|
حلقة جديدة من برنامج ( من سؤال واحد ) معانا ( نور حبى ) بسم الله الرحمن الرحيم اهلا بيكم جميعا وحلقة جديدة من برنامج ( من سؤال واحد ) دائما بيكون لينا طموحات بنحب نحققها فى حياتنا وفى كمان امنيات بنحاول نوصل ليها فى منا بيجتهد عشان يوصل وفى منا بيقف مكانة كل دا بيرجع لشخصة الواحد فينا ياترى انا شخصية مجتهدة ومبقفش فى مكانى مهما كانت الظروف والا انا شاب غير مجتهد وبستسلم للدنيا والى بتعملة . ضيفتى النهاردة عضوة متميزة معانا ودا كان سؤالى ليها حلم كل بنت فى الحياة هو الارتباط بشخص يملك من الاحترام قدر كافى حتى يحافظ عليها وتشعر معة بالامان ودا حلم مشروع للجميع حتى الشاب نفسة دائما ما يحلم بتلك الفتاة صاحبة الاحترام . سؤالى س / ماهى مواصفات فتى احلامك واهم ما تبحثين عنة بداخل هذا الشاب ؟ وماهى طموحاتك الخاصة ببناء افراد اسرتك فى المستقبل ؟ بص يا مورشو كل بنت بتحلم بمواصفات خيالية جدا و بتتمنى إيجادها جميعها فى رجل واحد و هذا بالطبع لن يحدث الا فى الافلام الهندى :04: و انا طبعا كمثل هؤلاء البنات :116: فأتمنى ان أجد رجلا بمعنى الكلمة ذو شخصية قوية جدا يدافع عنى و يحمينى و الاهم ان يحترمنى جدا وأكون فى باله دائما ولا ينسانى أبداًو أجد فيه أمى و أبى و أختى فأريده أن يشعرنى بأنه عائلتى كلها و أجد فيه الرجل الحنون و الرومانسي ( زى كريم فى مسلسل فاطمة :D) و طبعا يجب أن يتسم بالوسامة و يكون أمور أخرحاجة ( زى مهند فى مسلسل نور :04: ) و يكون دمه خفيف و قبل كل شئ يجب ان يكون متدين حتى يعاملنى بما يرضى الله . و يكون طبعا ذو مستوى مالى جيد (و أتمنى ان يكون غنى ) و لأننى متأكدة ان كل هذه المواصفات من رابع المستحيلات ان اجدها فى رجلاً واحد فموضوع فتى الاحلام ده أنصح كل بنت أنها تشيله من دماغها نهائيا لأن فتى الاحلام بيكون فى الاحلام و بس :17::12: أسرتى فى المستقبل أذا وجدت أصلاً فى ظل عصر العنوسة اللى احنا فيه :18: ان شاء الله سوف ابنيها على الحب و الاحترام المتبادل و سوف اعامل زوجى بما يرضى الله أما أبنائى فسوف اربيهم على حب الله و طاعته و ان يخشوا منه و يعلموا انه يراقبهم طوال الوقت حتى يفكرو ألف مرة قبل ارتكاب اى شئ .... شكرا على استضافتك يا مورشو بجد كانت جميلة أوى و انبسط بيها اوى و يارب دائما أراك تحقق كل ما تريده و ما تتمناه وبعد ما شوفنا رد الضيفة على السؤال بتنتهى حلقة النهاردة انتظرونى وحلقة جديدة وضيف جديد فى ( من سؤال واحد ) |
ههههههههههههههههههههههه اه و الله فارس الأحلام دا هيودينا في داهيه إجابة جميلة منك يا قمر منورة يسلمووو مرورشو ودي ووردي |
اقتباس:
ميرسي يا قمر انتى أجمل و كويس ان اجابتى عجبتك |
، هو انتِ في الأول كنتِ ماشية حلو بس بعدين احبطتينا :04: هتلاقيه هتلاقيه إن شاء الله ^^ نورتِ واجابتك حلوة s1 تسلم يا مورشو ع المجهود |
اقتباس:
ما انا لازم أصدمكم بالواقع و أقولكم الحقيقة ههههههههههههه نورتى يا قمرى |
بسم الله الرحمن الرحيم شكرا اخى الكريم على الدعوه رائع سؤالك وان استضفت بنت اخرى ممكن تكون الاجابات مختلفه. انا أود ان اضيف اضافه بسيطه ليست كل فتاه احلامها مثل الاخره لان كل شخصيه تتطبع على حسب التربيه والاسره هى الحضن الاول للشاب والفتاه ولها بصمه مهما جد من احداث على احداهم تلعب التربيه دور البطوله فى الاداء الطبع يغلب التطبع فالاختيار يكون على حسب اختيار طباعه هو وهى .هل يوافقنى فى الفكر هل يوجد اشياء مشتركه بيننا تؤهل لحياه سعيده ومديده ام من اول مشكله هنقول كل واحد يروح لحاله كلنا نحلم برجل بمعنى هذه الكلمه يكون على استعداد ان يتقى الله فى كل الاحيان غاضب او فرح هو مش فستان ابيض وشهر عسل وخلاص لا لا لا دى حياه اكثرها منغصات ومسؤليات فلابد ان يكمل بعضنا الاخر وصدقونى الدين هو الحل .كل الخير فى اتباع نهجه. يارب اجمع الاحبة على خير حال ويارب ارزق الشباب بزوجات تتقين الله فيهم وارزق البنتات بشباب .مش لازم يكون زى كريم ولا مهند . ولا حتى غني. لا يكون يعرف ازى يحتويها ويسعدها . ده بكل اموال الدنيا واملكها وعلى فكره مش كل البنات بتحب العيون الملونه وحكيات الافلامينات دى لا رجل ذو هندام اى كان سعر ملابسه .كسبه حلال اى كان مورده ومحصله.بارا بوالديه لانه مقياس معاملته معى .هو الهناء كله اسمر.اكرت. اهم حاجه يكون عليه سمت الصالحين ودى بتجمل الشاب والشابه حضرتك هتقول يا رتنى ما بعت لها دعوه ودى اخر مره شكرا لحضرتك وللاموره نور السفيره |
يعنى يكون متدين وزى كريم ومهند حتيجى ازاى دى يا نور؟ استضافة جميلة يا مرشو لنور نشاطها جميل ومميز واجوبتها جميلة جدا ربنا يوفقها فى حياتها وتقابل فارس الاحلام اسعدتونا بجميل الحلقة دمتم سالمين |
اقتباس:
اولاً طبعا لو مورشو لو استضاف بنت تانية كانت هاتجاوب اجابة تانية خالص بس السؤال موجه ليا انا و انا قلت اللى مقتنعة بيه و اللى بحس ان كل بنت فعلا عايزاه مع احترامى ليكي و انا معاكى ان كل بنت احلامها تختلف عن الاخرى بس انا اتكلمت بأسمى انا مش بأسم كل البنات و انا معاكى ايضاً فى ان الاسلام هو الحل و لكن لو دققتى النظر فيما قلته ستجدينى قلت قبل كل شئ اريده متدين و طبعا الاخلاق مهمة لا محالة من ذلك و بعدين اكيد مورشو مش هايقول يا ريت ما بعدت دعوة لأن حضرتك حرة فى رأيك و طبعا فى النهاية انتى نورتيني يا قمر و شكرا |
اقتباس:
ههههههههههههه مش هو فتى احلام فأكيد هاتكون شخصيته خيالية شوية نورتنى يا ساحر الأحزان و شكرا لمرورك الطيب و الجميل |
ههههههههههههه تحفة يا جماعة نور دى اختى على فكرة وروح قلبى وحلقتها احلى حلقة تسلم يا مرشوووووووووو اوعدنا يارب |
| الساعة الآن 05:11 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب