|
شايفيني بضحك شايفيني بضحك من بره وكأني عــاجبني شايفين ف عنيا امل بكره ولا شي تاعبني ده انا من جوه بتالم وبهجتي جوايا سجينه ومحبوسه ونفسها تتكلم صعبانه عليا المسكينه وبداري عنهم الدمعه وافتح للضحك ميت سِكَه وعلشان متبانش اللمعه أبين فرحتي السَكَه ويقولوا ضحكتك صافيه ويقولوا ياللي مبتزعلش ومايعرفوش انها صفره والاصل منها ما بينزلش واخر يومي بكون تعبت فـاعيش بئه دور المجروح فــ أشغل اي حاجه للست يمكن تداوي اي جروح واعيش بئه مع الاغنيه واحس حالي ف كام كوبليه وكاني انا بغنيها ليا والحنها بناي واعزف عليه وافكر ف اللي بعدت عني وسابت لي قلبي مكسور فـ يزيد الجرح اكمني عامل زعلان عايش فـ الدور لا انا مش عايش ف الدور وكمان مبحبش التمثيل لكن بينها وبيني سور ومفقود عنصر التوصيل صدقني والله ما بمثلش فعلا مش قادر انساها اسمع كلامي متستعجلش وقصايدي مرميه اهي اقراها اما حكايتي مع الدنيا لا دي شرحا مطَوَل سيبها بئه لقصيده تانيه محتاجه تتقال من الاول وكل الكلام اللي كتبته انا كنت بيه بس بفضفض فـ اوعي تكون صدقته ياعم انساه كده ونفض اقولك علي حاجه حلوه انا مش شاعر ولا حاجه انا بكتبلي كام كلمه يعبروا عني بسزاجه وسري ارميه ف بيرك ومتقولش ان الجرح كاويني لحسن ابوح بيه لغيرك فـــ خليه احسن بينك وبيني 11\2\2013 |
ده انا من جوه بتالم وبهجتي جوايا سجينه ومحبوسه ونفسها تتكلم صعبانه عليا المسكينه وبداري عنهم الدمعه وافتح للضحك ميت سِكَه وعلشان متبانش اللمعه أبين فرحتي السَكَه ويقولوا ضحكتك صافيه ويقولوا ياللي مبتزعلش ومايعرفوش انها صفره والاصل منها ما بينزلش واخر يومي بكون تعبت فـاعيش بئه دور المجروح فــ أشغل اي حاجه للست يمكن تداوي اي جروح __________________________ كلمات كثييييييييييره عجبتني من الي كتبتها مبدع ياسعد وتاليفك جميل يعكس الي جواتك بشكل رائع وسهل ابداع |
روعه روعه ولو قلت ايه مش هوفيك حقها تسلم الايادي...في انتظار المزيد من ابداعاتك تقبل مروري |
ليس أصدق وجعاً من ألم يخاطبنا فقط بين الذات والذات فنبكيه بحرقة تستعر لها العين ثم نبتسم بنقاء في وجوه الخلق !!~ لامستني هذه الكلمات بشكل موجِع .. شاكرة لحضرتك أ/محمد وأسأل الله أن يسعد حضرتك .. دمت بتوفيق وسعادة .. 5 ستارز .. |
لأ دي مش قصيدة مرمية و لا هتكون قلم يكتب بتلقائية و أفكاره دايما جديدة منتظرة القصيدة الجاية إن شاء الله قلم مميز إلى أبعد الحدود تقديري و احترامي |
حقاً طرح رائع وانتقاء متميز من جديد لجديد ان شاء الله يدوم النشاط ننتظر جديدك |
بلبل الشعر والغناء وصاحب القلم المنغم كليمات تخرج ف نغم بديع يسلمو بالتوفيق دائما التميز |
كلما فى قمة الرووعه متميز دائما |
سطور من قلم شاعر راقى وعذب الحرف ورائع الاحساس كلمات راااااااااااااااائعة تسلم يمانك اخى الكريم يدوم تميزك وعطاءك |
مش كل اللى بيضحك ويغني بيكون فــرحان ومش كل ابتسامه بنبتسمها بتكون صافيه صادقه طالعه من قلوبنـا كتيــــــــــر جداا بنحاول ندراى أوجاعنا عشان نقدر نعيش ونكمل الحياه .كلمات رائعه يامحمد واجمل مافيها فعلا هو صدق احساسك أبدعت فى التعبير عن الحاله التى يعيشها قلبك و ( الكثيرين ) بحروف من دهب لك ودى وكل الاحترام والتقدير |
| الساعة الآن 12:19 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب