منتديات بنات مصر - جميع حلقات ( التجــــــــربة )

بسم الله الرحمن الرحيم

اهلا بيكم فى برنامج

( التجــــــــربة )

النهاردة نزلت الشارع وشوفت حاجا غريبة جدا

شوفت ( فرح شعبى ) انما اية لوز اللوز ^_^

قعد فية شوية وبعد كدا قررت انى اعملكم

لقاء مع نجمة الفرح .

ماتيجو نشوف الحوار كان مع مين .

http://upload.arabia4serv.com/images...0499350843.gif

س / فى البداية عرفى الاعضاء بــ

الاسم / زينات السيد مصطفى

المهنة / هشتشك بيشتشك ياباشا يعني رقاصه ايون:18:

مكان العمل / اي كباريه ف شارع الهرم تلاقيني راشقه فيه :04:

س / عايزين نعرف منك ابتديتى ترقصى وانتى كام سنة ؟

وانا عندي 13 سنه ،

بس كنت ايه عسل كان كلو بيبص عليا ومبسوط مني ، وكانو

بيحدفوني بالقروش كدا ياسلااااااام ، كانت ايام شربات:p

س / كان اية سبب اتجاهك لـ ( الرقص ) ؟

حااااضشر هقولك وامري لله

على الله نطلع م الرغي دا بسبوبه حلوه:p

انا ياباشا عيلتشي كلهم فنانين ، ايون فنانين عشان مش بحب اقول

كلمة رقاصين دي اصل الناس بيبصولها بصه وحشه بعيد عنك ..

وبعدين انا كنت بدرس ف سادته ابتدائي واهلي قعدوني في البيت

وخلوني اروح معاهم الكباريهات وشويا بشويا علموني الصنعه:p

وبقيت باكل من عرق جبيني آه:D

بس ، هيا دي قصه حياتشي:04:

س / كلنا بنسمع عن الرقص الشرقى الى بنشوفة منكم فى الافراح دا اية ؟

اجججججججدع رقص شرقي فيك ياهرم ايييون:D

س / مش بتضايقى لما الناس تعرف انك رقاصة ويقولو عليكى انك مش محترمة ؟

طبعا من جوايا بتخنق جدا ، ومش بحب اواجه نفسي بدا

دايما بتهرب من كوني - رقاصه - ودا مأثر عليا نفسيا جدا ، بس

الفلوس بتنسيني طبعا ، ولو هتسألني متأثره ليه

هقولك ببساطه انا بعصي ربنا وبفتن الناس وانا عارفه دا كويس ،

ولكن انا حتى لو فكرت اتوب مستقبلا ، فحتى لو ربنا تاب عليا ورحمني

ف الناس مش هترحمني هتفضل بصمة الناس هتعايرني بيها

يبقى ليه اتعب نفسي ؟ ، وغير كدا انا دلوقتي بقبض وبصرف على نفسي

تفتكر لو سبت الرقص وفكرت اشتغل شغلانه شريفه حد هيقبلني ؟

اسكت بقا ي اسمك ايه خرطت على قلبي بصل:p:p

س / لية فى الافراح الى فى الشارع بنشوفك بتعملى حركات اقل حاجا تتقال عنها ( زبااااااالة ) ^_^ ؟

م هوا دا اصل الشغل ياباشا

البت مننا ال ماتعرفش تعمل الحاجات دي

م تبقاش رقاصه ولامؤاخزه:p

س / مين مثلك الاعلى فى المجال دا ؟ وبيعجبك رقصها ؟

اااااااانا رئيسة جمهورية نفسي طبعا ، دول بيتعلمو مني امال ايه:p

تيتشر نفشهــ

س / مقتنعه بكلامك الى قولتية وانتى متقمصة الشخصية ؟

ابدا بتاتا

لعلمك انا كنت متردده جدا وانا بكتب علشان

بطبيعتي مش بكتب حاجه الا ومقتنعه بيها ،

ومخنوقه علشان مكنتش عارفه اكتب الكلام ال شفتوه فوق دا

وانا مش مقتنعه بيه :(

س / اية رئيك فى المجال دا شايفا انة فن فعلا والا حاجا تانية ؟

بص ممكن يكون فن م عرفش عنهم ، ولكن شخصياً

عمري م اقتنعت بحاجه زي كدا ابدا

وهقولك ليه

مجرد اصلا م تلاقي انثى مرخَّصه نفسها وبتعمل حركات زي كدا

وبتلبس لبس زي دا ، يبقى هيا كدا قللت من نفسها جدا

الانثى عامةً ، حاجه راقيه ونضيفه قوي وغاليه جدا

مش ينفع تسمح لنفسها حد يبصلها بعين وحشه وتنزل نفسها للمستوى دا

تبقى بكدا اتخلت عن اساسيات معالم الانوثه وهيا "الحياء"

ف بالنسبالي مش فن اطلاقاً اني اعمل حاجات تقلل مني حتى لو هتعجب الناس ..

س / حسيتى ان متعاطفة مع حد فيهم قبل كدا سواء كان مشهور او لا ؟

جدااااااااااا

لعلمك اكتر ناس يترحمو هما الناس " العاصيه" ال بتعصي ربنا يعني

لانهم مش حاسين بمسؤولية الي بيعملو عليهم

وبأخص بالذكر " الراقصه" لانها لو فكرت تتوب

المجتمع ونظراته البشعه مش هيرحمها ..

فهيا بتصعب عليك لانها حكمت على نفسها بالرقص مدى الحياه

حتى لو مش عاجبها حالها ..

س / انتى اصلا بتحبى الرقص وتتفرجى علية ؟

مش بتفرج ع رقص انا اصلا ..

س / اخيرا تحبى تقولى اية ؟

مم ، انا عاوزه انصح اي بنت بتفكر تخطو الخطوه دي

انها ماتبررش لنفسها حكاية فن دي

لان الفن ابعد مايكون عن الرقص

بالنسبالي

فن = رقي ,, ليس الا

وبعيدا عن الرقص

اي تصرف فحياتك بتفكري تعمليه ، اوعي تنسي انك انثى

من ارقى وارق المخلوقات على وجه الارض

حرام تنزلي من مستوا رقيك دا بأي اعمال تانيه تغضب ربنا

حتى لو اجتمع العالم عليها واتفقو ..

وربنا يستر علينا جميعاً : )

,,

شكرا مورشو ع الحلقه الجميله دي

ومنوره بيك وباللي هيتفضلو أكيد

في امان الله

وبكدا خلصت تجربتنا النهاردة

استنونى وضيف جديد وتجربة جديدة

( التجـــــربة )