|
والله يا حنون أخترتى مهنه مهمه جدااااااااااا ففعلا أحنا بقينى عايشين وسط الزباله وكله من أنفسنا حوار رائع وأستضافه جميله منك يا مورشو وكالعاده مميز فى أنتظار المهنه الجديده واستضافه جداا أنا ممكن أشتغل شيف :) |
حلقة اخر حلاوة ههههههههههههه وضيفة جميلة واسئلة اروع |
بجد حلقه آكتر من رئعه آستمتعت حنوني >>> |
حوار جميل مع انسانه اجمل تسلم امووورشووو منتظرين التجربه الثانيه ودي ووردي لكم |
اه انا عامله نظافه مودرن هههههههه شكرا لساره واحمد وكونتيسا ومريم نورتو ياقمرات والله تسلمو ع التواجد السكر دا تحيااااااااتى |
ههههههههههههههههه حلقه جمييله جدا منك ي مورشو انت وحنون وفعلا احنا من غير الناس دى هنبقى مزبله أكتر من كدا لازم نحترمهم وياخدو حقوقهم كامله يسلموو على الحلقه المميزة ,, |
( التجربة الثانية ) ( سواق ميكروباص ) ^_^ بسم الله الرحمن الرحيم اهلا بيكم وحلقة جديدة من برنامجكم ( التجـــــربة ) النهاردة معانا فئة من المجتمع غريبة جدا البعض بيقول عليهم كلام والا فى الاحلام :18: عموما النهاردة هيبقى معانا فى ( التجـــــربة ) ( سواق ميكروباص ) س / فى البداية عرفنا اسمك / الاسطى احمد الشهير بسواق نص الليل:24: وظيفتك / سوااااق يا بية خط العمل / انا تلاقينى فى موقف عبود على طول والارزاق دى بتاعت ربنا س / اهلا بيك يا اسطى ^_^ منور بنات مصر ؟ اهلا بيك يابية دة نورك حاجة ساقعة ياولا ياشطة :04: س / دلوقتى انتو دائما متهمين بانكم بلطجية المجتمع ودا من طريقة تعاملتكم مع الركاب ؟ اية رائيك فى الكلام دا ؟ لسة بس يابية كدة سك على الساقع ياولا:18: دة انا بحبك ودايما بحب اتابعك والله يابية احنا غلابة وبنقلبعشنا نعمل اية كل الحكاية الضعيف مالوش مكان فى الكار دة ولازم نخربش مع الزبون اصلة بيطلع روحنا فى الفلوس س / لية دائما بتحبو تغلو الاجرة بمزاجكم دا اسمة استغلال يا سطى ؟ يابية هو فى سولار بقف 3 ساعات عشان افول تنكى والعربية تخرج شربات متفولة بنجيب السولار بطلوع الروح عشان كدة بغلى الاجرة بس الزبون مش عاجبة بقا يعنى اشفوروبيكح تراب اللى مش عاجبة يمشى مش كفاية اللى بنشوفة انا بحمل عربييتى واروح قافل الباب واقولهم الاجور كذا يا بهوات عشان الكل يدفع :24: س / لية مفيش اى التزام بقوانين المرور من ناحيتكم ؟ واكنكم عايشين لوحدكم فى المجتمع ؟ الدنيا زحمة يابية هو فى مرور اساسا احنا كدة اخوات فى بعض ننظم بعض ونسلك بعض :116: س / لية دائما بتحسسنا كركاب اننا خرفان فى العربية ومفيش اى اهتمام منك بانك مسئؤل عن ارواح ناس معاك ؟ دة مش دايما يابية بس سعات العيال اللى معايا فى نفس الخط بيتريقوا علية وبيقولو راكب عربية بطة وبمشى برحتى فا بفرد نفسى بس عليهم س / ( مستعجل انزل خد تاكسى ) اكتر كلمة بتستخدموها اية حكايتكم ؟ طب حط نفسك مكانى من قبل ما الزبون يركب يلا يا اسطى عندى شغل يلا يااسطى عندى مش عارف اية .مش احمل يعنى وامشى خفيف وكلة الا الكرسى الاخير لازم 4 مع بعض :04: س / لية دائما مش بتراعى شعور الركاب دا حتى الكاسيت بتشغل اغانى هابطة ومعلى على الاخر ؟ ياباشا دة دة المزاج كلة تخبطلك اوكا على اورتيجا على شوية شعبى تظبط الانفوخى كدة وبعدين الزبون يسمع اللى انا بسمعة اللى مش عاجبة يبقى ينزل :p س / انتا دائما كدا بتكون شارب ومدهول وحشيش وحالتك منيلة ^_^ ؟ مش كلة فى بيشرب عشان يدلع على الطريق وفى الكويس بيشرب بعد الدور فامش كلة :04: س / صحيح لية دائما بتطلع عنينا عشان ترجعلنا باقى الاجرة ^_^ ؟ مش جايز زبون ابن حلال ينسى هههه يابية بس تلاقينى بنسا او الولد التباع بتاعى مدهول على عينبة ومش واخد بالة بو حميد ◣ĐěŠèЯT◥ هترد على الاسئلة دى من وجهة نظرك انتا . س / انتا شايف ان ردودك على الاسئلة الى فاتت مقتنع بيها ؟ للاسف دة واقع يا مورشو السواقين اللى عاوز يعمل حاجة بيعملها يزود اجرة ويعمل كل حاجة س / بيحصل معاك الحاجات الى اتقالتلك دى والا كنت مبالغ فى الاسئلة ؟ بيحصل كدة انا تقريبا قولتك كل اللى بيحصل حتى بنفس الالفاظ س / اية الموقف الى حصلك مع سواق ومش قادر تنساة ؟ فى مرة كنت راكب المهم الكل نزل هو شافنى راكب انا وواحد قالى ما تنزل هنا يابية ومش عاوز يكمل وعاوز يلف قولتة لا وقالى بس انا ورايا مشوار قولتة وانا مش هنزل هههههه بس فى الاخر وافق وكان ماشى طاير س / اخيرا اية وجهة نظرك فى ( سواقين الميكروباص ) ؟ كل سواق اللى عاوز يعمل حاجة بيعملها ممكن يكون ماشى ويقولة مش هركب حد بمزاجة ممكن يكون الاجرة 5 يقولك ياجماعة الاجرة 10 وطبعا تحت الضغط والاستغلال والناس مش عارفة تركب بتوافق بقا واقع ما هو مافيش محاسبة وطبعا محشد عندة وقت للمقاطعة احنا بننزل بالظبط للشغل :04: وكلة بيلعب تحت اسم الاستغلال وبكدا بتخلص تجربتنا النهاردة استنونى وضيف جديد ووظيفة جديدة فى التجــــــــــــــــربة |
حلقه جميله وفعلنا هى دى الحقيقه استغلال ما بعدهـ استغلال ربنا يسترها بقى تسلم يا كبير ع الحلقة |
ههههههههههه سك عالساقع يا ولا xd حلقة جميلة اوي بجد عسل ديزرت والله ويا اسطى ضمنا الموصلات بقى منور يا مجدع وبجد حلقة ظبطت الأنفوخي ههههههههههه ظبطها ميه ميه والله انت من السبتية يلا؟! تسلم يا مورشو كعادتك مبدع وممتع وموزززززع xd كل الاحترام والتقدير |
حلوة لازم نخربش عالزبون عشان يدفع ههههههه حلو الحوار حسيت انك سواق بجد :)) |
| الساعة الآن 02:48 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب