منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   طَبله ومٌزمار (https://forums.banatmasr.net/msryat404189/)

الرحــاال المٌتَمرد 02-20-2013 08:48 PM

طَبله ومٌزمار
 
http://uploads.njom.net/images/10755454794871633246.gif

قَصيده رصدت بَعض المشَهد المأسويه
التى مَرت بِها البلاد في الفَتره السابقه


http://static.cairo-now.com/pic/2011...1121813442.jpg



طَبله ومٌزمار


" أقبل النقد"



وإبتدي السقوط بــ إنتصار
ويـــاااااا طــوول الـ مشـــواااار
خّراب وفوضي , و دمــاار
وأٌمَه كان حِلمها الـ إزدهار

::

بَعد عامين مِن الـ إعصـــار
إللى هَدم عشوش الـ أشرار
شَعب مَكتوب عَليه الـ حصار
مَهــما ثــاااار وغيــر الـ مســار

::

نَظــام ورثـــ الـــ إستــعماار
فَرض دستور كٌله عوار
ضيع حَق الشهيد والــ تار
دَهس إطفال تَحت القطار

::

إنكســار ورا إنكســار
وإجتماعات وألف حوار
وجَبهه بــ طَبله ومٌزمــــار
هٌما إللى جابولها الــ عــار

::

إئتـلاف وحِــزب و تيااار
وأزمـه بَنــزين و {ســولار}
كٌـل ساعه يصرح بـ قرار
عيش يا مواطن بــ إختصار

::

صٌغار فرحوا بـ هدم {الـ جدار}
حَــرق و نار ليل مَع نــهااار
وإعلن يا شَعب وإرفع شعار
إن مَصـر فيها إستــقــرااااااار


::

وإقلع جذور العَسكر الـ كبار
غَرق الجِنيه قٌصاد الــ { دولار}
تٌسقط عَماره وتٌقع { دار }
والضحايــا مِن كٌل كــار



وإخرٌج يا حِزب مَع الـ أنصار
إفرح بــ عَشيرتك قول كٌتار
قول هَنبني , راح تبقى عَمار
قــول هــ يــرجَع حَــق الــ ثــوووار


دا رَبك وَحدٌه العَليم الــ جــباااار


خارج حدود العَقل


جَميع الحقوق مَحفوظه للكاتِب وللمَوقع
يَحظر النقل الإ بالإشاره للمصَدر وصاحِب الكَلِمات
الرحــــــــــــــــــــــــــاااال ,,



حنـــــون 02-20-2013 08:53 PM

والله يابنى لخصت الى احنا فيه
والى البلد وصلتله بس زى ما قولت
ربنا هو المنتقم الجبار
والبلد مش هتقف على شويه ناس عاوز
تورثها وكانها عزبه السيد الوالد
عاوزين يكمموا ويخرسوا الناس وكله باسم الدين
ابدعت فى كل كلمه
بحيبك على اسلوبك الرااااااااااااائع
مبدع كالعاده
تيقيمى + نجوم ^^

روح صامتة 02-20-2013 09:14 PM



تحففففة بمعنى الكلمة ..
حقيقي فعلا الشعب بقه بيضرب بالطبل ومزامير يعني براحته ع الاخر :)
والله كل اللي بنشوفه دا كوسة يعني .. محدش فاهم ليه كل دا بيحصل ,,
وكان الثورة دي ذنب وهية عمرها ما كانت كده ..
ربنا هوة الجبار .. وهوة اللي بنستعين به ف الاخر ..
ومصر ربنا اللي هيصبرها ,,
تلخيص دقيق ومتوالي للاحداث ,, اعجبتني كثييرا ,,
تقيمي والخمس نجوم :)
اشكرك كثيرا
ارق تحياتي

phalsteen 02-20-2013 09:24 PM

اراك اخي تهجو أشخاص واحزاب نحن من منحنا الفرصة اياهم لاعصار ووأد احلام طالما خططنا ورسمنا
لتنفيذها بأرواح ودماء مازالت دمائها تشكو ما وصلنا له
وما لأحد منهم مسؤول عن ذاك القناع الذي رغما عن ذواتنا تركناه لهم
بل نحن من تركنا المجال لهم مفتوح
ليؤثروا سلباً وايجاباً في حياتنا
فئة بالصمت والمشاهدة واخري باللانضمام ومسايرة الاحداث وارتداء ذات القناع
وقليلون يصرخون واصواتهم وحدها لم ولن تكفي ولربما دمائها ايضا
نحن في حاجة الي ما يكفي للازاحة والتصدي والمشاركة
كلمات جميله بالفعل
تحيه ود تعانق روحك

دمعه حائره 02-20-2013 09:37 PM

حقيقة صعبه ومؤلمة لكن الواقع بيفرضها علينا
وبموافقتنا يمكن ضعف وقلة حيلة
من بعد نجاح ثورة كبيرة رجعنا لورا الف خطوة
ولاحالنا اتصلح ولاالكوراث اختفت
وعاوزين طبله ومزمار ونغنى بالموال ونندب حظنا واسوأ الاحوال
تسلم رحال ابدعت ولخصت المأساه اللى احنا فيها
احترامى مع التقييم +وسام التميز

ابتسامة الزهر 02-20-2013 09:57 PM

الرحاااال
حروف تلامس الواقع بمصداقيته
فالعيب ليس بالبلد
ولا الشعب
بل العيب فيمن يختفون خلف الستار
ويرتدون اقنعة الزيف
ويبدلون الحقائق
اين الناس الذين يتغنو
ليل نهار بحبها
لو البلد دى حد احبها بجد
ماكنش بقى دا حالها ولا دا شكلها
حسبي الله و نعم الوكيل
وصبّر الله الشعب
وكان في عون البلد
اتحفتنا برائعة من روائعك
دمت وسلم قلمك يعطي الكثير

تيتشر نفشه ツ 02-20-2013 10:03 PM

والله حال يكسر القلب ويقصر العمر
الفن ف ال انتا كاتبه
انك كتبت احداث اكتر من سنتين ف سطوووور
حقيقي يعني مبدع وتستاهل الوسام

وربنا يطمنا ع البلد دي وتيجي توصف حالها ف سطور بردو ^_^

Mahmoud Mohie 02-20-2013 10:04 PM

الرحال .. الزجال
ومن أجدر من جاهينا فى وصف المشهد
بكل حنكه بل وجدارة ..
مطبلاتيه فى كل مكان
وشعب باقى وعايش حيران
وحكومه ورئيس عامل فرحان

.... مبدع وكفى ....

تقييمى البسط .. والخمس نجوم بقى

شكرا

مِسكُ الشَهادة 02-20-2013 10:04 PM

رغم خلافي مع الكثير مما جاء في القصيدة
إلا أنني أنحي الجانب الفكري جانبا ً
وأقدم إعجابي وتقديري لقلمك الرائع
والذي لست ُ بحاجة لتقييمه
فأنا أكثر من يدركه في كثير من المواطن الرائعة
قلم ذهبي متألق
وأيمن إنسان غالي ومبدع
أتمنى لك كل التوفيق أخي الحبيب
للأمام دوما ً
دمت بألف خير

Lost Pearl 02-20-2013 10:17 PM

الله عليك يا ايمن

معاك حق و الله

للأسف حالنا سئ ،، و كان نفسنا ف اماني كتيرة و زي ما بيقولو ادفنت

ربنا يصلح حالنا يا رب

كلمات جميلة اوي بجد ،، تسلم ايديك يا باشا

5 نجوم بقي و فـ انتظار جديدك .،


الساعة الآن 05:42 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w