|
حلوة اوى الفكرة دى متابعين التجربة المجنونة دى |
وايه هى المؤهلات المطلوبه للوظايف النبيله دى ^_^ فكره جميله فى انتظار التوريط هههههههههه |
ايوا بقاااااااااااااا وربنا انتا عليك افكار .. تودينا فدهيه ههههههههههه يلا مستنيه اكييييييييييد |
فكرة رائعة وجميلة ومجهود مميز ربنا يكرمك يا غالي دمت بالف خير |
( التجربة الاولى ) ( عاملة نظافة ) ^_^ بسم الله الرحمن الرحيم اهلا بيكم جميعا والحلقة الاولى من برنامج ( التجـــــــربة ) النهاردة معانا ضيفة مميزة جدا نزلت الشارع مخصوص عشانها ^_^ يمكن عطلتها شوية عن شغلها لكن كلة من اجل المنتدى الغالى ^_^ الحوار الى هتشفوة دا كان مهم جدا عشان كان فى المكان دا . http://t3.gstatic.com/images?q=tbn:A...G5zgHJadePVFnA تعالو نشوف الحوار كان مع مين / فى البداية عايزين نعرف اسمك / حنان سنك / 24 المهنة / عامله نظافه :18: المكان الى بتشتغلى فية / المحافظه :24: س / اية سبب انك بتشتغلى (عامله نظافه) ؟ لان دى اعظم شغل ممكن الانسان يعمله ولان البلد محتاجه ان الشعب كله يشتغل عمال نظافه لانها محتاجه ثوره للنظافه س / اية رئيك فى وظيفتك بصفة عامة ؟ فى راى انا انها عمل ماحدش يقدر يستغنى عنه واستهترنا بيه وصلنا للمزبله الى بئينا عايشين فيها احنا لدوقتى مش ناس عايشه وعدنها زباله لااااااااااااااا دى زباله عايشه وفى وسطها شويه ناس الزباله خلاص اجتاحت كل الشوارع حتى الراقيه منها س / مش شايفا ان الناس بتضايقك او بتبصلك انك ( زبالة ) ؟ دا بيضيقك والا لا ؟ اه طبعا مع ان لو فكروا شويه هيلاقوا ان انا افضل منهم بكتير النظافه من الايمان واحترامك لذاتك بيجى من احترامك للمكان الى انت عايش فيه والفرق بين عالم الانسان وعالم الحيوان هو النظافه س / لية دائما بيتم اتهامكم انكم دائما سايبين الشوارع مش نظيفة ؟ دا العمال بردوا ولا الشعب نفسه تفتكر لو كل شارع بئه فيه عامل واتنين هيقددروا ينضفوا الشارع لو ماكنش اصلا فى مساعده من الناس المفروض العامل ينضف وانت مطلوب منك تحافظ ع النضافه يااخى دا احنا بنشوف عجايب اسكت :18: س / اخبار مرتباتكم اية ؟ شايفا ان المرتب بيكفيكم ؟ مرتبات ايه انا بشتغل هاويه :24: اكتر فئه بيتم طمسها هى فئه عمال النظافه مع ان المفروض نكافئه باضعاف مجهودهم المفروض نهتم بصحتهم ويكون فيه متابعه ليهم لانو من غيرهم هنبئه مزبلين اكتر واكتر من كدا س / صحيح لية دائما بنشوفكم عايزين بـ ( قشيش ) :18: طول ما انتو بتنظفو وعمالين تاخدو من اصحاب المحلات فلوس ؟ :24::24::24: انت كمان عاوز ننضفلك ومش تدفع تمن زبالتك دا انتو عالم عجيب وبعدين مااكيد بيطلب من الحاجه اكيد محتاج ومرتبه مش بيقضيه كمان بيشتغل شغلانه الكل شايفه انها مهينه المفروض انت تحسس انك مش بتمن عليه بالعكس انت الى محتاجله س / اية الصعوبات الى بتقبلك فى مهنتك دى ؟ ريحه الزباله ايه هف او يايى فظيعه هههههههه بصراحه اكتر حاجه ممكن تدايق انك بتقابل ناس مش بتحس ومش بتفهم وشايفه ان من الطبيعى انك تزبل المكان الى انت قاعد فيه دا بحسه قمه الغباااااااااااااااااااااء س / شايفا انكم مهملين من الدولة ؟ هى الدوله مهمله فى دى بس الشعب كله كيانه مهمل فابالطبيعى الغلابه الى زينا هتلاقيهم فى البلاك ليست س / لو تعبتى والا حاجا حد بينزل مكانك والا بتسيبى الشوارع بزبلتها ؟ بنزل وسام اختى :24: اكيد باخد اجازه انا هقطع نفسى ولا ايه س / اية مطالبكم او اية الى عايزينة من الحكومة ؟ الصراحه المطالب مش من الحكومه بس يعنى لو الحكومه اكيد حابه يكون فى اهتمام بعمال النظافه والاهتمام بمراتبتهم وصحتهم ويكون ليهم قيمه واحترام من الحكومه اولا لاننا بحاجه شديده ليهم ثاينا من الشعب لازم يكون عندنا ثقافه النظافه مش تكون شغله المعدمين الى مش لاقين ياكلوا لا وكمان احنا بنعاملهم على اساس انهم اقل مننا الشعب كله لازم يفهم ان النظافه دى سمه للحياه تخيل لو فضلنا عايشين فى بيئه ملوثه كلها حشرات وزباله واجواء زفت زى دى هنقدر نعيش ولا حتى هنكون دوله محترمه ؟؟ حنــــــون دى اسئلة هتقوليها بوجة نظرك بقى ^_^ ومااااااااااااااااله س / انتى مقتنعه بكلامك الى قولتية عن الــ ( زبالين ) ؟ جدا والله العظيم لان فعلا بحس بقيمتهم جدا لما بشوف الشوارع بتاعتنا س / انتى نفسك بتبصلهم ازاى وبصراحة ؟ على فكره حقا بحترمهم جدااااااااااااا لانهم بأدو عمل من غيره احنا معفنين حقا حقا س / لو اتقدملك واحد منهم عشان يجوزك هتوفقى ؟ هههههههههههههههه الله عامله نظافه هتجوز ايه غير عامل نظافه مش دى ثقافه مجتمعنا :102: شوف ليا نظريه وماحدش يقول بتتفلسف قسما بالله ابدا بس دلوقتى مين هما عمال النظافه اكيد الطبقه المعدمه تماما والى مش لاقين انا لو مستوايا الاجتماعى حتى لو محدود وتفكيرى انا بشوف انو كويس اكيد مش هجوز واحد مش بيقرا ويكتب ولا فى فدماغه حاجه غير انو يحصل قرشين عشان ياكل بيهم الذنب هنا بئه مش علبه الذنب على الى حول حياته من ان يكون فيها احلام وطموحات لمجرد ايام بيحاول يعديها عشان غيرها يجى ويلاقى لقمه ياكلها انما لما حال بلدنا يتصلح وتفكير مجتمعنا يتغير ويعرف ان الشغل دا مش عيب ومش للناس الشحاته بدال ماتشحت تلم زباله اكيد كل الافكار دى هتنتهى س / اخيرا تحبى تقولى اية فى الموضوع دا ؟ وللقطاع دا من المواطنين ؟ حلم حياتى تكون بلدنا نضيفه وشعبها متحضر بقدر كافى انو يعرف قيمه العمل مهما كان متواضع فى نظره ولكم الحياه مجموعه حلقات بتكمل بعضها عشان تكمل سلسله التكااااااامل بين الجميع يعنى عامل النظافه مش اقل من الدكتور والمهندس ولا الفنان ... اتمنى يكون عندنا وعى كافى عشان نقدر نكون بلد متحضره بتحترم كافه الاطياف والعمال وبكدا اعزائى القارئين :24: بينتهى اول تقرير معانا استنونى بقى و ( تجربة ) جديدة وضيف جديد ^_^ |
منورة أحنون ..~ جميلة نظرتك المثقفة و الإنسانية .. فعلا ثقافة مجتمعنا دي مريضة ومتخلفة بصرآآحة .. يعني ديننا بيقول العمل عبادة واحنا عاملين طبقية مش معقولة !! بنقدر البني آدم بمهنته .. رغم إنك لو اتكلمت معاه هتلاقي أسلوبه و طريقته أحسن من أجدع مهندس فينا !! وبنبص لأتفه الأمور بردو برغم إنه بيعمل شيء احنا كلنا بنترفع إننا نعمله مش عارفه على أهي !! دآ البعض مننا و الله بيرفض حتى يرمي كيس الزباله بتاعة بيتهم منورة يا نونة أكيد طبعا غجاباتك مميزة و مفيش زيها ^^ يسلمووو موروشو ودي ووردي |
هههههههههه برنامج حلو وآه منك يا مورشو وأسئلتك دي فعلاً هما طبقة مسكينة للغاية ولازم نقدرهم شوية أكتر من كده لأننا أصلا مجتمع غير نظيف (زبالة) هههههههه حلوة الأجابات من حنون كل الأحترام والتقدير على الحلقة الرائعة |
أستضافه مميزة أمورشوا منوره أحنون عجبنى جدن أختيارك للمهنه أحنا فعلن مجتمع مبيحترمش غيرأصحاب المهن الشيك والراقيه مجتمع نظرته لـ عامل النظافه وكأنه عآآآآر للأسف مع أن من غيره هتبقى موش بلد ولاكن مزبله نورتى أحنون تسلمممم أمورشوا فى أنتظار الجديد . |
حلقه رائعه واثبات تواجد الى البرنامجبشكل راقي فعلا المهنه الضعفه التي اصحابها لا حول لهم ولا قوه اصبحو في نظر المجتمع انهم عار وانهم لا يستحقو ان ينالو الكرامه الانسانيه دوما النظره تكون الى الفقير من الطبقات الضعيفه نظره استحقاريه ولا يحق له ان يطالب بحقوق او واجبات لان نحن في زمن لايتعامل مع الاخلاق بل يتعامل مع المهن والماديت عندك فلوس لك مكانه في كل القلوب وكرامتك محفوظه في كل الاماكن ماعندك انت ماتستاهل تعيش ودوما النظرات تكون له فيها اهانه فعلا دا شي مولم جدا ولا راح يتغير الا بتغير ضمائر النفوس وقانون الحكم البشري يستبدل بالقانون الرباني انه لافرق بين الفقير والغني والابيض والاسود لافرق بين البشر لان مرجعهم جميعا الى الارض التي خلقو منها لكن من يفهم الان اصبح كل شي متغيرالنفوس والزمان والمكان حلقه رائعه ونورت اختي حنون وبرنامج راقي |
حلقة حلوة ورائعة مشكور اخى |
| الساعة الآن 09:58 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب