|
افضل مستضيف وضيف ومتابع .. ومع أولى حلقات -آحدآثٌ من آلحيآه- ومعنا دمعه حائره .. سلام الله عليكم ورحمته وبركاته .. اليوم بإذن الله نلقاكم مع اولى حلقات برنامج - آحدآثٌ من آلحيآة - والحلقه بعنوان - ضعف المراهقين - .. ومعنا المتألقه دوماً وأبداً العضوه التي تميزت باحترامها واخلاقها وحنكتها في تعاملها مع الاعضاء معكم مـــراقــبة عــامـة http://www8.0zz0.com/2013/02/03/20/344441815.gif http://forums.banatmisr.com/image.ph...ine=1361733700 اهلا وسهلا منه منوره البرنامج اهلا بيكى رنين وشكرا على الدعوة والمقدمةالجميله واحييكى على اختيارك لموضوع الحلقه مهم جدا ومن اكبر مشاكل المجتمع ~~~~ ##اعطينا نبذه موجزه عن ضعف المراهقين في مجتمعاتنا .. مرحله المراهقه اصعب المراحل العمريه بيحصل فيها تغيرات فيسولوجيه كتير سواء للبنت او الولد بتخليهم يحسوا انهم كبروا وممكن يتمردوا على والديهم وبيحاولوا يبنوا شخصيتهم بشكل يعجبهم ويناسب ميولهم ويعتبروا النصايح اوامر ويحاولوا يكسروها وده لوحده بيخليهم فى فتره تخبط ممكن يسيئوا الاختيار ونتيجة للصدمات بيكون الضعف والازمات النفسيه اللى ممكن تستمر معاهم لمراحل متقدمة لان مجتمعنا بتحكمه كتير عادات وتقاليد اللى بيحيد عنها بتقابله انتقادات توصل لدرجة انه يتفهم بشكل خاطىء ~~~~ ##برأيك اختي مالأسباب التي تدفع بعض المراهقين الى القيام بتصرفات غير اخلاقيه ؟ للاسف بعض الاهالى بيبدأ تعاملهم مع المراهق بعد البلوغ وده وقت متأخر لترسيخ القيم والمبادىء اللى هايتبعوها فى حياتهم فبتكون غير مقنعه لانها مابقتش من عاداتهم ويبدأوايحاصروا البنت ويمنعوها من الخروج او يراقبوا تليفوناتها بشكل فيه شك مش متابعه وده اللى بيخليها تتمرد وتتعمد الخطأ بالاضافه الى سوء اختيار الصديقه بيكون دافع قوى انها تقلدها فى تصرفاتها لو كانت مش كويسه ~~~~ ##كثُرت حالات الزواج العرفي بحجة الحب .. ومعظمها من المراهقين والمراهقات .. ماتعليقك على هذا ومالدافع الرئيسي لمثل هذه الظاهرات ؟ اكيد التسرع والاندفاع فى العواطف هو الدافع الاول مع عدم وجود رقابه عليهم بيخليهم يقدموا على الخطوة دى ومنهم اللى مش بيتعرف الا بعد وقت كبير من العلاقه اكيد ظاهره بتقضى على اكبر احلام البنت فى ان يكون ليها فرح وكل العيله تحضرة وتفرح زى اى عروسه ببيتها وجوزها وزواجها يكون فى النور قدام الناس كلها مش بتفوق منها الا بعد ماتكون غلطت والنتيجة مؤكد لقب مطلقه فى سن صغير وتجربه قاسيه بتأثر فى نفسيتها طول العمر ~~~~ ## برأيك مادور الاهالي الموقرون في الحد من مخاطر هذه المرحله العمريه ؟ بالحوار الدائم مع اولادهم وتوعيتهم والتخطيط معاهم لمستقبلهم بيدى نوع من الامل مع التركيز على تدعيم ثقتهم بنفسهم وشغل وقت فراغهم بكتير من الهوايات وممارسه الرياضه بيفرغ طاقاتهم فى حاجه مفيدة ويخليهم يحافظوا على جسمهم والتقرب من اصداقائهم بيخليهم يعرفوا نوعيتهم وطريقه تفكيرهم يعنى يحاولوا يوصلوا لنقطه اتصال تقربهم من تفكير اولادهم ويصاحبوهم ويتم توعيتهم لتلك المرحله والتغيرات اللى بتحصل فيها لتخطيها بأمان ~~~~ ## من اسباب انحراف بعض المراهقين عن اخلاقيات المسلم هي ثقة الاهالي الزائده .. ف بماذا تنصحينهم ؟ الثقه لازم تكون موجوده بشكل كبير وعدم اظهار الشك فيهم مع متابعتهم بشكل مايكونش فيه خنقه او مراقبه ليهم انا شايفه لو ان الاهل يصاحبوا اولادهم الام تصاحب بنتها وتنصحها بهدوء وتحكيلها حكايات تبدو اسرار عندها هايشجعها هى كمان ماتخبيش عنها حاجه والاب ياخد ابنه الجامع ويصلوا سوا او يكلمة عن بعض قصص الشباب وازاى كان بيعتمد عليهم الرسول برغم صغر سنهم ويغرس فيه مبادىء الاسلام من صغره مش لما يكبر ويدخل فى المراهقه اكيد الصلاة والصوم بتحفظ الشاب من الخطأ ولو غلط بيتراجع بسرعه لان اساسه قوى ~~~~ ##لو أتت إليكِ في يوم من الايام مراهقه تطلب الخلاص من مافي بطنها وترجتكِ لو تستري عليها .. ماهو موقفك بالتفصيل ان احببتِ ؟ فى النهايه الاجهاض حرام لكن هاحاول اوصل لحل واساعدها انها ترتبط بشكل رسمى بالشخص ده واكلم اهلها بهدوء يوافقوا لان مش هانحل الغلط بغلط اكبر ~~~~ ## كلمه اخيره توجهينها لمن وقعو أو سيقعون في ضعف مرحلة المراهقه ؟ اى غلط بيكون صغير فى اوله ممكن تخطيه وعلاج نتايجه لكن التمادى فيه بيوقعنا فى مشاكل اكبر ممكن تخسرنا مستقبلنا وشكلنا قدام المجتمع ابنى شخصيتك بشكل يفيد نفسك ويقويها مش يدمرها ويقضى على احلامك كل مرحله ليها مشاكلها ومميزاتها ولازم تتقبل ده وماتستعجلش لانك شكلك هايكون مش مناسب زى اللى بيلبس لبس اكبر من مقاسه اكيد هايكون محل انتقاد من الناس وتمسك بدينك وصلاتك لانها خير حافظ لك وخلى علاقتك بوالديك دايما قويه واحكى ليهم عن كل مشاكلك لانك مش هاتلاقى حد يخاف عليك اكتر منهم ويفيدك ~~~~ في الختام .. اشكركِ اختي منه على قبولك للدعوه أسعدتينا وأنرتينا بتواجدك الراقي القيم انا اللى بشكرك على الدعوة الجميله وسعدت جدا بالاسئله واتمنى تكون الاجابات نالت اعجابكم ودى بتعبر عن وجهة نظرى مش اكتر واتمنى التوفيق للجميع ~~~~ ولنا لقاء في حدث اخر .. وآحداثٌ من الحيآه .. نلقاكم على خير دمتم بحما الرحمن ~~~ ~~ ~ |
حلو الموضوع جدا والاسئله مهمه جدا ومفيده وكمان اجابات اختنا دمعه طيبه ومثمره كعادتها مجهود طيب منك اختى الفاضله مشكورين على الموضوع الجميل تحيتي |
مشكورة اختى على احلى استضافة اختنا دمعة اجاباتك خفيفة ومفيدة دائما متميزة اختى تقبلوا مرورى |
اشكرك رنين على الحلقة الجميلة جدا واختيارك كان مميز جدا لموضوع الحلقة وياريت تكملى فى البرنامج دا ونشوف ضيوف وقضايا تانية الفترة القادمة اتمنالك التوفيق دائما تحياتى |
تناولتي قضي مهمه جدااااااااواخترتي ضيفه رائعه عبرت بشكل راقي عن مرحله المراهقه وفعلا السبب الرئيسي يتمحور على اساس التربيه يعني ماينفع نراقبهم فقط في المراهقه لان دي اخطر مرحله وراح يفهم انها تكتيم وانها تعقيد وبيكون كل ممنوع لديه مرغوب لذلك لابد لكل ام واب يتعاملو مع ابناهم كا صديق يغذيه منذ الطفوله على السلوك الطيب ويتابعه حتى يتعود على متابعه اهله له لان لو جت المتابعه فجاه راح تاثر على نفسيته والافضل تكون المتابعه منذ الصغر والصداقه مع الابن والابنه على حسب مراحلهم العمريه وفعلا الزواج العرفي ناتج عن فيض المشاعر والجهل وهنا لازم تكون الام والاب اصدقاء الى ابنائهم حتى يحكي كل شي الى اهله ويسهل متابعته والتحكم في اخطائه بجد عجبتني اوي وان شالء الله نشوف افضل متابعين ولو عندهم اسئله اضافيه يطرحوها على الضيف معاهم 3 ايام بجد موضوع راقي يستحق التقييم بالتوفيق حبيبتي يارب |
أشكرك أخت رنين فعلا موضوع مهم للغاية وأعتقد أنه من أكبر المشاكل التى تواجه الشباب والفتايات على حد سواء فى سن المراهقة وطبعا مشاكل تتولد منها العديد من الهموم العضال التى تأرق الأباء وبقية الأسرة وتعرضهم للخجل والعقد النفسية بارك الله فيك لمستى ماهو ذات أهمية الأخت منة فعلا كانت على قدر المسئولية ولهاباع طويل فى العديد من مناحى الحياة وقد أجابت بأقوال وحلول منطقية جدا وكأنها قاضى مخضرم ومرت عليه تلك المشاكل كثيرا فهى حكيمة وضالعة فى حل المواضيع المعقدة سلمك الله اختى منة ودمت حلالة عقد وأيضا مبدعة عظيمة لكما تحياتى وودى رفعت |
حوار رائع ومميز وقضية جميلة للنقاش ومهمة ... إضافة راقية لأخت نكن لها كل تقدير وإحترام ولمضيفية مميزة دوما ً كل التقدير لكم دمتم بألف خير |
عين العقل ي منونة ^^ كلام جميل ^^ :) مين يسمع بقه .. وكمان عجبني طريقة معالجتك للمشاكل اللي ممكن تقابلك :) بجد حلقة حلوة ي زوزو ^^ وتسلمي ع الاستضافة الحلوة دي :* موفقين ي بنوتات :* ارق تحياتي |
مجهود جميل تسلم ايدك واجابات المبدعة فى محلها سؤال لمنة هل تحكمين على الانسان من سنه اى بم ان مرحلة المراهقة مرحلة تغيرات واضطرابات هل نظرة المجتمع للمراهق او نظرتك الشخصية انه قادر انه يقيم احداث فى حياته ويقدر يحل مشكلاته ام ان المراهق دوما مخطىء وتحياتى لكم |
فى البدايه بشكرك رنين على الاستضافه وبشكر كل الاخوة اللى اللى تواجدوا واعتز برائيكم جدا اقتباس:
من طريقه تفكيره وكلامة وكتير شوفت ناس فى مرحلة المراهقه وتفكيرهم ناضج واكبر من سنهم ونتيجة لثقافتهم بيقدروا يتخطوا المرحله دى بسلام ومن غير مشاكل وعن تجربه اخدت رائى البعض منهم برغم صغر سنهم لكن كانت بتعجبنى آرائهم وبعمل بيها وبيكونوا سعداء جدا لما بيلاقوا التفاهم ده بيديهم ثقه كبيره فى نفسهم اشكرك على المداخله نورتينا |
| الساعة الآن 07:51 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب