منتديات بنات مصر

منتديات بنات مصر (https://forums.banatmasr.net/)
-   منتدى يوميات الاعضاء (https://forums.banatmasr.net/f61/)
-   -   الحلقه السادسه من الوزاارة ,, معانا حــــنـــــون (https://forums.banatmasr.net/msryat404731/)

Mahmoud Mohie 02-24-2013 07:16 PM

الحلقه السادسه من الوزاارة ,, معانا حــــنـــــون
 




بسم الله الرحمن الرحيم ,,


اليوم معانا عضوة مميزة حقاً كما يراه الكثيرون ..


تتسم بالهدوء والثقه أحيااناً


معانا ومعاكمـ


الاداريه


حنون


...


بدايه اشكرك على تلبيه الدعوة وارحب بيكى معانا فى الحلقه الرابعه من حلقات البرنامج

منورانا


الشكر ليك ع الدعوه

النور نورك ونور جميع الاعضاء



:

نبدأ بالقسم ,قولى :اقسم باللى فى نفسى انى احب منتدى بنات مصر

ومحبش اى منتدى غيره

الله .. الوطن .. المنتدى



اقسم باللى فى نفسى انى احب منتدى بنات مصر

ومحبش اى منتدى غيره

الله ..

الوطن ..

المنتدى ..



"

"

دلووقتى حضرتك رئيس وزراء مصر : ابسط يا عم


ايوا هبسط دا انا هنبس انبساط ههههه


رأيك الصريح فى د.هشام قنديل ؟

"

مين دااااااا

حد يعرفه انت تعرفه

انا معرفوش وما حبش اعرفه :109:

حقا افشل رئيس وزراء على مستوى العالم كله

حد كدا لما تشوفه بيكلم فى اجتماع الوزرا

تحسه فى عالم الاحلام الورديه

واحنا مطينين بطين وهو مبتسم الناس تموت

الاقيه مبتسم الناس تتحرق مبتسم بردوا

الموظفين كلهم مش هياخدوا مرتباتهم الشهر الجاى

وبردوا مبتسم طيب حضرتك شايف ايه الى يحصل

تلاقيه بيكلم فى وقللوا درجه التكيف

واشربوا لبن وناموا بدرى طيب هو فين اللبن

هو احنا لاقين المايه عشان نشرب لبن حد يفهمنى بس

هما جابوا منين

ياراجل البلد هتشحت وهو لسه بيفكر يكمل

اجتماعات ونقاشات صندوق النقد

يعنى شحات وبيتأمر

دا ما ينفعش يكون رئيس حضانه اطفال

هجيبلهم شلل بدرى زى الى جابو لمصر كلها

نفسى افهم هو لحد دلوقتى فى منصبه على اساس ايه

انو عمل انجزات يعنى لو حد يعرف يقولى والنبى


نروح بقى للوزارء ..

تختارى مين من اعضاء المنتدى للاشراف على وزارة العدل ؟ الاسباب


استاذ محمد الشريف

رجل متزن حكيم جدا

وصاحب شخصيه محترمه واخلاق ومبادئ

دا اساس العدل انك تكون

صاحب اخلاق ومبادئ



ازاى نقدر نضمن استقلال القضاء ؟ وهل ده موجود فى الدستور الجديد؟


انك تفصل بين السلطات التلاته

التشرعيه والتنفذيه والقضائيه

السلطه القضائيه لازم تكون مؤسسه مستقله بعيده

تماما عن السلطه التنفذيه المتكونه فى رئيس الجمهوريه

وماتكونش تابعه لاى وزاره

لازم نضمن كمان ان الدستور يكون دستور حر باراده شعبيه

لان الدستور هو الى هيدى القضاء سلطته وهيديه هيببته

فاذا كان الدستور اتشرع بقرارت سياديه من سياده الريس

واداس على كل احكام المحكمه الدستوريه والى كان معرف

انها هتحل التاسيسه والشورى


يبئه ازى استقلال القضاء هنلاقيه فى الدستور المحترم بتاعنا

يبئه القصه كلها مش هتظبط غير لما نكتب دستور

يدى كل سلطه حقها ويعرفها ما لها وما عليها


وزارة التعليم من الوزارات الهامه جدا تختارى مين ؟ سبب الاختيار


طارق

فكره متطور وبيشجع دايما

المواهب وديما عنده افكار جديده

فكره مش متحجر مش بيقف على شئ معين

دايما بيطلع للافضل وهيخلى العيال فى المدارس

تشغل مخها مش تحفظ وتردد من غير فهم:D


خطه مصغرة لتطوير التعليم فى مصر ؟؟


ننمنى فى الطفل الشئ الى بيحبه مش الى لازم يحبه

نديه مساحه لتفكير وانو يبتكر

مش انو نحفظه مناهج اد كدا وفى الاخر بيرميها فى ورقه امتحان

زى ما بيكون فى حصص للمواد

يكون فى حصص لتفكير وان كل طفل يعرض هو بيفكر فى ايه

وبيحلم بايه

نزود المدارس بالاجهزه المتطوره عشان يواكبوا االعصر

مش يبئه العالم فى ناحيه واحنا فى ناحيه تانيه

والباقى طارق يعمله بئه اما انا اختارته وزير ليه :18:


وزارة الصحه تختارى مين للوزارة دى ؟ الاسباب


هختار دكتور اسماااااااء

شخصيه طيبه ورحيمه

واكيد شايفا الناس وحالتها وهيكون عندها

القدره انها تأمنلهم عالج عشان يقدروا يعيشوا


وزارة الدفاع .. هتختارى مين ؟؟ وايه سبب الاختيار ..



شخصيه ذكيه وعندها القدره العاليه

على معالجه الامور وعنده وعى كويس جدا

بيفكر يعنى :D


السيسي .. رايك فى هذا الرجل ؟


والله لحد دلوقتى كل الى عرفته عنه انو راجل محترم

وحتى تصرحاته كلها لنبذ العنف ولتعديل مسار الامن

ومسيره شغله مشرفه يعنى


تختارى مين لوزارة الداخليه ..


ايمن الرحاااااااال


محتاجين نرجع هيبه الشرطه بس ميكونش على حساب قهر الشعب

هتطلبى من الوزير ايه عشان ده يحصل ؟


اعاده هيكله الوزاره كلها تغير مفهوم ان الامن بيجى بالقتل والظلم

والقمع

انو يأمن التظاهرين مش يقتلهم

معرفش ايه الخطط المتبعه لاسترجاع الامن ولكن اكيد

فى حلول تحد من الانفلات الى احنا شيفينه دا



وزارة التموين هتختاريلها مين وايه السبب ؟


امجد

هيظبط الشعب كله وهيرضى جميع الطبقات ^^

لانو شخص هادى جدا وحكيم وصبور

واكيد هيعرف يمشى امور البلد حتى وهى بتشحت كدا


اهم وزارة فى الولايات المتحده هى وزارة الخارجيه , فى مصر ملهاش لزمه ...

ايه هتكون وظيفه الوزير اللى هتختاريه فى الوزارة ومين هيكون الوزير ده ؟؟


وزيره الخارجيه هتكون كونتيسا

والله مثال مشرف للعالم

هتعرف تظبط الامور مع دول الخارج


وظيفتها انها ترجع السياده لمصر وتنشط دور مصر تانى

بين جميع الدول ومن خلاللها هتعرف الجميع

ان مصر قررتها نابعه منها مش من اى حد تانى


وزارة الاعلام هتختاريلها مين ؟

مين يعنى مافيش غيره

مورشو :D


ازاى يكون عندنا اعلام بيعبر عن رأى الشعب ويكون ملك الشعب مش ملك الدوله ؟؟


لما الاعلام مايكون وزاره من ضمن الوزرات

ويكون محايد مش بيطبل للنظام

لازم نقبل الراى والراى الاخر مش يبئه منفرد انو يجيب

الرااى الموالى للنظام بس


اكتبى اسم العضو فقط لكل وازرة


وزارة القوى العامله


دمعه حائره


وزارة الاستثمار


كبرياء رجل


وزارة الزراعه


Big Booss


وزارة الرى والموارد المائيه

فرح


وزارة الماليه

حوراء


وزارة الثقافه

ميشو


وزارة النقل والمواصلات



Words Whisper

اكمنها منظمه جدا ^^

.....


لو جتلك الفرصة تضيفى وزارة جديدة بمهام جديده


اسم الوزارة .. مين هيتولى الاشراف عليها .. مهام هذه الوزارة ؟؟


وزاره للتنميه البشريه ^^

هيتولى الاشراف عليها

صفيه او دكتور فارما

او بيور دلوقتى ^^

الوزاه اول حاجه هتعملها انها تنشر ثقافه التنميه البشريه فى المجتمع

عن طريق كورسات فى كل الجماعات والمدارس

التنميه البشريه دى اد ايه بتدى حيويه وامل

وبتخليك تكتشف نفسك من جديد

واحنا محتاجين جيل عارف نفسه

وعارف هو عاوز ايه

وعارف هو عاوز يعيش فى بلد شكلها ايه


كلمه اخيرة وانتى فى اخر لحظه فى منصب رئيس الوزارة ؟

"

"

"

المنصب تكليف مش علشان مصلحتى الشخصيه

ولكن عشان مصلحه الناس كلها

يحتم عليك الامانه العدل

العمل باخلاص

وان لم تكون قادر على القيام بمهام المنصب

عليك تركه فورا لمن هو اجدر منك


فى النهايه اشركك على تواجدك الراقى

ويارب الحلقه تكون عجبتك

نورتنا بجد ...


الشكر ليك انت يامحمود

ولبرنامجك الجميل

سعدت بوجودى معاك

تحياتى للجميع

....


كان معكم / محمود محى


تحيااتى

الرحــاال المٌتَمرد 02-24-2013 07:32 PM

لا أنا عاوز وزاره الخارجيه بأه
وسارونه تشوف لها وزاره تانيه :18::18:
حوار راقي مَع شخصيه ذات حضور قيم
وأخت غاليه نعتز بوجودها
تسلم موحا ,,
وبإنتظار حلقات قادمه أخري
تحياتى وتقديري


حنـــــون 02-24-2013 08:34 PM

ميرسى يامحى ع الدعوه
برنامج زى الفل الحقيقه
انبسطت بوجودى حقا ^^

حنـــــون 02-24-2013 08:37 PM

اقتباس:

المشاركة الأصلية كتبت بواسطة "الرحاال""الزجاال" (Post 3816886)
لا أنا عاوز وزاره الخارجيه بأه
وسارونه تشوف لها وزاره تانيه :18::18:
حوار راقي مَع شخصيه ذات حضور قيم
وأخت غاليه نعتز بوجودها
تسلم موحا ,,
وبإنتظار حلقات قادمه أخري
تحياتى وتقديري

التزم بوزارتك يااخ
خالينا نشوف حال البلد المنيل دا
كفاينا كلام بئه
يلا قوم شوف الى وراك :d

شكرا لوجودك ياايمن
اتشرفنا حضرتك

دمعه حائره 02-24-2013 08:55 PM

حلو اوى ايمن الداخليه وانا القوى العامله
كده سيطرنا على الشعب من كل حته
ايه ده ياحنونتى احلى رئيسه وزراء مسكت البلد
ده انتى هاتحلى مشاكلنا كلها لو نفذتى الخطه دى
وبجد عجبتنى اختياراتك جدا
نورتى الحلقه ياقمرى وعقبال الرئاسه:d
شكرا محى على الاستضافه الجميله

ساحر الأحزان 02-24-2013 09:16 PM

استضافة جميلة يا محيى

لحنون

رئيس وزراء انما من الاخر

وبشكرها على اختيارها لية

وهو التموين كويس

هو فية احسن من انك تنعنش الناس

وتبسطها وتخلى الاسعار فل الفل

وكمان حنعتمد على الاكتفاء الذاتى

الى نصنعة وننتجة ان كفى خير وبركة وان مكفاش يبقى ننتظر التمويل الداخلى

ولا للاستيراد من الخارج

برنامج جميل يا محمود

مع حنون

تحياتى لكم

Lost Pearl 02-24-2013 09:19 PM

ههههههههههههه

انتي عسل يا حنان

اختياراتك فـ محلها

و يمكن لما تحلي محل قنديل ده البلد تتعدل شوية :18:

ربنا يصلح حالنا بقي

تسلم يا محمود ع الاستضافة و الاختيار المميز ،،

العاشق الذى لم يتب 02-24-2013 10:16 PM

ماشاء الله عليك ياأستاذنا الغالى
كمان ربنا كرمك بوظيفة مذيع
اللهم لاحسد ربنا يزيدك كمان وكمان
وبرنامج توك شو ناجح بمعنى المقاييس
قال والناس بتتفرج على المذيع محمود سعفان وأحنا عندنا محمود محى مكسر الدنيا
أسئلة فى الصميم
نروح لحضرة الأخت الفاضلة (حنون)
لما شوفت المقدمةو أنت بتقول فى صفتها أنها تتميز بالهدوء والثقةأ حيانا عتبت عليك مرتين الأولى أنك قلت أحيانا وهذا ليس فى محله فهى فى كل الأوقات هادئة جدا
والعتب التانى أنك لم تذكر بقية الميزاتا لتى تتمتع بها حنون كاملة وده طبعا عيب كبير يقلل من قيمة البرنامج
فأرى أنها تتكتع بالكثير والكثيرم ن المميزات وفى مقدمتها أنها خفيفة الظل ذات روح مرحة
وكمان لما أستمعت لبقية أجباتها أكتشفت أنها سياسية لدرجة إتقان
وبما أن رئيس الوزرة ماينفعش يكون رئيس حضانة أعتب عليك ليه ماخلتيش الأخ طارق يكون رئيس وزراء بدل من وزارة مهمة وأعتقد أنه شخصية مرموقة تحظى برضى الجميع وهو الشخص المناسب لتلك المرحلةا لتى تمر بها مصر من تخبط ولو كان الأمر بيدى لرشحته لمنصب فخامة الرئيس وهو قدها وقدود
وكان عندى أمل لو أنك أستحدثتى وزارة للعوطلية من خلالها نقضى على البطالة والبلطجية
بجد حوار رائع وأسئلة رائعة وإجابة ولا أروع
تحياتى لكما
تقبلا تحياتى وودى
رفعت

morshooo 02-24-2013 10:44 PM

اهلا اهلا

منورة احنان والله

كان نفسى تعملى وزارة

التت والدلع

والله هتبقى وزارة لوز اللوز ^_^

طبعا حنون اجابتها مميزة جدا

وعجبنى تعليقاتها على الاسئلة بتاعت موهى ^_^

ولو ينفع اتشال من وزارة الاعلام

وامسك وزارة التت والدلع

انا موافق ههههه

منور يا محى القسم وماتقطعش البرنامج دا

حنـــــون 02-24-2013 10:50 PM

منه
ايوا بئه يامنون سيطروا خالى
البلد حالها يتعدل :d
نورتى ياقمرى والله

امجد بااااشاااا

انا مطمنه ع البلد طول ما التموين
فى ايدك عارفه اننا مش هنهون عليك
وهتأكلنا وتشبعنا وتنغنغنا هههههههه
نورت حقا امجود

لوجى <3

عجبتك ياختى الاختيارات
انا هجيبك بئه وزيره
الهدوء والتحلى بالصبر والتسامح :d
نورتى يالولى والله

حوراء
هنبدأها نصب بئه
طيب ظبطى الامور شويه وبعدين
نسرق وننصب برحتنا هههههه
وبعدين الى يقول ع المنتدى مفلس
هو الموفلس على راى ريسنا مورسى الله يمسيه بالخير :18:
نورتى ياحوراء ^^


الساعة الآن 07:06 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w