيح جناته ووفقك الله الى مايحبه ويرضاه |
فعلا احيانا سؤال واحد بيكون له صفحات للاجابة برنامج رائع مورشو مع ضيفة مميزة وجميلة ربنا يصبرك علي فقدان والدتك ويرحمها ويسكنها فسيح جناته بالتوفيق وخالص احترامي |
بجد سؤال مهم جداّ واستضافة احلى منك يا مورشو .. واجابة احلى من راجية الشهادة منورين انتو الاتنين مع خالص تحياتى |
ايه البرامج الجامده دى*_* تسلم ايدك يا مورشيدى فعلا فى اسأله ممكن اجابتها متكفيهاش صفحات لانها مش مجرد اجابه بتبقى حياه عشناها راجيه الشهاده منوره طبعا بأجابتها ربنا يرحم والدتك يارب ويسكنها الجنه والحمد لله انك قدرتى تتغلبى على الصعوبات اللى واجهتك وتكونى قويه ربنا يبعد عنك اى شر ومش تشوفى حاجه وحشه تانى يارب ـــ فى انتظار الحلقه القادمه يامعلم وسؤال اخر:113: تحياتى,, |
طرح رآآئع موروشو ... :) فعلا في ناس لما بتفارق حياتنا بنحس إن خلاص مش هنعرف نكمل لكن الحياة مبتقفش عند موت حد معين الله يرحم مامتك و يغفرلها و الغربة وحشة أوي ومملة و مقرفة >< ربنا معاكي يا قمر ويوفقك منورة البرنامج وموروشو ملعلع فكل حته ^^ تحياتي لك ودي ووردي |
هو سؤال؟ ولكنة يحتاج للكثير والكثير لكى يجاب عنة, وراجية الشهادة تحدثت بما مر عليها فى حياتها يتمنى ليها كل توفيق فى حياتها حلقة جميلة يا احمد مع راجية الشهادة تحياتى لكم |
برنامج رائع مورشو واستضافة جميلة لضيفة اجمل ............^ ربنا يصبرك علي فقدان والدتك ويرحمها ويسكنها فسيح جناته خآلص آحترآمى |
برنامج مميز نورتينا اختـى الحلقه ربنا يرحم والدتكـ ويجعل مثواها الجنه وربنا يوفقكـ فى حياتكـ وتحققى ما تتمنيه تسلم يا ابو حمييد للمجهود يدوم النشاط ,, |
اقتباس:
تسلمي حبيبتي منوره ودي لقلبك |
الساعة الآن 02:01 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب