|
ملامح في حياة عضو ومعانا " Hearts Whisper " بسم الله الرحمن الرحيم اهلا بيكم جميعا ضيفتي النهاردة عضوه اموووره جداً وهي http://www3.0zz0.com/2013/02/05/12/817024610.png http://i.imgur.com/c0LAX.gifhttp://i.imgur.com/c0LAX.gifhttp://i.imgur.com/c0LAX.gifhttp://i.imgur.com/c0LAX.gif * من الأقرب لك والدك ,أو والدتك؟ والدى بحكم سفره محاولتش اقرب منه انما والدتى بقا احنا مش ام وبنتها احنا واحدة وصديقتها ربنا يخلهملى يا رب *هل تحب الخروج من المنزل كثيراً ,أم انك (بيتوتي)؟ لا من نحية الخروخ انا بعشق الخروج وخاصة وسط اصحابى او مع قرايبى الى من سنى وطبعا مش محتاجة احكى على الجو الى بنعمله هبل من الطراز الاول ^_^ *عندما يكون لديك وقت فراغ ,اين تحب ان تقضيه؟ بصى حاجة من الاتنين يا نت يامع اصحابى والغالب نت لان بحكمنا اننا بنات فخروجنا كتير اكيد غير مروغوب فيه من اهلنا وكدا فبجتمع بيهم على النت وامرى لله ^_^ *إلى اي مكان تميل من هذه الاماكن: _جديقه مليئه بالأشجار والنخيل؟ _شاطىئ الامواج المتلاطمه؟ _صحراء انعشها المطر؟ شاطىء الامواج المتلاطمة وبعشق اكون لوحدى يعنى لما نروح ندخل كلنا وبعدين اسيبهم وابعد شوى وافضل لوحدى باستمتع بيها اوى * هل تحب الحيوانات؟ وماهو الحيوان الذي تريد تربيته؟ عادى بحبهم بس بترعب منهم بس مرة فكرت اربى قطة الوحيدة الى مش بخاف منها ولكن ماما رفضت الفكرة نهائى * في حال الالم,أو الحزن,الضيق,هل انت ممن يجد راحته في الشكوى للأخرين؟أم البكاء ؟ أم أنك تجد نفسك منطوياً مكتوماً؟ وهل لديك سلوك أخر تعبر به عن حالتك؟ بصراحة اه مقدرش اكتم حزنى جويا لانى فى فترة فضلت انى اخلو بنفسى شوى ومحكيش لحد حاصلتلى حالة وقديتها بكاء دائم فمش انا الى ممكن اكتم فى نفسى ابدا على طول على الست ماما او هاجر صديقتى *عندما تدخل حفله أو استراحه أو مناسبه كبيره مليئه بالاشخاص ,كيف يكون دخولك؟بخجل ووقار ؟ تمشي متلفتاً عن اخرين تعرفهم ؟تشعر ببعض التوتر ؟ تمشي بثقه للمكان الذي تريده,تستاء من تحديق الاخرين بك؟ أم هناك شي آخر؟ لازم يكون معايا حد مش هروح لوحدى ابدا وهمشى بكل ثقة * كيف تصف شعورك بالغضب؟أو عند الظلم ,أو استخفاف احدهم بك؟ الصراخ بصوت مرتفع ,,الصمت ثم البكاء والتبرير ,,رفض الموقف والانسحاب والتحدث لاحقاً؟ برفض الموقف وابعد وبعدين ابكى وبعد كدا لو حد قريب ليا هتحدث معاه وهعرفه غلطه وهعرف غلطى انما لو حد غريب ميهمنيش يكفى انى رفضت موقفه وقتها وخلاص لا يعنينى * عند خيانة صديقك لك أو تسببه في جرح عميق لك وعندما يعتذر ويبكي ويعرب عن الندم, هل يمكن ان تسامحه؟ تسامحه وتنساه؟ تعود اليه بشروط وتعامل جديد؟ يمكن من طبعى انى بسامح بسرعة بس على حسب لو حد قريب اوى ومتوقعش منه كدا هسامحه بس مش هتكون مكانته فى نظرى زى الاول انما لو حد بعيد عنى متفرقش بقا هسامحه وكدا كدا هيبقا بعيد فمتفرقش * ماهي أكثر الاشياء التي تضفي المرح في حياتك مواقف مع الأصدقاء خارج نطاق الروتين؟ الغوص في عالم النت؟ اللعب مع الصغار والتحدّث إليهم؟ الاستمتاع مع العائله في اجواء مرحه؟ لا مع اصحابى زى مقولتك بنقضيها هبل وهلوسة وهزار وضحك اخر حاجة انما بحكم اننا بنات وخروجنا مش مرغوب فيه عند اهلنا كتير فبنقضيها مع بعض على النت *شخص لايمكنك نسيانه وقد ترك في اعماقك أثر جميل؟ هو مدرس كان عليا فى اعدادى اسمه أ.عماد كان عليا فى العربى وكان من اكتر الناس الى انا بعتز بيهم اوى وكان دايما يحسسنى انى الى قدامك اقوى منك فبالتالى احاول اكون افضل منه و هو كان بينصحنى فى كل حاجة صراحة حبة اقدمله خالص شكرى ربنا يخليه * أكثر صنف تحبه من الأطباق؟ انا بعشق الكفتة والكوشرى غير كدا متسألنيش ^_^ * ومن المشروبات الحاره؟؟ والبارده؟؟ الكابتشينو وعصير البرتقال o_O *وصف سبق لأحدهم وأن أطلقه عليك: ((مثلاً مغرور_ متغطرس_ معقّد _مرح _ حبّوب _ طيّب _ثقيل دم_ أناني_ راقي_كريم نفس_ جدّي_ مستهتر)) أي شئ أخر؟؟ اتقلى مغرورة وكانت من الست ماما ^_^ واتقألى مرحة وحبوبة وطيبة وراقية ومستهترة *موقف مر بك وأنت طفل ولازلت تتذكّره؟ هوا مش طفلة اوى دا كان 2اعدادى كنت مسؤلة عن الغياب فطلبت من الكابتن طلب فقالى لا فبحكم انه مدرس الالعاب وبنهزرمعاه دايما وايزى عادى فقلتله طب ليه فرمالى ورق الغياب والقلم على الارض وقالى انتى هتحسبينى بقا وجه ولد وجأبلى الورق والقلم ومشيت وقضيتهابكاء طول اليوم وماما قايمها قلبت عليه المدرسة واتحل الموضوع ودى بعد ماكان هيوصل الادارة وحكايات صراحة انا كل اما افتكر الموقف دا بتنرفز جامد على مستوى العمل أو الدراسه أو العمل بين الأشقّاء *هل أنت غيور, غير مبالي , شديد الغيره ,منافس؟ ممكن تقولى منافس لانى دايما احب اكون الافضل ولما بحط شىء فى دماغى هوصله يعنى هوصله رخامة بقا ^_^ * هل تكوّن صداقاتك بسرعه؟ اوهل تدوم هذه الصداقات؟ اه بسرعة اوى وبيكون عندى انتماء اوى ليهم حتىلو كانت صداقة عابرة ولكن الى بتدوم دى حالة خاصة لوحدها وفراقهم صعب اوى في حال إنتقادك((نقد في محله ولكنه أغضبك)) *هل تتقبل النقد بثقه وهدوء , تثور وتغضب وتجرح ,,تتجاهل ذلك,, أم هناك شئ أخر؟ هتقبله ولو فى سؤ فهم ممكن اعدله انما لو فيا هحاول احسنه * تخصصك أو مجالك الدراسي ؟ اولى ثانوى عامة *مجال كنت تتمنى الالتحاق به؟ لا عادى لسا فى الطريق وربنا يسهل ^_^ * تخصص تحب دراسته؟ بحب الجو العلمى رياضة وعلوم * ماذا تمثل لك هذه الكلمات(اكتب شعورك الخاص وليس المثالي الحياة صراع مع النفس لتكون نكرة او معرفة الصديق كنز لا يملكه الا من يفهم معناه الزواج حياة المسؤلية الموت نهاية يخشاها الكثير * هواااياتك؟ مواهبك؟ النت و الكتابة والرسم والتصميم * هل أنت فكاهي خفيف الظل بين أصدقاؤك أم هادي ومتعفّل؟ أم شئ أخر؟ والله مش انا الى احكم بس انا بحب الضحك والهزار والفرفشة انما لما بتعصب بتقلب 180درجة ودا كتير بيحصل *كيف كان سلوكك أيام الدراسه ((ممنوع الكذب)) انا حاليا فى الدراسة و كنت الاول ملتزمة اوى فى ابتدائى وقل الالتزام دا شوية فى اعدادى فى الثانوى بقا انا وصحابى شلة الدمار يعنى تاخير نطلع فى نص الحصة مقدينها بقا وربنا بيسهل ^_^ *هل كنت هادىء؟أم شقي ومشاكس ,,عنيد ومتمرد,, أم شئ أخر؟ لا عنيدة ومتمردة اوى وساعات بفوت او ارخى بس بمزاجى مش اجبار * أكثر الاعضاء ارتحت لهم؟ كتير اركو بلينو وكبرياء رجل وبلاك فلور واحضان الحبايب وعاشقة الهدوء يمكن دول اكتر ناس قريبة منى فى المنتدى *صنّف الاعضاء حسب الأوصاف التاليه: بحط ناس كتير فى السؤال دا واول مرة اتحط فيه شكلهم هيشتموا فيا مووووووت ^_^ * العضو الحكيم؟ كبرياء رجل كتير بحس كدا من اسلوبه وطريقته وطريقة نقاشه * العضو الخجول؟ صراحة مش عارفة * العضو قوي الشخصيه؟ ضياء ممكن اول اما سجلت فى المنتدى لفت نظرى طريقة تعامله وكدا *العضو لا تعجبك تصرفاته ؟لا عادى فى كتير كدا فكك من دا وخليكى طيبة ^_^ *العضو العصبي؟ ممكن احضان الحبايب منور اعبده ^_^ *العضو الحاضر دوماً؟ مش عارفة حد بينه بس ممكن الماجيك ^_^ منورنا احمادة بمشاركاتك الكتير اواى تفهمنى صح انا مش بقر خالص هههه *العضو الذي لابد حضوره؟ طبعا الكل بلا استثناء * عضو تحب أن تقرأ له ؟ كتير اوى مش عضو بعينه *عضو تشعر بأنه يشبهك؟ لا لا ممكن اشترك مع البعض فى صفات انما يشبهنى دى معتقدش خالص *عضو صاحب العطاء الدائم؟ اركوا بلينو ومفيش كلام فى كدا^_^ *عضو مهذب وردوده جميله؟ ممكن ساحر الاحزان *عضو انساني؟ لوست بيرل * عضو قيادي؟ ممكن سيلفر سبكترا بجد الاسئلة رائعة وبرنامج مميز ويارب اكون ضيفة خفيفة على قلوبكم جميعا وميرسى اوى يا قمر على الاستضافة العثل دى بجد كل اجباتك عجبتني أوي ي ئمر نووورتي ي شيمو وانتظروني في حلقه جديده وضيف جديد |
حوار جميل وعجبنى جداا تسلم ايدك وهمس من الناس الجميله بطبعها وبجد نسانه جميله من داخله استضافه اكثر من رائعه |
حلقة حلوة وإجابات عفوية .. تسلموا اتنيناتكم ودمتما بتوفيق وسعادة .. |
برنامج جميل يا بنت مصر واكيد همس القلوب منوره البرنامج باجابته الجميله موفقين |
عندما تقترب من العضو وتوضح ملامحة من طريقة كلامة يظهر لكى جميل شخصيتة,وهمس تكلمت من قلبها وعبرت عن المواقف والاحداث الى مرت بيها فى حياتها واسلوبها جميل جدا ومواقفها اشتملت على الظرف والتأثر من المواقف ’ ودة وضح من الحوار فى انها شخصية مهذبة وودودة ولها نشاط جميل ومميز معنا فى المنتدى ,فاستحقت منا كل تقدير وكل أحترام , حلقة جميلة بنت مصر مع همس اسعدتونا بها جدا يدوم النشاط الجميل معنا دمتم سالمين |
بصراحه مش عارف اقول ايه والله بجد تسلمى والاجابه جميله موت بصراحه |
اقتباس:
مغلطتش انا لما قولت عليكى مجنونه أصلــى :09: اقتباس:
يعنى انتى بتردهالـى الحلقه اللى فاتت قولت انتى الحاضر دومـا تيجى هونا تقولى انا الحاضر دومــا ماثى أعم انا الحاضر دومــا :p دا بعد نوركـ بقآ يا شوشو تصدقى حلوه حماده منكـ :05: حواار بجد جميل جدا ومن الاسئله وضحتنا ملامح شخصية شيماء هى شخصيه فعلا مرحه ودمها خفيف ومش من النوع المعقد كده يعنى تحب تتكلم وترغى معاها وممكن لو انت مخنوق بمجرد ما ترغى معاها بتنسى كل همومكـ :71: ربنـا يوفقكـ يا شوشو فى حياتكـ وان شاء الله تحققى كل ما تتمنيه ويبقى اتدخلى علمى رياضه يا بت خليكـى زى عمــو :p تسلمى شيماء صاحبة التوبيكـ للمجهود المميز منتظرين منكـ المزيد والمزيد ,,, |
تصدقوا دا دى انا الى بتكلم شفتونى وانا ماسكة الميك هههه تسلمى يا شوشو على الاستضافة وتسلموجميعا ليا بك لارد على الكل |
اقتباس:
تسلم بجد ربنا يخليك يا ملك نورتنى يا كابتن |
حلقه مميزه لضيفه متألقه دمتم في حفظ المولى عز وجل |
| الساعة الآن 11:31 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب