منتديات بنات مصر - جميع حلقات ( التجــــــــربة )

اقتباس:

المشاركة الأصلية كتبت بواسطة Ѕad Єyes (Post 3872181)

هههههههههه ما شاء الله ما شاء الله
لا عندك الامكانيات والمقومات انك تبقي شحاته يا لوجي :18:
بقيتي خبرة في الموضوع دا وتقمصتي الشخصية للاخر :d

تقريبا الشحاتين بقيو اكتر من محطات المترو :d
عدد فظيع من الشحاتين في المترو وفي القطر بالخصوص
قابلني عدد فظيع منهم مرة بيصعبو وبدي ومرة بعدي وبقول مش لازم انا :d

في ناس واخدة الشحاته دي شغلانه
وبتستسهل انها تشتغل ولا تعمل حاجة وبتقول دا احسن ورزقه اكتر
في نوعيه كبيرة نصابه ف الشحاته فعلا
لكن اكيد في ناس محتاجة وفي ناس مظلومة ومتقصر في حقها
والناس طبعا لازم تدي بحسن نيه حتي لو ادت لنصاب لانه دا عند ربنا
ولو مدتش ممكن ييجي محتاج بجد وتقصر في حقه

هحكيك حاجة هتوضح قصدي باستفاضه

كنت جاي بقطر من كام يوم
وكان في مشكلة العياط واتكبسنا كلنا في كبينه وكان معانا اتنين شحاتين
منهم عيل صغير عنده بتاع 8 سنين
فقعدنا نتكلم معاه كنا كذا واحد كبير وصغير وكان بيتكلم وبيحكي معانا
من كلامه اظن نعرف كويس ان الحكاية موش ساهله ومش ذنبهم
ابوه طلق امه واتجوز وامه اتجوزت وهو اترمي في الشارع ومحدش بيسأل فيه
فبيعمل كدة وهو عارف انه اخرتها احداث !
دي عينه بتقول ان فعلا في كتير شحاتين غصب عنهم
وكان في نفس الكبينه واحد تاني بس كبير
اختار دي كشغلانه بالاضافه للسرقه علشان اسهل وافضل بالنسبالة !

غريبه الاثنين كان ليهم اراء سياسية اسمها بكره مرسي ومش فاهمين حاجة
وقالو ان التحرير طردوهم وضربوهم هناك

المهم اذا كان الثاني دا عباره عن نصاب
فالطفل الاول دا عباره عن ضحية من والديه وعدم اهتماهم وعدم انسانيتهم

كان في برضوة واحد وانا رايح كانت ايديه الاثنين مقطوعين
ودا مفيش حاجة يقدر يعملها غير كدة
في ظل دولة مش بترعي احتياجاته لصاحب احتياج خاص واعاقه بدنيه
فبرضوة مش ذنبه دا ذنب البلد اللي مش بتصون ولادها

كان في راجل عجوز اولاده سايبينه ومش لاقي غير الشحاته علشان يعيش
ودا برضوة مش ذنبه دا ذنب الوحوش في البشر والعقوق

وكان في ست شبة كبيرة بتقول انها بتصرف علي اولادها
ممكن يكون دا ذنبها لانها تقدر تلاقي شغل كويس وبمال حلال بدال التسول

وكان في واحدة اختارت انها تبيع مناديل في المترو بدال الشحاته
بس طلبت اننا نساعدها بالتجارة اننا نشتري منها وتقدر تصرف علي بيتها
ودي اظن رفعت الحرج واختارت لنفسها شغل حلال حتي لو بتطلب من الزبون انه يشتري كمساعدة

كان وكان وكان
انا شوفت كمية غريبه من التسول في القطر والمترو
المهم الامثلة اللي فاتت وضحت جوانب كتير من الاسباب وليه التسول كدة
في الاخير بعد الاطاله مش بالايد حاجة
واللي هيدي هيدي بحسن نية وبعنيه يقدر يقرر مين محتاج ومين بيمتهن الشحاته
وربنا يحتسب الخارج وهيعود وعمر ما ينقص مال بن ادم من صدقة
بينما اللي واخدها مهنه هيفضل طول عمره ياكل بقايا وعمره ما هيرتاح اكيد

برنامج رائع يا مورشو مجيد فيه انت
ومبدع جدا في اليوميات ياريس
استمر وواصل
ويا لوجي اشتغلي بعد الضهر هتلمي كتير :18:

هههههههههه ما هو من كتر ما شفتهم بقي يا كرييم

اه ما هو الواحد بيدي بحسن نية بس المشكلة ان اللي انت بتديله كتير اوي بيبقي بيضحك عليك

s2

عادة الاطفال بيبقو مجبرين من اهلهم او زي ما انت بتقول كدة

هو مالوش حد يصرف عليه اساسا

اها الامثلة كتيييييييرة جدا فعلا ،، ربنا يصلح الحال بقي

هههههههههه لألأ خلاص اعتزلت ،، هشوفلي شغلانة تانية بقي :18:

نورت يا محمود باشا ،،