منتديات بنات مصر - رحلة مع متخصص / ياسمينا !! (مسابقة مستضيف وضيف ومتابع )

منتديات بنات مصر (https://forums.banatmasr.net/)

- منتدى يوميات الاعضاء (https://forums.banatmasr.net/f61/)

رحلة مع متخصص / ياسمينا !! (مسابقة مستضيف وضيف ومتابع )

أحبتى فى الله
السلام عليكم ورحمة الله وبركاته
أحيكم وأرحب بكم متمنيا لكم كل الصحة والعافية
داعيا الله أن يغمركم بكل ماهو يسعدكم ويملأ قلوبكم
بهجة وفرح وسرور
واسمحولى أن ألتقيكم وأنا أحمل لكم كل ود ومحبة وشوق
وحنين لرؤياكم والتمتع بسماع صوتكم وذاك ماأتمناه
لأقضى معكم دقائق معدودات أسعد بها متقمصا دور مذيع
وليست هذه مهنتى فأقدم عذرى إن رأيتم تقصيرى وجهلى
وخاصة معى سيدة المذيعين والمذيعات ولها باع طويل فى هذا
المجال حيث أنهنا ذات صيت ملأ أركان معظم القنوات الفضائية فى سماء منتديات بنات مصر
وحتى لاأطيل على مسامعكم أرجو أن ترحبوا معى بالأخت
ذات المواهب المتعددة والمهن المتخصصة فهى من الأقلام الواعدة ونقاء ينزف مدادا
وسلالات متدفقة من فيض العطاء
أبجديات متفردة
تتناثر عبر سطور اللغة
وألحان معزوفة بتغاريد الحب
يدونها القلم على السطور
فراشات محلقة بين خفايا الذات
ونجوم تتألق فيسطع نورها لتنير غسق الدجى
بصمات توقع على الأوراق البيضاء
فتتلون بطيب الهمس
هذا أنتم أيها المبدعون
هنـــــــــــا
وفى هذه الزاوية يسعدنى وإياكم خوض بحار التخصص
واكتشاف درر المعرفة لنستخرج كنوز ولآلئ
معى ومعكم المتخصصة فى عالم الطفولة الرحب والمتنوع
أختى مشرفة قسم الطفل الأستاذة / ياسمينا
ياسمينا !!

مشرفة عالم الطفل

ونبدأ الكلام بذكر الله ونقول

والسلام عليك ضيفتنا الفاضلة الأخت ياسمينا
وعليكم السلام ورحمة الله وبركاته
واجب الترحيب فى الأول
أهلا بيك وشرفتينى ونورتى المكان
وأشكرك على قبول الدعوة
أهلاً بيك يا رفعت ومرسي ليك إنت علي الإستضافه تسلم المكان منور بيك وبالأعضاء
وأسألك سؤالك اللى ديما تقوليه لضيوفك فى برامجك
تحبى تشربى إيه

مش لازم اديهم واجب الضيافه يعني
أشرب نسكافيه
آسف لأسباب فنية مش هأدر أبين الفنجان
تفضلى بالهنا والشفا
السؤال الأول وبعيد عن التخصص
بطاقتك الشخصية
س ـ ممكن نعرف أسمك الحقيقى ؟
نقول ياسمين
س ـ ماهو سر أختيار لقبك ياسمينا؟
قريب من إسمي
س ـ عرفينى المسكن علشان البلطجية يعرفوا طريقك ؟
ههههه بلطجيه مره واحده شكلك بتعزني يا رفعت وعاوز تخلص مني محافظة القليوبية.
طبعا بعزك جدا لأنك شخصية فاضلة والكل يكن لك المودة والإحترام .
س ـ ماهى شهادتك الدراسية أم مازلت تدرسين ؟
ياااه مخلصه من زمان بكالريوس خدمه إجتماعيه وبشتغل أخصائيه إجتمااعيه
وأكيد الإخصائية تعرف أسرار الأطفال وأمهاتهم وهو ده المطلوب
س ـ ممكن تعرفينا حالتك الإجتماعية : مخطوبة ، متزوجة ، ولا بتفكرى ؟
متزوجه وعندي طفل إسمه يوسف عنده 3 سنوات
ربنا يباركلك فيه ويخاويه ويبارك فى بباه

كنت قلت أجبلك البطاقه وأريح نفسي هههه
لأ كفاية كده عرفنى الإسم والعنوان وأكيد هعرف المسكن علشان تكمل المهمة ونعرف نسرقك
أشكرك على التوضيح والتفصيلات الدقيقة
وتعالى نروح على تخصص حضرتك وهو قسم الأطفال :
ليه تم أختيارك لتكونى مشرفة فى القسم ده ؟
والله مش عارفه السبب بس في الفتره دي كانت إيمي عاملة حملة لتنشيط القسم فإشتركت فيها بعديها لقيت ضياء بعتلي يقول اني بقيت مشرفة لقسم الطفل.
وبإعتبار حضرتك مشرفة والمفروض أكثر من غيرك تدخلى القسم فى كثير من الأحيان هلت أزدت خبرة من خلال مايكتب الأعضاء ؟
آه فعلا ً في حاجات مش كنت أعرفها فعلا ً اكتسبت معلومات وخبره من مواضيع الأعضاء
بتشوفى فعلا القسم بيخدم الطفولة أقصد الأمهات وهن المعنيات بكل جديد يخص أطفالهن ؟
أه الأعضاء بتطرح في القسم مواضيع قيمه ومفيده وأكيد اللي يدخل القسم هيستفاد كتير أنا عن نفسي بستفاد منه.
هل ترى مايكتب فعلا يقرأ بأهمية ويجد من يتابعه ؟
بصراحة لآ قليل اللي بيتابعو القسم وبيدخلوه دايما وأحيانا تلاقي ردود سريعه كدا فأكيد الرد دا بيعبر علي ان صاحبه مش قرأ الموضوع أصلا ًوأعتقد إنك ملاحظ دا لإنك متابع القسم دايما.
طبعا المواضيع فى القسم متنوعة ومتعددة ماهى نوعية المواضيع التى تطرح فى القسم لها أهمية أكثر من وجهة نظرك ؟
كل المواضيع اللي بتهتم بصحة الطفل وكيفية التعامل معاه وبالذات المواضيع اللي بتخص الحالة النفسيه للطفل لانها بيكون ليها تأثير كبير علي شخصيته
هل التجارب والتى تكتبها الأمهات بإعتبار أنهن عايشن التجربة بأنفسهن تكون لها مردود أكبر من الكتابات الأخرى ؟
أكيد طبعا ً التجارب الشخصيه بتكون أفضل بكتير من النقل بدون تجربه وبصراحه أنا من وقت ما بقيت مشرفة مش أتذكر إني لقيت أم كتبه عن تجربتها الشخصيه مع أطفالها
هل تعتقدين الكتابات الطبية والتى أراها أكثر من غيرها تستفيد منها الأمهات حقا ؟
أكيد طبعا ً أي موضوع فيه فائده أكيد هتستفيد منه الأم بس المهم إننا فعلا ً نقرأ الموضوع بجد مش يكون مجرد نظره عابره وكتابة رد وخلاص
من وجهة نظرك ماهى المواضيع التى يجب عليها التركيز أكثر من غيرها ؟
في رأئ كل المواضيع مهمه مادامت تفيد الأم وتكسبها خبره في كيفية التعامل مع أطفالها
تفتكرى المسابقات التى توجد فى القسم كافية وتساعد على دخول الأعضاء بشكل معقول وتساعد على تنشيط القسم
أعتقد كافيه انا كل فتره بنزل مسابقه في القسم دا غير المسابقه اللي بنزلها مرتين في الإسبوع وغير البرنامج اللي بستضيف فيه عضو كل إسبوع
هل أنت راضية عن نفسك وترى وجودك مع زميلتك المشرفة أختنا الفاضلة يجعل القسم فى تقدم وتحسن مستمر ؟
أنا بعمل اللي بقدر عليه وراضيه عن نفسي والحمد لله لإنه لو بإمكاني إن أعمل أكتر من كدا أكيد كنت عملت
ماهو الشيئ التى أنت غير راضية عنه فى القسم ؟
أكتر حاجه بتضايقني الردود السطحيه يعني مشكور وتسلم الأيادي ياريت فعلا ً نقرأ ونرد بجد وكمان لما ألاقي مواضيع فعلا ً متعوب فيها ومش يهتم حد بيها وقليل جداً اللي يرد
وماهو الجديد والذى تعديه وتنوى تفعيله فى الأيام القادمة ؟
إن شاء الله في مسابقة قريب جداً تبع الأطفال بس مش في قسم الطفل
وأخيرا ماهى الأمنية التى تتمنيها لقسم الطفل ؟
أتمني أن القسم يكون في تقدم مستمر ولو فيه أي تقصير مني فأنا بعتذر عليه وإن شاء الله يكون فيه نشاط دائماً وبشكر كل الأعضاء اللي بتتواجد في القسم
أشكرك على قبول الدعوة وأتمنى لك التوفيق ودوام النشاط والصحة
شرفتينى وسعدت بوجودى مع شخصك الفاضل .

تسلم يا رفعت مرسي ليك جدا ً
وأتمني أن الحلقه تكون خفيفه ع الأعضاء
وتنال اعجابهم

مشكور اخى على الحلقة

حلقة جميلة وخصوصا لم تكون حلقة ضيفتها
اختى غالية وحبوبة زى ياسمين
ربنا يخليلك يوسف
مشكور اخى

اقتباس:

المشاركة الأصلية كتبت بواسطة ملٱك ٱلروِحً (Post 3822708)

أشكرك أختى الفاضلة / سمر
شرفتينى ونورت الحلقة والمكان
تقبلى تحياتى وودى
رفعت

حوار راقي ومتميز ...
وعاوز أضيف حاجة بخصوص تخصص أختنا ياسمين
خدمة إجتماعية أو علم إجتماع
التخصص دا تخصص رائع
أنا صحيح تخصصي هندسة كيميائية
لكن قرأت كثيرا ُ من باب الثقافة العامة في هذا التخصص
مقدمة إبن خلدون ...
اوغست كونت ... نظريات علم النفس والاجتماع
ومكونات الشخصية الشعور واللاشعور
التحليل النفسي ...
التخصص دا يهتم بكل مراحل العمر
في المستشفيات في النوادي
في المدارس
في الجيش
في النهاية
ربنا يوفقك يا أختي ياسمين
ويبارك في عمرك وفي أسرتك الكريمة
وكل الحب والتقدير لأخي وحبيبي
رفعت ...
دمتم بألف خير

اقتباس:

المشاركة الأصلية كتبت بواسطة مِسكُ الشَهادة (Post 3822851)

يخجلنى فيض ودك وعظيم علمك ومشاعرك الرقراقة
أزادك الله من عطائه ونواله
بارك الله فيك أخى الحبيب خالد
يستنير قلبى ومكانى برقى حضورك ومرورك
لاحرمنا الله من وصلك
كل المنى لك
تقبل تحياتى وودى
رفعت

مرسي ليك يا رفعت
يارب وربنا يخليك ويبارك فيك يارب
وتسلم علي المقدمه والكلام الجميل دا
بس فين النسكافيه بقي
ينفع كدا شكلك بتعزم كدجا وخلاص ههههههه
أتمني أن الحلقه تكون خفيفه
وتنال اعجاب الأعضاء
دمتم بخير وسعاده

اقتباس:

المشاركة الأصلية كتبت بواسطة ملٱك ٱلروِحً (Post 3822708)

تسلمي حبيبتي
يارب ربنا يخليكي ويسعدك يارب
أسعدني مرورك جدا ً
نورتي حبيبتي

اقتباس:

المشاركة الأصلية كتبت بواسطة مِسكُ الشَهادة (Post 3822851)

معاك حق أخي هو تخصص رائع
أنا سبت كلية تربيه ورحت ليه
لإني فعلا حبه المجال دا لأنه بيكون ليه
دور ومهموبيفيد ناس كتير جدا ً
تسلم أخي
ربنا يبارك فيك ويخليك يارب
أسعدني مرورك جدا ً
نورت التوبيك
دمت بخير وسعاده

اقتباس:

المشاركة الأصلية كتبت بواسطة ياسمينااا (Post 3824185)

بارك الله فيك أختى الفاضلة ومشرفتنا الرائدة / ياسمينا
طبعا مهما قلت فى حقك مش هقدر أوفى جمايلك
وكمان أنت أهل للتقدير والتبجيل وليس مجاملة
وآسف على عدم ظهور القهوة
حيث عندى مشكلة تأرقنى كثيرا
وهى كلما وضعت أى صورة لايرفع التوبيك
حتى بتلاحظى مافيش توقيع بتاعى بسسب المشكلة دى
ياريت تتكرمى وتحليها بعت للأخت حوراء وقالت كلمت الدكتور طارق وللأسف لم أجد من يساعدنى
شرفت ونورت المكان عظيمتنا ياسمينا
تحياتى وودى
رفعت

يسلمو الاسئلة مرة حلوة
انا احب الاطفال واستمتعت بهذة
الحوار الراقي من الاخت ياسمينا
ام يوسف
تسلم اخ رفعت