منتديات بنات مصر

منتديات بنات مصر (https://forums.banatmasr.net/)
-   صوري بألف كلمة (https://forums.banatmasr.net/f246/)
-   -   صور ,, ملهاش اسم ! (https://forums.banatmasr.net/msryat401536/)

აα∂ Ԑγεა 02-05-2013 03:01 PM

صور ,, ملهاش اسم !
 


بسم الله الرحمن الرحيم

هنا افتح مدونتي الخاصه
في قسم صورة بالف كلمه

بيقولوا الصورة بالف كلمه
وانا بقول الصورة الف احساس بيتكلم محتاج اللي يفهمه
الصورة وجهه نظر

الصورة تقدر تعبر عن حاجات كتير مفيش مفردات تقدر تعبر عنها !

كالعاده ,, وزي كل حاجة في الحياة
فالصفحه ملهاش اسم !!

اهلا بيكم في صفحتي ,,
ليا عودة اكيد :)






აα∂ Ԑγεა 02-05-2013 04:23 PM




http://im33.gulfup.com/9WBKP.jpg

الصورة دي يمكن اكتر صورة بحبها لانريكي
ياما كانت وياما هتكون توقيعي
بشوفها بتعبر عن احاسيس كتيرة جدا

حزن , ضيق , تحدي , غموض , انكسار , قرف !
بحسها بتعبر عن البشرية بشكل عام
كلنا كالقمر , له جانب مظلم !!
مهما كان الانسان فله جانب مظلم محدش يعرفه غيره هو بس
واحيان كتير بيكون مش بيعرفه ومش متخيل انه عنده الجانب دا
وممكن كمان يكون عارفه بس خايف منه !
وبيصارع نفسه كل يوم علشان ميخرجش !

صورة في نظري بتعبر عن غموض وصراع داخلي كبير !
عن شخصيه نفسك تكونها وشخصيه خايف تكونها
وفي النص ووسط الصراع بتتكون الشخصيه اللي انت فيها !

عن تحدي للعالم كله مستعد تاخده وتحدي لشخصك في الاول خايف منه !
عن صراع كبير مع نفسك جواك وبتحاول تكسبه !
مش بقولكم الصور ممكن تعبر عن حاجات كتير ؟






აα∂ Ԑγεა 02-10-2013 03:03 AM






فلسفة رمزية !

اللي يعرفني , هيعرف اني بحب الرمزية جدا وبحب اختارها بعنايه
علي قد ماهي رمزية ومش حقيقيه اكيد
لكنها رمز بيعبر عنك واول صورة وانعكاس بيوصل للي قصادك !
حتي لو مش حقيقيه فالاحساس فيها ممكن يبقي حقيقي !

بحب رمزيتي وتوقيعي وبشوفهم المفروض بيعبروا عن مزاجي وعن شعوري واحساسي
بحب في رمزيتي انها تكون فيها نظرة بفكرة بالف كلمه واحساس ,,
طبعا اللي قدامي مش لازم هيفهم قصدي من الرمزية ولا احساسي فيها ايه ,.
الاغلب هيتشاف مدي اناقتها الوانها ايه والكلام دا ,,
بس انا بحب اما ابصلها اعرف بتعبر عن ايه وبتقول ايه s1

غيرت رمزيتي بقي
وخليتها

http://im34.gulfup.com/VgbD5.png

كنت مختار الرمزية دي قبل ما انام وانا جوايا احساس وكلام وشعور لقيته فيها
لقيتها بتعبر عنه وبتقول اللي جوايا ايه !
بعد ما صحيت الاحساس والشعور دا اندثر و مبقاش مهم :06:
بقي في احساس وشعور تاني مسيطر وسائد عليا !
غريبه لقيته هو كمان فيها بدرجة ما :33:
او مش غريبه للدرجة زي ما قلت في اول كلامتي في صفحتي ,,
الصورة الف احساس محتاجة اللي يفهمه s1

سؤال غريب هنا ..
ياتري ايه الاحساس اللي فهمته من الصورة دي ؟!

يلا وعايز اعرف اجابتكم هديكم حافز ,,
هينت بسيط
:03: ,, الاحساسين مش كويسين !






აα∂ Ԑγεა 03-06-2013 04:09 PM


აα∂ Ԑγεა 04-22-2013 02:43 AM


აα∂ Ԑγεა 04-27-2013 02:58 PM





http://banatmisr.com/up3/uploads/1367065146711.jpg

انا خلاص قررت موش هحب غير زمالكوية ♥♥
انا بعشق حاجة اسمها كورة وبعشق حاجة اسمها زمالك
واللي بتمني اعشقها وتكون أميرتي وملكتي
بتمني تكون بتشاركي في كل حاجة بحبها اي كانت
وبالاخص عشقي للملكي
عايز واحده مجنونه , عايزها تحب الزمالك زيي واكتر كمان
نفسي في واحدة تفكرني هيا بمعاد الماتش :D

عايز توصل بيها لدرجة اني اغير عليها من الزمالك
هو انا هغير هيا هيا ان كان عليا :107:
بس عايزها تحرق دمي بالكورة :07:

وبعدين هيا الحياة ايه اصلا غير زمالك وشوية حاجات تانية ؟
:07:





აα∂ Ԑγεა 04-30-2013 05:56 PM



الساعة الآن 03:34 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w