منتديات بنات مصر - الحلقة الرابعة من برنامج احساسك في اغنيتك مع واد جبيب

http://t1.gstatic.com/images?q=tbn:A...65wWuWGKz-FJFY

اكيد الحلقة دي هتكون كلها رومانسية بئا :07:
وحاجات حلوة مين اللي بنشوفها في كتابات وخواطرك
منورني اكيد اخي واتمني الاستضافة تعجبك والاسئلة تنول اعجابك

بداية اهلا وسهلا بيك في برنامجي
احساسك في اغنيتك
انا نزلتلك الاغنية دي لان شكلها كدة رومانسية وحساسة
ويارب تعجبك :33:

Majed Al-Mohandes, Ana Hanet - HD Video Clip كليب - ماجد المهندس, أنا حنيت - YouTube

قولنا احساسك عن الاغنيه اللى دي ..؟؟؟

بجد اغنيه جميل جداااا ورومانسيه اوي هوه الرومانسي اللي ماشي اليومين دولت ولا ايه
احساس جميل جداااا بس الاغنيه دي احساسي بيها هيكون غير كل الناس لاني حبيبي صعب انه يرجع ليه تاني ابداااا
بجد انا حزين اوووووووووي علي بعده عني بس لو اقدر ارجعو كنت رجعتو ومفيش مخلوق علي وجه الارض يقدر يرجع حبيبي اللي ضاع مني فعلا عمر الدنيا ما بتعطي كل واحد اللي بيحبه كله انا منكرش اني عشت معاها اجمل ايام حياتي كلها بس فرقها مش بيد اي بيد الله عز وجله مش اقدر اقول لها اني افضل احبها طول العمر وهتفضل في قلبي حتي اتقبل معها يوم الاخره في الجنه ان شاء الله

وبتعبر عن ايه بالنسبالك..؟؟؟

عن اجمل وارق حبيب ليه في الدنيا بس الموت اخدو مني
وبعدو عني

ولما بيسمعها ..ايه الفكره اللى بتيجى ف دماغك ..؟؟

مفيش اي شي في دماغي اللي اني حزين عليها اوووووووي
بس لزم كل شي ما نقف عنده علشان الدنيا تمشي والحياه تستمر

واختار كمان اغنيه من عندك..؟؟

وبعتلك مليون سلام وسلام

‫مصطفى كامل / وبعتلك‬&lrm; - YouTube

وقولنا برضو بتمثلك ايه ..؟؟

دي اغنيه كنت بعتها لبنت كنت بحبها كانت هيه زعلانه شويه وبعدت عني بسبب موقف حصل بينا وقولتك ابعتلها الاغنيه دي علشان اعرف ردها من الاغنيه من غير ما اتكلم وكمان كنت بعتلها السلام علطول وهيه مكنتش بترد قولت الاغنيه هيه اللي هتجيب الحل اصل البنات بيضعفو بسرعه امام الرومانسيه هههههههههههه

وليه بيحبها ..؟؟

انا تقريبا بحب اغاني مصطفي كامل بس في الوقت كانت حببتي زعلانه وقولت اصلحها بيها

ولو ليها موقف احكيه..؟؟

انا كنت بسمعها وبعتها للي كنت بحبها بعتهالها بعدها بساعه لقتها بتكلمني قولت والله كويس مصطفي كامل صلحنا علي بعض ههههههههههههه

واخيرا : نحب نعرف اجابات للاسئلة دي

1/ إيه هي الأغنية المفضلة لك ؟

اكتر واحد بحب اسمع له هوه مصطفي كامل بحب الاغاني الحزينه بتاعتو اوي بحس كده ان كل كلمه في الاغنيه بتحصل في الواقع وبتكون حقيقه علشان كده بحب اسمعلو علطول

2/ من هو المطرب المفضل لك و الأغنية المفضلة لهذا المطرب أو المطربة ؟؟؟

زي ما قولت المطرب مصطفي كامل واليومين دولت بحب اسمع اغنيه ماتت حببتي كتير اوي ممكن اسمعها في اليوم اكتر من 10 مرات بما اني كنت بسمعها من زمان بس دلوقتي بسمعها اكتر

3/ إيه هي الأغنية الي لما تسمعها تذكرك بشخص بتحبه و من هو هذا الشخص ؟؟؟

اغنيه وحشتني يابا لمصطفي كامل

بتفكرني باغلي شخص في حياتي كلها والدي الله يرحمه كل ما اسمعها ابكي اكتر من ساعه

4/ إيه هي الأغنية الي لما تسمعها تذكرك بمكان زرته أو تحب تجلس فيه ؟؟؟

اغنيه انغام الركن البعيد الهادي

ده بتفكرني بركن الهادي بتاع الشقه بتاعتي قصدي البلكونه لما كنت واقف فيه انا وخطبتي قبل ما اسافر وكنت مشغل الاغنيه دي علي التلفون بس يا خساره الايام الحلوه مش بتكمل لزم تنتهي بكبوس في الاخر

5/ إيه هي الأغنية الي لما تسمعها تذكرك بموقف مضحك أو محرج ؟؟؟

هههههههههههههههههههههههه
بجد الموقف ده صعب اوي ومضحك
كنت عند خطبتي وقاعده وهيه مسكت التلفون وبتشوف الاغاني
لقيت اغنيه هاتي بوسه يا بنت وقاعد كل البيت لقيت حمايا بيقولي عوز تبوس مين يا محمد قولتلو والله ما انا دي الاغنيه هههههههههههه بجد كلنا موتنا من الضحك ساعتها

6/ إيه هي الأغنية الي لما تسمعها تذكرك بإنسان تكرهه ؟؟؟

لا والله مفيش اغنيه بسمعها بفتكر انسان كرهتو انا اصلا الحمد لله مش بعرف اكره حد اللي بزعل منه بجد جنب بعيد عنه وهوه في حالو وانا في حالي وانتها الامر يا شغلان

7/ إيه هي الأغنية الي لما تسمعها تحب تشتغل من قلبك ؟

الاغنيه اللي ممكن تئاثر فيه اوي لما اسمعها اغنيه دايما دموع لحماده هلال مش عارف كل ما اسمع الاغنيه دي اشغلها اكتر من مره مع انها حزينه اوي بس بحب اعدها تاني لما اشغلها بحس بكلمتها اوي

8/ إيه هي الأغنية الي تحب تهديها لعضو من الأعضاء و من هو هذا العضو ؟؟؟

هيه الاغنيه مش هتكون لشخص واحد هتكون لمجموعه قريبه اوي مني
الاغنيه اسمها اجدع صحاب

‫اغنية أجدع صحاب من فيلم أعز أصحاب سومه‬&lrm; - YouTube

ودي بهديها لعاشق ولهان والقيصر وجراح المشاعر وكبرياء رجل وجبل الخير

9/ إيه هي الأغنية الي تحب تهديها لأعضاء السايت كلهم

الاغنيه دي لجروج وسوف
بيحسدوني

‫جورج وسوف بيحسودني‬&lrm; - YouTube

تسلمي يا قمر علي الاستضافه الجميله

http://t3.gstatic.com/images?q=tbn:A...VcIAV8ea3PcZVr