|
سكووووت هندردش الحلقة الاولى ومعانا morshooo السلام عليكم ورحمة الله وبركاته اهلا بيكم معانا ومع اولى حلقات برنامجنا سكووووت هندردش ودا يعتبر بداية عودتى من جديد لليوميات معايا ضيف مميز بحضوره وابداعه الدائم دايما بيقدملنا كل جديد شخصية مميزة جدا ومحبوبة من الكل معانا مشرف قسمنا morshooo مشرف يوميات الاعضاء أنا باللون الازرق مورشو بالبنى اهلا بيك معانا فى سكوت هندردش ؟؟ اهلا بيكى وسعيد بالاستضافة ^_^ اولا عرفنا بنفسك ؟؟ أحمد 28 سنة القاهرة بحب كرة القدم والميوزك شاب عادى ليا طموحات بتمنى تحقيقها احكيلنا ازاى عرفت بنات مصر ومشوارك فى الفورام للان ؟ كنت بدورعلى صورفى جوجل وفتحلى المنتدى هنا وكان عشان اشوف الصور لازم لمنتدى سجلت فعلا ونزلت الصور الى كنت بدور عليها وقولت اشوف المنتدى فية اية لقيت ان فية نشاط واعضاء متواجدة فقولت اجرب فية وانزل موضوع ونزلت مواضيع مش موضوع واحد والحمد لله لحد دلوقتى موجود فية . مشوارى ية كنت فى البداية مهتم جدا باليوميات ولحد دلوقتى طبعا ابتديت بتوبيك ( اجمد عضو ) والحمد لله كان ناجح جدا واستضفت فى بدايتة 10 اعضاء قدرت انى اعرف الاعضاء عليهم بشكل كويس بعد كدا روحت شوية للتواقيع الفلاشية والحمد لله برضو مشيت فيها كويس لحد ما اتعمل قسم السويتش ماكس وكنت مشرف علية لفترة بعد كدا اتعينت على اليوميات مشرف وادينى لح دلوقتى فى اليوميات ^_^ يلا يا عم سيبك من اليوميات وارجع للفلاش دى مش بتأكل عيش ^_^ مرة احضان الحبايب قال عنك انك جرىء لدرجة الاستفزاز وحاسس بنفسك وشخصيتك اوى عشان كدا بتعامل الناس بالمنطلق دا ايه رايك فى الكلانم دا انا فاكر قال كدا بس اى منطق الى كان يقصدة مش عارف كل واحد ولية شخصيتة فى المنتدى وبيتعامل بيها الجرائة بالنسبالى ممكن فى استضافاتى فى اجمدعضو انى باخد رحتى فى الاسئلة والضيف بيكلم براحتة وبدى لكل واحد حقه فى انة يقول الى عندة ودا حصل كتير فى حلقات كتيرة . جرائة واستفزاز مش فاهم معناها برضو هههههههه يعنى انا لو ليا حق بفضل احاول معاة لحد لما اجيبة مهما كان هيكلفنى مش بكون مهتم جدا بالى هيحصل لما افضل احاول انى اجبة ففى البعض بيشوف انى بتسفزهم عشان اوصل للحق دا مع ان كلمة استفزازمحدش بقى فاهم معناها او هنا بالزات فى المنتدى ساعات الواحد يكلم فى الحق ويتقال برضو انة مستفز فالاستفزاز هنا فى المنتدى مالوش معاير انا ممكن فى ردى دلوقتى اضحك كدا مثلا ^_^ يقولك شوفى الاستفزاز بتاعه وبيضحك ازاى ممكن تكون فى عقليات كتير كدا بس هوا قال حاسس بنفسه وشخصيته اوى طب انتا ايه ردك على مانا بقولك كان يقصد اية معرفش بالظبط يعنى يقصد انى مثلا مغرور فحاسس بنفسى انا الحمد لله واثق من نفسى جدا البعض ممكن يشوف دا غرور دى حاجا تانية لكن . انا ضد ان حد يتهم حد بالغرور مثلا من غير مايتعامل معاة واحضان يمكن لما اكلمنا على الميل واتعرفناعلى بعض بشكل اكبر عرفنى واعتقد ان كلامة دا قبل ما يعرفنى كويس اكيد وربنا يقوى معرفتكم ببعض ايه رايك فى الادارى المنتخب بصفعة عامة وفى حوراء والهجوم الشرس عليها ؟ التجربة بصفة عامة مميزة وبتساعد اداريين المنتدى ولكن . دائما بتجلب المشاكل ودا لقصر مدة الادارى المنتخب وهى الــ 3 شهور يمكن على ما الادارى المنتخب بيبدء يقول انا موجود دا بياخد منة بتاع شهر والا حاجا على ما يحاول يطبق برنامجة الانتخابى بيدخل فى باقى الشهرين يعنى على ما يستقر بنلاقى الانتخابات الجديدة بدئت بمرشحنها بمناظرتها بمشاكلهم ^_^ لكن التجربة اكيد مفيدة ومميزة . انا ضد الهجوم على حوراء لان لسة معملتش حاجا تقول انها ادارية فاشلة على الاقل نستنى شهر ونشوف هى قدمت اية بتتعامل ازاى مع المشكلات والاعضاء وبعد كدا نقول هى كويسة والا لا . طبعا انا مع حوراء مليون المية لانى واثقة انها جديرة بكدا بس ليا ملحوظة انتا اعترضت مع فرح انها بتسىء لحوراء واننا لازم نحترم رغبة الاعضاء لانها فازت بالاصوات الاغلبية وردت فرح بان خلاص لازم تحترم رغبتها وتغير توقيك قولنا بقا ردك عليها ايه وهى ردت فى فرق بين رغبة عضو او اتنين او حتى عشرة وبين رغبة الاغلبية فى التصويت حوراء اخدت النسبة الاكبر فى التصويت ونجحت ودا حقها ةدا مايقللش من شاهين او الرحال او سوما فى حاجا . بغض النظر عن التصويت اية نظامة ياترى حوراء كسبت عشان اصدقائها والا عشان مجهودها والا عشان الاعضاء بتجاملها لو اكلمنا فى النقطة دى يبقى كل الاعضاء الى كسبو الانتخابات السابقة زيهم ى حوراء من اول ماتركس لحد دمعه . بمناسبة رغبة البعض فى موضوع التوقيعات انا ضد الحكاية دى محدش يجبرنى احط اية واشيل اية طالما التوقيع بيعبر عن حالة احنا عايشنها لية مانعبرش عن طريق التوقيع وعايز اسئل سؤال . لية المؤيدين لمرسى لما بيحطو فى توقيعاتهم انجزاتة او كلمتين كويسين فى حقة مش بنطالبهم يشيلو توقيعاتهم ؟[T للعلم انا مش مع الاخوان ولا مع مرسى ولا مع غيره بس انتا لفيت ورجعت لنفس النقطة طب ما مرسى كسب الانتخابات بفرق بسيط ومع كدا اعترض عليه الكتير وكان نظام التوقيع دا والبوستات بتتعمل حتى قبل اما نشوف منه اى تصرف كويس اوا لا وبكدا طب ما فرح هتقولك دى حالة عايشاها وانا حرة فيه بصى انا مش هقارن خلافات فرح وحوراء بحال مصر لان المقارنة بن الحالتين صعبة جدا طبعا انتى لو هتكلمى عن مرسى ومعارضية فانا بكلم فى بلد كاملة اقتصاديا وسياية ثقافية وياضية ....الخ انا قولت فى باية الحلقة الى فاتت من اجد عضو مفيش واحد فى العالم الكل بيتفق علية وفرح ليها الحرية الكاملة فى معارضتها لحوراء وعل فكرة لو بكرة بقت فرح ادارية منتخبة هتلاقى الى يعترض عليها .[] اوك يمكن تكون صعبة المقارنة بس المبدا فى الاول وفى الاخر واحد تيجى لفترة الادارى المنتخب لما كنت ناب الماجيك ليه انتا مش بتجرب تخض التجربة دى انا اترشحت مرة واحدة وهى اول مرة اتعملت فيها انتخابات ادارية وكان هدفى من الترشيح الخروج عن اليوميات ودخلت مع ماجيك نائب والمرة الاخيرة كنت نائب مع رحال ان ارشح نفسى كا أدارى منتخب ممكن يجىوقت وادخل الانتخبات مرة تانية بس الى بستغربلة ان ماشاء الله كل مرة لازم يبقى فى مشاكل ههههه ودا طبيعى اكيد . فربنا يسهل الانتخابات الجاية وممكن ارشح نفسى كا ادارى منتخب . باذن الله وابقا سيبلى حتة من الكرسى ههههههههه اول ما بدات اتفاعل فى اليوميات كنت انت فى حذر وبعدين بعد ما مشى الادارى ضياء انتا رجعت نقدر نعرف السبب السبب ان ضياء كان فاكر ان عندى منتدى خاص بيا وبعمل عضويات وابعت الرابط لاعضاء المنتدى وادانى حظر وقتها يمكن لما اخد الحظر دا مكنش هاممنى قوى انى ارجع تانى وقولت خلاص مفيش مشكلة بعد الحظر تقريب باسبوع او اسبوعين قالولى ارجع تانى لو عايز وضياء ساب المنتدى من هنا لهنا رجعت تانى وفعلا لقيتك فى اليوميات بتقدمى برامج ومجهودك كان مميز جدا وتم تكريمك كمان :D طب ازاى معنى كدا ان لو ضياء مكنش مشا مكنتش هترجع تانى ؟؟ الله واعلم مش يمكن هو مكنش عايزنى موجود طول ماهو هنا ^_^ بس يمكن وقت الحظر فى اعضاء قالولى انى ارجع وهنخلية يشيل الحظر عنك بس انا كنت رافض التواجد فعلا فى المنتدى لانة مكنش يعرف اومكش متاكد هو فعلا المنتدى بتاعى وانا الى بعمل كدا والا لا وانا فعلا رافض التفكير الى بيكون بلشكل دا مع ان مكنش فى اى خلاف بينا قبل الحظر كبرياء رجل مرة قال انك واخد مساحة اكبر فى القسم من الحجم الطبيعى وقال البعض سوف يفهم هذه النقطة ايه رايك فى كلامه وعايزين البعض الاخر يفهموا ^_^ نهارة اسود بس لما يرجع بالسلامة :D مش فاكر بصراحة الكلام دا كان امتى واية سببة واية المقصود بية انا من البعض الاخر الى مفهمش النقطة دى ^_^ انشاء الله يرجع بالف سلامة عارفة بتقول الكلام دا من ورا قلبك عشان تستولى على القسم وطنط جمالات تشهد :D فى النهاية لو حابب تساال اى سؤال لاى حد وتقولنا ايه رايك فى برنامجنا البرنامج جميل جدا بس سريع اشوشو ^_^ اتمنالك التوفيق والتالق دائما فى اليوميات وسؤالى لـجميع الاعضاء هو مش سؤال ولكن حابب افكر الاعضاء بـــ ياريت كلنا نفضل فاكرين ان احنا هنا فى منتدى فقط افهمو انتو بقى :D حظك بقا انو سريع المرة الجاية بقا بجد استمتعت بالحوار معاك ونورتنى امورشو وبكدا تكون انتهت حلقتنا المميزة جدا انتظرونى وحلقة جديدة مع عضو / ة جدد تحييياتى شيمــ Hearts Whisper ــاء :08::08::08::08::08::08: |
صح الحلقه سريعه اوووى بس حلو التنوع وانك اتكلمتى فى حاجات موجوده دلوقتى مش اسئله تقليديه يعنى بصراحه انا كمان كنت شايفه شخصيه افندينا صعبه بس شويه بشويه ابتديت احس انه بنى ادم عادى زينا :d وفعلا هو حد واثق من نفسه جدا يعنى وده شىء جميل طالما ف الحق حلقه خفيفه ي شيمووو واسمتعت بيها واختيار مميز لضيفك ^^ تحياتى لكما ,, متسنين الحلقات ال جايه بقى |
nice conversation منور موروشو بإجاباتك و أكيد طبعا و دائما متألق يسلموووو يا قمرآآية على المجهود تحياتي لكِ و لضيفك ودي ووردي |
بصراحهـ لقاء مميز فلا وانا واحد من الناس كنت مفكر مورشو مغرور كده ... ده طبعا لانى متعملتش معاه بس بجد انا اول ما قرأت الحوار كله غير فكرتى وعرفت انو محترم وكمان متواضع تسلم ايدك يا قمر ع اللقاء المميز ومنتظرين ضيفك الجديد |
منور يا عم مـأرشو بس على فكرة انت مغرور :45: ديه اول نقطة انت لسه مشوفتش حاجه منى :04: تانى نقطة بقـأ مشكلتك يا سيدى ان انت مش عايز تقتنع انك التوقيع بتاعك بيسئ لريس بلد يعنى انت زى ما بتكون بتسء لنص شعب تفأعلى وسيبك من بتوع الكنبة لانهم ملهمش وجود وسيبك برده من الافلام اللى بتحصل فى الشارع لان الصندوق هو الحكم اما اللى بيحصل فهمجية وفوضى وكفر بديموقراطية واجهاض ليها فــ من الاخر اتنت مش عايز تقتنع ان توقيعك غلط لانه بيسى لرمز بلدنا اللى هو الريس سيان بقا مرسى او فرعون المهم رئيس ورمز وبانتخابات نزيهة شهد بيها القاصى قبل الدانى يعنى منتخب ومعنى ان انت تسى ليه بالشكل ده يبقى بتسى لينا كلنا كمواطنين وتوقعك غلط برده هتلف هتدور هو غلط ومفهوم غلط للحرية الحرية ليها حدود معينة مش سداح مداح بالعكس فرح لما كـانت هأجمت الادارى المنتخب الحالى ده شى يرجعلها مع انها من وجهة نظر الكتير ومنهم انا غلطانة ب هيا لا عملتلها فوتو شوب معيب ولا غلطت فيها بالفاظ مسيئة هيا قالت انها متنفعش وانت من حقك تقول مرسى مينفعش لكن مش من حقك تسى ليه فتوقعك غلط برده احم احم وهو انا قولت حاجه لسه ليلتك ببيضا معايا ده انت كبش فدا النهاردة النقطة التالتة بقا سمعت ان انت قولت هنا ان انت بتفكر الاعضاء باننا فى منتدى فقط واللى يفهم بقا لا يا حدق افهمك انا ان المنتدى تفأعلى ومتقنعنيش انك عمرك ما اتخانقت مع حد عليه وجواه وان انت عمرك ما اتخانقت ع الميل ابقا افهم انت بقا انك على ايميل فقط اه النت عالم موازى بس تفاعلى بمشاعر واحاسيس تفاعلية يعنى هو والواقع شى واحد مع الفرق ان هنا المقابلة مش وش لوش يعنى عادى لما نتخانق ونتنرفز وعنمل مشاكل ونزعل ونفرح ونضحك امال انت بتعمل ليه المجهود ده ف المنتدى طالما انت فى منتدى فقط هع هع أخطأئك كتير فى الكلام يا كبير :08: واخيرا عشان صعبت عليا بما انك الضحية فعلا فعلا عندك حقأ كان نفسى الاسئلة تبقى اطول لانها سريعة اوى هههه وتسلمى لمجهودك يا سكر وضيفك اجمد عضو منور :03: ابقى تعالى رد بس خلى بالك هتلككلك:78: |
اقتباس:
منورة ارنين وكويس انك اخدى بالك من افندينا ^_^ منورة |
اقتباس:
اشكرك على الرد ماتقوليش دائما متالق بدال ما اتغر ^_^ ودى ووردى وشكرى اباظة ^_^ تسلمى على المرور طيش |
اقتباس:
ماشى ياعم الحاج كويس انك عرفتنى بقى تسلم على المرور بالتوفيق |
ايه دا تصدقوا الحلقه طلعت لطيفه عاجبنى اسلوبك ياقمرى فى الحوار واسلوب مورشو كمان فى الاجابه واثق كدا ومتمكن :d حابه بس اوضح حاجه بالنسبه لفكره التوقيع طالما مش بيشتم ومش بيحط الفاظ خارجه يبئه من حقه يعبر عن اى حاجه جواه وبعدين هو رئيس الدوله دا نازل من السما ماينفعش نكلم ولا نعترض ولا حتى نسخر من الوضع مش فاهمه انا ايه فكره التقديس الى احنا حاطين فيها نفسنا دى لحد ما خلاص عقلنا وحياتنا قفلت على ان لازم يجى رئيس يمشينا ونسمع كلامه فى كل شئ ونقول امين عشان هو الى بيفهم واحنا لاء حقا شئ عجيب بس يعنى فى المجمل الحلقه رائعه وعجبتنى ^^ |
اقتباس:
اقتباس:
اقتباس:
دا على اساس ان الرئيس الحالى بيتمتع بنص شعبية مصر . اقتباس:
والناس الى بتموت دى كل واحد واخد 500ج وبيعرض حياتة للموت عشان يحلل الــ 500ج الى بياخدهم . معاك حق دا همجية وفوضى . اقتباس:
لكن لما الرئيس يسىء لشعب يبقى هنا مين الى يتلاام علية المواطن والا الرئيس . اقتباس:
لو انتا شايف ان التوقيع بتاعى تعدى الحرية دا على كدا كل البرامج الى بنشوفها وكل الشخصيات الى بتطلع وكل المعارضين مبيفهموش يعنى اية حرية الرئى . صحيح كمان على كدا كل الشعب المصرى غلط فى ( مبارك ) اقتباس:
والا لسة مقتنع انة كان صح . اقتباس:
لكن انا كدا بقولك انك مفهمتش قصدى ^_^ بس هقولك حاجا تسهلك قصدى . هو انتا لما اخد حظر قعد فى البيت مكنتش لاقى تاكل وتشرب . اقتباس:
اية الى رجعك اصلا انا هخليهم يشيلوك طالما راجع تقرفنى اوليد ^_^ منور يا نجم المنتدى والتوبيك |
| الساعة الآن 08:55 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب